Fréttablaðið - 03.01.2009, Blaðsíða 10

10 3. janúar 2009 LAUGARDAGUR
Umsjón: nánar á visir.is
„Þessar tölur fyrir nýliðna viku
sýna sömu mynd og verið hefur
undanfarið. Það eru lítil umsvif á
fasteignamarkaði og tölurnar end-
urspegla efnahagsástandið og þá
óvissu sem nú ríkir,“ segir Haukur
Ingibergsson, forstjóri Fasteigna-
skrár Íslands.
Samkvæmt tölum sem Fast-
eignaskráin birti í gær voru gerðir
þrettán kaupsamingar síðustu viku
ársins. Ekki hafa verið gerðir færri
samningar á þessum tíma, eins
langt aftur og tölur Fasteigna-
skrárinnar ná. Sex þessara samn-
inga voru í Reykjavík og annað
eins í Hafnarfirði.
Fyrir ári voru gerðir 75 samn-
ingar á þessum tíma og yfir eitt
hundrað árin þrjú þar á undan. Um
fjörutíu samningar voru gerðir síð-
ustu viku ársins
2003, en frá
árinu 2001 hafa
ekki verið gerð-
ir jafnfáir samn-
ingar og nú.
Meðalupphæð
í samningum
síðustu viku síð-
asta árs var tæp
21 milljón króna.
Hún hefur verið
minni á þessum tíma árs, en heild-
arveltan nú var 272 milljónir króna
og hefur ekki verið minni á þessum
tíma árs eins langt og tölur ná. Hún
var 580 milljónir króna síðustu
viku ársins 2003.
Bent er á að óvenjumargir frí-
dagar hafi verið um hátíðarnar.
- ikh
KAUPHÖLL ÍSLANDS [Hlutabréf]
OMX ÍSLAND 15 Fjöldi viðskipta:60
355 +0,87% Velta: 165 milljónir
MESTA HÆKKUN
BAKKAVÖRK +1,61%
ICELANDAIR +0,75%
STRAUMUR +0,54%
MESTA LÆKKUN
EIMSKIPAFÉLAGIÐ -1,60%
ÖSSUR -1,10%
HLUTABRÉF Í ÚRVALSVÍSITÖLU: Alfesca 4,20 +0,00% ... Bakkavör
2,53 +1,61% ... Eimskipafélagið 1,23 -1,16% ... Icelandair Group
13,40 +0,75% ... Kaupþing 0,00 +0,00% ... Marel Food Systems
77,80 +0,00% ... SPRON 1,90 +0,00% ... Straumur-Burðarás 1,87
+0,54% ... Össur 98,60 -1,10%
GENGISVÍSITALA KRÓNUNNAR: 216,5 -0,45%
Rofin hefur verið sú hefð að bank-
ar og sparisjóðir hafi lokað fyrsta
virka dag ársins. Í gær var þó ekki
opið nema hálfan daginn í bönkum
og sparisjóðum landsins, milli
klukkan eitt og fjögur.
Síðustu ár hefur hins vegar
venju samkvæmt verið lokað allan
daginn og í Kauphöllinni líka.
Núna var hins vegar opið fyrir
viðskipti í Kauphöllinni allan dag-
inn, líkt og annars staðar í heimin-
um.
Í fyrra sagði Sigurjón Árnason,
þá bankastjóri Landsbankans, oft
hafa komið til tals að hætta að
halda hefðina í heiðri, en hún væri
rakin til þess tíma þegar tvo daga
þurfti til að handreikna vexti um
áramót. Undir lok janúar í fyrra
kom svo tilkynning frá Seðlabanka
Íslands um að fyrsti viðskiptadag-
ur ársins yrði framvegis við-
skiptadagur, en Seðlabankinn eft-
irlét öðrum fjármálafyrirtækjum
að ákveða hvort þau hefðu opið,
þótt til þess væri hvatt. - óká
Í TÖLVUVERSLUN Með tilkomu nútíma-
tölvutækni hefur vinnulag breyst í fjár-
málaheiminum þannig að auðveldara er
en áður að stemma af vexti um áramót.
FRÉTTABLAÐIÐ/PJETUR
Bankadagur blásinn af
Stjórnvöld í Austurríki hafa tekið
yfir stjórn Medici-bankans í Vín.
Bankinn varð fyrir miklu tjóni í
Madoff-hneykslinu og er talið að
bankinn hafi falið Maddoff yfir tvo
milljarða Bandaríkjadala til
umsýslu. Fé sem nú er glatað.
Talið er að svikamylla Madoffs,
sem eitt sinn stýrði Nasdaq-kaup-
höllinni, hafi kostað banka, sjóði og
ýmis góðgerðarsamtök um allan
heim, yfir 50 milljarða dala.
Austurríska fjármálaeftirlitið
hefur lýst því yfir að engar lykil-
ákvarðanir verði teknar í bankan-
um án samþykkis stjórnvalda.
Breska ríkisútvarpið segir ekki
búist við því að austurrísk stjórn-
völd leggi bankanum til fé. - ikh
Austurrískur
banki tekinn
„Það er ljóst að fjármagnsliðir munu verða
neikvæðir hjá mörgum fyrirtækjum,“ segir
Steinþór Skúlason, forstjóri Sláturfélags
Suðurlands. Félagið reiknar með verulegu
tapi á síðasta ári.
Sláturfélagið sendi frá sér afkomuviðvör-
un um áramótin. Þar segir að nýtt hafi verið
ákvæði í lánasamningum sem kveði á um
frestun stærri afborgana fram á mitt ár
2010. Það sé gert til að styrkja greiðslustöðu
Sláturfélagsins.
Steinþór segir að þrátt fyrir þetta hafi
reksturinn gengið vel á nýliðnu ári. Háir
vextir og gengisfall hafi hins vegar sett
strik í reikninginn. Afborganir af erlendum
lánum vega þyngst í bókum félagsins. End-
anlegar afkomutölur liggja þó ekki fyrir.
Steinþór bendir á að þótt félagið muni
sýna verulegt bókfært tap til skemmri tíma
muni það ganga til baka þegar gengi krón-
unnar jafni sig. Hann segir mörg fyrirtæki
verða fyrir þungum höggum vegna þessa.
„Það verður að skoða þessa hluti til lengri
tíma. Innlend lán eru dýr núna. Nái krónan
sér á strik verða erlend lán hagstæðari á
ný,“ segir Steinþór. - jab
STEINÞÓR SKÚLASON Forstjóri Sláturfélagsins segir
háa vexti hér og fall krónu skýra verulegt bókfært
tap eftir reksturinn á síðasta ári. Reikna megi með
því að tapið gangi til baka þegar krónan jafnar sig.
FRÉTTABLAÐIÐ/GVA
Sláturfélagið varar við miklu tapi
Breski innistæðutryggingasjóð-
urinn hefur þegar greitt bresk-
um sparifjáreigendum yfir 600
milljarða íslenskra króna af lok-
uðum Icesave-reikningum.
Breska ríkisútvarpið greinir
frá því að yfir 200 þúsund manns
hafi sótt um greiðslur úr sjóðn-
um, en hann hafi þegar greitt út
sem nemur ríflega 3,5 milljörð-
um punda. Það nemur ríflega 623
milljörðum króna miðað við
núverandi gengi pundsins eins
og það er skráð hjá Seðlabankan-
um.
Dæmi séu um að fólk sem átti
lágar fjárhæðir á Icesave-reikn-
ingum sæki ekki um til trygg-
ingasjóðsins.
Íslendingar hafa samið við
Breta og Hollendinga um að
ábyrgjast lágmarksgreiðslu til
sparifjáreigenda, sem nemur um
20 þúsund evrum fyrir hvern
reikning. Skilanefnd Landsbank-
ans reiknar með því að um 150
milljarðar króna falli á íslenska
skattgreiðendur, þegar eignir
Landsbankans hafa verið látnar á
móti þessum kröfum. - ikh
Milljarðar greiddir vegna Icesave
Sjaldan gerðir jafn-
fáir kaupsamingar
HAUKUR
INGIBERGSSON
Krónan féll um 45 prósent
á nýliðnu ári. Jón Bjarki
Bentsson, sérfræðingur
Greiningar Glitnis, segir
krónuna hafa tekið stór
skref aftur á bak og sé hún
nú orðin ógjaldgeng og
illskiptanleg. Gjaldmiðl-
ar sem lent hafi í viðlíka
hremmingum hafi verið
lengi að ná sér aftur.
„Krónan fór frá því að vera full-
gildur meðlimur í samfélagi gjald-
miðla í hitteðfyrra í það að vera
ógjaldgengur og illskiptanlegur
gjaldmiðill, að minnsta kosti í
bili,“ segir Jón Bjarki Bentsson,
sérfræðingur hjá Greiningu Glitn-
is. Hann bætir við að krónan hafi
tekið stórt skref aftur á bak á
nýliðnu ári og fallið mjög í áliti.
„Það gæti orðið erfitt að vinna
aftur trúverðugleika krónunnar,“
segir hann.
Gengi krónunnar féll um tæp 45
prósent á nýliðnu ári og urðu mis-
góðar björgunaraðgerðir ekki til
að lina það högg sem hún varð
fyrir í kringum bankahrunið.
Gengishrunið er mismikið eftir
gjaldmiðlum. Mest er það gagn-
vart jeni en minnst gagnvart
breska pundinu af þeim gjaldmiðl-
um sem taldir eru í töflunni. Jenið
styrktist mjög á tímabilinu. Gengi
Bandaríkjadals veiktist hins vegar
mjög framanaf ári fram í septemb-
er þegar hann styrktist gagnvart
evru. Hann er engu að síður tæpum
95 prósentum dýrari nú en fyrir
ári í íslenskum krónum talið.
Fastgengisstefna Seðlabankans
til nokkurra daga í október er ein
þeirra aðgerða sem síst var til
þess fallin að styrkja álit fjárfesta
á stoðum krónunnar á síðasta ári.
Gengisvísitalan rauk úr 120
stigum í 216,3 stig á milli áramóta.
Í byrjun desember rauf vísitala
krónunnar 250 stiga múrinn og
hafði hún aldrei verið veikari. Þá
hefur vísitala krónunnar ekki
farið undir 200 stigi síðan um
miðjan október.
Jón Bjarki bendir á að þeir
gjaldmiðlar sem hafi lent í svipuð-
um hremmingum og íslenska
krónan, hafi oft verið óburðugar í
langan tíma á eftir enda hafi
ímynd þeirra orðið fyrir skakka-
föllum til langframa. Hann nefnir
rússnesku rúbluna, sem margir
líti hornauga þótt það hafi ekki
haldið fjárfestum fjarri. „Þetta
gæti fylgt krónunni um töluvert
skeið, hún hefur fengið á sig
stimpil,“ segir hann.
jonab@markadurinn.is
Erfitt að byggja upp
trú á krónuna á ný
STYRKING ANNARRA
GJALDMIÐLA MILLI ÁRA
Gjaldmiðill Breyting
Japanskt jen 145,4%
Bandaríkjadalur 94,9%
Evra 86,4%
Danska krónan 86,4%
Sænska krónan 60,7%
Norska krónan 51,2%
Breskt pund 41,1%
HEIMILD: SEÐLABANKI ÍSLANDS.
JÓN BJARKI BENTSSON Þær hremmingar
sem krónan lenti í á síðasta ári gætu
fylgt henni um töluvert skeið, segir
sérfræðingur hjá Glitni. FRÉTTABLAÐIÐ/GVA
Slóvakar tóku upp evru sem gjald-
miðil á nýársdag og varð landið
við það sextánda aðildarríki mynt-
bandalags Evrópu.
Robert Fico, forsætisráðherra
landsins, var einn fyrstur lands-
manna til að taka sér evruseðl í
hendur þegar hann tók út hundrað
evrur úr hraðbanka þinghússins í
Bratislava, höfuðborg landsins.
Gríðarleg fagnaðarlæti voru á
torginu vegna evruupptökunnar á
gamlárskvöld.
Kórúnan, gjaldmiðill Slóvaka
fram til þessa sem var fasttengd
evrunni um mitt síðasta ár, verður
í umferð þar til um miðjan mánuð-
inn. - jab
Slóvakar með evrur
Virðing
Réttlæti
F
í
t
o
n
/
S
Í
A
VR | KRINGLUNNI 7 | 103 REYKJAVÍK | S. 510 1700 | F. 510 1717 | WWW.VR.IS
Samkvæmt 20. gr. laga VR auglýsir kjörstjórn eftir framboðum til
formanns og í stjórn og trúnaðarráð félagsins. Áhugasamir geta
gefið kost á sér með því að senda inn skriflegt erindi til kjörstjórnar
á skrifstofu VR. Skrifleg meðmæli 10 félagsmanna þarf vegna fram-
boðs til formanns og til setu í stjórn. Framboð til setu í trúnaðarráði
er hægt að senda rafrænt á kjorstjorn@vr.is. Framboðsfrestur er til
kl. 12:00, 12. janúar 2009.
Nánari upplýsingar og leiðbeiningar eru á vef VR www.vr.is. Þá er
hægt að leita frekari upplýsinga hjá kjörstjórn VR með því að hafa
samband við skrifstofu félagsins.
Framboðsfrestur
framlengdur