Fréttablaðið - 28.03.2007, Qupperneq 4

MARKAÐURINN 28. MARS 2007 MIÐVIKUDAGUR4
F R É T T I R
Bakkavör Group mun styrkja við-
skipta- og hagfræðideild Háskóla
Íslands um fimm milljónir á ári,
árin 2007, 2008 og 2009.
Þetta felst í samningi um efl-
ingu kennslu og rannsókna í
frumkvöðla- og nýsköpunarfræð-
um innan viðskipta- og hagfræði-
deildar.
Á móti skuldbindur viðskipta-
og hagfræðideild sig til að bjóða
fram kennslu í frumkvöðla- og
nýsköpunarfræðum. Ávallt skulu
vera kennd námskeið við deildina
sem taka mið af nýjustu þekkingu
í þeim fræðum. Þá skuldbindur
deildin sig til að stunda reglu-
bundnar rannsóknir á sviði frum-
kvöðla- og nýsköpunarfræða.
Stefnt er að samstarfsverkefnum
milli Bakkavarar og Háskólans á
þeim vettvangi.
Kristín Ingólfsdóttir rektor,
Ingjaldur Hannibalsson prófess-
or og Ágúst Guðmundsson, for-
stjóri Bakkavarar, undirrituðu
samninginn í gær. - hhs
Fimmtán milljónir
fyrir frumkvöðla
Þátttaka kvenna í frumkvöðla-
starfsemi er mun minni en karla
og fer minnkandi. Einungis fjórð-
ungur þeirra sem stunduðu frum-
kvöðlastarfsemi í fyrra voru
konur. Þetta er meðal þess sem
fram kemur í nýrri skýrslu um
umfang og umhverfi frumkvöðla-
starfsemi hér á landi í fyrra.
Skýrsla sem þessi kemur út ár-
lega, en í henni er frumkvöðla-
starfsemi í um 40 löndum könnuð
á samræmdan hátt. Um útgáfuna
sér Rannsóknamiðstöð HR í ný-
sköpunar- og frumkvöðlafræðum.
Úr samanburði milli landa má
meðal annars lesa að þátttaka ís-
lenskra kvenna í frumkvöðla-
starfsemi er sú lægsta í sam-
anburðarlöndunum og að í fyrra
hafi karlar verið þrisvar sinnum
líklegri en konur til þess að taka
þátt í slíkri starfsemi.
Umfang frumkvöðlastarfsemi
hér í fyrra var meira en í flestum
öðrum löndum í heiminum. „Það
var nokkuð meira en í hátekju-
löndunum í heild, talsvert meira
en annars staðar á Norðurlönd-
um (að Noregi undanskildum)
en sambærilegt við Bandaríkin,“
segir í niðurstöðum. Í fyrra unnu
um átta prósent þjóðarinnar á
aldrinum 18 til 64 ára, eða um 15
þúsund manns, að undirbúningi
nýrrar viðskiptastarfsemi. „Þetta
er talsvert hærra hlutfall en í
öðrum sambærilegum hátekju-
löndum og hefur farið hækkandi
hér á landi á síðustu árum. Þró-
unin er þó sú að fleiri undirbúa,
en færri láta slag standa,“ segir í
skýrslunni. - óká
Hér taka færri konur þátt
Íslenski millilagslánasjóðurinn
Carta Capital Mezzanine Fund
1 skilaði 1.160 milljóna króna
hagnaði í fyrra samanborið við
763 milljónir króna árið 2005.
Lánasafn sjóðsins sam-
anstendur eingöngu af millilags-
lánum, fjármögnun sem liggur
á milli hefðbundinna bankalána
og eigin fjár við skuldsett fyrir-
tækjakaup. Stærð þess nam 6.983
milljónum króna í árslok. Ávöxt-
un á meðalstöðu lánasafns var
19,5 prósent en arðsemi sjóðsins
hefur verið yfir meðalarðsemi
evrópska markaðarins.
Mikill vöxtur hefur verið í
veitingu millilagslána í Evrópu
á síðustu árum. Óx markaðurinn
um 27 prósent í fyrra en Carta
Capital stækkaði um 35 prósent
og lánaði sem svaraði til 3,8
milljarða króna. Sjóðurinn hefur
sérhæft sig í minni verkefnum,
lánum til smærri og meðalstórra
fyrirtækja, sem hafa skilað betri
arðsemi en þau stærri.
Horfur eru góðar í rekstri
Carta Capital fyrir árið í ár,
bæði hvað varðar afkomu og
stöðu verkefna. Unnið er að því
að fá fjárfesta til liðs við sjóð-
inn fyrir næsta fjárfestingar-
verkefni.
Sjóðurinn er í eigu sjóðastýr-
ingarfyrirtækisins Carta Capital
GP sem er í eigu íslenskra banka,
sparisjóða, lífeyrissjóða, trygg-
ingarfélaga og félaga í eigu fjár-
sterkra einstaklinga. - eþa
Íslendingar hagnast
á millilagslánum
Vegna flutnings á starfsemi eMax
úr Hlíðarsmára í Thorvaldsens-
stræti, geta orðið truflanir á net-
sambandi, varar fyrirtækið við.
Flutningurinn kemur til vegna
kaupa WBS (Wireless Broadband
Systems) á rekstrinum.
Bæði fyrirtæki hafa unnið að
því að byggja upp þráðlaus wiMax
tölvunet. WBS hefur meðal ann-
ars sett upp þráðlaust háhraðanet
í sumarhúsahverfi í Grímsnesi og
Grafningi. Hraðinn á netinu býður
upp á ýmsa möguleika auk inter-
nettengingar, svo sem síma, sjón-
varpssendinga og annars. Þá hefur
eMax einnig sett upp háhraðanet
utan höfuðborgarsvæðisins. - óká
eMax flyturH U G T A K V I K U N N A R
VARIN STAÐA eða það sem á ensku
kallast hedge position er hugtak
sem notað er fyrir kaup fjárfesta,
eða stöðu sem ver þá gagnvart allri
eða hluta af markaðasáhættu vegna
eigna- eða skuldastöðu. Þannig geta
innflytjendur varnings sem greiða
þarf fyrir í erlendum gjaldmiðlum
minnkað óvissu í rekstri sinum með
því að gera framvirka samninga við
fjármálastofnanir um gjaldmiðilskaup
og losnað þar með við gengisáhættu.
Eins er varin staða algeng við verð-
bréfakaup þar sem fjárfestar kaupa
til dæmis sölurétt á viðkomandi verð-
bréf á ákveðnu verði og takmarkað
með því fyrir fram hugsanlegt tap af
fjárfestingu sinni, varið stöðu sína.
Hólmfríður Helga Sigurðardóttir
skrifar
Enginn stjórnmálaflokkanna hefur í
hyggju að hækka tekjuskatt á fyrir-
tæki. Skiptari skoðanir eru um inn-
heimtu fjármagnstekjuskatts.
Þetta kom fram á morgunverðar-
fundi Viðskiptaráðs Íslands með
stjórnmálamönnum og athafna-
konum á Grand hótel Reykjavík í
gær. Í ljósi umræðu um að konur
geti með atkvæðum sínum ráðið
úrslitum kosninga í vor var yfir-
skrift fundarins Atkvæði kvenna.
Fimm athafnakonur ræddu hags-
munamál starfsvettvangs þeirra og
lögðu svo fram eina spurningu hver til stjórnmála-
mannanna.
Geir H. Haarde, formaður Sjálfstæðisflokksins,
telur grundvöll fyrir því að lækka skattprósentuna
í tekjuskatti fyrirtækja niður á bilinu tíu til
fimmtán prósent. Sagðist hann telja mjög mikil-
vægt að fjármagnstekjuskattur hækkuðu ekki.
Jón Sigurðsson, formaður Framsóknarflokks-
ins, sagði aðalatriðið að tryggja að hér væri sam-
keppnishæft umhverfi sem gerði það að verkum
að fyrirtæki kysu sér að vera hér á landi. Hann
taldi skynsamlegt að skoða innheimtulágmark
fjármagnstekjuskatts. Varðandi skattlagningu á
fyrirtæki þyrfti að skoða betur aðstæður sprota-
og nýsköpunarfyrirtækja.
Valdimar Leó Friðriksson, þingmaður Frjáls-
lynda flokksins, sagði flokkinn engin áform hafa
um að hækka tekjuskatt en rætt hefði verið um að
hækka fjármagnstekjuskatt í tólf prósent.
Margrét Sverrisdóttir, varaformaður Íslands-
hreyfingarinnar, taldi að mikilvægt væri að lækka
tekjuskatt á fyrirtæki heldur en að hækka. Einnig
væri mikilvægt að laða fyrirtæki til
landsins og hafa hagstæða umgjörð
um atvinnulífið. Hún sagði skatta-
umhverfið þurfa að vera með þeim
hætti að Ísland væri samkeppnis-
hæft við önnur lönd og byði helst
betur. „Frekar viljum við hafa mörg
fyrirtæki sem borga lága skatta
heldur en fá skattpínd fyrirtæki.“
Þá sagði hún afar mikilvægt að Ís-
lendingar misstu ekki bankana úr
landi. Mikilvægt væri að skapa þeim
hagstætt umhverfi, reyna að fjölga
þeim og stefna að fjármálamiðstöð
hér á landi.
Ingibjörg Sólrún Gísladóttir, for-
maður Samfylkingarinnar, sagði
mikilvægast að jafnvægi næðist í íslensku efna-
hagslífi. Það væri mikilvægara en fjármagns-
skattsprósentan eða tekjuskatturinn. Hún segir
Samfylkinguna ekki hafa sérstakar fyrirætlanir
um að hækka fjármagns- eða tekjuskatt.
Katrín Jakobsdóttir, varaformaður Vinstri
grænna, segir flokkinn ekki hafa hugmyndir um
að hækka eða lækka fjármagnstekjuskatt. Hins
vegar hafi hann viðrað hugmyndir um að leggja
niður fjármagnstekjuskatt á fjármagnstekjur við
visst skref en hækka hann í fjórtán prósent við
annað skref. „Það er eðlilegt að skoða einhvers
konar skiptingu á fjármagnstekjuskattinum. Það
er líka eðlilegt að þeir sem hafa eingöngu fjár-
magnstekjur borgi hluta þeirra í útsvar.“
Þær Halla Tómasdóttir, framkvæmdastjóri Við-
skiptaráðs, Elín Sigfúsdóttir, framkvæmdastjóri
fyrirtækjasviðs Landsbanka Íslands, Margrét
Pála Ólafsdóttir, formaður Samtaka sjálfstæðra
skóla, Anna Birna Jensdóttir, framkvæmdastjóri
Sóltúns, og Svafa Grönfeldt, rektor Háskólans í
Reykjavík, lögðu fram spurningarnar.
Flokkarnir vilja ekki
hækka tekjuskatt
Forsvarsmenn stjórnmálaflokkannna fengu fimm mínútur
hver til að svara fimm spurningum íslenskra athafna-
kvenna á morgunverðarfundi Viðskiptaráðs í gær.