Tíminn - 23.07.1982, Blaðsíða 10

10
íþróttir
FÓSTUDAGUR 23. JÚLÍ 1982.
Hilmar og Eygló
best hjá GS
■ Hilmar Björgvinsson og Eygló
Geirdal sigruðu í karla - og kvenna-
flokki á Meistaramóti GS í golfi sem
lauk um helgina síðustu. Þau sigruðu
bæði með talsverðum yfirburðum í
sínum flokkum.
Helstu úrslit á mótinu urðu þessi:
Meistaraflokkur kvenna:
1. Eygló Geirdal .............. 420
2. María Jónsdóttir ............ 446
Umsjón:
Ingólfur
Hannesson
3. Kristín Sveinbjörnsd ....... 453
Meistaraflokkur karla:
1. Hilmar Björgvinsson ........ 313
2. Magnús Jónsson ............. 318
3. Gylfi Kristinsson .......... 322
3. Páll Ketilsson ............. 323
Unglingaflokkur:
1. Matthías Magnússon ......... 220
2. Trausti Hafsteinsson ....... 229
3. Þórarinn Þórarinsson........ 339
1. fl. karla:
1. Jóhann Benediktsson ........ 331
2. Björgvin Magnússon ......... 351
2. fl. karla:
1. Skarphéðinn Skarphéðinss. ... 358
2. Rúnar Valgeirsson .......... 359
3. fl. karla:
1. Ibsen Ásgeirsson ........... 391
2. Jón Ólafur Jónsson ......... 399
-IngH
■ Bikarmeistarar HSK í sundi: Aftari röð f.v: Þórður Gunnarsson, þjálfari, Skúli Snxdal, Tryggvi Helgason, Hugi Harðarson,
Svanur Ingvarsson, Þröstur Ingvarsson og Bjami Sigurjónsson, formaður. Fremri röð f.v: Inga Jónsdóttir, Guðbjörg
Bjarnadóttir, Ólöf Sigurðardóttir og María Óladóttir.
Staldrad við

Staða kvenna í íþrótta- og félagsstarfi íþróttahreyfingarinnar
Almenn íþróttaiðkun og almennur
íþróttaáhugi eru fyrirbæri sem eru
tiltölulega ný af nálinni og hafa haldist
í hendur við aukna velmegun (og þá
sérstaklega í hinum vestræna heimi),
sem síðan leiðir af sér aukinn frítíma,
frítíma sem ákaflega margir nota til þess
að iðka einhverja íþrótt eða fylgjast með
íþróttakeppni. Vegna hinnar hefð-
bundnu hlutverkaskiptingar kynjanna
í þjóðfélaginu hafa börn og karlmenn
einkum talist til „íþróttaneytenda" og
það hafa verið nær eingöngu karlmenn
sem hafa búið til þau mynstur, leikreglur
og annað það sem íþróttum fylgja.
Þannig hafa karlmenn í gegnum árin
ákveðið hvert hlutverk kvenna í íþrótt-
unum á að vera og barátta kvennanna
fyrir fullri viðurkenningu innan íþrótta-
hreyfingarinnar hefur haldist í hendur
við baráttu þeirra á öðrum sviðum
þjóðlífsins. Oft á tíðum hefur tregða
karlmanna í íþróttahreyfingunni verið
með ólíkindum og hafa þeir oftar en
ekki talið sig vera að hafa vit fyrir
konunum. Hérmætti nefnamörgdæmi.
Þrír valkostir
Þá hefur íþróttaiðkun lengi vel verið
sveipuð ljóma hetjudáða og því eru
henni nátengd mörg svokölluð „karl-
mennskuorð" orð eins og barátta,
slagur, átök, skapfesta, harka, viður-
eign, styrkur o.s. frv. Það þykir
ákjósanlegt fyrir íþróttamann að vera
áræðinn, sterkur, fimur og fylginn sér,
slíkur íþróttakappi nær langt.
Af m.a ofannefndum orsökum hafa
margar stúlkur sem leita til íþróttahreyf-
ingarinnar í sínum frístundum orðið
fyrir áfalli. Það er ætlast til þess að þær
séu „karlmannlegri" í íþróttunum á
meðan þeim er ætlaður annar og
„kvenlegri" bás annars staðar í þjóðfé-
laginu. Þannig eru margar íþróttakonur
-stúlkur óöruggar með sig vegna þessa
árekstrar tveggja viðhorfa. Þær geta
ekki verið bæði og. Niðurstöður úr
mörgum rannsóknum erlendis hafa bent
í þessa átt. Eins hefur komið fram, að
margar konur/stúlkur í keppnisíþróttum
hafa miklar áhyggjur af því hvað aðrir
álíta um þær og er þar einkum vísað til
hinna svokölluðu „karlmennskueigin-
leika“ þeirra. Það er erfitt fyrir unga
stúlku, sem leikur handbolta, að fá það
framaní sig að hún sé alveg eins og
strákur.
Segja má, að hér séu þrír valkostir
fyrir stúlkur og konur sem vilja stunda
íþróttir. Einn er sá, að taka gagnrýnis-
laust þátt í leiknum, sem karlmennirnir
hafa búið til að mestu fyrir þær. Annar
möguleikinn er, að skapa sérstöðu
kvennaíþróttanna, jafnvel stofna sér-
stök íþróttasambönd og íþróttafélög
kvenna. Hinn þriðji, og sá sem á mestu
fylgi að fagna, er að konur komi að
sínum viðhorfum og lagi íþróttirnar að
sínum þörfum, ekki öfugt. Auðvitað
helst þessi barátta í hendur við alla aðra
baráttu fyrir jafnrétti, íþróttirnar eru
einungis lítill hluti af stórri heild.
Nokkur orð lögð
í umræðubelg
■ Hvað þarf að gera til þess að auka þátttöku kvenna enn frekar í íþróttum og félagslífi þeim
tengdum? Hvernig er umfjöllun um íþróttaiðkunkvenna í fjölmiðlum í dag og hvers vegna er þessi
umfjöllun svo lítil sem raun ber vitni? Hvers vegna hætta mjög margar stúlkur að iðka íþróttir um 16
ára aldur? Hvernig er þátttöku kvenna í íþróttum hér á landi háttað?
Þessar spurningar og margar fleiri í svipuðum dúr voru til umfjöllunar á ráðstefnu sem svokölluð
Kvennanefnd ÍSÍ boðaði til í maímánuði síðastliðnum. Fyrir nokkru barst mér síðan í hendur
skýrsla frá ráðstefnunni og varð hún mér tilefni til að leggja nokkur orð í belg.
„Áreksturinn á milli hins
karlmannlega og hins
kvenlega“
Á ráðstefnunni, sem ég minntist á hér
að framan, var þeirri spurningu varpað
fram, hvers vegna stór hluti af stúlkum
um 16 ára aldur hætta íþróttaiðkun. Mér
vitanlega hafa engar rannsóknir á þessu
farið fram hér á landi, en erlendis er
margar rannsóknir að finna. Ég þekki
nokkuð til rannsóknar á vegum kennara
og nemenda við íþróttaháskólann í
Osló um orsakir og afleiðingar þess, að
börn og unglingar hætta íþróttaiðkun.
Þetta er hin svokallaða „Vestfoldunder-
sökelse“, sem vakið hefur miklar
umræður í fjölmiðlum og í íþróttahreyf-
ingunni norsku. Hvað stúlkurnar varð-
ar, kom fram að strax um 12 ára aldur
hætta margar þeirra að stunda íþróttir,
og fleiri hætta en byrja í íþróttum. Þá er
mjög áberandi hve margar stúlkur hætta
íþróttaiðkun á aldrinum 14 til 16 ára.
/

Margar hugsanlegar orsakir þessa eru
nefndar í skýrslu rannsóknarmanna,
m.a. að það sé eðlilegt fyrir unglinga að
skipta um áhugamál, einkum ef þeir
finna eitthvað nýtt og meira spennandi
að fást við. En það kemur á óvart, að
fæstir þeirra sem hætta í íþróttum leita
í skipulagða tómstundastarfsemi. En
hvers vegna fleiri stúlkur en strákar
hætta í íþróttunum og þá yngri en
strákarnir er að hluta skýrt með
kynþroskaskeiði þeirra og að „árekstur-
inn milli hins karlmannlega og kven-
lega“ verður mörgum þeirra ofviða og
eins hitt að of lítið er sinnt félagslegum
þörfum stúlknanna (og strákanna reynd-
ar einnig). Hvort þessu er eins farið hér
á landi og í Noregi er síðan annað mál.
íþróttir, konur og fjöl-
miðlar
Eftir því sem mér skilst var miklum
tíma ráðstefnunnar í maí varið til að
ræða tengslin milli kvenna í íþróttum og
fjölmiðla, efni sem flestir ráðstefnu-
gestir virtust hafa mikinn áhuga á enda
varð starfshópurinn um þetta efni hinn
fjölmennasti á ráðstefnunni.
Það er vissulega satt og rétt að íþróttir
kvenna fá of litla umfjöllun og þar mætti
gera mikið átak til úrbóta. í þessu
sambandi langar mig til þess að benda á
nokkur atriði.
Eins og í blessuðum þjóðfélagspíra-
mídanum okkar eru nær allar svokall-
aðar toppstöður í íþróttahreyfingunni
skipaðar karlmönnum. Þetta á ekki
einungis við um æðstu stjóm íþrótta-
sambands íslands, heldur einnig héraðs-
sambönd, íþróttabandalög og einstök
félög. Þannig verður íþróttaefni, eins og
annað efni í fjölmiðlum, mest umfjöllun
um karlmenn, og hvað þeir eru að sýsla.
Það eru karlmenn sem leika fótbolta á
Laugardalsvellinum og hinir 1000 áhorf-
endur eru (nær allir) karlmenn. Til
viðbótar þessu hafa margir bent á að um
íþróttir skrifi karlmenn.
Annað mál, og þessu skylt, er að
íþróttafréttamenn hér á landi búa við
ótrúlega lélega aðstöðu og þeim er
nánast þrælað út á sínum vinnustöðum.
Enda get ég fullyrt, að fenginni reynslu,
að öngvir aðilar á fjölmiðlum vinna
meira en einmitt íþróttafréttamennirnir
og fáir blaðamenn skila jafn miklu efni
og þeir.
Þá má geta þess, að íþróttir eru mikil
söluvara fyrir fjölmiðlana. Ef einstakir
íþróttafréttamenn færu út á þá braut að
fjalla um annað en það sem álitin er
söluvara, er eins víst að þeir yrðu ekki
lengi í íþróttaskrifunum. Þetta á ekki
einungis við á íslandi heldur einnig þar
sem ég þekki til erlendis. Þetta tengist
síðan því, að íþróttafréttamenn hafa
sjaldnast tíma til þess að búa til góða
söluvöru úr öðru efni en því sem tengist
kappleikjum. Nóg um það.
Sömu lögmálin
Það er vonandi að íþróttahreyfingin
hér á landi haldi áfram á þeirri braut,
að vinna að málefnum íþróttakvenna.
Stofnun kvennanefndarinnar og ráð-
stcfnan í maí voru greinilega spor í rétta
átt. En þeir sem um þessi mál fjalla
verða að hafa það í huga, að íþróttirnar
eru aðeins hluti af stærri heild og þar
gilda að mörgu leyti sömu lögmálin og
annars staðar í þjóðfélaginu. Það er
grundvallaratriði.
Reykjavík í júlí 1982,
Ingólfur Hannesson.
P.S. Þeim sem hafa áhuga á málefnum
kvennaíþrótta langar mig til að benda á
nýútkomna bók í Noregi, en hún heitir
Kvinner og idrett frá Gyldendal Norsk
Forlag, 1982. Ritstjóri bókar þessarar er
Gerd von der Lippe, kunn baráttukona
í íþróttahreyfingunni norsku.

FÖSTUDAGUR 23. JÚLÍ 1982.
11
íþróttir
Blómlegt
starf hjá
sundfólki
á Selfossi
■ Starfsemi Sunddeildar Selfoss hefur verið með
líflegasta móti sl. keppnistímabil og á síðasta mótinu,
íslandsmeistaramótinu utanhúss fengu austanmenn 8
íslandsmeistaratitla. Þá er HSK núverandi Bikarmeistari
í sundi.
í haust fá sundkrakkarnir við mikinn vanda að glíma,
en það er að næla í sundþjálfara í stað Þórðar
Gunnarssonar, sem verið hefur aðaldriffjöðurinn í
suncimálum á Selfssi síðustu 8 árin. Þórður mun halda til
Danmerkur og þjálfa þarlent sundlið.
Upplýsingar um þjálfaramálin gefa Guðmundur
Ingvarsson (s.2353) og Bjarni Sigurjónsson (s.1906).
- IngH
Heil umferd í
1. deildinni
■ Það verður mikið hlaupið og sparkað um helgina og væntanlega fá markverðirnir
nóg að starfa, eins og kappinn á myndinni hér að ofan.
■ Heil umferð verður í 1. deild
fótboltans um helgina og hart barist í
öllum leikjum því segja má, að nánast
öll liðin séu samtímis í topp - og
botnbaráttu.
Á Akranesi leika Skagamenn gegn
KA og má telja heimamenn sigur-
stranglegri, ekki síst eftir góðan sigur
þeirra gegn Breiðablik í Bikarkeppn-
inni sl. miðvikudag. Þessi leikur hefst
kl 14.30.
ísfirðingar fá efsta lið deildarinnar,
Víking, t' heimsókn. Vestanmenn
fengu 2 auðfengin stig í safnið fyrir
nokkru er þeim var dæmdur sigur í
„Albertsmálinu" svokallaða og munu
þeir örugglega reyna sitt ítrasta til að
leggja Víking að velli eins og þeir
gerðu í Reykjavík fyrr í sumar (3-2).
Nýja „Spútnikliðið", ÍBK, leikur
gegn Breiðabliksmönnum í Keflavík
og gæti það orðið hörkuviðureign.
Blikarnir hljóta að fara að ná sér á
strik.
KR leikur gegn ÍBV á Laugardals-
vellinum. Ætli Eyjamenn sér áfram-
haldandi baráttu á toppi deildarinnar
verða þeir hreinlega að vinna. Það ætti
þeim að takast í ljósi slakrar frammi-
stöðu KR-liðsins gegn Reyni frá
Sandgerði í Bikarkeppninni.
Framantaldir þrír leikir hefjast kl.
14.
Á Sunnudagskvöldið mætast síðan
Reykjavíkurliðin Fram og Valur og
eins og ætíð þegar þessi lið leika
verður hart barist. Leikurinn hefst kl.
20.
- IngH
Um 170 frjálsíþróttamenn á Selfossi:
Meistaramótið
um helgina
■ Aðalhluti Meistaramóts íslands í frjálsum íþróttum verður haldinn á Selfossi um helgina.
Reiknað er með um 170 þátttakendum á mótið og er þar að finna flest af besta frjálsíþróttafólki
landsins. Reyndar eru nokkrír skæðir kappar farnir utan og verða ekki með af þeim orsökum.
Keppni á Meistaramótinu hefst á morgun, laugardag, og lýkur ekki fyrr en á mánudag. IngH
■ KR-ingurinn Helga Halldórsdóttir verður meðal keppenda á MÍ í frjálsum um helgina.
Sveinn Sigurbergsson og
Kristín Þorvaldsdóttir
urðu meistarar hjá Keili
■ Sveinn Sigurbergsson varð sigurvegari í
karlaflokki á Meistaramóti Keilis í golfi, en í
kvennaflokki varð Kristín Þorvaldsdóttir hlut-
skörpust.
Helstu úrslit á mótinu urðu þessi:
Meistaraflokkur kvenna: högg
1. Kristín Þorvaldsdóttir 342
2. Kristín Pálsdóttir 349
3. Þórdís Geirsdóttir 358
Meistaraflokkur karla:
1. Sveinn Sigurbergsson 307
2. Magnús Birgisson 310
3. Sigurður Héðinsson 314
l.flokkur:
1. Sigurbjörn Sigfússon 321
■ aunnuaaginn /o. juh veróur haldið islands-
meistaramót í hjólreiðum, keppt verður í þrem
flokkum. 13-14 ára, 15-16 áraog 17 áraogeldri.
Flokkar 15-16 ára og 17 ára og eldri verða
ræstir af stað kl. 10 f.h. frá Kaplakrikavelli í
Hafnarfirði og hjóla þeir sem leið liggur til
Keflavíkur, þar sem flokkur 15-16 ára snýr við
og hjólar til baka, en 17 ára og eldri halda áfram
til Sandgerðis og Garðs og síðan í gegnum
Keflavík og til Hafnarfjarðar aftur þar sem
markið verður við Kaplakrikavöll. Drengjaflokk-
ur 13-14 ára verður ræstur frá Keflavík og hjólar
til Hafnarfjarðar. Rútuferð verður fyrir 13-14 ára
til Keflavíkur frá Kaplakrika kl. 9.30 f.h. Keppt
verður um veglega farandbikara sem Örninn,
Mílan og H.F.R. gefa.
Skráning fer fram í Mílunni og Erninum. Það
er Hjólreiðafélag Reykjavíkur sem stendur fyrir
keppninni, nánari upplýsingar eru gefnar í síma
13830.
íslandsmót
í hjólreióum
2. Ólafur Ág. Þorsteinsson
3. Arnar Már Ólafsson
2.flokkur:
1. Baldvin Jóhannsson
2. Ágúst Húbertsson
3. Jón Halldórsson
3.flokkur:
1. Jón S. Friðjónsson
2 .Bergur Ásgrímsson
3. Gunnar Hólm
Drengjaflokkur:
1. Guðbjörn Ólafsson
2. Pétur Þórarinsson
3. Jón K. Jónsson
HRAUN
I utanhússmálning
meiraen
15ára
ending
eru bestu
meðmælin
málninghlf
Þess vegna
þarftu ÞOL
á þakið
ÞOL er einstök málningartegund, sem
er sérhönnuö fyrir bárujárnsþök
á Islandi.
VEÐURHELDNI OG MÝKT
eru þeir höfuðkostir ÞOLS, sem sérstök
áhersla hefur verið lögð á, vegna:
• fádæmrarendingar við mikið veður-
álag, svo sem slagregn, sem er sér-
einkenni íslensks veðurfars, og
• einstaks viðnáms gegn orkuríkum
geislum sólar og þeim gífurlegu hita-
sveiflum, sem bárujárnsþök verða fyrir í
sólskini, snjó og frosti.
Notaðu því ÞOL á þökin og aðra járn-
dæðningu. Kynntu þér leiðbeiningarfyrir
tálun. Yfir 20 ára reynsla sannar gæðin.
ölbreytt litakort fæst í næstu málningar-
uverslun.
máininglf