Fréttablaðið - 28.10.2006, Síða 74

L
jósmyndarinn Gunnar Svanberg lærði ljósmyndun í
Barcelona en lagði síðan leið sína til Flórens til að
læra grafíska hönnun. Þar byrjaði hann að vinna fyrir
blaðið Colors sem er mjög virt ljósmyndatímarit um
allan heim. Eftir mastersnám í hönnun sem hann tók á
methraða í Mílanó hélt Gunnar aftur heim til Íslands
og hefur nú tekið upp myndavélina á ný.
Nýjasta verkefnið hans heitir Aukahlutir eða „Human Spare
Parts“ og hangir nú til sýningar í Pompidou-safninu í París þar
sem verkin hafa vakið mikla athygli. Í þessari myndaseríu beinir
Gunnar linsunni að fólki sem þarf á hinum svokölluðu aukahlut-
um að halda.
„Ég heillaðist að þeirri hugmynd að ef líkaminn klikkar eitt-
hvað þá er bara hægt að skjótast út í búð og kaupa sér einn fót
eða hendi. Tæknin er orðin svo mögnuð og langaði mig að fanga
það á filmu,“ segir Gunnar Svanberg.
Myndirnar munu hanga uppi í í Pompidou-safninu til 6.nóv-
ember og eftir það munu þær eflaust birtast í Colors, en sýning-
in er haldin á vegum blaðsins. Gunnar finnst óþarfi að útskýra
myndirnar sérstaklega fyrir áhorfendum, og vill frekar leyfa
þeim að tala sínu máli. alfrun@frettabladid.is
Aukahlutir
líkamans