Tíminn - 08.03.1983, Blaðsíða 10

io____________
viðskiptalífið
ÞRIÐJUDAGUR 8. MARS 1983
umsjón: Skafti Jónsson
■ „Það má scgja að Stjómunarfélagið sé
hluti af l'ulloröinsfræðslunni í landinu.
Við bjóðum hér upp á ákveðna endur-
menntun fyrir fólk í atvinnulífinu og eins
fyrir þá sem eru að koma út á vinnu-
markaðinn að nýju eftir hlé, „sagði Arni
Gunnarsson, framkvæmdastjóri Stjórn-
unarfélags Islands í samtali við Tímann.
- Námskeið ykkar eru aðallega á sviði
viðskipta?
„Stjórnandinn og hlutverk hans“ nefndist námskeiðið sem var í gangi hjá Stjórnunarfélaginu í gær.
„Sinnum endurmenntunar
þörfum atvinnulífsins”
— segir Árni Gunnarsson, framkvæmdastjóri Stjórnunarfélags íslands
„Við höfum reynt að sinna þörfum
atvinnulífsins, með því að halda nám-
skeið fyrir framkvæmdastjóra og ein-
staka undirstjórnendur í fyrirtækjum,
sem hafa með að gera fjármál, sölu
framleiðslu og aðra þætti sem yfirleitt er
að finna í fyrirtækjum.
Síðan erum við með almenn námskeið
sem t.d. öll okkar tölvufræðsla, sem cr
orðin talsvert umfangsmikil flokkast
undir. Eins erum við með námskeið í
bókfærslu, sölumennsku o.fl. f>ar fáum
við stóra hópa inn rúmlega 2000 manns
á síðasta ári, „sagði Arni.
- Nú eruð þið með námskeið sem ber
yfirskriftinga „Stjórnandinn og hlutverk
hans“ - hverjir sækja svona námskeið?
„Það eru aðallega stjórnendur og fólk
sem hefur lent í einhvers konar stjórnun-
arstöðum. Hér eru til dæmis margir
hjúkrunarfræðingar sem hækkað hafa í
tign innan spítalakerfisins og orðið
hjúkrunarframkvæmdastjórar. í þeirra
skóla skilst mér að lítið sé kennt um
stjórnun. Við getum kallað það gat í
þeirra menntun sem við reynum að
fylla.“
- Nú cruð þið með geysilega mörg
námskeið - er ekki erfitt fyrir fólk að
velja á milli þeirra?
Markmiðið skýrt skilgreint
„Öll okkar námskeið eru skipulögð
með það fyrir augum að fá réttan hóp
inn. Markmiðið er mjögskýrt skilgreint
þannig að fólk veit vel fyrir fram að
hverju það gengur."
- Þið eruð með mikið af erlendum
námskeiðum?
„Hingað koma 14 erlendir leiðbein-
endur í vetur og halda hver sitt nám-
skeið, sem eru á mjög ólíkum sviðum."
- Hvað eru margir þátttakendur í
hverju námskeiði?
„Það er nokkuð misjafnt - fer mikið
eftir því hvers eðlis námskeiðið er. A
íslcnskum cr hámarks fjöldi yfirleitt 20
manns, algengur fjöldi á tölvunámskeið-
um er frá 8 til 14. Þau erlendu eru hins
vegar nokkuð fjölmennari, en þó eru
aldrei með fleiri en 35 þátttakendur í
einu."
Nær undantekningalaust
yfirbókuð
„Erlend námskeið eru nær undantekn-
ingalaust yfirbókuð. Áhuginn er alltaf
að aukast og í því sambandi get ég nefnt
að velta félagsins frá 1981 til 1982 jókst
um 120%, sem er langt yfir verðbólgu.
.Við höfum líka verið að sprengja utan af
okkur hvert húsnæðið á fætur öðru. Við
fluttum hingað (Síðumúla 23) fyrir rúm-
um tveimur árum og höfum síðan tekið
á lcigu 120 fermetra sal við Ármúla og
þurfum þó að skipta mikið við hótelin í
borginni.
Það er svo greinilegt núna hvað fólk
er að vakna til vitundar um gildi endur-
menntunar og símenntunar. Enda eru
nú svo miklar breytingar í öllum rekstri
að þörfin hefur sennilega aldrei verið
meiri. Þar hefur náttúrlega tölvan mest
að segja en það kemur líka til að nú eru
þrengingar og þá fer fólk að velta fyrir
sér hvað sé hægt að gera. Við getum
nefnt að námskeið í markaðsstjórnun
getur komið að góðu gagni þegar sala
minnkar og gamlir markaðir hverfa og
leita þarf nýrra, en þar liggur einmitt
vandi margra íslenskra fyrirtækja."
Frjálst nám
- Tekur fólk próf að námskeiðum
loknum?
„Nei. Þetta er frjálst nám og hér eru
engin próf tekin. Flestirsækja námskeið-
■ Árni Gunnarsson, framkvæmda-
stjúri Stjórnunarfélagsins.
in í vinnutíma sínum á kostnað vinnu-
veitandans. Við höfum líka komist að
samkomulagi við Verslunarmannafélag
Reykjavíkur og Starfsmannafélag ríkis-
stofnana um að fræðslu- og endur-
menntunársjóðir félaganna greiði þátt-
tökugjald félagsmanna sinna. Enda sjá
bæði þessi félög og vinnuveitendur sinn
hag í því að gera stnu fólki kleift að
sækja menntun sem getur komið að
gagni í starfi.
Við höfum líka gert talsvert af því að
skipuleggja námskeið að beiðni félaga
og fyrirtækja, sérstaklega sniðin fyrir
þeirra þarfir.“
Yfír 300 aðilar að félaginu
„Stjórn félagsins er skipuð fulltrúum
frá flcstum stærstu hagsmunafélögum
landsins. Við erum með fulltrúa frá
einkaframtakinu, samvinnuhreyfing-
unni, verkalýðshreyfingunni og Vinnu-
veitendasambandinu. Það eru yfir 300
fyrirtæki og 300 einstaklingar sem eru
aðilar að félaginu og borgar hver um sig
sérstakt gjald fyrir aðildina. Þá erum við
með fræðsluráð, sem í eru fulltrúar frá
Háskóla íslands, iðntæknistofnun og
iðnaðarráðuneytinu. Loks má nefna
framkvæmdaráð, sem skipað er
mönnum sem lengi hafa komið við sögu
félagsins.“
- Hvað vinnst með því að vera félagi?
„Allir starfsmenn fyrirtækja sem eiga
aðild að félaginu fá 20% afslátt af
þátttökugjaldi námskeiðanna. Einnig er
félögum gerð grein fyrir því sem hér á
sér stað, í fréttabréfum."
- Hvað með skipulagningu námskeiða
erlendis?
„Við höfum aðgang að upplýsinga-
banka sem hefur að geyma upplýsingar
um námskeið í öllum löndum Vestur-
Evrópu og í Bandaríkjunum. Þannig
getum við fundið námskeið fyrir mann,
sem kannski er á ferðalagi erlendis og
vill nota tímann til að fræðast um
eitthvað sem viðkemur hans áhugamál-
um eða atvinnu."
Nýr
Bakka-
foss
til
Eimskips
— leigdur til
þriggja ára
með kaupa-
heimild
■ Eimskip mun taka við nýju skipi,
m/s Bakkafossi, um miðjan þennan
mánuð, og kemur skipið til íslands í
lok mánaðarins.
Bakkafoss, sem áður hét City of
Oxford, er tæpra 1600 rúmlesta gáma-
skip, byggt fyrir tveiipur árum í Bret-
landi. Skipið getur ilutt 250 gámaein-
ingar og er systurskip City of Hartle-
pool, sem félagið hefur á tímaleigu.
M/s Bakkafoss er leigður á þurrleigu til
þriggja ára með kaupaheimild, og
kemur skipið í stað Marc Garant, sem
verið hcfur í Ameríkusiglingum að
undanförnu.
íslensk áhöfn verður á Bakkafossi.
Skipstjóri Þór Elísson en yfirvélstjóri
Ásgeir Sigurjónsson.
Rúnit ár er síðan eldri Bakkafoss
var seldur. Það skip var smíðað 1970
og gat flutt um 130 gámaeiningar.,
Eimskip keypti skipið árið 1974, en
mun það hafa verið orðið of lítið og
þar af leiðandi óhagkvæmt í rekstri á
þeim leiðum sem það sigldi.
Aðalfundur
Eimskips hf.
■ Aðalfundur Eimskipafélags ís-
lands h/f verður haldinn í Súlnasal,
Hótel Sögu mánudaginn 21. mars
' klukkan 14.00.
Ádagskráverðavenjuleg. aðalfund-
arstörf, tillaga um útgáfu jöfnunar-
hlutabréfa, aukningu hlutafjár og inn-
köllun eldri hlutabréfa svo og önnur
mál, löglega upp borin.
Tillögur frá hluthöfum, sem bera á
fram á aðalfundi, skulu vera komnar
skriflega í hendur stjórnarinnar eigi
síðar en sjö dögum fyrir aðalfund.
Aðgöngumiðar að fundinum verða
afhentir hluthöfum og umboðs-
mönnum hluthafa á skrifstofu félagsins
í Rcykjavík frá 14. mars.
Eimskip
fjölgar
þjónustu-
höfnum
— Dublin og
Belfast á írlandi
bætast við
■ Um árabil hefur Eimskip rekið þjón-
ustuhafnir í samvinnu viö umboðsmenn
sína í Bretlandi. Hér er um að ræða
vörumóttökustöðvar, þar sem umboðs-
menn taka á móti vöru, aðstoða við-
skiptamenn við að fylla út öll farmskjöl
og tryggja þannig sem einfaldasta flutn-
ingaþjónustu.
í fréttabréfi Eimskips segir, að þessar
hafnir þjóni ekki eingöngu innílytjend-
um, því íslenskir útflytjendur eigi með
þessu móti kost á að koma vöru sinni
sem næst viðskiptavinum sínum með
minni tilkostnaði en ella.
Fjórar þjónustuhafnir eru nú í rekstri í
Bretlandi; í London. Birmingham,
■ Alafoss Eimskips.
Leeds og Hull. Þær eru í tengslum við
vikulegar ferðir frá Felixstowe, en auk
þess hafa skip félagsins komið við í
Weston Point hálfsmánaðarlega.
Viðskiptavinum Eimskips er nú boðið
upp á vikulega flutninga frá þjónustu-
höt'num félagsins í Dublin og Belfast á
írlandi. Vikulegar ferðir eru auk þess
frá Helsinki í Finnlandi. Þá var s.l. haust
opnuð ný þjónustuhöfn í Mílano á Ítalíu.
Flutningar frá þessum höfnum eru
ekki eingöngu bundnir við gámavöru,
heldur er hér um að ræða alhliða flutn-
ingaþjónustu á stykkjavöru.
Norski sjávarútvegs-
ráðherrarm, Thor Listau:
Varar vid auk-
inni framleiðslu
frystra sjávar-
afurða í Noregi
■ „Hætt er við að í næstu framtíð verði
erfitt fyrir okkur að losna við sjávaraf-
urðir vegna breyttra aðstæðna á okkar
helstu mörkuðum, „sagði Thor Listau,
sjávarútvegsráðherra Norðmanna, í
fyrirlestri sem hann hélt í Osló fyrir
skömmu.
Thor sagði að erfiðleikar sem stcðjuðu
að á helstu skreiðar og saltfiskmörk-
uðum hefðu neytt norska fiskverkendur
til að frysta stærri hluta sjávaraflans en
hingað til hefur verið gert. Ráðherrann
varaði við þessari þróun og sagði norsk-
an sjávarútveg ekki undir hana búinn.
„Mikil aukning á framleiðslu frystra
sjávarafurða getur leitt til þess að verð-
fall verði á þeim. sem náttúrlega þýðir
lélegri afkomu fyrir sjávarútveginn. Til
að ná fram meiri stöðugleika í sjávarút-
vegi verður að leita nýrra leiða. „sagði
Thor Listau.
í því sambandi talaði hann um fiski-
stofna sem hingað til hafa verið lítið eða
jafnvel ekki nýttir.
Loks sagði ráðherrann, að sala á fiski
innanlands í Noregi hefði minnkað mik-
ið frá því um 1960. Nú borðaði hver
Norðmaður um 10 kílóum minna af fiski
en fyrir 20 árum sem þýddi að neyslan
hefði minnkað um 35 til 40 þúsund tonn.
Þessi þróun hefði átt sér stað, þrátt fyrir
að verð á kjöti 'og kjötvörum hefði
hækkað um sem næst 40 af hundraði
tímabilinu.