Tíminn - 27.07.1983, Blaðsíða 12
MIÐVIKUDAGUR 27. JÚLÍ1983
heimilistímirin
16
Víða liggja hætturnar:
Slys við bústörfin
■ Hættumar levnast víöa í atvinnulíf-
inu, ekki síður til sveita en til sjávar.
Eftirfarandi frásagnir um slys við búnað-
arstörf birtust nýlega í Frey. Þær em
teknar saman af nemendum við Bænda-
skólann á Hvanneyri, en Bjami Guð-
mundsson, kennari þar, gerði teikning-
arnar.
Buxurnar flettust af
„Það var verið að hirða bagga, notað
var færiband ‘ við að setja heyið í
hlöðuna. Bandið var knúið með drif-
skafti og var það hlífðarlaust. Maður fór
ofan af vagni og kom eitthvað við
drifskaftið og skipti engum togum að
buxnaskálmin snerist með. Það bjargaði
að maðurinn var í gömlum buxum og bol
að ofan. Buxurnar flettust af og bolurinn
einnig þannig að hann stóð á nærbuxun-
um einum.
Meiðslin urðu þau að hann snerist
dálítið á fæti þannig að vefja þurfti.
Þarna slapp minn maður ótrúlega vel,
því að verr hefði getað farið.“
Úlpan fór í drifskaftið
„í minni sveit skeði það einu sinni að
bóndasonur (15 ára) var að aka haug og
hafði hann sett óhóflega mikið í mykju-
dreifarann, þannig að dráttarvélin dró
hann ekki upp úr haugstæðinu. Setti
hann þá aflúrtakið í gang til að létta á
þunganum, en brá sér um leið niður af
vélinni til að kasta af sér vatni. Veður
var ekki gott og stóð hann því í skjóli við
vélina, en þá skeði óhappið, úlpan
flaksaðist til í vindinum og fór í drifskaft-
ið, sem sneri piltinn þegar niður. Það
vildi honum til happs að dráttarvélin var
kraftlítil, og drap því á sér. Hann lá lengi
á sjúkrahúsi, en hefur nú náð sér að
mestu, en kemur aldrei nálægt búskap
rneira."
Tindurinn slóst í fótlegginn
„Ekki hef ég orðið vitni að slysi, en
upp í huga minn kemur að eitt sinn varð
ég næstum fyrir slysi. Þannig var að ég
var að rifja og var ég ekki ánægður með
stillingu hæðar á tindum. Ég hoppaði af
traktornum og gekk að fætlunni að stilla
hana en það er gert með því að snúa sveif
sem lækkar og hækkar tindana. Mér
varð það á að aftengja ekki aflúrtakið,
og ekki var sökum að spyrja, ég steig of
nærri vélinni með þeim afleiðingum að
einn tindurinn slóst í fótlegg minn. Mér
til happs snerist fætlan hægt og tókst mér
að forða mér áður en ég varð fyrir
alvarlegum meiðslum. Ég marðist býsna
mikið á kálfa og var óvinnufær í tvo daga
og haltur lengur, en ég var iánssamur að
fótbrotna ekki.“
Handleggurinn þríbrotnaði
„Nefni ég hér dæmi um dreng, sem var
að þvælast í kringum dráttarvél, sem
tengd var við heyblásara. Drifskaftið á
milli tækjanna var hlífðarlaust og flæktist
hann þar í með vettlinginn með þeim
afleiðingum að handleggurinn þríbrotn-
aði.“
Ég hélt utan um hjöruliðinn
og drif skaftið fór af stað
„Það bar þannig til, að ég var að
tengja drifskaft við sláttutætara og faðir
minn setti drifið af stað áður en ég var
búinn að koma drifskaftinu almennilega
á, ég hélt utan um hjöruliðinn, þegar
drifskaftið fór allt í einu að snúast í
lúkunum á mér. Ég slapp með skrekkinn
í það skiptið."
Hlífin er rifin af
„Hlífin er rifin af í snarheitum til að
gera við hana, kannski í miðjum heyskap
og alveg að koma rigning, svo að enginn
gefur sér tíma til að setja hana aftur á í
flýtinum og þannig verða slysin."
Forkarnir hafa farið í blásar-
ann
„Það hefur komið nokkrum sinnum
fyrir að við höfum misst forkana í
blásarann, en sem betur fer hefur enginn
farið á eftir þeim í hann.“
Peysuermin festist í
tannhjóli
„Ég man glöggt eftir óhappi, er henti
mig eitt sinn er ég var að raða böggum á
færiband. Færibandið var heimasmiðað
og engin hlíf var yfir tannhjólum neðst á
því. Ég var klædd einhvers konar prjóna-
dulu með lafandi ermum. Jæja, ég stóð
neðst við bandið og setti baggana á það,
ekki veit ég svo gjörla, hvað ég var að
álpast með lúkuna yfir tannhjólunum,
en festi annarri ermisdruslunni í tann-
hjólin og snerist hún með þeim. Það
vildi svo heppilega til að peysan líkt og
ermin var mjög morkin og tuggin, því að
þreytt var hún og mjög til ára sinna
komin. Hún gaf sig því mjög fljótt og
hélt ég helmingnum af erminni eftir.“
Hold tættist af
framhandleggnum
„Ég hef ekki orðið vitni að mjög
alvarlegu slysi í sambandi við þetta, en
nóg samt. Strákur úr Reykjavík, sem var
að vinna hjá afa og ömmu fyrir nokkrum
árum festi úlpuermina sína í drifskafti,
náði ekki að rífa sig lausan og það tættist
hold af framhandleggnum á honum. Það
var virkilega ógeðslegt á að horfa, og
vona ég, að ég eigi aldrei eftir að sjá slíkt
aftur.“
Hann greip um reimina og
missti fingur
„Ég þekki af eigin raun óhapp, sem
skeði við súgþurrkunarblásara. Það vildi
þannig til að slökkva átti á blásaranum
að kvöldi til og var niðamyrkur, er þetta
átti sér stað. Eftir að sá sem slökkti á
blásaranum hafði gert það greip hann í
hugsunarleysi í reimina með þeim afleið-
ingum, að hann missti framan af fingri. “
Fjölfætlan dró hann inn á
milli stjarnanna
„Það sem skeði var, að vinnumaður-
inn bakkaði dráttarvélinni að fjölfætl-
unni, en bóndinn stóð við hana og
hugðist tengja, sem hannoggerði. Þegar
hann hafði lokið við að tengja vél og
drifskaft við aflúrtak dráttarvélarinnar,
ætlaði hann að ganga brott á milli
afturhjóls og fjölfætlu. Á dráttarvélinni
var einföld skipting og þegar bóndinn
var búinn að tengja ætlaði vinnumaður-
inn að tala við hann en þá hafði honum
láðst að taka vélina úr vinnudrifi, en
tekið hana úr gír (hann hafði alltaf
annan fótinn á kúplingunni). Það skipti
engum togum, að fjölfætlan náði í bónda
og dró hann inn á milli stjarnanna,
vinnumaðurinn steig þá hið bráðasta
aftur á kúplinguna, tók úr drifi og fór og
losaði bónda úr prísund sinni, allþungan
á brún. Hann var mjög heppinn þvf að
hann marðist aðeins og vár aumur í
nokkra daga á eftir, en þarna hefði getað
farið miklu verr.“
Barnið lenti nærri í
blásaranum
„Eitt skipti horfði ég upp á atvik, sem
hefði getað orðið ægilegt. Þetta var í
sveitinni heima fyrir 10-12 árum, en
alltaf er þetta ferskt í minni. Það var
verið að moka heyi í blásara, og á þeim
árum var notaður vörubíll til að flytja
heyið að hlöðunni, og eins og venja er
hamast allir sem geta eitthvað. Þá vorum
við nokkrir krakkar að leika okkur
þarna rétt hjá. Allt í einu rennur heil-
mikið hlass niður af pallinum, sem
hallaðist ansi mikið, hendist eitt barnið
með og lítur út fyrir að það lendi í
blásaranum, en maður sem þarna var
grípur í fötin á barninu og nær því, og
mátti engu muna. Margar vikur á eftir
mátti ég ekki til þess hugsa, hvað þetta
var hræðilegt, þótt ekkert slys hefði
orðið.“
„Sárast þótti mér um peys-
una mína“
„Að lokum mætti segja söguna af
manninum fyrir austan, þegar peysa
hans flæktist í drifskafti, sem var í gangi.
Náði hann að bera hendur fyrir sig svo
að hann færi ekki sjálfur á eftir peysunni
í drifskaftið. Eftir á sagði hann svona
frá: „En sárast þótti mér um peysuna
mína, því að hana var ég nýbúinn að
kaupa.“
Góð nýting á Edduhótelum í sumar
■ Eddu hóteiin hafa nú starfað yfir
tuttugu ár og hefur Ferðaskrifstofa
ríkisins frá upphaft scð um rekstur
Eddu hótclanna. Þau eru nú alls 15 í
sumar á ýmsum stöðum á landinu
auk Hótels Borgarness en Ferða-
skrifstofa rfkisins cr með rekstrar ráð'
gjöf hvað varðar rekstur þess.
Góð nýting cr á þeirn í sumar að
sögn Ingóifs Péturssonar, fram-
kvæmdastjóra Edduhótclanna. „Það
hefur komið okkur á óvart,“ sagði
Ingólfur, hvað nýtingin er betri en
fyrri sumur. Það sem af er sutnri
hefur nýtingin verið betri en áður og
jafnt um allt landið.
En landfræðilega er alltaf mikili
þungi á Kirkjubæjarklaustri, þar sem
svo langt er til annarra áningarstaða
og hentug dagleið að Klaustri. Þar cr
þvf mikil eftirspurn cftir gistingu.
Um hásumarið cru erlendir gestir
í meiri hluta cn það er mikið af.
ísiendingum líka.
Ég vil leggja áherslu á það að með
hóflegu verði kemur í ljós að nýting
cr góð. Við höfum reynt að halda
verðinu niðri. Ég kann ekki einfald-
ari viðmiðun en það að vörur og
þjónusta séu í sem nánustum takti
við hina almennu kaupgetu á hverj-
um tíma. Við ætlum því að reyna að
halda okkar verði út sumarið, þrátt
fyrir þrálátar hækkanir á hinum
ýmsu þjónustuþáttum. Þessj góða
aðsókn mun einnig gera það mögu-
legra en ella. Við crum með val á
veitingum, en fyrst og fremst viljum
við að allir geti fengið veitingar eftir
sínum smekk og fjárhag."
„Hvað kosta máltíðir á Eddu
hótelunum?1-
„Þær kosta frá 150 kr. -250 kr. fyrir
manninn, cn börn 6-11 ára greiða 1/2
gjald og frítt fyrir þau yngri. „Við
höfum cinnig leitast við að koma til
móts við stórar fjölskyldur Itvað
varðar gistingu. Hjón með 3 börn
t.d. geta fengið aukadýnur inn á
gistiherbergi og kostar það ekkert
aukreitis, ef notaðir eru svefnpokar
á dýnurnar. Gisting fyrir þau fimm
kostarþá710kr. ítveggjamanna her-
bergi með handlaug.“
„Þarf að panta gistingu fyrirfram?“
„Já, það er nauðsynlegt að panta
með fyrirvara, því að víða er fullbók-
að um hásumarið." Svefnpokapláss
þarf ekki að panta fyrirfram, en þau
má fá bæði í skólastofum og í
herbcrgjum.“