Tíminn - 09.10.1983, Qupperneq 10

10__________
kvikmyndasjá
SUNNUDAGUR 9. OKTÓBER 1983
Dan O’Bannon lifir á reiðinni:
„Eg skrifa kvikmyndahandrit í
stað þess að myrða einhvern!”
H Dan O’Bannon skrifaði handritið að kvikmyndinni „Bláa þruman" ásamt
Don Jakoby. O’Bannon er einn af þekktari handritshöfundum í Hollywood,
útskrifaður úr USC-kvikmyndaskólanum eins og George Lucas, Randal
Kleiser, John Milius og fleiri kunnir kvikmyndaleikstjórar. Þekktasta
'kvikmyndin, sem hann skrifaði handrit að til þessa, er geimhrollvekjan
„Alien” eða „Óvætturinn", en áður hafði hann m.a. samið handrít að
geimkvikmynd sem ber heitið „Dark Star“.
í bandaríska tímaritinu „Film
Comment" var fyrir skömmu birt viðtal
við O’Bannon, þar sem m.a. var fjallað
um „Bláu þrumuna". Hér á eftir fara
kaflar úr því viðtali.
- Fyrir hvern kvikmyndahandritshöf-
und, sem nær árangri, eru hundruð sem
mistekst. Hvers vegna hefur þér vegnað
svona vel?
„Mér hefur vegnað vel að því leyti, að
ég er einn tiltölulega fárra rithöfunda,
sem hafa það fjárhagslega gott af að
skrifa fyrir kvikmyndir. En miðað við
mínar eigin kröfur hefur mér aðeins
vegnað sæmilega. Öllum handritum
mínum, nema að „Dark Star“ hefur
verið breytt. Ég er almennt talinn vera
bestur þegar ég skrifa um hraða, hressi-
lega atburðarás. Sjálfur er ég hins vegar
stoltastur af sálfræðilegum grunnstoðum
sagna minna, en þær eru margar hverjar
horfnar út í buskann þegar kvikmyndin
er komin á tjaldið. Mér þykir ánægjulegt
að horfa á „Bláu þrumuna” á meðal
áhorfenda og taka þátt í spennu þeirra
og gleði, en það, sem þau sjá, er í raun
og veru fjarlægt upphaflegum hugmynd-
um mínum um myndina.
En, ef ég á að svara spurningunni, þá
er það margt sem hefur haft samvirkandi
áhrif á að handrit mín hafa selst vel. Ég
hef haft góða samverkamenn, eins og
Ron Shusett (Alien) og Don Jakoby
(Bláa þruman), verið heppinn, hef góða
frásagnarhæfileika, kann vel til verka í
einni eða tveimur gerðum kvikmynda,
gefst aldrei upp og er reiður".
- Hvers vegna reiður?
„í stað þess að fara út og myrða
einhvern, eða að bæla niður reiði mína,
■ Handritshöfrundurinn Dan
O’Bannon - „Frá „Alien“ til „Bláu
þrumunnar".
skrifa ég kvikmyndahandrit. Því reiðari
sem ég er, þeim mun betra handrit skrifa
ég. Taktu „Alien“ sem dæmi. Ég var
fokreiður vegna þess að kvikmyndun
handrits míns að „Dune“ varð að engu,
ég fékk að sofa í sófanum hjá Ron
Shusett, átti ekki krónu og var kominn
með magasár. Allur þessi líkamlegi og
andlegi sársauki sameinaðist í sköpun i
„Alien“ -óvættarins".
- Varstu líka reiður þegar þú skrifaðir
handritið að „Bláu þrumunni“?
„Nei, ég hef lengi gengið fyrir reiði,
en ég hef loksins komist að þeirri
niðurstöðu, að þótt það kunni að vera
gott fyrir kvikmyndahandrit mín, þá fer
það illa með heilsuna”.
- Hversu nákvæmar voru lýsingamar í
handritinu að „Bláu þrumunni“?
„Mjög nákvæmar. Allri atburðarás-
inni var lýst í smáatriðum. f>ar sem ég
vissi að ég fengi ekki að leikstýra mynd-
inni, þá ákvað ég að lýsa tæknibrellum og
glæfrum, sem væri næstum því ómögu-
Iegt að kvikmynda. Það er kaldhæðnis-
legt, en sennilega var það einmitt sú
ögrun, sem í þessu fólst, sem seldi
handritið. Og þessi „óleysanlegu" atriði
voru öll leyst á venjulegan Hollywood-
máta: meðþvíaðeyðameiripeningum".
- Var mörgu sleppt úr handritinu við
gerð myndarinnar?
„Það var ýmsu sleppt. Auk þess voru
ýmsar breytingar nauðsynlegar vegna
þess, að höfuðpersónan breytti nokkuð
um svip. Frumhugmyndin var á ýmsan
hátt allt önnur. Þar var aðalsögupersón-
an, Frank Murphy, geðklofi. Hann var
á mörkum þess að fá algjört taugaáfall,
en gat leynt brjálæði sínu fyrir yfir-
mönnum sínum og samstarfsmönnum.
Hann leit jafnvel á sig sem Þór - guð
þrumu og eldinga - endurfæddan. Og að
lokum varð Los Angeles, borgin sem lá
að fótum hans er hann flaug í þyrlunni,
að hinum goðfræðilega eiturdreka, sem
honum fannst hann verða að eyðileggja.
Þar sem hann var besti flugmaðurinn í
lögregluliðinu var öllum vísbendingum
um, að hann væri ekki heill á geðsmun-
um, vísað á bug og nýja vopnið, Bláa
þruman, sett í hendurnar á honum. Og
hann leggur til atlögu við Los Angeles
og breytir henni í orustuvöll. Þannig var
þetta hugsað, en framleiðendurnir vildu
breyta þessu, gera Murphy að hetju, og
þannig varð það.“
— nýjasta vopn „Stóra bróður”
■ „Bláa þruman“ (Blue Thunder) nefnist kvikmynd, sem vakið hefur mikla
athygli og hlotið ágæta aðsókn erlendis að undanförnu. Nafn myndarínnar
er dregið af sérstakri þyrlu, sem segja má að sé míðdepill kvikmyndarínnar.
Þessi þyrla er einstaklega fullkomið vopn i höndum lögreglunnar í Los
Angeles en einnig stórhættulegt tæki i rangra manna höndum.
Dan O’Bannon og Don Jacoby sömdu
handritið að kvikmyndinni,en O’Bannon
er rn.a. þekktur fyrir handrit sitt að
gcimhrollvekjunni „Alien“, sem sýnd
hefur verið hér á Iandi. Annars staðar á
síðunni eru birtir kaflar úr nýlegu viðtali
við O’Bannon um myndina. Leikstjóri
er hins vegar John Badham, sem þegar
hefur komið nokkuð við sögu kvik-
myndagerð. Hann var þannig leikstjóri,
„Saturday Night Fever“ með John Tra-
volta, en síðasta kvikmynd hans á undan
„Bláu þrumunni” var „Er þetta ekki
mitt líf?“, sem gerð var eftir samnefndu
leikriti, sem m.a. hefur verið sýnt hér á
landi. Sú kvikmynd hlaut dræma aðsókn
og hvarf því skjótt (glatkistuna miklu.
| Hvers konar mynd er þá „Bláa
þruman”? Skoðanir eru nokkuð skiptar
á því, en þeir sem hrifnir eru af myndinni
segja að hún sé eins og „Mad Max“ með
þyrlum - og er þar um að ræða tilvísun
til áströlsku kvikmyndanna tveggja um
framtíðarvíkinginn Max, scm Mel Gib-
son lék og varð heimsfrægur af.
Kvikmyndin gerist í Los Angeles á
m- 4
næsta ári. Borgaryfirvöld eru að undir-
búa olýmpíuleikana, sem þar verða
haldnir á því ári, og stjðmvöld óttast
mjög hryðjuverkastarfsemi. „Við viljum
engin Miinchenfjöldamorð hér“, segir
einn af ráðamönnum borgarinnar, og
löggæslan fær það verkefni að koma í
veg fyrir slíkt. En leynileg samtök meðal
valdamanna stefna að því að auka áhrif
sín og eftirlit með almenningí, og hyggj-
ast neyta þess færist sem skapast vegna
ótta yfirvaldanna við óeirðir og skcmmd-
arverk.
Framtídarvopn
Þessi leynisamtök, hyggjast m.a. ná
fram vilja sínum með því að nota nýja
fullkomna þyrlu, sem er fullkomið leitar-
og eyðingartæki. Þessi þyrla, sem nefnist
„Bláa þruman”, er búin nýjustu tækni,
svo sem myndavél sem getur séð í
gegnum veggi, hljóðnemum scm geta
heyrt fugl setjast á grein, tölvustýrðum
byssum ogstjórntölvu, sem hefur aðgang
að öllum tölvubönkum lögreglu og
njósnastofnana í Bandaríkjunum. I
myndinni er það orðað svo, að þyrlan
geti skotið fimm þúsund skotum á
mínútu og kíkt niður um brjóstmál á
konu úr þúsund feta hæð.
Þyrlan er að sjálfsögðu í meginhlut-
verkinu í myndinni, en nokkrirmennskir
menn fá þó einnig að koma þar við sögu.
Roy Scheider, sem margir minnast vafa-
laust úr „All That Jazz“,leikur Frank
Murphy, einn af þyrluflugmönnum lög-
reglunar, en það ereinmitt hann sem fær
það verkefni að reyna þessa nýjú þyrlu.
Hann á svarinn andstæðing, sem Mal-
com McDowell leikur. Sá heitir Coch-
rane ofursti, og Murphy kemst brátt að
því, að hann hefur ekki hreint mjög í
pokahominu. Warren Oates fer með
hlutverk Braddock, lögreglustjóra, og
var þetta síðasta hlutverk Oates, sem
lést fyrir skömmu.
Síðari hluti kvikmyndarinnar er mikil
þyrluomsta á milli Murphys og Coch-
rane, og þykir mörgum hún skemmtilega
saman sett.
Boðskapurinn, ef hægt er að tala um
slíkt, er svo sá, að „Stóri bróðir” sé á
eftir þér og notfæri sér við það verk
nýjustu tækiframfarir, sem geri kleift
að fylgjast með öllum athöfnum einstak-
lingsins án þess að hann hafi hugmynd
um það.
- ESJ
BLÁA ÞRUMAN
■ Candy Clark fer með hlutverk Kate, vin- i
konu Murphys.
■ Þannig Iftur þyrlan „Bláa þruman“ út.
■ Endalok einnar þyríu f lokaslagnum f
„Bláu þrumunni”.
■ „Bláa þruman“ getur tekið mann af Iffi úr fjarlægð sekúndum
eftir að stjórntölvan hefur lýst hann sekan.