Tíminn - 04.11.1986, Blaðsíða 20

VALSMENN töpuöu
sínum fyrsta leik í úrvalsdeild-
inni í vetur á sunnudagskvöldið
en þeir hafa samt tveggja stiga
forystu í úrvalsdeildinni.
Aö lokinni einni umferö er
Pálmar Sigurðsson stigahæsti
leikmaöurinn í úrvalsdeildinni.
Sjá íþróttir bls. 10-11.
Mðjudagur 4. nóvonber 1986
Hjálparstofnun vinnur gott starf:
Of mikil áhrif ytri umgjarðar
- segir í skýrslu nefndar skipaðri af kirkjumálaráðherra
„Nefndarmenn vilja taka það
fram, að þrátt fyrir þá gagnrýni, sem
fram kemur í skýrslu þessari á ýmsa
framkvæmdaþætti í starfsemi Hjálp-
arstofnunar kirkjunnar, þá er það
skoðun þeirra að stofnunin hafi
unnið mjög gott starf. - Helst er þar
til að nefna störf í sambandi við
Pólland og Eþíópíu."
Á þessum orðum endar skýrsla
þriggja manna nefndar sem dóms-
málaráðherra skipaði að beiðni
Hjálparstofnunar kirkjunnar í byrj-
un október sl. til þess að „upplýsa
staðreyndir um starfsemi stofnunar-
innar.“ í skýrslunni kemur fram að
nefndin átti grciðan aðgang aö nauð-
synlegum upplýsingum um starfsemi
stofnunarinnar og naut aðstoðar
starfsfólks stofnunarinnar, fram-
kvæmdastjóra og endurskoðenda.
í lokaorðum skýrslunnar eru
dregnar saman niðurstööur nefndar-
innar en þar segir m.a.
„Nefndarmenn eru sammála um
að þeir hal'i fengið þá tilfinningu að
stjórnendur og starfsmenn hafi ein-
lægan vilja til þess að sinna vel
vcrkum sínum. Samt teljum við að
stofnunin hafi lent á villigötum...
Þeim tilgangi verður því aðeins náð
(að hjálpin komi þiggjendum beint
til góða) að ýtrustu ráðdeildar og
hagsýni sé gætt í rekstri stofnunar-
innar. Því verður tæplega haldið
fram að svo hafi verið. Hvað sem
líður launakjörum starfsmanna, sem
eru umdeilanleg, þá eru húsakaupin,
ferðalög til Vesturlanda, fjármála-
viðskipti við Stokkfisk hf., Skál-
holtsútgáfuna o.fl. aðila, svo og
ósamkvæmni í bókfærslu varðandi
mat á gjöfum, ófullkomið bókhald
verslunarviðskipta svo sem að fram-
an greinir, o.fl. merki þess annars
vegar, að ytri umgjörð sé farin að
hafa of mikil áhrif á stjórnendur og
starfsmenn oghins vegargæti ístöðu-
leysis gagnvart sumum viðsemjend-
um og aðhaldsleysi stjórnenda, bæði
inn á við og út á við.“
í skýrslunni er farið nánar út í öll
þau atriði sem hér hafa verið nefnd
og er þar meðal annars kornist að
þeirri niðurstöðu að sumt í starfi
stofnunarinnar hafi verið ámælis-
vert, s.s. viðskiptin við Skálholtsút-
gáfuna en hcnni voru greiddir pen-
ingar upp í óunnin verk og skuldar
Hjálparstofnuninni peninga. Þá seg-
ir nefndin að bílaviðskipti stofnunar-
innar séu henni ekki hagstæð þrátt
fyrir að af þeim hafi verið reiknings-
legur hagnaður. Par hafi ekki verið
tekið. tillit til viðhalds, sölukostnað-
Frá blaðamannafundi Hjálparstofn-
unarinnar í gær.
ar, fjármagnskostnaðar o.fl.
Þá dregur nefndin í efa nauðsyn
stofnunarinnar á að kaupa húsið að
Engihlíð 9 í Reykjavík og bendir
jafnframt á að ekki verði séð að
fyrirliggjandi sé fé í sjóði til að borga
greiðslur samkvæmt kaupsamningi
nema af söfnunarfé til hjálparstarfs.
Um bókhald stofnunarinnar hefur
nefndin ýmislegt að athuga. „Er þar
ekki einungis um að ræða meining-
armun um hvernig færa skuli (og
meta) aðrar gjafir en peninga og
„framlög" frá stofnunum erlendis,
heldur telur hún að halda beri sér-
greindum ýmsum þeim viðskiptum,
sem stofnunin stendur í, þannig að
sjá megi afkomu hvers þáttar fyrir
sig.“ Telur nefndin að bókhaldið
eins og það er nú gegni því ekki því
hlutverki stjórntækis sem því er
ætlað að vera og nýtist ekki gagnrýn-
um gefendum.
Um þá gagnrýni sem fram hefur
komið varðandi stefnumörkun
stofnunarinnar og ráðstöfun fjár er-
lendis, þ.e. að einbeita sér fyrst og
fremst að neyðarhjálp, sé ekki á
rökum reist.
Á blaðamannafundi sem Hjálpar-
stofnunin boðaði til í gær til að
kynna skýrsluna fyrir fjölmiðlum
kom fram að stjórn stofnunarinnar
hefur fundað um niðurstöður hennar
og sagði Erling Aspelund stjórnar-
formaður að sú gagnrýni sem skýrsl-
an kæmi fram með yrði tekin til
athugunar, þó þar væri eitt og annað
sem stofnunin gæti ekki fallist á sem
réttmæta gagnrýni eins og t.d. hús-
næðiskaupin. Las hann upp sam-
þykkt stjórnarinnar þar sem gagn-
rýni er fagnað og þeirri von lýst að
opinská umræða af því tagi sem
Hjálparstofnunin hefur stuðlað að
með því að óska eftir skýrslu þessari
og síðan með birtingu hennar verði
til þess að auka traust almennings á
hjálparstarfi því sem hún vinnur.
Jafnframt höfðu þeir Hjálparstofn-
unarmenn tekið saman tölur sem
byggðar eru á sömu gögnum og
skýrsla nefndarinnar þar sem fram
kemur að rekstrarkostnaður árið
1985 hafi numið 11,59% af því fé
sem stofnunin hefur safnað. Sam-
bærileg tala fyrir árið 1984 var að
rekstrarkostnaður nam 12,74 % af
hverri safnaðri krónu. Segir stjórnin
síðan í ályktun sinni að hún vonist
til að Hjáíparstofnunin megi í fram-
tíðinni njóta málefnalegrar gagn-
rýni, sem veiti aðhald um hjálpar-
starfið og rekstur þess. -BG

• t •
Gullin bráð í moigunsárið...
sm)öi,:ai^uðu