Tíminn - 19.02.1986, Blaðsíða 2

2 Tíminn
Miðvikudagur 19. febrúar 1986
Fullvirðisréttur utan dagskrár:
Sjálfstæðisflokksmenn
reyna að firra sig ábyrgð
- segja stjórnarandstæðingar
Umræður utan dagskrár í sarncin-
uðu Alþingi uni fullvirðisrétt mjólk-
urframleiðenda fóru fram í gær.
Gert var ráð fyrir um hálfrar klukku-
stundar umræðum en vegna fjölda á
mælendaskrá drógust þær á langinn.
enda var mörgum þingmanninum
heitt í hamsi.
Arni Johnscn tók fyrstur til máls
sem málshefjandi og sagðist hafa
verið viðstaddur fjölmennan
bændafund á Suðurlandi kvöldið
áður. Þar hefði verið þungt hljóð í
um 600 bændum í Njálsbúð enda við
ærinn vanda að etja ef fram héldi
sem horfði þar sem mjólkurfram-
leiðslan er annars vegar. Ekki væri
síst um að kenna hversu seint nauð-
synlegar upplýsingar hefðu borist.
Árni sagði að bændur á fundinum
hefðu talið að nú þyrfti að koma til
lækkun útsöluverðs mjólkur, auknar
niðurgreiðslur og aðlögunartími ef
ekki ætti illa að fara. „Tekjurnar eru
teknar af mönnum og þeir eru skild-
ir eftir með skuldirnar," sagði þing-
maðurinn og bætti því við að hinir
ýmsu landshlutar kæmu misjafnlega
illa út úr þessu. Hann lýsti fullri
ábyrgð á hendur landbúnaðarráð-
herra í þessu sambandi og beindi
þeirri spurningu til ráðherra hvað
liann hygðist fyrir.
Jón Helgason sagði að kjarni
málsins væri sá að mjólkurfram-
leiðsla hefði farið vaxandi síðustu
árin og ef enn væri framleitt í sam-
ræmi við gömlu Framleiðsluráðslög-
in þá væri slíkt fyrirhyggjuleysi sem
hefði kallað á bakreikning til bænda
fyrr eða síðar.
Ráðherra benti á að fullt samráð
hefði verið haft við Stéttasamband
bænda við lagasetningu og samning
reglugerðar og vissulega væru enn til
staðar agnúar á reglugerðinni sem
tími vannst ekki til að skoða nánar.
Því lægi ekki enn fyrir hvert endan-
legt búmark verður. Þar að auki gildi
hún einungis út þetta verðlagsár og
verður notuð til viðmiðunar á því
næsta án þess að ákveðið hafi verið
hvernig því verður háttað.
Helgi Seljan sagði það athyglisvert
hvernig að Morgunblaðið hefði
undanfarið staðið að átlögu að land-
búnaðarráðherra vegna fullvirðis-
réttarins. Slíkt væri merki um að
snúa ætti ábyrgðinni frá Sjálfstæðis-
flokknum í þessu máli. Lögin og
reglugerðin væru afkvæmi beggja
stjórnarflokka en nú ætluðu Sjálf-
stæðisflokksmenn að rjúka upp til
handa og fóta og þykjast hissa.
Helgi sagði að það hefði verið
áberandi kappsmál beggja stjórnar-
flokkanna að drífa Framleiðsluráðs-
lögin í gegnum þingið á síðustu dög-
um þess í fyrra til að hægt væri að
„hætta vitleysunni í landbúnaðin-
um“ eins og Birgir fsl. Gunnarsson
tók þá til orða við umræður. „Nú
horfumst við í augu við afleiðingar
laganna og stjórnarstefnunnar í
heild,“ bætti Helgi við og benti á að
kjararýrnun almennings hlyti að
koma við kaup á búvörum. Þing-
maðurinn hvatti málshefjanda til að
snúa sér af þessu tilefni til flokks-
bróður síns, fjármálaráðherra.
Pálmi Jónsson sagði offrantleiðslu
mjólkur stórkostlegt vandamál sem
hefði aukist um allan helming upp á
síðkastið. Á árabilinu 1980-1983
hefði þessi vandi ekki verið svo mik-
ill því þá hefði framleiðslan einungis
verið um 5% umfram neyslu. Þá
hefði hann verið þess hvetjandi, og
væri enn, að komið yrði á héraðabú-
marki. „Ég fagna því að reglugerðin
mun ekki gilda nema út þetta verð-
lagsár", bætti hann við.
Pálmi sagði að Sjálfstæðisflokkur-
inn bæri vissulega ábyrgð á Fram-
leiðsluráðslögunum en ekki á reglu-
gerðinni. „Við berum ábyrgð á þeirri
stefnu að framleiðslan nálgist innan-
landsneysluna, en spurningin snýst
íþróttakennarar og íþrótta-
kennaraskóli íslands:
Halda hátíðlega
aldarminningu
íþróttakennarar og íþrótta-
kennaraskóli íslands hafa ákveðið
að halda upp á aldarminningu
Björns Jakobssonar stofnanda
fþróttakennaraskólans á Laugar-
vatni. Þegar er hafinn undirbúningur
fyrir hátíðina, sem haldin verður að
Laugarvatni þann þrettánda apríl
næstkomandi. Meðal þesssem unnið
er að, er að rifja upp æfingar og leik-
fimi frá ýmsum tímabilum í sögu
skólans.
Að sögn Þóris Kjartanssonar
íþróttakennara sent situr í undirbún-
ingsnefnd, hafa margir lagt hönd á
plóginn þegar, en vonast er til að enn
fleiri fáist til að leggja lið, svo
minningin verði sem veglegust.
Formaður undirbúningsncfndar
er Ásbjörg Gunnarsdóttir, og gefur
hún upplýsingar varðandi þátttöku í
undirbúningi.
Varðbergsfundur
um varnarmálin
Varðberg heldur fund á fimmtu-
dagskvöldið 20,febrúar í Átthagasal
Hótel Sögu og hefst fundurinn kl.
20.30.
Gestur fundarins verður Matthías
Á. Mathiesen utanríkisráðherra og
mun hann ræða um stefnu íslendinga
í öryggis- og varnarmálum og svara
fyrirspurnunt.
Fundurinn er opinn félagsmönn-
um í Varðbergi og SVS svo og gest-
um þeirra.
um aðferðir," sagði hann.
Hjörleifur Guttormsson sagði að í
júní hefðu verið sett lög um búvöru-
framleiðslu í blóra við viðvaranir
bænda og stjórnarandstöðu. Nú í
þorrabyrjun birtust svo afleiðingarn-
ar í reglugerð. Vinnubrögðin væru
dæmalaus og það væri almenn krafa
að fallið yrði frá þessu þar sem ekki
væri hægt að framfylgja slíkri reglu-
gerð á skynsantlegan hátt.
„Hvernig hefði mönnum í sjávar-
útvegi þótt að lúta slíku?“ spurði
Hjörleifur. Hann sagði að svo reyndi
Sjálfstæðisflokkurinn að þvo hendur
sínar af þessu á Alþingi og í Morgun-
blaðinu meðan að allir vissu að Egill
Jónsson og Birgir ísl. Gunnarsson
hefðu tekið þátt í að undirbúa lögin.
Páll Pctursson sagðist halda að
það orkaði ekki tvímælis að reglu-
gerðin væri sett í samræmi við lögin.
Það sem hún hefði í för með sér
þyrfti ekki að koma neinum á óvart
því að bændur hefðu vitað að þeir
þyrftu að draga saman.
Páll sagði að sín samúð væri ekki
með þeim sem hafa framleitt alveg
ótakmarkað óháð því sem koma átti,
heldur mun fremur með þeim sem
höfðu dregið saman og voru síðan
bundnir í lágu búmarki eftir það.
„Búmarkið er eign bóndans og
það er verið að svipta hann eign sinni
ef á það er gengið. Ef átt er við bú-
markið þá er hætt við að héðan í frá
reyni allir bændur að framleiða alveg
upp í sitt búmark,“ sagði Páll.
Steingrímur J. Sigfússon sagði að
það væri ekki einungis Sjálfstæðis-
flokksmenn sem þvægju hendur sín-
ar af lögum og reglugerðum því að
síðan fylgdi formaður þingflokks
Framsóknarflokksins í kjölfarið og
færi að dæmi Pílatusar. „Landbún-
aðarráðherra hlýtur að vera orðinn
einmana", bætti hann við.
Steingrímur gagnrýndi harðlega
hversu seint umrædd reglugerð hefði
komið fram og sagði að andstætt því
sem gerðist með kvótakerfi í sjávar-
útvegi þá væri ekki hægt að slökkva á
kúm eins og vélum. Þá væri það
„billegt" af þingmönnum Sjálf-
stæðisflokksins að reyna að komast
hjá ábyrgð í þessu máli.
Friðjón Þórðarson minnti á að síð-
astliðið vor hefðu samtök bænda
kvartað undan því að heldur mikil
ýtni fylgdi setningu Framleiðsluráðs-
laganna. Menn yrðu að athuga það
að hversu vel sem reglur væru úr
garði gerðar þá næðu þær sjaldnast
nægilega vel yfir öll tilvik.
Egill Jónsson sagði að Sjálfstæðis-
flokksmenn þyrftu ekki að sverja
neitt af sér því að þeir hefðu haft for-
ystu í þessum málum frá upphafi.
Það væri hins vegar athyglisvert að fá
að heyra eitthvað um það hvernig að
gagnrýnendur laga og reglugerðar
ætluðu sér að samræma fulla nýtingu
framleiðsluréttar en lækkun fram-
leiðslu samtímis því.
„Sjálfstæðisflokkurinn þarf ekki
að fyrirverða sig fyrir það sem nú
gerist,“ sagði Egill og bætti því við að
það væri ekkert launungarmál að slík
skipting sem rætt væri um kæmist
ekki á vandalaust.
Stefán Valgeirsson kvaðst vera
undrandi á því hvernig að sumir
þingmenn hefðu talað í ljósi þess
hvernig að staðan hefði verið. Utlit
hefði verið fyrir að bændur fram-
leiddu um 120 milljónir lítra af mjólk
án þess að fá nokkra greiðslu fyrir
stóran hluta hennar.
Stefán sagði að það væri vissulega
ýmis ákvæði í Framleiðsluráðslögun-
um sem hann hefði viljað hafa allt
öðru vísi, en það væri hvort tveggja
erfitt að ná málantiðlun um slíka lög-
gjöf og ekki síður að skipta niður því
sem nota á.
Ólafur Þ. Þórðarson sagði það
skoðun sína að það seni helst bjátaði
á um þessar ntundir væri að lögin
hefðu verið sett um þremur árum of
seint. Ólíkt auðveldara hefði verið
að taka á vandanum ef það Hefði ver-
ið gert þá. Nú gerðu sér flestir grein
fyrir því að það yrði að vera samræmi
í framleiðslu og sölu búvöru.
„Tveir af þingmönnum Sjálf-
stæðisflokksins virðast hafa tekið
stefnu sem ég fagna, nefnilega að
auka niðurgreiðslur, og ég vona að
þeir hafi áhrif á aðra samflokksmenn
sfna í því sambandi," sagði Ólafur.
Eggert Haukdal sagðist að sumu
leyti geta tekið undir gagnrýni á
vinnubrögðin við setningu laga og
reglugerðar, en á hinn bóginn hefðu
margir hlutar laganna tekist vel í
framkvæmd t.d. varðandi stað-
greiðslur. Eggert sagði það ljóst að
ekki væri hægt að taka í einu höggi
það sem hefði misfarist í stjórn land-
búnaðarmála á undanförnum árum.
Nú þyrfti að auka niðurgreiðslursem
væru allt of litlar
Fleiri þingmenn tóku til máls og
fyrrnefndir stigu í ræðustól oftar en
einu sinni. Síðastur á mælendaskrá
var Jón Helgason sem sagði það
augljóst að ekki væri hægt að efna til
málefnalegrar umræðu um þetta mál-
efni í því formi sem raun bar vitni og
að enn hefði ekki verið bent á-aðra
vænlegri kosti en þá sem umræðan
snerist um. _ ec
Samuel Reshevski er elsti þátttakandi á Reykjavíkurskákmótinu en hann hefur enn í fullu tré við þá yngri. Hér sést
hann tefla við Davíð Ólafsson sem varð áður en yfir lauk að leggja niður vopnin.
Tímamynd Árni Bjarna.
Reykjavíkurskákmótið:
Jafntefli við stórmeistara
Hinn 13 ára skáksnillingur Hannes
H. Stefánsson náöi jafntefli viö
bandaríska stórmeistarann Boris
Kogan í 7. umferö Reykjavíkur-
skákmótsins í gær.
Efstur meö 51/2 og biöskák er Kurt
Hansen.
Meö 5!/2 eru Bent Larsen og
Gheorghiu og meö 5 vinninga Tal og
Geller. Margir hafa 4l/i vinning m.a.
Jóhann Hjartarson, Guömundur
Sigurjónsson og Margeir Pétursson.
Áttunda umferö er tefld á morgun,
fimmtudag.
7. umferð.
Hvítt Svart
Anthony J. Miles-Curt Hansen bið
Jóhann Hjartarson-Bent Larsen 0-1
Predrag Nikolic-Valery Salov bið
Florin Gheorghiu-Robert Byme 1-0
Mikhail Tal-Utut Adianto 1-0
Helgi Óiafsson-Lev Alburt biö
Miguel A Quinteros-Anatoly Lein bið
Jón L. Ámason-Efim Geller 0-1
Guðmundur Sigurjónss-Margeir Péturss Vi-Vi
Sergey Kudrin-Nick De Fimiian Vi-Vi
Karl Þorsteins-Yasser Seirawan bið
Tbomas Welin-Joel Benjamin bið
Jens Kristiansen-John P. Fedorowicz Vi-Vi
Vitaly Zaltsman-Samuel Reshevsky bið
Paul van der Sterren-Karl Dehmelt 0-1
Ásgeir Þór Ámason-Larry Christiansen 0-1
John W. Donaldson-Maxim Dlugy Vi-Vi
Ölafur Kristjánsson-Walter Browne bið
Gert Ligtemik-Carsten Hoi 1-0
Þröstur Þórhallsson-Harry Schussler 0-1
Michael Wilder-Bragi Halldórsson 1-0
Boris Kogan-Hannes H. Stefánsson l/i-Vz
Jouni Yrjola-Juerg Herzog 1-0
Benedikt Jónasson-Larry A. Remlinger bið
Davið Ólafsson-Björgvin Jónsson 1-0
Róbert Harðars.-Guðmundur Halldórss. bið
Jón G. Viðarsson-Hans Jung 0-1
Karl Burger-Þorsteinn Þorsteinsson bið
Sævar Bjarnason-Eric Schiller 0-1
Antti Pyhala-Leifur Jósteinsson 1-0
Haukur Angantýss.-Guðmundur Gíslas. Vi-Vi
Andrcw Karklins-Þröstur Árnason 1-0
Hilmar Karlsson-Láms Jóhanncsson 0-1
Haraldur Haraldsson-Dan Hanson 0-1
Tómas Björnsson-Kristján Guðmundsson bið
Jóhannes Ágústsson-Áskell Örn Kárason 1-0