Tíminn - 06.08.1986, Blaðsíða 2

2 Tíminn
Miðvikudagur 6. ágúst 1986
Útgerðarfélag Skagfirðinga:
Afhendingu seinkar
á Drangey og Skafta
Skuttogararnir Drangey og
Skafti frá Útgerðarfélagi Skagfirð-
inga sem verið er að breyta í
skipasmíðastöð í Þýskalandi verða
ekki afhentir fyrr en 15. ágúst og 3.
september. Þettaertöluverðseink-
un á afhendingu því Drangey átti
að afhendast 8. júlí og Skafti í gær.
Drangey er búin að vera frá veiðum
frá 25. apríl en Skafti frá 9. maí.
Tafir þessar standa í sambandi
við erfiðleika þá sem steðja að
þýsku skipasmíðastöðinni sem er
að breyta skipunum. Tafir þessar
valda bæði útgerðarfélaginu og
fiskvinnslunni miklu tjóni því bæði
skipin ættu að vera komin á ísfisk-
veiðar. Þriðja skip Útgerðarfélags
Skagfirðinga, Hegranesið hefur
verið á ísfiskveiðum og aflað ágæt-
lega. Það kom inn í gær með 180
tonn eftir viku útivist. Björgvin og
Óskar Halldórsson hafa einnig
landað á Sauðárkróki svo ekki
hefur verið um teljandi atvinnu-
leysi að ræða enn sem komið er
vegna seinkunar á breytingum á
Drangey og Skafta, að sögn Bjarka
Tryggvasonar framkvæmdastjóra
útgerðarfélagsins á Sauðárkróki.
Rif á Snæfellsnesi:
Flugvél hrapar
íflugtaki
Handríta-
skilum
lokid
Hinu svokaiiaða handritaniáli ís-
iendinga og Dana er nú lokið.
Kennslumálaráðhera Danmerkur,
Bertel Haarder, kom hér í opin-
bera heimsókn í boði mcnntamála-
ráðherra. Skoðuð voru heistu söfn
höfuðborgarinnar. Einnig ferðað-
ist danskiráðherrannum Mývatns-
sveit og Akureyri. Þaðan var hald-
ið til Borgarfjarðar og svo loks tii
Þingvalia þar sem lokaundirskriftir
vegna málsins fóru fram. Myndin
er tekin síðdegis á föstudag þar
sem danski ráðherrann og Sverrir
Hermannsson, menntamálaráð-
herra undirrituðu skjölin við hátíð-
lega athöfn. Tímamynd: - Gisli Egill.
Tveggja sæta flugvél, TF-STY,
hrapaði úr um 200 feta hæð við
flugvöllinn á Rifi á Snæfellsnesi síð-
degis á mánudag, og sluppu tveir
menn sem í vélinni voru með lítils-
háttar meiðsl.
Kristinn Ásbjörnsson flugvallar-
stjóri varð sjónarvottur að slysinu og
sagði hann í samtali við Tímann að
sér virtist vélin hafa misst afl í
flugtakinu. „Það er hér jafnframt
gömul braut, sem nú er hætt að nota
og eftir að vélin hafði misst afl
reyndi flugmaðurinn að ná inn á þá
braut, en tókst ekki, og ofreisti
vélina í beygjunni. Hann missti
nokkra hæð í beygjunni og það
endaði með því að hann rak niður
vænginn," sagði Kristinn.
Þegar Kristinn kom að vélinni
örfáum mínútum síðar með slökkvi-
tæki voru báðir mennirnir komnir út
úr henni og lágu á jörðinni við hlið
vélarinnar. Mikil bensínstybba var
við vélina og flóði bensín um allt.
Kristinn náði að rjúfa rafstrauminn
á vélinni og spruuta úr slökkvitækinu
yfir hana.
Vélin hafði stoppað á Rifi til þess
að taka bensín en hún kom frá
Stykkishólmi og var á leið aftur
þangað þegar slysið varð.
Þyrla Landhelgisgæslunnar, TF-
SIF var komin á slysstað um kiukku-
tíma eftir að óhappið vildi til og flutti
hún báðéf mennina suður. Farþeginn
með flugvélinni IngóflurG. Ingvars-
son úr Reykjavík, slapp til þess að
gera ómeiddur, en flugmaðurinn
Guðbrandur Björgvinsson úr Stykk-
ishólmi skarst nokkuð í andliti og
hlaut auk þess önnur minni háttar
meiðsl.
Flugvélin er talin gjörónýt og var
hún flutt til Reykjavíkur í fyrrinótt.
Ekki er ljóst hvað olli aflmissi vélar-
innar, en rannsóknarmenn Flug-
málastjórnar hafa það mál nú til
meðferðar. _BG
Kasparov hef ur náð forystunni
Með sigri í 4. skák tókst Garrí
Kasparov að ná forystunni í einvíg-
inu um heimsmeistaratitilinn sem
nú fer fram í Lundúnum. Þriðja
skák einvígisins var tefld á föstu-
daginn og lauk með jafntefli eftir
35 leiki og sl. mánudag settust þeir
aftur að tafli. Tefldi Kasparov af
miklum krafti og vann skákina í
41. leik. Hún fór í bið en Karpov
sá ekki ástæðu til að halda taflinu
áfram og tilkynnti um uppgjöf sína
símleiðis. Staðan er því 2 '/5:1 'A
heimsmeistaranum í vil.
Kasparov er greinilega staðráð-
inn í að verja titil sinn og ef marka
má byrjun einvígisins bendir margt
til þess að honurn takist það. Þó
Karpov hafi haft marga mánuði til
undirbúnings fyrir þessa viðureign
hefur honum enn ekki tekist að
finna teflanlega byrjun í afbrigði
því í Nimzoindversku vörninni sem
svo oft kom honum á kaldan klaka
í síðasta einvígi. Hann slapp með
skrekkinn í 2. skák einvígisins en
það var skammgóður vermir. I
fjórðu skákinni var hann með afar
erfiða stöðu eftir aðeins 12 leiki og
náði aldrei að rétta úr kútnum.
Taflmennska Kasparovs var ein-
föld og beinskeytt og fyrsta vinn-
ingsskákin sá dagsins Ijós.
Karpov tókst að fá eilítið betri
stöðu út úr byrjuninni í 3. skákinni
á föstudaginn. Hann virðist stóla á
að honum takist að yfirspila Kasp-
arov í stöðum af einfaldara taginu
og sneiðir hjá skarpari afbrigðum
Grúnfelds varnarinnar sem heims-
meistarinn hefur greinilega undir-
búið fyrir titilvörn sína. Þessu var
öðru vísi farið árið 1961 þegar
Botvinnik tefldi annað einvígi sitt
við Mikhael Tal. Botvinnik mætti
þá til leiks vel undirbúinn með
fangið fullt af nýjum og skörpum
byrjunarafbrigðum og vann með
fimm vinninga mun og endurheimti
titilinn. En lítum á skákir verslun-
armannahelgarinnar:
3. einvígisskák:
Hvítt: Anatoly Karpov
Svart: Garrí Kasparov
Grúnfelds vörn
1. d4 Rf6 3. Rf3 Bg7
2. c4 g6 4. g3
(Karpov vill mæta Grúnfelds vörn-
inni á annan hátt en í 1. skákinni.
Þá getur Kasparov teflt Kóngsind-
verska vörn sem hann beitti mikið
í eina tíð en virðist nú orðinn
afliuga.)
4. .. c6 7. Rc3 0-0
5. Bg2 d5 8. Re5 e6
6. cxd5 cxd5 9. 0-0.
(Karpov lék 9. Bg5 gegn Timm-
an í Bugonjo í vor og vann eftir
harða viðureign. Raunar virðist
það eiga vel við Karpov að tefla
stöður sem þessar. Hann hefur
nokkra yfirburði í rými og mót-
spilsmöguleikar svarts eru ekki
miklir.)
9. .. Rfd7 10. Rf3
(10. f4 kemur einnig til greina.)
10. .. Rc6 13. Dd2 Rxe5
11. Bf4 Rf6 14. Bxe5
12. Re5 Bd7
(Hvítur hefur lítið upp úr því að
leika 14. dxe5 vegna 14. - Rg4 15.
e4 d4! (ekki 15. - dxe4 16. Hadl
Bd6 17. De2! og vinnur) 16. Dxd4
Bc6 17. Dd6 Db8 og eftir 18. -
Rxe5 stendur svartur síst lakar að
vígi.)
14. .. Bc6 17. Hacl Rf6
15. Hfdl Rd7 18. Df4
16. Bxg7 Kxg7
(Karpov treystir á að betri peðst-
aða færi honum vinningsmöguleika
í drottningarlausa miðtaflinu.
Hann gat reynt að halda drottning-
unum á miðborðinu en ekki er gott
að sjá hvar hann má leita fanga.)
18. .. Db8 20. f3 Ilfd8
19. Dxb8Haxb8 21. Kf2
(Vonir hvíts eru bundnar við
peðaframrás á miðborðinu og á
kóngsvæng. En peðin komast
aldrei af stað.)
21. .. Hac8 25. Bfl Ke7
22. e3 Re8 26. Bd3 f5
23. Hd2 Rd6 27. h4 h6
24. Hdc2 Kf8 28. b3
(Karpov teflir afar varfærnislega
og litlaust. Reynandi var 28. g4.)
28. .. g5
(Nú hefur svartur algerlega náð
að jafna taflið.)
29. Re2 Bd7 31. Hc7 Hxc7
30. Hc5 b6 32. Hxc7 Ha8
(Nú er áætlunin Ijós: 33. - Re8
eða 33. - Kd8 ásamt - Hc8 með
enn meiri uppskiptum.)
33. Rgl Re8 35. Hxc8
34. Hcl Hc8
- Jafntefli að tillögu Karpovs.
Fremur líflaus viðureign.
Að lokinni tveggja daga hvíld
tóku þeir svo aftur til við taflið á
mánudaginn. Enn var Nimzoind-
verska vörnin til umræðu og ráð-
leysi Karpovs gegn afbrigði Kasp-
arovs vekur mikla undrun og enn
fleiri spurningar. Hvað hefur hann
og lið aðstoðarmanna eiginlega
aðhafst undanfarið? Varla átti
nokkur von á því að sama afbrigðið
ylli honum slíkum hugarkvölum
aftur. Nú er Furman gamli aðstoð-
armaðurinn fjarri góðu gamni og
smásveinar úr sovéska skákskólan-
um eins og Valeri Salov geta litla
aðstoð veitt. Furman var aðstoðar-
maður Karpovs á uppgangsárun-
um frá 1969 þar til hann lést úr
krabbameini snemma árs 1978.
Síðan hafa þekktir meistarar reynt
að fylla skarð hans:
4. einvígisskák:
Hvítt: Garrí Kasparov
Svart: Anatoly Karpov
Nimzoindversk vörn
1. d4 Rf6 6. Rxd4 0-0
2. c4 e6 7. Bg2 d5
3. Rc3 Bb4 8. Db3 Bxc3t
4. Rf3 c5 9. bxc3 Rc6!?
5. g3 cxd4
(Óvæntur leikur og tæpast
góður. Algengast er 9. - e5 10. Rb5
dxc4 11. Da3 en þannig tefldist
m.a. skák undirritaðs við Jóhann
Hjartarson í Gjövik í Noregi í
fyrra og skák Georgadze og Polug-
ajevskí í sovésku flokkakeppninni
1983. Hvítur fær góðar bætur fyrir
peðið. Karpov var með hvítu
stöðuna gegn Portisch á heims-
meistaramóti landsliða í Luzern í
fyrra en Ungverjinn lék 9. - dxc4
10. Da3 Rbd7 og hélt jöfnu eftir
flókna viðureign.)
10. cxd5 Ra5
(Þetta er sennilega allt partur af
undirbúningsvinnu Karpovs en það
er hönnunargalli á smíðinni. Eftir
10. - exd5 11. 0-0 stendur hvítur
vel að vígi en riddaraleikurinn er
engu skárri.)
11. Dc2 Rcd5 12. Dd3!
(Sterkur leikur sem kollvarpar
áætlunum Karpovs. C3 - peðið er
að vísu dálítið veikt en geysiöflugt
biskupapar gerir meira en að vega
þar upp á móti. Eftir 12. leik
Karpovs tók að saxast ískyggilega
á umhugsunartíma hans.)
12. .. Bd7 13. C4 Re7
(Betra var e.t.v. 13. - Rf6 en
mergurinn málsins er sá að frum-
kvæðið er kyrfilega í höndum hvíts
hverju sem svartur leikur.)
14. 0-0 Hc8 15. Rb3!
(Gott var 15. Ba3 eða 15. c5 en
þessi er enn betri. Hvítur hagnast
á uppskiptum á c- og b-peði. Við
þau njóta biskuparnir sín enn
betur.)
15. .. Rxc4 16. Bxb7 Hc7
17. Ba6!
(„Katalónski“ biskupinn hefur í
frammi ýmsar kúnstir áður en hann
yfirgefur borðið. Þessi sterki leikur
setur Karpov í mikinn vanda því
hann á erfitt með að halda stöðunni
saman.)
17. .. Re5 18. De3 Rc4
(Betra var e.t.v. 18. - f6 með
hugmyndinni 19. - Bc8, en Karpov
vill ekki veikja stöðu sína meira
en orðið er.)
19. De4 Rd6 22. Bxc8 Rdxc8
20. Dd3 Hc6 23. Hfdl Dxd3
21. Ba3 Bc8 24. Hxd3
(Þó svartur hafi náð miklum
uppskiptum stendur hann frammi
fyrir enn tröllauknari vandamál-
um. Menn hvíts hafa komist í
spilið með leifturhraða og segja
má að staðan sé hartnær unnin þó
nákvæmni sé þörf.)
24. .. He8 26. Rd4 Hb6
25. Hadl f6 27. Bc5 Ha6
(Eftir 27. - Hb2 28. Rxe6 Hxe2
29. Rc7 Hf8 30. Hd7 er svartur í
úlfakreppu. Gottereinnig28. e4.)
28. Rb5 Hc6 30. Hd7 Rg6
29. Bxe7 Rxe7
(Eini leikurinn því hvítur hótaði
31. Rd6. En nú fellur a7-peðið og
hvíta a-peðið gerir svo út um
taflið.)
31. Hxa7 Rf8
(Hvítur hótaði 32. Hdd7.)
32. a4 Hb8 35. Hd3 Kh7
33. e3 h5 36. Hc3!
34. Kg2 e5
(Kasparov er á réttri leið. Upp-
skipti á hrókum tryggja sigur hans.
Raunar þolir Karpov öll uppskipti
afar illa.)
36. .. Hbc8 39. Rd5 Kh7
37. Hxc6 Hxc6 40. a5 e4
38. Rc7 Re6
(Hér fór skákin í bið. Karpov
gafst svo upp án þess að tefla áfram
enda er staða hans vonlaus t.d. 41.
a6 Hcl 42. Ha8 Rg5 43. a7 Rf3 44.
Hh8f Kg6 45. Rf4f og þráskákin
sem svartur stólaði á með - Hglt,
Rg5t, Rf3t o.s.frv. er úr sögúnni.
Raunar virðast allir skynsamlegir
leikir leiða til vinnings s.s. 41. h4,
41. Rb4 o.s.frv. 41. a6 virðist
einfaldast og þannig er Kasparov
vanur að hafa það.
Vel tefld skák heimsmeistarans
unga en Karpov fær tækifæri til að
jafna metin f dag.