Fréttablaðið - 01.11.2007, Blaðsíða 26

[Hlutabréf]
Norvik hf., félag í eigu Jóns Helga
Guðmundssonar, hefur keypt allt
hlutafé í Jarl Timber, sem rekur
sögunarmyllu í
sænsku Smá-
löndunum.
Kaupverð er
ekki gefið upp
en Norvik yfir-
tekur reksturinn
í dag.
Ársvelta Jarl
Timber nemur
ríflegum þrem-
ur milljörðum
sænskra króna
og eru afurðirn-
ar að mestu seldar til Bretlands.
Eftir kaupin rekur Norvik starf-
semi tengdum timburiðnaði í Lett-
landi, Eistlandi, Rússlandi og Bret-
landi að Svíþjóð undanskildu, að
því er segir í tilkynningu félags-
ins.
Kaupa sænska
sögunarmyllu
JDC bílar er viðurkenndur sölu- og þjónustuaðili fyrir Dodge / Chrysler / Jeep / New Chrysler LLC
Opnunartími:
Mánudaga - föstudaga
10 - 18
Laugardaga
10 - 14
JDC bílar hf.
Krókhálsi 4
110 Reykjavík
Sími: 540 6700
jdc@jdc.is
www.jdc.is
VETRARTILBOÐ
5.685.000 kr.
JEEP COMMANDER LIMITED
Vél V-6 3,0 / Dísel / 218 HÖ / 510 NM.
Verð áður 5.985.000 kr.
Peningaskápurinn …
Iðnaðarþjónustuhluti hollensku
fyrirtækjasamstæðunnar Stork
hefur gert samning um kaup á 70
prósenta hlut í Exmont Engineer-
ing í Slóvakíu. Í gær var einnig
gengið frá kaupum Stork á öllum
hlutabréfum hollenska fyrirtækis-
ins Istimewa Elektro. Skilmálar
kaupanna fást ekki upp gefnir.
Í gær var einnig tilkynnt um
hagræðingaraðgerðir hjá Stork
Food & Dairy Systems, sem heyrir
undir matvælavinnsluvélahluta
Stork. Í þeim felst niðurskurður 92
starfa. Tekið er fram að hluti
starfsmannanna geti nýtt sér valk-
væða stefnu félagsins um snemm-
bær eftirlaun eða flutning innan
fyrirtækisins. Hins vegar sé ekki
hægt að útiloka að einhverjum
þurfi að segja upp störfum.
LME, eignarhaldsfélag Eyris,
Landsbankans og Marel Food Syst-
ems, á yfir 43 prósent í Stork. og á
í viðræðum við félagið um kaup á
matvælavinnuvélahluta þess.
Stork kaupir tvö fyrirtæki
Um leið segir Stork Food Systems upp níutíu og tveimur.
Teymi tapaði 1.187 milljón-
um króna á þriðja ársfjórð-
ungi. Hagnaðurinn á fyrstu
níu mánuðum ársins nam
hins vegar 1.575 milljónum
króna. Þetta er nokkurn
veginn í takti við spár
greiningardeilda bank-
anna, sem þó vísuðu til tak-
markaðra upplýsinga um
rekstur og efnahag félags-
ins.
Árni Pétur Jónsson, forstjóri
Teymis, segir uppgjörið gott og
vísar til þess að rekstrarhagnaður
fyrir afskriftir, skatta og vexti
(EBITDA) hafi numið 1.135 millj-
ónum króna á þriðja fjórðungi
samanborið við 945 milljónir
króna í fyrra. Þetta er 20 prósenta
vöxtur á milli ára. „Félagið er að
skila sterkum rekstri og
sjóðsstreymið er gott,“
segir hann.
Inni í afkomutölunum er
hlutdeild í tapi og niður-
færslu hlutdeildarfélags-
ins Hands Holding upp á
1.095 milljónir króna.
Teymi seldi 80 prósenta
hlut í Hands Holding um
miðjan síðasta mánuð en
keypti á móti Landsteina Streng
og HugAx.
Árni Pétur segir Teymi ekki hafa
legið á því að ákveðið högg yrði við
það þegar gjaldfærslan vegna
Hands Holding kæmi inn í bækur
félagsins. „Við höfum alltaf sagt að
þar yrði óvissa,“ segir hann en
salan skilar sér í uppgjörið fyrir
yfirstandandi fjórðung.
Tapa rúmum milljarði
Hluthafar Existu fá ekki að
vita hvað stendur að baki
óskráðri eign félagsins í
Austur-Evrópu. Meðalspá
greiningardeilda gerði ráð
fyrir miklu tapi á síðasta
ársfjórðungi. Endurmat á
eigninni hífir félagið yfir
núllið.
Hluthafar sem leitað hafa skýringa
hjá Exista varðandi uppfærslu á
verði óskráðrar fjárfestingar
félagsins í Austur-Evrópu hafa
fengið þau svör að þær verði ekki
gefnar upp. Utanaðkomandi félag
er sagt hafa annast verðmatið, en
ekki fæst heldur upp gefið hvaða
fyrirtæki annaðist það.
Exista skilaði um 7,4 milljóna
evra hagnaði á þriðja fjórðungi,
eða um 644 milljónum króna, en
meðalspá greiningardeilda bank-
anna hljóðaði upp á ríflega 120
milljóna evra tap á fjórðungnum,
eða sem svarar tæplega 10,5 millj-
örðum króna.
Á kynningarfundi vegna árs-
hlutauppgjörsins sagði Lýður Guð-
mundsson, stjórnarformaður
félagsins, að af samkeppnisástæð-
um væri ekki hægt að gefa frekari
upplýsingar um fjárfestinguna
sem um ræðir, en ráðist hafi verið í
hana með bankanum Lehmann
Brothers fyrir einu og hálfu ári. Í
umfjöllun greiningardeildar
Glitnis um uppgjörið er sagt
„athyglisvert“ að ekki fáist nánari
upplýsingar. „Þessi uppfærsla varð
til þess að Exista skilaði hagnaði í
fjórðungnum og kom okkur á
óvart,“ segir þar.
Hjá Existu fást þær upplýsingar
að félagið haldi sig við fyrri ákvarð-
anir um upplýsingagjöf varðandi
þessa fjárfestingu. Vitað sé að
félagið sé með í gangi á hverjum
tíma margvíslegar fjárfestingar
án þess að frá þeim sé greint sér-
staklega. Að sama skapi er óvíst að
upplýst verði frekar um þessa fjár-
festingu í næsta ársreikningi
félagsins.
Þá eru fyrir því fordæmi í rekstri
Existu að af samkeppnisástæðum
sé ekki greint frá stórum fjárfest-
ingum. Þannig var ekki greint frá
kaupum á hlutabréfum í finnska
fjármálafyrirtækinu Sampo Group
fyrr en þau uppkaup höfðu náð
ákveðinni stærð.
Þrír lífeyrissjóðir eru meðal 20
stærstu hluthafa Existu. Innan
eignastýringadeilda lífeyrissjóða
sem blaðið hafði samband við var
ekki miklum áhyggjum lýst af
skorti á upplýsingum af fjárfest-
ingu félagsins í A-Evrópu. Þó taldi
yfirmaður einnar deildar sérstakt
að skráð félag skuli ekki upplýsa
betur um fjárfestingar sínar. Ekki
er vitað til þess að sjóðirnir hafi
leitað eftir frekari upplýsingum
hjá félaginu en fram komu á kynn-
ingarfundi vegna árshlutaupp-
gjörsins.
Fá ekki að vita um fjár-
festingu eigin félags
Samskip og belgíska flutningafyr-
irtækið Delphis Team Lines hafa
náð samkomulagi um að samþætta
siglingaáætlanir félaganna milli
Benelúxlandanna og Bilbao á
Spáni.
Í kjölfarið bjóða Samskip upp á
tvær ferðir í viku á siglingaleið-
inni, í stað vikulega áður. Um leið
tekur félagið í notkun nýtt og
stærra skip.
Auka samstarf
við Team Line