Fréttablaðið - 03.01.2009, Blaðsíða 2

2 3. janúar 2009 LAUGARDAGUR
SLYS Maðurinn sem lést eftir
árekstur á Ólafsfjarðarvegi á
nýársdag hét Árni Steingríms-
son. Hann bjó á bænum
Ingvörum í Svarfaðardal. Árni,
sem var fæddur árið 1943, var
ekkjumaður og lætur eftir sig
uppkomin börn.
Banaslys á Ólafsfjarðarvegi:
Nafn hins látna
KÖNNUN Vinstri hreyfingin -
grænt framboð er stærsti
stjórnmálaflokkur landsins með
32 prósenta fylgi samkvæmt
þjóðarpúlsi Gallup.
Stuðningur við ríkisstjórnina er
nú um 32 prósent og hefur ekki
verið minni frá október 1993.
31 prósent styður Samfylking-
una og 21 prósent Sjálfstæðis-
flokkinn. Átta prósent styðja
Framsókn, þrjú prósent Frjáls-
lynda flokkinn og þrjú prósent
Íslandshreyfinguna. Þrjú prósent
segjast ætla að kjósa eitthvað
annað en flokka sem buðu fram
síðast.
Um tíu prósent taka ekki
afstöðu eða neita að gefa hana
upp. Sextán prósent segjast
myndu skila auðu eða ekki kjósa
ef kosið væri í dag. - hhs
Þjóðarpúls Gallup:
Vinstri græn
enn þá stærst
STÆRSTUR Samkvæmt Þjóðarpúlsi
Gallup er Vinstri hreyfingin - grænt
framboð stærsti stjórnmálaflokkur
landsins. FRÉTTABLAÐIÐ/SJÓ
BANDARÍKIN Bandaríkjamaðurinn
William Cotto er talinn hafa myrt
fyrrverandi eiginkonu sína, Isol
Lind Cotto, 49 ára, snemma að
morgni gamlársdags á heimili
hennar í Bandaríkjunum. Dóttir
þeirra hjóna hringdi á lögregluna
um fjögur um morguninn. Þegar
lögreglan kom á staðinn var Willi-
am Cotto farinn. Hann fannst
skömmu síðar á bílastæði við bens-
ínstöð í nágrenninu og hafði þá
svipt sig lífi. Enginn annar særðist
í árásinni.
Lögreglumaður sem Fréttablaðið
ræddi við segir að málið sé enn til
rannsóknar en upplýst sé að Willi-
am hafi myrt fyrrverandi eigin-
konu sína. Þetta hafi vitanlega
verið mikið áfall fyrir dótturina en
hún eigi fjölskyldu í Bandaríkjun-
um og hafi fengið stuðning frá
þeim.
William Cotto var 53 ára fyrrver-
andi hermaður í bandaríska
sjóhernum. Hann hafði starfað í 20
ár í umferðarlögreglunni en sest í
helgan stein fyrr á þessu ári. Isol
hafði kært hann fyrir ofsóknir og
ofbeldi og fengið nálgunarbann á
hann í byrjun vikunnar. William
var settur í fangaklefa en var lát-
inn laus 90 mínútum síðar gegn
5.000 dollara tryggingu, sem sam-
svarar um 607 þúsund krónum, sem
hann greiddi sjálfur með kredit-
korti. Öll vopn í hans fórum höfðu
verið gerð upptæk að talið var en
sú reyndist ekki raunin.
William réðst inn á heimili Isolar
og 22 ára gamallar dóttur þeirra
rétt fyrir klukkan fjögur að morgni
gamlársdags og skaut fyrrum eig-
inkonu sína í svefnherberginu. Ekki
er vitað hvaðan vopnið kemur og
lögreglumaðurinn segist ekki vita
til þess að William hafi átt við
áfengisvanda að stríða.
Isol og William ætluðu að skilja
árið 2005 en hættu við í júní 2006.
Ástæða morðsins er sögð sú að
William hafi verið öskureiður yfir
að Isol hafi viljað skilja við hann.
Isol hafði búið í Bandaríkjunum í
þrjátíu ár. Hún rak vídeóleigu í húsi
sínu um árabil. Nágranni hennar,
Katherine A. Cairo Davis, segist oft
hafa leigt myndbönd af henni. Hún
hafi átt sex hunda og gjarnan sýnt
sér myndir frá Íslandi. Isol á börn
hér á landi.
Urður Gunnarsdóttir, upplýs-
ingafulltrúi utanríkisráðuneytis-
ins, segir að búið sé að láta íslenska
ættingja Isolar vita. Konsúllinn sé
í sambandi við lögregluna í Banda-
ríkjunum. Utanríkisráðuneytið
fylgist með málinu.
ghs@frettabladid.is
Íslensk kona myrt á
gamlársdagsmorgni
Íslensk kona úr Njarðvík var myrt á heimili sínu í Bandaríkjunum að morgni
gamlársdags. Fyrrverandi eiginmaður hennar skaut hana í svefnherberginu og
svipti sig síðan lífi á nærliggjandi bílastæði. Dóttir þeirra hringdi á lögregluna.
MYRTI ÍSLENSKA KONU SÍNA William Cotto, 53 ára fyrrverandi hermaður og
umferðarlögreglumaður, skaut Isol Lind Cotto, fyrrverandi eiginkonu sína, í svefn-
herberginu eldsnemma að morgni gamlársdags en hún hafði skömmu áður fengið
nálgunarbann á hann. Dóttir þeirra hringdi á lögregluna. Cotto fannst síðan í blóði
sínu á bensínstöð í nágrenninu. Hann hafði svipt sig lífi.
EFNAHAGSMÁL Endurskoðunar-
fyrirtækin sem ráðin voru til að
rannsaka starfsemi föllnu
bankanna hafa öll skilað upplýs-
ingum til Fjármálaeftirlitsins
(FME). Ekki fengust upplýsingar
frá FME hvort rannsókn fyrir-
tækjanna sé lokið. FME metur nú
hvort tilefni sé til nánari rann-
sókna eða beitingu úrræða.
Þrjú fyrirtæki voru ráðin til að
skoða bankana þrjá; PriceWater-
houseCoopers rannsakar Kaup-
þing, Deloitte rannsakar Lands-
bankann og Ernst&Young
rannsakar Glitni. Rannsóknin á
Glitni var upphaflega í höndum
KPMG sem sagði sig frá verkinu í
desember. Til stóð að skýrslum
yrði skilað 31.desember síðastlið-
inn. Rannsókn endurskoðunar-
fyrirtækjanna snýr að því hvort
brotið hafi verið gegn innri
reglum bankanna og lögum og
reglum um fjármálafyrirtæki.
- shá
Rannsókn á falli bankanna:
Fyrirtæki hafa
skilað gögnum
Özur, eru menn komnir í
bakkgírinn?
„Já, og í lága drifið.“
Bílasala hefur dregist meira saman en
nokkurn tíma frá því mælingar hófust.
Özur Lárusson er framkvæmdastjóri
Bílgreinasambandsins.
STJÓRNSÝSLA Þingmenn Samfylk-
ingarinnar segja úrskurð umboðs-
manns Alþingis, sem gerði athuga-
semdir við skipan Þorsteins
Davíðssonar sem héraðsdómara,
eðlilegan og búast hafi mátt við
honum.
„Ég hef engar forsendur til að
draga álitið í efa. Ég galt varhug
við ráðningunni á sínum tíma og
umboðsmaður hefur komist að
þeirri niðurstöðu að hana hefði átt
að vanda betur. Ég tek undir það,“
segir Lúðvík Bergvinsson þing-
flokksformaður. Hann segir Árna
vera ráðherra Sjálfstæðisflokks-
ins og möguleg afsögn hans verði
ekki rædd í þingflokki Samfylk-
ingarinnar.
Árni Páll Árnason segist ekki
hafa lesið dóminn en „það hljómi
eins og eitt og annað ámælisvert
hafi verið við framkvæmdina“.
Steinunn Valdís Óskarsdóttir
segir niðurstöðu umboðsmanns
eðlilega. „Þetta sýnir að það þarf
að vanda vinnubrögð í svona ráðn-
ingum og þetta verður að skoða
vandlega.“ Hvað afsögn varðar
segir hún: „Hann verður að gera
það upp við sína eigin samvisku.“
Helgi Hjörvar segir úrskurðinn
ekki koma á óvart. „Málið var
skólabókardæmi um vond vinnu-
brögð við embættisveitingu. Svona
vinnubrögð þurfum við að upp-
ræta í stjórnsýslunni við endur-
reisn samfélagsins, ekki síst til að
endurvekja samstöðu og traust
milli almennings og stjórnvalda.
Ráðherrann hlýtur sjálfur að
svara fyrir það hvernig hann
hyggst bregðast við álitinu en
hann hlýtur að taka það alvar-
lega.“ - kóp
Samfylkingarfólk segir úrskurð um skipan héraðsdómara eðlilegan:
Ráðherra meti sjálfur afsögn
GAGNRÝNDUR Þingmenn Samfylking-
arinnar segja fjármálaráðherra verða að
meta það sjálfur hvort hann segi af sér
eftir úrskurð umboðsmanns Alþingis um
skipan héraðsdómara. FRÉTTABLAÐIÐ/STEFÁN
MÓTMÆLI Boðað hefur verið til
mótmæla á Austurvelli klukkan
15.00 í dag undir yfirskriftinni
Breiðfylking gegn ástandinu. Er
þetta þrettándi mótmælafundur-
inn sem efnt er til undir þessari
yfirskrift.
Í tilkynningu frá samtökunum
Raddir fólksins, sem standa fyrir
fundinum, segir að nú verði
róðurinn hertur til muna í
mótmælunum.
Forsvarsmenn Radda fólksins
gengu á fund Árna Mathiesen
fjármálaráðherra í gær og
kröfðust tafarlausrar afsagnar
hans.
Dóra Ísleifsdóttir, kennari og
grafískur hönnuður, og Einar Már
Guðmundsson rithöfundur flytja
ræður á fundinum í dag. - kg
Mótmælafundur á Austurvelli:
Þrettándi fund-
urinn í dag
BANKAMÁL Kristján Arason
tilkynnti í gær að hann myndi
láta af störfum sem fram-
kvæmdastjóri viðskiptasviðs
Kaupþings.
Kristján, sem er eiginmaður
Þorgerðar Katrínar Gunnarsdótt-
ur menntamálaráðherra, er einn
þeirra sem eiga í skuld við
Kaupþing vegna hlutabréfakaupa
í bankanum, og hefur verið
töluvert í umræðunni í kjölfar
bankahrunsins vegna þessa.
Kristján er fjórði fram-
kvæmdastjórinn sem lætur af
störfum hjá Kaupþingi á síðustu
dögum. Ekki náðist í Kristján við
vinnslu fréttarinnar. - kg
Breytingar í bönkunum:
Kristján hættir
hjá Kaupþingi
MÓTMÆLI „Þessi skríll og þessir
brjálæðingar töldu okkur ekki vera
á réttum stað og ógnaði okkur, bæði
í orðum og æði. Þetta voru bara
eðlileg viðbrögð. Við vorum að
verja okkur því við héldum að okkur
væri ógnað þarna,“ segir Ólafur
Örn Klemensson, hagfræðingur hjá
Seðlabanka Íslands. Myndskeið
fréttasíðunnar mbl.is af eftirmála
mótmælanna við Hótel Borg á gaml-
ársdag hefur vakið athygli, en í því
sést Ólafur, við annan mann, ýta
harkalega við tveimur úr hópi mót-
mælenda, karli og konu. Á mynd-
bandinu heyrist einnig maðurinn
sem var í för með Ólafi kalla mót-
mælanda kommúnistadrullusokk.
Ólafur segist hafa átt leið hjá
mótmælunum eftir að hafa verið
við kaffidrykkju á veitingastað
ásamt bróður sínum og fleiri
félögum. „Þetta lið taldi okkur
greinilega ekki velkomna í hópinn
og var með stympingar við okkur.
Það er ekkert flóknara en það,
Þetta er dæmi um skrílslætin hjá
þessu fólki, að ráðast að borgur-
um,“ segir Ólafur. Í myndskeiði
mbl.is er ekki að sjá að Ólafur hafi
verið að verja sig á beinan hátt
gegn ógnunum mótmælendanna.
Ólafur segir það skýrast af því að
myndskeiðið hefjist þegar félag-
arnir hafi verið búnir að ganga í
gegnum hópinn og verið á leiðinni
burt.
Spurður hvort hann telji að starf
hans sem hagfræðingur hjá Seðla-
bankanum hafi átt þátt í atvikinu
neitar Ólafur því. - kg
Hagfræðingur segist hafa þurft að verja sig fyrir skríl í umdeildu myndskeiði:
Hélt að okkur væri ógnað
STYMPINGAR Í myndskeiði mbl.is sést
Ólafur ýta harkalega við tveimur mót-
mælenda við Hótel Borg. MYND/MBL.IS
ÚTGÁFA Fréttablaðið er enn
prentað á bleikan pappír, eins og
lesendur hafa tekið eftir. Blaðið
verður prentað á bleikan pappír í
nokkra daga þar sem verið er að
nýta birgðir sem annars hefðu
farið til spillis vegna breytinga á
prentun.
Bleiki pappírinn gekk af þegar
ákveðið var að hætta að prenta
Markaðinn, viðskiptablað
Fréttablaðsins, á bleikan pappír.
Nýi litur blaðsins:
Fréttablaðið
ennþá bleikt
STJÓRNMÁL Ingibjörg Sólrún
Gísladóttir utanríkisráðherra
telur að kjósa eigi til Alþingis
samfara hugsanlegri þjóðar-
atkvæðagreiðslu um aðildarvið-
ræður við Evrópumsambandið. Í
samtali við Stöð 2 í gær sagði
Ingibjörg að fyrst verið væri að
kalla fólk að kjörborðinu vegna
ESB væri eðlilegt að efna
samtímis til þingkosninga. Ekki
náðist í Geir Haarde forsætisráð-
herra í gær. Í áramótaávarpi sínu
sagði Geir koma til greina að
þjóðin kysi fyrst um hvort hefja
ætti aðildarviðræður og að þeim
loknum um það hvort ganga ætti í
sambandið. Forsætisráðherra gat
ekki um alþingiskosningar í
ávarpi sínu. - gar
Formaður Samfylkingarinnar:
ESB samhliða
þingkosningum
INGIBJÖRG SÓLRÚN GÍSLADÓTTIR
Utanríkisráðherra vill alþingiskosningar
samfara þjóðaratkvæðagreiðslu.
SPURNING DAGSINS