Fréttablaðið - 02.04.2008, Blaðsíða 22

MARKAÐURINN 2. APRÍL 2008 MIÐVIKUDAGUR
F Y R S T O G S Í Ð A S T
Erna Kaaber athafna- og veitingakona á veitingastaðnum Fish & Chips við Tryggvagötu 8 segir frá degi
í lífi sínu þegar hún hringdi í fisksalann með öndina í hálsinum.
D A G U R Í L Í F I . . .
Ernu Kaaber, veitingakonu á Fish & Chips
7.00 Ég er enn sofandi og veit ekkert í þennan
heim né annan.
8.00 Ég vakna við klukknahljóm. Dríf mig á fætur
og vökva naggrísina. Hringi í grænmetissalann og
panta kryddjurtir. Næ í blöðin og fæ mér léttan
morgunverð yfir lestrinum. Skelli mér í snöggt
bað.
9.00 Er mætt niður á Fish and Chips og byrja að
undirbúa daginn. Kíki á tölvupóstinn. Verð að
setja sósur, salöt og súpu í forgang og svara pósti
seinna. Ég hef gleymt farsímanum heima.
11.00 Ég uppgötva mér til hryllings að kokkurinn
hefur gleymt að panta fisk í gærkvöldi. Ég hringi í
fisksalann með öndina í hálsinum enda opnum við
eftir hálftíma. Prinsinn reddar þessu fyrir mig á
mettíma og litla systir rýkur af stað til að sækja
fiskinn.
11.30 Litla systir kemur lafmóð inn úr dyrunum
með spriklandi ferskan fiskinn. Kokkurinn tekur
til við að skera fenginn. Ég anda örlítið léttar og
opna fyrir gestum dagsins.
13.00 Fundur um framtíðarmöguleika. Spennandi
horfur á næstunni og mikið rými fyrir sköpun.
14.30 Sest niður til að svara póstinum. Er rétt
byrjuð þegar ég er kölluð fram í afgreiðslu. Eftir
ítrekaðar árangurslausar tilraunir til að svara
póstinum gefst ég upp og ákveð að gera það eftir
lokun. Viðskiptavinurinn verður að ganga fyrir og
viðmælendur mínir hlíta því lögmáli.
18.00 Hvað varð um allar klukkustundirnar á milli
tvö og sex? Búið að vera vitlaust að gera og ég er
illa undirbúin fyrir kvöldgestina. Ég set allt á fullt
og næ að undirbúa mig á mettíma. Fæ mér fisk á
salatbeði til að endurnýja orkuna.
20.00 Er farin að finna fyrir verkjum í fótum og
baki enda hef ég ekki sest niður lengur en í sjö
mínútur samfellt frá því klukkan níu í morgun.
Drekk meira vatn og klára að afgreiða fyrirliggj-
andi pantanir.
21.05-23.20 Loka hurðinni og klára að afgreiða síð-
ustu gesti. Geng frá. Svara tölvupósti. Skrifa hjá
mér hvað hvað ég þarf að gera á morgun. Skelli
öryggikerfinu á. Fer út í kalt kvöldloftið.
23.30-24.00 Gef naggrísunum spínat og jarðaber.
Bursta tennur og næ mér í bók um næringarfræði
til að lesa. (Líkaminn er dásamleg efnaskipta-
maskína hugsa ég þegar ég finn heilann dæla út
melatóníni....).
GÓÐGÆTIÐ FRAMREITT Erna Kaaber átti í stökustu vandræðum
að svara tölvupósti og lét kúnnana ganga fyrir. MARKAÐURINN/ARNÞÓR
BORGARTÚN 3 - 105 REYKJAVÍK - SÍMI 411 3000 - MYNDSENDIR 411 3090
Auglýsing um nýtt deili-
skipulag og breytingar á
deiliskipulagsáætlunum
í Reykjavík
Í samræmi við 25. gr. skipulags- og byggingarlaga
nr. 73/1997, með síðari breytingum, eru hér
með auglýstar tillögur að nýju deiliskipulagi og
breytingum á deiliskipulagsáætlunum í Reykjavík.
Úlfarsárdalur, útivistarsvæði
Tillaga að deiliskipulagi fyrir almennt útivistarsvæði í
Úlfarsárdal.
Almennu útivistarsvæðin eru beggja vegna árinnar
og mynda skil á milli verndarsvæða og aðliggjandi
byggingarsvæða í dalnum. Á svæðunum er gert ráð fyrir
fjölbreyttri aðstöðu til útivistar s.s. hverfisleikvöllum,
boltavöllum, skíða- og sleðabrekkum, skólagörðum
o.fl. Á svæðunum eru skógræktarsvæði og settjarnir
og um þau liggja stofn- og tengistígar og mannvirki
sem tengjast útivist á svæðinu. Á íþróttasvæði fyrir
miðjum dalnum er gert ráð fyrir uppbyggingu með
innanhús æfingaaðstöðu, keppnis- og æfingavöllum,
knatthúsi og tilheyrandi bílastæðum.
Nánar um tillöguna vísast til kynningargagna.
Fossvogur, breyting á skilmálum
Tillaga að breytingu á deiliskipulagi fyrir raðhús
í Fossvogshverfi, skipulag sem samþykkt var í
borgarráði Reykjavíkur 6. febrúar 1968.
Í skilmálum sem eru í deiliskipulagi er ekki heimilt
að gera glugga á göflum raðhúsa en með breytingu
þessari verður það heimilt þar sem aðstæður leyfa
og mun byggingarfulltrúi meta hverja umsókn fyrir
sig. Nánari útskýringar á breytingu má sjá í texta
kynningargagna.
Nánar um tillöguna vísast til kynningargagna.
Höfðatorg, breyting á deiliskipulagi
Tillaga að breytingu á deiliskipulagi Höfðatorgs þar
sem heimilað verður að koma fyrir fyrirlestrar – og
kvikmyndasölum neðanjarðar.
Tillagan gerir ráð fyrir breytingum á texta í
greinargerð. Í kaflanum “Almennt” komi textinn
“Ráðgerð er íbúðabyggð með allt að 250 íbúðum
auk skrifstofu- verslunar- og þjónustubyggðar á
lóðinni þ.m.t. kvikmyndahús, ráðstefnusalir og
fleira”. Kafli “Bílastæði/bílageymslur” fái heitið
“Bílastæði, bílgeymslur og starfsemi neðanjarðar”
og í lokamálsgrein kafla komi “Byggingareitur
fyrir bílakjallara, kvikmyndahús og aðra starfsemi
neðanjarðar samsvarar lóðarmörkum Höfðatorgs og
heildarstærð lóðar.
Nánar um tillöguna vísast til kynningargagna.
Tillögurnar liggja frammi í upplýsingaskála skipulags-
og byggingarsviðs Reykjavíkurborgar að Borgartúni
3, 1. hæð, virka daga kl. 8:20 – 16:15, frá 2. apríl 2007
til og með 14. maí 2008. Einnig má sjá tillögurnar á
heimasíðu sviðsins, www.skipbygg.is. Eru þeir sem
telja sig eiga hagsmuna að gæta hvattir til að kynna
sér tillögurnar. Ábendingum og athugasemdum
við tillögurnar skal skila skriflega eða á netfangið
skipulag@rvk.is, til skipulags- og byggingarsviðs
eigi síðar en 14. maí 2008. Vinsamlegast notið
uppgefið netfang fyrir innsendar athugasemdir
með tölvupósti. Þeir sem eigi gera athugasemdir
innan tilskilins frests, teljast samþykkja tillögurnar.
Reykjavík, 28. mars 2008
Skipulagsstjóri Reykjavíkurur
Reykjavíkurborg
Skipulags- og byggingarsvið