Tíminn - 05.10.1982, Blaðsíða 5
ÞRIÐJUDAGUR 5. OKTÓBER 1982
5
fréttii
„SAMMALA
MEGINNIÐUR
STÖÐUNUM”
— segir Ingvar
Gíslason, mennta-
málaráðherra,
um niðurstöður
meirihluta
útvarpslaganefndar
■ „Mér líst mjög vel á þetta verk.
Niðurstaða nefndarinnar (útvarpslaga-
nefndar) kemur mér ekki á óvart og ég
er sammála megin niðurstöðunum. Eg
mun nú leggja þessi frumvarpsdrög fyrir
ríkisstjórnina og hef hugsað mér að
þetta verði lagt fram sem stjómarfrum-
varp sem allra fyrst eftir að þing kemur
saman", sagði Ingvar Gíslason,
menntamálaráðherra, sem ásamt út-
varpslaganefnd kynnti í gær niðurstöður
þær sem nefndin hefur skilað af sér í
frumvarpsformi.
Samkvæmt tillögunum mun einka-
réttur Ríkisútvarpsins til útvarps og
sjónvarps afnuminn, eins og áður hefur
verið frá skýrt. Gert er ráð fyrir að aðrar
þráðlausar útvarpsstöðvar verði fjár-
magnaðar með auglýsingasölu, sem
nefndarmenn voru sammála um að
valda muni minnkandi auglýsinga-
tekjum hjá RUV. Það tap - og meira til
- er lagt til að bætt verði upp með
hækkuðum afnotagjöldum RUV ásamt
því að Ríkisútvarpið fái á ný tekjustofn
af aðflutningsgjöldum af sjónvarps- og
hljóðvarpstækjum og hlutum í þau. En
tekjur RUV af innflutningi sjónvarps-
tækja voru af því teknar á árunum
1977-78, einmitt þegar hinn mikli
innflutningur . lits.jónvarpstækja hófst,
að sögn útvarpsstjóra.
Samkvæmt tillögunum er Ríkisút-
varpinu gert skylt að senda út dagskrá
um allt land.
Útvarpsdagskrá verði að lágmarki 16
tímar á dag og sumarlokun sjónvarps
verði afnumin. Varðandi efnisval kom
fram að ekki er gert ráð fyrir jafn
ströngum kröfum hjá öðrum stöðvum og
Andrés Björnsson,
útvarpsstjóri, í minnihluta
í útvarpslaganefnd:
ósammála
nefndar-
álitinu’'
■ „Ég er í grundvallaratridum ósam-
mála þessu nefndaráliti sem hér liggur
fyrir,“ sagði Andrés Bjömsson, útvarps-
stjóri og einn hinna sjö er sæti áttu í
útvarpslaganefnd. Kvaðst hann vona að
ráðherrar og alþingismenn gæfu sér
góðan tíma til að fjalla vel og rækilega
um þetta mál áður en það yrði afgreitt
á Alþingi.
Það kom m.a. fram hjá útvarpsstjóra
að hann undraðist að nefndarmenn
hefðu lítinn áhuga haft fyrir áhuga-
mannaútvarpi - en slíkar stöðvar séu
þær einu sem leyfðar séu útsendingar frá
á hinum Norðurlöndunum - heldur
virtist sér markaðsútvarp hafa verið
höfuðmarkmið meirihluta nefndarinnar.
„Þetta er eingöngu hugsað til að ná
fjármunum.
Það er ekki verið að huga að
hagsmunum neytenda í þessu sambandi
heldur þeirra sem hyggjast reka þetta
útvarp. Þetta er því neytendamál.
Auglýsingatekjur þessara stöðva munu
fyrst og fremst verða notaðar til að
greiða hluthöfum arð, en ekki til
útvarpsreksturs", sagði útvarpsstjóri.
Hins vegar kvaðst hann alls ekki sjá að
með þessu frumvarpi væri tryggt að
Ríkisútvarpinu verði gert fært að standa
undir þeim kröfum sem gerðar eru til
þess og séu auknar að mun samkvæmt
frumvarpinu.
Útvarpsstjóri kvaðst jafnframt ósam-
þykkur því að tveir aðilar - nefndir -
eigi að fylgjast með útvarpsrekstri í
landinu - þ.e. útvarpsráð með Ríkis-
útvarpinu en síðan útvarpsréttarnefnd
með öðrum stöðvum. Taldi hann með
því boðið upp á hættu á mismunun ríkis-
og einkastöðva.
Þeir Andrés Björnsson og Vilhjálmur
Hjálmarsson skrifuðu sameiginlega
undir sérálit með tillögunum. Aðrir
nefndarmenn voru í höfuðdráttum
sammála um þær tillögur sem gerðar
hafa verið. Ellert B. Schram gerði þó
athugasemd vegna takmörkunar á
auglýsingum í minni stöðvum. Jafnframt
telur hann óeðlilegt að kapalstöðvum
verði ekki heimilt að selja auglýsingar
svo sem öðrum stöðvum. -HEI
■ Menntamálaráðherra, Ingvar Gíslason og hluti útvarpslagancfndar á fundi með fréttamönnum. Ráðherra á vinstri hlið
situr Markús A. Einarsson, form. nefndarinnar, þá Kristján Gunnarsson, fráfarandi fræðslustjóri, Ellert B. Schram,
ritstjóri og Andrés Björnsson, útvarpsstjóri. Einnig var á fundinum Olafur R. Einarsson, kennari, en þeir Benedikt Gröndal
og Vilhjálmur Hjálmarsson gátu ekki verið viðstaddir. Tímamynd G.E.
Ríkisútvarpinu.
Hins vegar er lagt til að sveitarstjórnir
mæli með leyfisveitingu til útvarps-og
sjónvarpsreksturs hver á sínu svæði, að
uppfylltum ákveðnum skilyrðum. Skulu
slíkar stöðvar gera væntanlegri „út-
varpsréttarnefnd1' grein fyrir þeirri
dagskrárstefnu sem fyrirhuguð er. Skal
nefndin jafnframt hafa eftirlit með
rekstri slíkra stöðva og getur afturkallað
leyfi þeirra, séu lög og reglur um útvarp
brotnar. -HEI
stór/ ASKRIFENDA-
“íGETRAUN!
DAIHATSU
CHARA
Dreginn /
út 3. mars
1983
25.000,-kr vöruúttekt í
□OBHma
Dregin út 4. nóvember 1982