Tíminn - 27.07.1983, Blaðsíða 3

MIÐVIKUDAGUR 27. JÚLÍ1983
Niðurstaða spurningakönnunar Hagvangs fyrir Umferðarráð:
MIKILL MEIRIHLUTI MEÐ-
MÆLTUR BlLBELTANOTKUN
— en andstaða gegn upptöku sektarákvæða
■ { niðurstöðum spurningakönnunar
Hagvangs sem gerð var fyrir Umferðar-
ráð kemur fram að 54,7% þeirra, sem
spurðir voru hvort beita ætti sektará-
kvæðum varðandi notkun bílbelta,
svöruðu því neitandi, en 36,2% vildu að
sektarákvæðum yrði beitt. 9,1% tóku
ekki afstöðu. Voru niðurstöðurnar
kynntar blaðamönnum í gærdag.
Úrtakið var 1300 manns og bárust alls
1044 svör. Einnig var spurt hvort fólki
fyndist bílbelti ávallt veita öryggi. Þeirri
spurningu svöruðu 1035 og þar af voru
73% á því að bílbelti auki alltaf öryggi,
5,7% fannst bílbeltanotkun aðeins auka
öryggi fólks innanbæjar og 8% aðeins
utanbæjar. Aðeins 5,8% svöruðu þessu
neitandi og 7,4% voru óákveðnir.
Það kom einnig fram á þessum fundi
að notkun bílbelta á íslandi hefur aukist
töluvert síðustu 3 árin. Árið 1981 var
meðaltalsnotkun bílbelta hjá öku-
mönnum 12%, en er nú 27%. Á sama
tíma hefur meðaltalsnotkun farþega í
framsæti aukist úr 15% í 32%.
Óli H. Þórðarson, formaður Umferð-
arráðs, kynnti svo og á fundinum, bíl-
beltahappdrætti sem hefst nú um versl-
unarmannahelgina. Með happdrættinu
hyggjast lögreglan og Umferðarráð örva
notkun bílbelta á íslandi. Mun lögreglan
dreifa um allt land viðurkenningarbæk-
lingum, sem jafnframt eru númeraðir
happdrættismiðar til þeirra sem nota
beltin. Verður dregið vikulega um 12-13
vinninga hverju sinni. Alls verður dregið
9 sinnum og ávallt á miðvikudögum.
Vinningar eru 110 og að verðmæti tæp-
lega 162 þús. krónur. Flestirvinninganna
snerta á einhver hátt umferðaröryggi,
auk reiðhjóla-, bóka- og ferðavinninga.
-Jól.
■ Slæmt veður og skyggni segja til
sín þegar út i umferðina er komið,
eins og berlega kom í Ijós í Reykjavík
í gær. Á myndinni má sjá árekstur
tveggja bifreiða sem varð síðdegis á
Hringbraut sunnan gamla Kennara-
skólans. Tímamynd. Ari

JMÍ I
Evrópumeist-
aramótid í
bridge:
íslending-
ar tapa
stórt fyrir
Dönum
■ íslcndingar töpuðu fyrir Dönum,
20-2, á Evrópumótinu í bridge á
mánudagskvöldið en þá var 16. umferð
mótsins spiluð. Frakkar unnu þá Pól-
verja 20-2 og hafa nú rúmlega 50 stiga
forskot á mótinu.
Af öðrum úrslitum í umferðinni má
nefna að Norðmenn unnu Lfbanonbúa
20-4, Ungverjar unnu Hollendinga 19-
1 ogBretarunnu Belga 15-1. Röðefstu
þjóða er sú að Frakkar hafa 259 stig,
ítalir 206, Norðmenn 197,5 og Ung-
verjar 196,5. íslendingar eru með
110,5 stig í 20. sæti.
Dagskrá ísiendinganna fer nú að
léttast því þeir eiga eftir 4 þjóðir sem
eru íyrir neðan þá að stigum og tvær
sem eru rétt fyrir ofan. Með góðum
endaspretti ætti liðið því að geta tryggt
sér 14.-16. sætið. f dagspila íslending-
ar við Júgóslava og Rúrnena.
Fimm umferðum er nú lokið í
kvennaflokki og þar stendur baráttan
milii núveranndi Evrópumeistara
Brcta, Frakka, Svía og Hollendinga.
-GSH
íslendingur sleginn í veitingahúsinu Óðali
af varnarliðsmanni:
Útgöngubann gengið í
gildi þegar atburðurinn
átti sér stað
■ Átök urðu milli íslendings og varnar-
liðsmanns af KeflavíkurflugveUi í veit-
ingahúsinu Oðal um tvöleytið á aðfara-
nótt sunnudags. Lauk þeim með því að
varnarliðsmaðurinn sló Islendinginn í
andlitið og varð að flytja Islendinginn á
slysadeUd tU að gera að sárum hans.
Varnarliðsmaöurinn var handtekinn
með tveim félögum sínum skömmu
seinna, en þeir voru allir í leyfisleysi í
Reykjavík, þar sem útgöngubann fyrir
þá gengur í gUdi kl. 23.30. Vamarliðs-
mennirnir vora fluttir til yfírheyrslu en
tveim þeirra var sleppt fljótlega. Árás-
armaðurinn er nú í gæslu hjá vamarlið-
inu og verða allir varnarliðsmennimir
þrír látnir sæta refsingu þar fyrir agabrot.
Tíminn hafði samband við Mik Magn-
ússon blaðafulltrúa vegna þessa máls.
Hann sagði að enn væri ótímabært að tjá
sig um þennan atburð, þar sem hann
væri enn í athugun. Refsing varnarliðs-
mannanna af hálfu varnarliðsins færi
eftir eðli brota þeirra og öðrum mála-
vöxtum. Sem mögulegar refsingar nefndi
Mik lækkun í tign, varðhald, útgöngu-
bann, fjársektir eða brottrekstur úr
hernum með skömm, en sagði um leið
að þessir möguleikar þyrftu ekki að eiga
við um þetta atvik. Síðan væri það
íslenskra yfirvalda að ákveða hvort árás-
armaðurinn yrði dreginn fyrir íslenska
dómstóla.
Aðspurður sagði Mik Magnússon að
reglur um útgöngubann hermanna giltu
frá kl. 23.30 til 6.00 alla daga nema
miðvikudaga, þá frá 24.00 til 6.00.
Undanþágur frá þessum reglum færu
eftir starfsaldri og öðrum skýrt afmörkuð-
um atriðum, t.d. ef hermenn sækja
tónleika eða aðra menningarviðburði
sem standa lengur en til miðnættis, og
einnig ef hermönnum er boðið á einka-
heimili. Þetta væri þó háð því að viðkom-
andi skiluðu sér strax aftur í herstöðina
um leið og heimsóknum væri lokið.
Einnig þyrfti að fá skriflegt leyfi frá
yfirmanni og undirskrift frá herlögreglu-
stjóra áður en undanþágur fengjust frá
útgöngubanni.
Að lokum sagðist Mik Magnússon
harma þennan atburð enda bitnaði hann
ekki síður á saklausum en sekum.
- GSH.
Verður hlutur ríkisins í íslensk-
um aðalverktökum seldur?:
„TILBUINN AÐ
SELJA SEM FLEST”
■ „Ég hef ekkert skoðað af þessum
tilboðum sem ég hef fengið sérstaklega.
Hins vegar er ég tilbúinn að selja sem
flest og er búinn að biðja samráðherra
mína að senda mér lista yfír það sem þeir
samþykkja að selt verði af eignum
ríkisins - það á jafnt við um Islenska
aðalverktaka og annað,“ sagði Albert
Guðmundsson, fjármálaráðherra, þegar
hann var spurður um hugmyndir, sem
fram hafa komið, um að Verkalýðsfélag
Keflavíkur keypti hlut ríkisins í íslensk-
um aðalverktökum.
Geir Hallgrímsson, utanríkisráð-
herra, sagði að nú væri verið að kanna
fyrirkomulag á starfsemi verktakafyrir-
tækja á Keflavíkurflugvelli. í því sam-
bandi væri líklegt að kauptilboð í hlut
ríkisins í íslenskum aðalverktökum yrði
skoðað gaumgæfilega.
Ríkið á fjórðung í fyrirtækinu.
-Sjó.
F er ðalangaþj ónusta
í þjóðleið
Bensín og
olíur frá
öllum olíu-
félögunum
Heitir hamborgarar, samlokur, pylsur,
öl, gos, sœlgœti og ýmsar vörur fyrir
ferðamenn.
Veiðivörur og veiðileyfi í Lárós og vatna-
svœði LÍSU.
Afgreiðsla fyrir H.P. og margt margt
fleira.
Verið velkomin
Bensínstöðin
Grundarfirði