Tíminn - 23.07.1982, Blaðsíða 19
FÖSTUDAGUR 23. JÚLÍ 1982.
19
og leikhús - Kvikmyndir og fieikhús
kvikmyndahornid
Karlhóran (Richard Gerc) og þingmannsfrúin (Lauren Hutton) i
American Gigolo.
Þingmannsfrúin
og karlhóran
■ ATVINNUMAÐUR I ÁSTUM (American Gigolo). Sýningarstaður:
Háskólabíó. Lcikstjóri og handritahöfundur: Paul Schrader. Aðalhlutverk:
Richard Gerc (Julian Kay), Lauren Hutton (Michelle), Hector Elizondo
(Sunday), Nina van Pallandt (Anne), Bill Duke (Leon). Myndataka: John
Bailey. Framleidd af Paramount árið 1980.
Paul Schrader vakti fyrst athygli
sem höfundur handrits hinnar um-
dcildu kvikmyndar „Taxi Driver"
árið 1976, en þar var fjallað um
eymdarlíf í skuggahverfum New
York. Slíkt líferni virðist Schrader
sérlega hugleikið, því hann hefur
aftur og aftur fjallað um hliðstæð
viðfangsefni í myndum sínum, svo
sem í Hardcore, sem hann bæði
leikstýrði og ritaði handrit fyrir. Og
í American Gigalo er hann enn við
sama heygarðshornið, þótt umhverf-
ið sé annað, þ.e. millahverfin í Los
Angeles og nágrenni, Palm Springs,
Malibu, Beverly Hillsog Hollywood.
Eiginlega má segja að American
Gigalo sé tvískipt. Annars vegar
lýsing á lífi Julian Kaye sem karlhóru
meðal ríkra Los Angelesbúa. Hins
vegar morðþriller með mjög ósenni-
legum endi.
Richard Gere fer með hlutverk
Julian Kaye og gerir það með svo
fjarrænum hætti, að áhorfandinn fær
aldrei samúð með honum. Þau
mistök eru afdrifarík fyrir myndina,
sem einmitt fjallar um það hvernig
Kaye kemst að því, þegar hann
lendir í vandræðum, að hann á enga
vini, að öllum sem hann hefur haft
samskipti við í „starfi“ sínu er alveg
sama hvað um hann verður. En þar
sem áhorfendum stendur líka ná-
kvæmlega á sama hvað um
Gere/Kaye verður, verður þessi
burðarás söguþráðarins ósköp flatur
og áhrifalaus. Það bætir svo ekki úr
skák að gamli hamingjuendirinn,
þegar þingmannsfrúin játar karlhór-
unni ást sína og fórnar eiginmanni og
stöðu til að'bjarga Kaye úrgasklefan-
um, eða hvað þeir nú nota í
Kaliforníu til að hegna morðingjum,
er ótrúlegur og kjánalegur.
Lýsing Schraders á lífi og starfi
karlhóru er ósköp ófrumleg, flest
hefur þar sést áður í öðrum
kvikmyndum og oft betur gert, þótt
sviðsmynd og myndataka sé í góðu
lagi. Sakamálakaflinn er hins vegar
oft á tíðum hraður og spennandi,
Hector Elizondo leikur eftirminni-
lcgan rannsóknarlögreglumann, sent
telur Haye sekan um morð á einni
kvennanna sem hann var ráðinn til
að fullnægja. Kaye er að vísu saklaus
af því morði, en á erfitt með að
sannfæra lögregluna um það, þar
sem hann hefur ekki fjarvistarsönn-
un, sem hann vill skýra frá. Það er
ekki fyrr en í lok myndarinnar, þcgar
Kaye situr í fangelsi og öll sund verða
lokuð, að ástin bjargar honum í líki
Lauren Hutton. Hún leikur Mi-
chelle, sem er gift öldungardeildar-
þingmanni með Kennedysvip. Mi-
chelle er að ýmsu leyti sannverðug-
asta persónan í allri myndinni, vel
leikin af Hutton, þótt ákvörðun
hcnnar um aðyfirgefa eiginmanninn
til þess að geta leyst Kaye úr fangelsi
og tekið saman við hann sé auðvitað
ótrúleg. Skyldu þau svo eiga að lifa
hamingjusöm til æviloka? Kannski
mun hún verða „umboðsmaður"
hans?
Það er engu líkara en að þegar
Schrader var búinn alla myndina að
rcyna að koma söguhetju sinni í
fangelsi þá hafi hann ekki haft í sér
hörku til þess að láta myndina enda
á þann eina hátt, sem er í fullu
samræmi við það sem á undan er
gengið, og því gripið til hins
gamalkunna ástin-bjargar-öllu-ham-
ingjuendis, því miður. Með raunsæ-
um endi, og öðrum leikara í
aðalhlutverkinu, hefði sagan af
karlhórunni í Los Angeles getað
orðið að góðri kvikmynd.
Elias Snæland
Jónsson
skrifar
★
★★★
★★
★★
★
★★★
★★
★★★
Atvinnumadur í ástum
Hörkutólið
Stuð meðferð
Sóiin ein varvitni
Sverðið og seiðskrattinn
Amerískur varúlfur í London
Jarðbúinn
Lola
Cat Ballou
Framísviðsljósið
Stjörnugjöf Tímans
* * * * frábær • * * * mjög góð ■ * * göö ■ * sæmlleg • O léleg
Y