Fréttablaðið - 22.08.2006, Blaðsíða 54

22. ágúst 2006 ÞRIÐJUDAGUR42
1
6 7 8
10
13
119
12
15
16
18
21
20
17
14
19
2 3 4 5
VEISTU SVARIÐ
Svör við spurningum á bls. 8
1 Sólveig Pétursdóttir.
2 73 ára.
3 Óskar Bjartmarz.
LÁRÉTT: 2 íþrótt 6 tveir eins 8 elds-
neyti 9 útsæði 11 hljóta 12 spergill
14 gerir við 16 hvað 17 angra 18
kærleikur 20 til 21 málmur.
LÓÐRÉTT: 1 tefja 3 klafi 4 vegsama
5 hamfletta 7 ólmast 10 hrópa 13
temja 15 flokka 16 rámur 19 á fæti.
LAUSN:
LÁRÉTT: 2 golf, 6 ææ, 8 kol, 9 fræ, 11
fá, 12 aspas, 14 lagar, 16 ha, 17 ama,
18 ást, 20 að, 21 stál.
LÓÐRÉTT: 1 þæfa, 3 ok, 4 lofsama, 5
flá, 7 ærslast, 10 æpa, 13 aga, 15 raða,
16 hás, 19 tá.
FRÉTTIR AF FÓLKI
Um helgina fóru fram lokaðar prufur fyrir framhaldsmyndina Hostel 2
sem bandaríski hryllingsmyndaleikstjór-
inn Eli Roth leikstýrir en eins og greint
hefur verið frá í Fréttablaðinu verður
hluti myndarinnar tekinn upp hér á
landi. Nokkrir af helstu ungu leikurum
landsins voru boðaðir í prufur
en tvö veigamikil hlutverk
eru í boði: Alex, sem er ung
geðþekk fyrirsæta en hitt er
mafíósahlutverk. Kvik-
myndafyrirtækið True
North hefur veg og
vanda af tökunum
hér á landi og sá
um að undirbúa
leikaraprufurnar.
Aðstandendur fyrirtækisins voru mjög leyndardómsfullir þegar Fréttablaðið
hafði samband en samkvæmt heim-
ildum blaðsins komu nokkrar af helstu
leikkonum okkar Íslendinga til að reyna
sig við hlutverkið. Meðal þeirra voru þær
Halla Vilhjálmsdóttir, sem verður kynnir
í X - Factor á Stöð 2, og Lilja Nótt sem
sló eftirminnilega í gegn í kvikmyndinni
Strákarnir okkar. Þá voru þær Elma Lísa
Gunnarsdóttir, Dóra Jóhannes-
dóttir og Ragnhildur Steinunn
Jónsdóttir einnig beðnar um
að mæta en væntanlega
verður tilkynnt um
niðurstöðuna fyrir helgi.
Tökurnar hefjast 11.
september og er reikn-
að með að þær standi
yfir í níu vikur.
Færustu hrútaþuklarar landsins
leggja nú lokahönd á undirbúning
fyrir árlegt meistaramót í hrúta-
þukli sem haldið verður á Strönd-
um um helgina. Fer mótið fram í
Sauðfjársetrinu í Sævangi,
skammt sunnan við Hólmavík,
og má eiga von á að hundr-
uð manna leggi
leið sína á
mótið.
„Í fyrra komu
um þrjú hundruð
og við búumst við þeim fjölda, þótt
ekki keppi nema svona sextíu til
sjötíu. Hinir eru bara að koma að
sýna sig og sjá aðra,“ segir Jón
Jónsson, skipuleggjandi meistara-
mótsins. Keppt er í tveimur flokk-
um, flokki reyndra hrútadómara og
þeirra sem eru óvanir í hrútaþukli,
og segir Jón að Strandamenn séu
færir í hrútadómum enda sé svæð-
ið þekkt fyrir sauðfjárrækt. „Eitt
árið unnu heimamenn en síðustu ár
hafa utanhéraðsmenn unnið okkur
Strandamenn í þessu, bara komið
og hrifsað verðlaunin,“ segir Jón.
Hann bætir við að í flokki reyndra
hrútadómara vinni yfirleitt bænd-
ur þótt vinningshafi síðasta árs hafi
einnig verið kjötmatsmaður.
Handhafi meistaramótstitilsins
heitir Björn Þormóður Björnsson
á Ytra-Hóli í Vindhælishreppi og
segir Björn að vel geti farið svo að
hann taki þátt í mótinu um helg-
ina. Aðspurður segist hann þó ekki
fara þangað til að verja meistara-
titil sinn. „Engum hefur tekist að
verja titilinn, enn sem komið er.
Það er ekkert gefið í þessu fyrir-
fram, þeir eru eldklárir margir í
þessu,“ segir Björn sem bætir við
að keppnin sé nú aðallega gerð til
gamans og úrslitin geti því fallið
hvernig sem er. Björn segir að
keppnin snúist alls ekki eingöngu
um hrútaþukl heldur þarf einnig
að nota augun og fleira. „Mér
þykir hrútaþukl vera hálf skrítið
orð, þetta eru eiginlega bara hrúta-
dómar,“ bætir Björn við. -at
Margir eldklárir keppa í hrútaþukli
KEPPT Í HRÚTAÞUKLI Um næstu helgi er
árlegt meistaramót í hrútaþukli haldið í
Sauðfjársetrinu í Sævangi á Ströndum.
Baltasar Kormákur náði ekki að
skora mark fyrir Neista á Hofsósi
í sumar, eins og hann ætlaði
sér, en síðasta umferð 3.
deildar karla í knatt-
spyrnu var leikin um
helgina. Baltasar hefur
þrjú síðustu ár leikið
með liði Neista og þegar
Fréttablaðið ræddi við
hann fyrr í sumar var
hann staðráðinn í því að
skora mark. Það tókst hins
vegar ekki.
„Ég spilaði ekki
einn einasta
leik eftir að
ég talaði
við ykkur
síðast. Ég
gat því
miður
ekki
spilað
þar
sem ég hef verið upptekinn við
vinnu vegna myndarinnar,“ sagði
Baltasar í samtali við Frétta-
blaðið í gær en hann er að
leggja lokahönd á kvik-
myndina Mýrina sem
frumsýnd verður innan
skamms.
Neista frá Hofsósi
gekk ekki sem skyldi í C-
riðli 3. deildar karla í
sumar. Liðið vann einn
leik, gerði tvö jafntefli og
tapaði tólf. Markatala liðsins var
heldur ekkert til að hrópa húrra
fyrir – skoraði 10 mörk en fékk 71
á sig.
Baltasar telur þó ekki að gengi
liðsins hefði verið betra ef hann
hefði leikið með því. „Það hefði
engu breytt þó að ég hefði verið
með. Annars er þetta ágætis
árangur hjá liðinu og ætli við
höfum ekki verið sigurvegar í
öllum leikjum sumarsins miðað
við mannfjölda,“ segir Baltasar en
aðeins um 170 manns búa á Hofs-
ósi.
Baltasar, sem fór frá Breiða-
bliki til Neista á frjálsum samn-
ingi í júlí 2003, náði aðeins að leika
tvo leiki með Neista í sumar.
Mark Duffield hefur verið sam-
herji Baltasar hjá Neista en hann
setti nýtt met á laugardaginn var
þegar hann lék 400. deildarleik
sinn á Íslandsmótinu í knatt-
spyrnu. - kh
Baltasar náði ekki að skora
KNATTSPYRNUKAPP-
INN KNÁI Baltasar
Kormákur náði aðeins
að leika tvo leiki
með Neista frá
Hofsósi í sumar.
Hann kom inn á
sem varamaður
í eina sigurleik
liðsins – í 2-1 sigri
gegn Snæfelli.
HRÓSIÐ
... fær Birna Þórarinsdóttir sem
er fyrsta íslenska konan til að
hljóta námsstyrk frá Alþjóðaör-
yggissamtökum kvenna.
„Vá, þú ert að segja mér fréttir. Ég
er orðlaus,“ segir Guðrún Krist-
mundsdóttir þegar Fréttablaðið
tilkynnti henni að pylsubarinn
hennar Bæjarins bestu hefði verið
valinn einn af fimm bestu matsölu-
turnum í Evrópu af breska dag-
blaðinu The Guardian. Í fyrsta
sæti var skoskur hafragrauta-
standur sem ferðast um markaði
og útihátíðir í Skotlandi og selur
hafragraut með allskyns meðlæti.
„Mér finnst mjög fyndið að hafra-
grautur skuli vera fyrir ofan
okkur,“ segir Guðrún hlæjandi en
íslensku pylsurnar hennar hafa
verið mjög vinsælar meðal ferða-
manna og landsmanna svo lengi
sem elstu menn muna. The Guard-
ian segir að flestallir Íslendingar
hafi smakkað pylsurnar og telur
blaðið að leyndardómurinn á bak
við pylsurnar sé remúlaðið ofan á,
en því er lýst í blaðinu sem leynd-
ardómsfullri og bragðgóðri sósu.
Pylsubarinn á Tryggvagötu er
sá vinsælasti enda er opið lengi
eða til sex á morgnana um helgar.
Síðan eru starfræktir tveir pylsu-
barir til viðbótar í Skeifunni og í
Smáralind.
Guðrún segir að koma Bills
Clinton á Bæjarins bestu fyrir
tveimur árum hafi aukið hróður
pylsubarsins á heimsvísu. „Það
eru margir frægir sem koma á
pylsubarinn við Tryggvagötu.
Hljómsveitin Metallica kom til
okkar og fékk sér pylsu og hafði
orð á því hversu gott það væri að
fá að vera í friði að borða en grey-
ið Bill fékk ekki að vera í friði
fyrir æstum blaðamönnum og
fylgdarliði,“ segir Guðrún og
bætir því við að hún haldi að flest-
allir útlendingar sem komi til
landsins fari og fái sér pulsu hjá
sér. Þeir spyrja mikið um pylsurn-
ar enda óvanir því að pylsur séu
gerðar úr jafn miklu gæðahráefni
og á Bæjarins bestu en þar er
notað íslenskt lambakjöt í staðinn
fyrir svínakjöt eins og gert er í
útlöndum.
Guðrún segist ekki fá neinar
kvartanir frá fólki nema frá
Dönum sem eru óánægðir með það
að geta ekki keypt sér með bjór
með pulsunni. „Það er eina kvört-
unin sem ég hef fengið en ég ætla
þó ekki að fá mér vínveitingaleyfi.
Það er nóg af stöðum í kring sem
selja áfengi,“ segir stoltur eigandi
Bæjarins bestu.
alfrun@frettabladid.is
GUÐRÚN KRISTMUNDSDÓTTIR: REKUR NÆSTBESTA MATSÖLUTURN EVRÓPU
Selur bestu pylsur í Evrópu
STOLTUR EIGANDI Guðrún Kristmundsdóttir er himinlifandi yfir þessum fregnum og segir
mikið álag vera á pulsuvagninum enda koma margir og fá sér pulsu allan sólarhringinn.
FRÉTTABLAÐIÐ/VALLI
BILL CLINTON Fyrrum forseti Bandaríkjanna
jók hróður pulsuvagnsins til muna þegar
allur heimurinn fylgdist með honum gæða
sér á Bæjarins bestu pulsu sem stendur
svo sannarlega undir nafni. FRÉTTABLAÐIÐ/GVA
Sterkur orðrómur er nú meðal leik-listarfólks að Þorvaldur Davíð Kristj-
ánsson hafi ákveðið að hætta námi við
leiklistardeild Listaháskóla Íslands eftir
eins árs nám. Þegar Fréttablaðið náði
tali af Þorvaldi Davíð neitaði hann að tjá
sig um málið og Ragnheiður
Skúldadóttir, deildarforseti
leiklistardeildarinnar, sagðist
ekki ræða mál einstakra
nemenda. Ekki er enn
ljóst hvað Þorvaldur
hyggst taka sér fyrir hend-
ur en samkvæmt heim-
ildum blaðsins stefnir
hugurinn til útlanda og er
drengurinn spenntur fyrir
Bandaríkjunum. Hann mun
þó ekki hafa sótt um skóla
enn sem komið er og
getur því ekki hafið nám
erlendis fyrr en á næsta
ári. - fgg
F
í
t
o
n
/
S
Í
A