Tíminn - 09.11.1986, Page 2

2 Tíminn.
Sunnudagur 9. nóveníber 19Ó6'
Núðlur
Þaö er orðið mjög gott að fá margar tegundir af
heilhveitinúðlum sem passa við öll möguleg tækifæri. Það er hægt
að bera þær fram bæði heitar eða kaldar, sem forrétt, salat eða
aðalrétt. Núðlur eru ödýr matur, sem drýgja aðrar dýrari
matartegundir ogef þær eru úr heilhveiti eru þær líka hollar. Svo
eru sjálfsagt flestir fjölskyldumeðlimirnir hrifnir af þeim.
Makkarónur með paprikusósu
275 gr heilhveitimakkarónur
1 msk ólífuolía
450 gr zucchini í sneiðum
1 græn paprika í sneiðum
1 rauð paprika í sneiðum
1 gul paprika í sneiðum
2 stórir laukar, saxaðir
1 lítil dós tómatar
I tsk blandaðar kryddjurtir (ítalskar)
salt og pipar.
Sjóðið makkarónurnar í 1 lítra af vatni, sem í
hefurveriðbætt 1 tskafsaltiogögn afmatarolíu.
Látið síðan renna vel af þeim.
Á meðan makkarónurnar eru að sjóða er olían
hituð á pönnu og zucchinið steikt við meðalhita
þangað til það byrjar að brúnast. Bætið út í papriku
og lauk og sjóðið með í um það bil 2 mínútur.
Hrærið vel í á meðan. Látið út í tómatana og
kryddjurtirnar og sjóðið í 20-30 mínútur eða
þangað til grænmetið er soðið. Það er smekksatriði
hvað hver ogeinn vill hafa grænmetið mikiðsoðið.
Kryddið eftir smekk.
Leggið makkarónurnar á heitt fat sem hefur
verið núið með skornum hvítlauksbát. Hellið
paprikusósunni yfir. Berið strax fram.
Spaghetti með rjóma og lauk
350 gr spaghetti
50 gr smjör
lmsk. hveiti
llítill laukur, fínsaxaður
1 Vi dl rjómi
/4 tsk söxuð steinselja
salt og pipar
rifinn ostur
Sjóðið spaghettið í nógu söltuðu vatni.
A meðan spaghettið sýður er helmingnum af smjörinu bætt í
meðalstórum potti. Bætið út í hveiti og lauk ogsjóðið í 3 mínútur
við meðalhita. Það þarf að hræra stöðugt í á meðan. Takið af
hitanum og hrærið rjómanum saman við. Kryddið eftir smekk og
látið steinseljuna út í. Látið pottinn aftur á hitann og látið suðuna
koma upp og hrærið stöðugt í á meðan.
Látið renna af spaghettinu og hrærið saman við afganginn af
smjörinu. Hrærið rjórhasósunni út í og berið strax fram með
rifnum osti í skál.
S;
aumnálin sf.
Fataviðgerðir og breytingar
Höfum opnað saumastofu. Tökum að okkur viðgerðir og breytingar á
fatnaði. Gerum einnig við leður- og mokkafatnað
Vesturgötu 53 b. — Sími 2-85-14
Opið virka daga frá kl. 9.00-18.00
Michael Simpson og Nick Abraham þykja flytja leikinn með miklum ágætum
W0ZA ALBERT
gestaleikur í Þjóðleikhúsinu
Efni leiksins:
„Woza Albert fjallar um upp-
risu Jesú í Suður-Afríku - og er
þannig í mótsögn við fullyrðing-
ar Búa um að aðskilnaðarstefn-
an sé afleiðing af kristnum upp-
runa þeirra.
(Percy Mtwa, einn af þeld-
ökkum höfundum WOZA
ALBERT).
í mörgum stuttum senum sést
hvaða þýðingu koma Morena
hefur fyrir 50 mismunandi
manngerðir - allt frá forsætis-
ráðherranum til aldraðrar konu
sem leitar sér matar í rusla-
tunnu. En þegar Morena fyllist
viðbjóði á hryllingi aðskilnaðar-
stefnunnar og hvetur svertingj-
ana til að fleygja vegabréfunum
og fara í verkfall, er hann hand-
tekinn um leið og ásakaður um
að vera kommúnisti og æs-
ingamaður. En það er ekki auð-
velt að halda Morena föngnum
- hann flýr frá elleftu hæð fang-
elsisins í fangið að Gabríel erki-
engli, og þegar honum er komið
í hið illræmda „Robben island“
fangelsi, þá gengur hann þvert
yfir ísilagt Atlantshafið til
Höfðaborgar.
Ummæli gagnrýnenda:
„Leiklist getur verið margs
konar. En sjaldan eins bráð-
nauðsynleg og í þessu tilfelli.“
(Mogens Garde, B.T.)
„Skemmtilegt og hjartnæmt.
Fullt af tónlist, lífskrafti og takt-
fastri lipurð.“ (Ebbe Iversen,
Berl. Tid.)
„Smitandi fjör, kraftmikil
túlkun og listræn nákvæmni.“
(Viggo Sörensen, Jyllands
Posten)
Café Theatret í
Kaupmannahöfn flytur
gestaleik á litla sviðinu í
Þjóðleikhúskjallaranum á
þriðjudag-, miðvikudags- og
fímmtudagskvöld í næstu
viku. Það er suður-afríska
leikritið Woza Albert, sem
leikararnir Michael Simpson
og Nik Abraham flytja ásamt
tónlistarmanninum Risenga
Makondo. Þó að leikritið sé
flutt á frummálinu, blöndu af
ensku, Zulu og afríkönsku,
hefur það verið óhemju
vinsælt hjá gagnrýnendum
sem áhorfendum; jafnt í
Suður-Afríku, Lundúnum og
New York. WOZA
ALBERT er nú reyndar
bannað í Suður-Afríku.
„Elskuleg kímnigáfa... með
áherslu á tilgangnum.“ (Michael
Bonnesen, Politiken)
„Sprenghlægileg túlkun á
ljótu kerfi.“ (Land og folk)
„Sterkt og grípandi...frábær
leikstjóm." (Fred. Amts. avis)
Þessar ívitnanir eru úr dönsk-
um dagblöðum, þegar „WOZA
ALBERT" var frumsýnt í Kaup-
mannahöfn á sl. ári. Nú hafa
önnur Norðurlönd fengið tæki-
færi til að sjá þetta heimsfræga
suður-afríska leikrit, sem er í
þriggja mánaða leikför um
Danmörk, Noreg, Svíþjóð,
Finnland og ísland. Ferðina
skipuleggja Cafe Theatret í
Kaupmannahöfn og Terra Nova
Produktion.
Barny Simon, listrænn stjórn-
andi The market theatre í Jó-
hannesarborg sagði: „Leikrit
eins og Woza Albert, Sizwe
Banzi Is Dead, Poppy Nong-
ema, The Island og Master Har-
old And The Boys, sanna ótví-
rætt að til að leikrit slái í gegn
bæði hjá gagnrýnendum o_g fjár-
hagslega, þurfa þau ekki að vera
farsar frá West End eða amer-
ískir söngleikir.“
Peter Bensteder er leikstjöri
sýningarinnar. Um leikritið seg-
ir hann: „Woza Albert er ekki
einugis gott og skemmtilegt
leikrit - heldur líka tímabært og
nauðsynlegt. Leikritið mun
skerpa afstöðu sumar, opna
augu þeirra sem ekki hafa tekið
afstöðu og vonandi fá alla til að
sjá heim svertingjanna á annan
hátt en þann sem yfirleitt birtist
í sjónvarpi og dagblöðum. Svo
miklu getur leiklistin komið til
leiðar.“
Michael Simpson, annar
leikendanna í sýningunni, segir:
„Ég er ótrúlega glaður yfir að
fara í leikferð með Woza Albert.
Það er spennandi og ögrandi
leikur sem veitt hefur mér tæki-
færi til að skilja og hjálpa baráttu
svertingja í Suður-Afríku.
Leikurinn gefur Norðurlanda-
búum kost á að sjá að ekki er
nauðsynlegt að „boðskapurinn"
sé alvarlegur til að vera áhrifa-
mikill.“
Frumsýning á Woza Albert
verður í kjallara Þjóðleikhússins
á þriðjudagskvöld og hefst kl.
20.30. Aðeins verða þrjár sýn-
ingar á leiknum.