Tíminn - 30.12.1983, Blaðsíða 3

FÖSTUDAGUR 3«. DESEMBER 1983
3
fréttir
HUGMYNDIR UM AÐ BREYTA ASI
í Ein STÓRT STÉTTARFÉIAG!
■ Varðandi skipulagsmál A.S.Í. hafa
nýlega vaknað hugmyndir um að skoða
nánar hugmyndir Danska verkamanna-
sambandsins, sem ganga út á það að allir
félagsmenn verkalýðssamtakanna verði
í einu verkalýðssambandi, að því er fram
kemur í nýjasta tölublaði Vinnunnar.
Þ.e. að ASI yrði þá ekki samband félaga
eða sambanda heldur væru félags-
mennimir beinir aðilar að ASÍ. „Með
öðrom orðum: ASÍ yrði breytt í eitt stórt
stéttarfélag. Komið yrði upp svæðis-
skrifstofum, þar sem stöfuðu starfsmenn
með sérþekkingu í öllum höfuðstarfs-
greinum vinnumarkaðarins“, eins og
haft er eftir Þóri Daníelssyni, formanni
skipulagsmálanefndar ASÍ.
„Umræðan um breytingar er stutt á
veg komin og því ekki gott að segja
hvernig menn taka þessum hugmyndum.
Þetta er að hluta til hjá landsamböndun-
um og síðan veríð að kynna hugmyndirn-
ar í félögunum", sagði Þórír Daníelsson,
spurður um undirtektir manna. Málið er
kannski fyrst og fremst það að finna
skipulagsform sem hentar öllum
hópnum, en það getur veríð bísna flókið.
Það er því eitt og annað sem komið getur
til álita.“
-Ef launþegar yrðu beinir félagar í
ASI, þýðir það þá ekki að félögin verði
lögð niður sem slík og þá jafnframt að
samið yrði fyrír alla í einu, og verkföll
næðu til allra í einu?
„Nei, það er ekki átt við að leggja
félögin niður. Það má ekki gera of mikið
úr þessari beinu persónulegu aðild að
sambandi - félögin myndu starfa eftir
sem áður, þó hlutverk þeirra breyttist
kannski eitthvað. T.d. væri hægt að
hugsa sér að ASI værí eftir sem áður
samband félaga, sem þá væri skipt niður
í deildir eftir starfsgreinum og þessar
deildir gætu þá samið hver fyrir sig. Það
ero heldur ekki uppi neinar hugmyndir
um að breyta t.d. verkfallsréttarákvörð-
uninni. En við eram þeir einu á Norður-
löndunum, sem höfum verkfallsréttinn
heima í héraði - allsstaðar annarsstaðar
er hann hjá samböndunum.“
Þórir sagði menn sem sagt vera að
velta fyrir sér öllum leiðum, en kvaðst
sannfærður um að ekkert gerist í þessum
málum með skjótum hætti. Persónulega
kvaðst hann þó þeirrar skoðunar að
fljótlega þurfi að taka afstöðu til þess
grundvallaratriðis hvort allir sem eru á
sama vinnustað eigi að vera í sama
stéttarfélagi, eða að áfram verði haldið
með núverandi kerfi. Sjálfur sé hann
þeirrar skoðunar að gera eigi þá breyt-
ingu. Hún sé kannski stóra atriðið í
þessari umræðu.
-HEI
Framlög til
verklegra
framkvæmda á
Seltjarnarnesi:
Lækka
í krónu-
tölu
milli ára
■ Framlög til verklegra framkvæmda
á Seltjarnarnesi munu nú lækka í krónu-
tölu á milli ára og ennfremur framlag til
eignabreytinga sem í áætlun ársins 1984
er 16 millj. króna, eða um 2 millj.
krónum lægri en á síðasta ári. Hlutfalls-
lega er lækkunin úr 22% í áætlun 1983
niður í 17,8% í áætlun 1984, að því er
segir í frétt frá bæjarstjóranum á Sel-
tjarnarnesi, af framlagningu fjárhags-
áætlunar 1984.
Heildarniðurstöðutölur á rekstrar-
reikningi eru áætlaðar 73,5 millj. króna,
sem er 46% hækkun frá endurskoðaðri
áætlun 1983. Útsvarsálagning verður
10,5%.
Auk þess sem stefnt er að því að koma
sundlaug í notkun verður á næsta ári
lögð áhersla á að bæta fjárhagsstöðu
bæjarsjóðs, sem versnað hefur mjög á
árinu 1983, að því er segir í frétt frá
bæjarstjóra.
Starfsmenn
Hraðfrystihús
Grundafjarðar:
Gáfu kirkju
og bókasaf ni
höfðinglegar
jólagjafir
■ Starfsmenn Hraðfrystihúss Grund-
arfjarðar sýndu sérstaka rausn í gjöfum
sínum um jólin. í tilefni jólahátíðar 1983
gáfu þeir kirkju sinni, Grundarfjarðar-
kirkju 20 þús. krónur og Bókasafni
Eyrarsveitar sömu upphæð.
■ í kvöld verður 13. sýning á óperunni La Travitata hjá ísslensku óperunni, en henni
hefur verið afburða vel tekið af áheyrendum og gagnrýnendum. Leikstjóri er Bríet
Héðinsdóttir og hljómsveitarstjóri Marc Tardue. Myndin er af Ólöfu Kolbrúnu
Harðardóttur í hlutverki Víólettu, en flestum ber saman um að í því hafí hún unnið
minnisverðan listsigur.
Forsætisráðherra um þá hugmynd að hækka
einungis laun þeirra lægst launuðu á næsta ári:
„EKKI VERIÐ RÆTT
í RÍKISSTJÓRNINNI”
■ „Hugmyndin um að einungis lægstu
launin hækki 15 til 20%, hefur ekki vcrið
rædd í ríkisstjórninni, enda eru kjara-
samningar á vegum og ábyrgð vinnuveit-
enda og launþega," sagði Steingrímur
Hermannsson, forsætisráðherra þegar
Tíminn spurði hann í gær hvað hæft værí
í því að ríkisstjórnin teldi að nota bærí
það svigrúm sem gefst til launahækkana
á næsta árí, til þess að hækka laun þeirra
lægst launuðu um 15 til 30%, og engin
önnur laun, en þessu er haldið fram í DV
í gær.
Forsætisráðherra sagðist samt sem
áður telja að nota bæri það svigrúm sem
fyrir hendi yrði til launahækkana á næsta
ári, til þess að bæta kjör þeirra lægst
launuðu og persónulega sagðist hann
ckki vera andvígur því að einungis laun
þeirra lægst launuðu hækkuðu á næsta
ári en önnur laun ekki. _AB
Pilturinn sem lést eftir átökin
í Breiðholti:
DÁNARORSÖK
LIGGJA ENN
EKKI FYRIR
■ Niðurstöður rannsóknar á orsökum
þess að maður lést eftir átök við tvo 18
ára pilta, skömmu fyrir jól, liggur enn
ekki fyrir.
Piltarnir tveir, sem úrskurðaðir hafa
verið í gæsluvarðhald vegna þessa máls,
viðurkenndu að hafa lent í átökum við
manninn. Piltarnir hafa hinsvegar borið
að þeir hafi ekki gert sér neina grein fyrir
hvernig komið var fyrir manninum þegar
þeir yfirgáfu íbúðina sem atburðurinn
átti sér stað í og því algerlega grunlausir
um að átökin hefðu leitt til dauða hans.
Maðurinn sem lést hét Þórður
Jónsson, fæddur 28.12. 1963.
GSH
Bjarni Bragi Jónsson:
Nýr aðstoðar-
bankastjóri í
Seðlabankanum
■ Bjarni Bragi Jónsson hefur verið
ráðinn aðstoðarbankastjóri við Seðla-
bankann frá og með 1. janúar n.k.
Bjarni hefur verið hagfræðingur bankans
og forstöðumaður hagfræðideildar hans
frá septemberbyrjun 1976.
Bjarni Bragi er fæddur 1928 og lauk
námi við Háskóla íslands árið 1950.
Framhaldsnám í hagfræði stundaði hann
við háskólann í Cambridge.
Bjarni Bragi hefur nt.a. starfað hjá
Sambandi íslenskra samvinnufélaga,
Framkvæmdabanka íslands, Efnahags-
stofnunina og Framkvæmdastofnun
ríkisins.
Vetraráætlun Arnar-
flugs 1983-1984
■ Vetraráaetlun Arnarflugs í milli-
landaflugi gekk í gildi 1. nóvember sl.
Flognar eru tvær ferðir í viku milli
Keflavíkur og Amsterdam eins og sl.
vetur.
Við gerð vetraráætlunar var sérstak-
lega tekið tillit til þeirra sem þurfa að
taka framhaldsflug. Er flogið á þriðju-
dögum og föstudögum til Amsterdam og
lent í Schiphol kl. 12:05 nógu tímanlega
til þess að ná tengiflugi um alla Evrópu
og jafnvel til annarra heimsálfa og Ijúka
samt ferðinni samdægurs, enda hcfur
Schiphol flugvöllur margoft verið valin’n
besti skiptiflugvöllur heims. Til að gera
flug til íslands jafn auðvelt er lagt af stað
frá Schiphol síðdegis kl. 18:00 á mánu-
dögum og fimmtudögum.
Til flugsins er notuð þota af gerðinni
Boeing 737-200 ADV og er um svo-
nefnda Combi-gerð að ræða. Þessi vélar-
kostur gerir kleift að breyta stærð vöru-
og farþegarýmis eftir flutningsþörfinni
hverju sinni, hafa t.d. 130, 82 eða 65
farþegasæti og þá rými fyrir 2-7 lestir af
vörum.
Vetraráætlun innanlandsflugs gekk í
gildi um miðjan síðasta mánuð. Sam-
kvæmt henni er flogið 37 sinnum í viku
til níu staða á Vestur- og Norðurlandi.
Flognar eru sex ferðir í viku til Stykkis-
hólms og Rifs, fimm ferðir til Blönduóss
og Siglufjarðar, fjórar ferðir til Flateyrar
og Suðureyrar, þrjár til Bíldudals og
tvær ferðir í viku til Hólmavíkur og
Gjögurs. Þá er að auki flogið reglubund-
ið leiguflug tilFáskrúðsfjarðar þrisvar í
viku í samvinnu við heimamenn þar. Til
flugsins notar Arnarflug flugvélar af
gerðinni Twin Otter (19 sæta), Cessna
402 (9 sæta) og Piper Cheyenne II (7
sæta).