Tíminn - 15.06.1982, Blaðsíða 7

ÞRIÐJUDAGUR 15. JÚNÍ 1982
7
„ALLIR FRÍTIMARNIR
HAFA FARIÐ í ÞETTA”
— segir Kristján Jónsson sem byggir út á Eiðsgranda
„Ég verð að segja það með
fvllstu hreinskilni að mér er farið að
líða illa vegna þess að allir frítimar
sem maður hefur átt hafa faríð i
þetta í vetur“ sagði Kristján Jónsson
f samtali við Tímann er við hittum
hann út á Eiðsgranda þar sem hann
er að byggja íbúðahús.
„Veturinn áður fórum við hjónin
oft í leikhús, í bió eða þá á böll en
f vetur hefur þetta ekki verið neitt
ef frá er talið eitt þorrablót.
Já konan hjálpar mér mikið, hún
er eiginlega yfirtimburskafari hérna
og við höfum verið að skafa og
hreinsa timbrið úr kjallaranum hér
en ég og strákur sem ég hef með mér
slógum kjallaranum up.“
Sérstök tilfínning að
gera þetta sjálfur?
„Við reynum að vinna allt sem við
getum sjálf og ég tel sparnaðinn af
því svo mikinn að sá sem aflað hefði
sér fjár til að byggja svona hús gæti
tekið sé r launalaust frí eitt sumar
og unnið sjálfur að byggingunni og
útkoman mundi vera sú að hann
hefði samt sem áður haft góð
meðallaun á þessum tima.
Fyrir utan spamaðinn þá er það
sér-stök tilfinning að hafa gert þetta
sjálfur, sjá þetta rísa upp, og síðan
getað gengið um kjallarann, svo
dæmi sé tekið, og séð veggi og
uppslátt sem maður hefur persónu-
lega átt hluti i að byggja.
Auk þess má nefna lærdóminn
sem maður hefur af þvi að gera þetta
sjálfur og það að geta svarað þessum
algengu spumingum játandi sem
alltaf koma upp er húsbyggjendur
taka tal saman eins og til dæmis
„Lagðirðu ekki járnin sjálfur?,, og
þar fram eftir götunum.
Veðrið setti strik í
reikninginn
„Við byrjuðum þessa byggingu í
september í fyrra, ég man að það
var skinandi fallegur laugardagur er
fyrsta skóflustungan var tekin ef svo
má að orði komast. Hinsvegar má
segja að veðrið hafi slegið úr manni
kjarkinn en það var vont framan af
þannig að við höfðum ákveðið að
byrja ekki aftur fyrr en í síðasta
mánuði, hinsvegar mildaðist vetur-
inn fljót lega þannig að við höfum
getað sinnt þessu meira og minna i
vetur.
í þessu sambandi má geta þess að
smiðir og iðnaðarmenn em ekki á
hverju strái þannig að ef þeir koma
þá verður að halda sig við efnið.
Meðalþankagangurinn í svona
húsbyggingum er að fleygja þessu
upp fokheldu til að fá lánin sem
maður á kost á í þessum efnum
en þau eru veitt út á fokheld hús og
takmarkið hjá mér er að koma þessu
i það horf fyrir veturinn þannig að
hægt sé að vinna innivinnuna i
húsinu næsta vetur.
Aðspurður um fjármögnun á húsi
sem þessu segir Kristján að vafa
laust séu ýmsar út gáfur á því.
„Við stöndum vel að þessu leyti
því við höfum safnað okkur fyrir
kaupum á íbúð í byggingu. Síðan
duttum við i lukkupottinn og feng-
um lóð hér en þegar þetta hús verður
orðið fokhelt þá er ekki mikið eftir
i sjóðnum.
Fólk hefur ekki efni á
lánum
„Hvað sjálf lánin varðar sem
maður hefur kost á þá eru þau öll
verðtryggð þannig að nú þarftu að
borga fyrir það sem þú færð lánað.
Ég held að engin vandræði séu á að
útvega ser lán en með þeim fyrir
vara að þau séu verðtryggð og
.það gerir það að merkum að fólk
hefur ekki efni á þeim lánum sem
standa þeim til boða.
Ég hef dáldið velt þessu fyrir mér
og mér sýnist að verðlag og kaup-
máttur haldist svona 30-40% af
launum og þá ætti þetta að ganga
miðað við að maður borgi þá
30-40% af launum i afborganir eftir
fimm ár. Þetta ætti því að ganga ef
maður gefur sér þessar forsendur“.
Þjófnaður er vandamál
„Við höfum átt við eitt vandamál
að striða sem við tókum ekki með i
reikninginn en það er þjófnaður á
timbri að verðmæti 15-20 þús. kr. og
það hefur komið í ljós að nágranni
minn á við sama vandamál að striða
en hjá honum hefur horfið önnur
gerð af timbri þannig að reikna má
með að þjófurinn standi sjálfur i
uppslætti.
FLYM0GLE-S
Fljúgandi furðuhlutur eða hvað?
1. Flymo GLE-S er lauflétt loftpúðasláttuvél búin 1400w rafmótor
(fæst einnig með bensínmótor).
2. Flymo GLE-S slæríallar áttir undir þinni stjóm, jafnt hávaxið
gras sem lágvaxið, blautt eða þurrt.
3. Flymo GLE-S slær kanta og toppa miHi garðhellnanna eins og
ekkert sé og smýgur undir runna og tré án þess að skilja eftir
sig sár.
4. Flymo GLE-S erjafn auðveld ígarðinum eins og ryksuga innan
dyra þvi hún er með rafmagnstengingu sem hægt er að fram-
lengja.
5. Flymo GLE-S er öflugasta rafmagnssláttuvéhn á markaðnum.
6. Flymo GLE-S tekur sama og ekkert pláss í geymslunni þvíþú
leggur handfangið alveg saman.
7. Flymo GLE-S hefur marga fleiri kosti. Líttu inn á næsta útsölu-
stað ogkynntu þér þá.
8. Flymo GLE-S kostar aðeins kr. 2.750. - (gengi 1.5.82).
FLYMO - Erþað nokkur spurning?
Jl
inSíil
XÆKNIMIÐSTOÐIN HF
Smiójuveg 66. 200 Kópavogi S:(91)-76600