Fréttablaðið - 28.10.2006, Side 10

10 28. október 2006 LAUGARDAGUR
ÞÝSKALAND, AP Nærri því ár er liðið
síðan Gerhard Schröder kvaddi
kanslarastólinn í Berlín, en andlit
hans er nú alls staðar í þýskum
fjölmiðlum. Schröder er nú í
kynningarherferð fyrir nýútkomna
æviminningabók sína, „Ákvarðan-
ir: Líf mitt í stjórnmálum“.
Kanslarinn fyrrverandi hélt á
fimmtudag blaðamannafund í
höfuðstöðvum þýska Jafnaðar-
mannaflokksins, sem hann fór
áður fyrir. Við taka 28 bókarkynn-
ingarfundir um landið þvert og
endilangt.
Sumir fyrrverandi pólitískir
samherjar Schröders höfðu ráðið
honum frá því að birta minningar
sínar svo skömmu eftir að hann lét
af embætti, en hann hefur ekki látið
slíkar ráðleggingar aftra sér frekar
en gagnrýnina sem hann fékk á sig
fyrir að þiggja strax stjórnarfor-
mennsku í rússnesk-þýska fyrirtæk-
inu sem vinnur að því að leggja
gasleiðslu um Eystrasalt frá
Rússlandi til Þýskalands. Tímasetn-
ing útgáfunnar er annars vel valin
að því leytinu, að vinsældir arftak-
ans í kanslaraembættinu, Angelu
Merkel, hafa dalað hratt að undan-
förnu. - aa
AFTUR Í SVIÐSLJÓSIÐ Kanslarinn fyrrverandi
á blaðamannafundi í Berlín í gær.
FRÉTTABLAÐIÐ/AP
Gerhard Schröder aftur í sviðsljósið í Þýskalandi:
Ævin á bók ári eftir valdatap
MENNTAMÁL ,,Það kemur ekki á
óvart að menntamálaráðherra sé
hliðhollur tillögum umræðuhóps,
sem hann hefur skipað sjálfur, um
aukna einkavæðingu í skólakerf-
inu,“ segir Mörður Árnason, þing-
maður Samfylkingarinnar, um nið-
urstöður umræðuhóps, sem
starfað hefur á vegum mennta-
málaráðuneytisins, um umbætur í
málefnum háskóla sem kynntar
voru á ráðstefnu í húsi Orkuveit-
unnar á miðvikudaginn.
Í niðurstöðum umræðuhópsins
kemur meðal annars fram að
háskólar þurfi að taka sér stjórn-
unarhætti úr almennu atvinnulífi
til fyrirmyndar, að bein framlög
fyrirtækja til háskóla verði frá-
dráttarbær frá skatti og að ,,óhjá-
kvæmilegt“ sé að ræða skólagjöld
í háskólum.
Kolbrúnu Halldórsdóttur, þing-
manni vinstri grænna, finnst
,,grunnhyggið“ að líkja háskólum
við starfsemi fyrirtækja á mark-
aði sem rekin eru út frá arðsemis-
sjónarmiðum. Mörður tekur í
sama streng: ,,Meginhlutverk
háskóla eru ekki viðskipti heldur
söfnun og framþróun þekkingar.“
Mörður er hlynntur því að bein
fjárframlög fyrirtækja til háskóla
séu frádráttarbær frá skatti, en
með ákveðnum fyrirvörum: ,,Það
gengur ekki að fyrirtæki geti
komið sér undan skattgreiðslum
með því að veita háskólunum fé til
að vinna rannsóknarvinnu eða
annað sem þeir myndu annars
þurfa að gera sjálfir. Hættan er
einnig sú að ef prófessorar háskól-
anna gera eitthvað sem fyrirtækj-
unum líkar ekki, þá hætti fyrir-
tækin að styrkja skólana. Ég legg
áherslu á nauðsynlegt sjálfstæði
háskóla svo að fyrirtæki geti ekki
stjórnað starfi þeirra.“ Kolbrún
telur hugmyndina varasama:
,,Fyrirtæki gætu kosið að veita
bara fé til einkaskólanna því auð-
veldara sé að hafa áhrif á þá. Rík-
isvaldið á frekar að veita meira fé
til háskólanna,“ og bætir því við
að hún sé ,,alfarið á móti skóla-
gjöldum við háskóla“.
Mörður telur skólagjöldin hafa
hjálpað fjárhag skóla sem hafa
tekið þau upp en að þau hafi líka
skapað vandamál. Ungt fólk þurfi
að geta stundað háskólanám í sem
flestum fögum án þess að greiða
fyrir það: ,,Við höfum lagt áherslu
á að ekki séu skólagjöld í ríkis-
reknum háskólum, til dæmis í HÍ
og HA. Nemandi þarf að eiga kost
á því að fara í nám skólagjalda-
laust. Það er spurning um jafnrétti
til náms.“ ingi@frettabladid.is
Skólagjöld draga úr
jafnrétti til náms
Þingmenn stjórnarandstöðu eru ósammála niðurstöðum umræðuhóps um um-
bætur í málefnum háskóla. Þeir telja ekki heppilegt að háskólar séu starfræktir
eins og einkafyrirtæki. Skólagjöld megi ekki koma í veg fyrir háskólanám.
KOLBRÚN HALLDÓRSDÓTTIR Telur að
frekar eigi að veita meiru af opinberu
fé til menntamála en að fyrirtæki styðji
skólana með fjárframlögum.
MÖRÐUR ÁRNASON Segir hættuna vera
þá að efnaminna fólk komist ekki til
náms verði háskólanum breytt.
CHIRAC Í KÍNA Jacques Chirac
Frakklandsforseti og Wu Bangguo,
formaður allsherjarnefndar kínverska
þjóðþingsins, á fundi í Alþýðuhöllinni
í Peking. Í för með Chirac eystra er
fjölmenn frönsk viðskiptasendinefnd.
FRÉTTABLAÐIÐ/AP
STJÓRNMÁL Hlynur Hallsson gefur
kost á sér í forvali Vinstrihreyf-
ingarinnar - græns framboðs í
Norðausturkjördæmi fyrir
alþingiskosn-
ingarnar vorið
2007.
Hlynur
hefur þrisvar
tekið sæti á
yfirstandandi
kjörtímabili
sem varaþing-
maður. Hlynur
var formaður
svæðisfélags
VG á Akureyri frá árinu 2002 til
2004 og kosningastjóri VG í
bæjarstjórnarkosningunum á
Akureyri fyrr á þessu ári.
Hlynur hefur kennt við
Listaháskóla Íslands og Myndlist-
arskólann á Akureyri en fyrst og
fremst starfað sjálfstætt sem
myndlistarmaður. - sdg
Hlynur Hallsson:
Gefur kost á sér
í forvali VG
HLYNUR
HALLSSON
STJÓRNMÁL Gestur Svavarsson
gefur kost á sér í 2. til 3. sæti í
forvali Vinstrihreyfingarinnar -
græns fram-
boðs í sameigin-
legu forvali
flokksins í
Suðvesturkjör-
dæmi og
Reykjavíkur-
kjördæmunum
tveimur.
Gestur hefur
tekið þátt í
starfi vinstri
grænna, bæði sem stjórnarmaður
og formaður svæðisfélagsins í
Hafnarfirði. Gestur hefur einnig
setið í stjórn kjördæmisráðs
Suðvesturkjördæmis sem
meðstjórnandi og formaður, auk
þess að vera varamaður í stjórn
flokksins á landsvísu. - sdg
Gestur Svavarsson:
Gefur kost á sér
í 2. til 3. sæti
GESTUR
SVAVARSSON
STJÓRNMÁL Jóhann Björnsson
gefur kost á sér í forvali Vinstri-
hreyfingarinnar - græns fram-
boðs á höfuð-
borgarsvæðinu
vegna komandi
alþingiskosn-
inga og stefnir
á 2. sæti.
Jóhann
hefur verið
félagi í
Vinstrihreyf-
ingunni - grænu
framboði frá stofnun flokksins.
Skipaði hann áttunda sæti á
framboðslista flokksins við
síðustu borgarstjórnarkosningar.
Jóhann á sæti í stjórn Reykjavík-
urfélags VG og situr fyrir hönd
flokksins í barnaverndarnefnd
Reykjavíkurborgar. - sdg
Jóhann Björnsson:
Býður sig fram
í 2. sæti hjá VG
JÓHANN BJÖRNS-
SON
VINNUMARKAÐUR Alþýðusamband
Íslands gerir ráð fyrir að hagkerf-
ið nái mjúkri lendingu við lok
núverandi stóriðjuframkvæmda
og að það feli ekki í sér harkaleg-
an samdrátt þó að verulega hægi á
í efnahagslífinu. Jafnvægi náist
þó ekki sársaukalaust því að kaup-
máttur margra dragist saman og
gjaldþrotum fjölgi.
Í tengslum við ársfund ASÍ,
sem nú stendur yfir undir yfir-
skriftinni Hnattvæðingin á Nordi-
ca hóteli, hefur hagdeild ASÍ birt
hagspá fyrir 2007 og 2008. Í spánni
er gert ráð fyrir að hagvöxtur
verði lítill á árinu 2007 og að
atvinnuleysi aukist, gengið veik-
ist, stýrivextir lækki samhliða
lækkandi verðbólgu og dragi úr
viðskiptahallanum. ASÍ gerir ráð
fyrir að hagkerfið jafni sig þó
fljótt. Strax á árinu 2008 verði
hagvöxtur ágætur, verðbólga hóf-
leg, stýrivextir lægri og gengið
stöðugra. Hagkerfið nái með
öðrum orðum jafnvægi aftur á
árinu 2008.
Í hagspánni segir að hefjist
frekari stóriðjuframkvæmdir í
beinu framhaldi af núverandi
framkvæmdum í landinu nái hag-
kerfið ekki að jafna sig og það
kalli á áframhaldandi ójafnvægi
næsta áratuginn með mikilli verð-
bólgu, háum vöxtum og miklum
gengissveiflum sem þrengi að
launafólki og fyrirtækjum. - ghs
ASÍ birti hagspá fyrir árin 2007 og 2008 á ársfundi sínum:
Ójafnvægið getur aukist
BJARTSÝNI HJÁ ASÍ Hagdeild ASÍ er
bjartsýn og spáir mjúkri lendingu þegar
stóriðjuframkvæmdum lýkur.
FRÉTTABLAÐIÐ/GVA
Bjarni Már Gylfason, hagfræðingur
Samtaka iðnaðarins, segir að
hagspá ASÍ sé vel unnin og telur
að hagdeildin hljómi mjög
raunhæf og skynsamleg í
efnahagsspá sinni fyrir árin 2007
og 2008 en vonast til að
verðbólguspáin rætist ekki.
„Eina sem ég set spurninga-
merki við er að ASÍ spáir hærri
verðbólgu en aðrir. Það endur-
speglast kannski í því að ASÍ reiknar
með meiri óvissu í genginu og telur
frekar en aðrir að krónan falli. ASÍ
gerir ráð fyrir að verðbólgan minnki
en gerir samt ráð fyrir meiri
verðbólgu en aðrir,“ segir hann.
Hagfræðingur iðnaðarins:
Skynsamleg
efnahagsspá
HÁSKÓLANEMAR Háskólar eiga að taka sér stjórnunarhætti úr almennu atvinnulífi til
fyrirmyndar samkvæmt niðurstöðu umræðuhóps menntamálaráðherra.
REYKJAVÍK
Hafna gatnamótum
Borgarráð hefur hafnað hugmyndum
um að komið verið fyrir mislægum
gatnamótum við Bústaðaveg og
Reykjanesbraut.
Heilsuvernd í Mjóddina
Nú er áætlað að Heilsuverndarstöðin
við Barónsstíg hefji starfsemi í nýju
húsnæði í Mjódd í byrjun desember.
Flutningurinn tekur nokkrar vikur en
hann hefst um miðjan nóvember.