Tíminn - 16.01.1987, Blaðsíða 10
10 Tíminnt
Föstudagur 16. janúar 1987
DRÁTTARVÉLAR TIL SÖLU
Zetor 5718,60 ha, ’74 með moksturstækjum.
IHC 685 XL, 72 ha, aldrif ’85. CASE 1394, 77
ha, ’84 með moksturstækjum. DEUTZ 6507 C,
62 ha, aldrif, ’84. FENDT 306, 70 ha, aldrif, ’85
m/framaflúrtaki og frambeisli. Einnig fleiri búvél-
ar í góðu ástandi.
ÍY búvélar sf.
Sigtúni 7, sími 91-687050
Atvinna - Atvinna
Okkur vantar starfsfólk í allar deildir fiskvinnslu
strax eftir verkfallslok. Við höfum ágætis mötuneyti
og verbúðir. Hvernig væri nú að slá til og skella sér
á vertíð til Hornafjarðar.
Upplýsingar í síma 97-81200.
KASK fiskiðjuver
Höfn Hornafirði
Laus staða
Sjúkrasamlag Reykjavíkur auglýsir stöðu fram-
kvæmdastjóra lausatil umsóknar. Lögfræðimennt-
un áskilin.
Laun samkvæmt launakerfi starfsmanna ríkisins.
Umsóknir, ásamt upplýsingum um menntun og
fyrri störf sendist Sjúkrasamlagi Reykjavíkur,
Tryggvagötu 28 fyrir 5. febrúar n.k.
Frekari upplýsingar veitir framkvæmdastjóri.
Sjúkrasamlag Reykjavíkur.
ATHUGASEMD
FRÁ RUSTJÓRA
Þann 9. janúar s.l. birtist í Tírnan-
um grein eftir Bjarna Hannesson,
sem nefndist „Minnisvarðinn.“ Þar
fjallar höfundur um prófkjör, reglur
þeirra og framkvæmd. í niðurlagi
greinarinnar eru framboðsmál í
ákveðnu kjördæmi tekin til um-
fjöllunar og má sjá að þar er átt við
framboðsmál Framsóknarflokksins í
Norðurlandi vestra. Höfundur
greinarinnar ræðst þar ómaklega að
frambjóðendum með orðbragði sem
ekki samrýmist því sem eðlilegt
getur talist að birta í dagblaði.
Hlutaðeigendur eru beðnir vel-
virðingar á þessum mistökum
mínum.
Vegna þessa þykir rétt að birta í
heild sinni prófkjörsreglur og úrslit
prófkjörs framsóknarmanna í
Norðurlandi vestra.
Níels Árni Lund, ritstjóri.
Úrslit úr prófkjörinu
urðu eftirfarandi
Páll Pétursson fékk 1132 atkvæði
í 1. sæti og 502 í 2. sæti eða alls 1332
stig.
Stefán Guðmundsson fékk 987
atkvæði í 1. sæti og 344 í 2. sæti eða
1124 stig.
Sverrir Sveinsson fékk 121 at-
kvæði í 1. sæti og 486 í 2. sæti eða
121 stig.
Elín R. Líndal fékk 114 atkvæði í
1. sæti og 650 í 2. sæti eða 114 stig.
Guðrún Hjörleifsdóttir fékk 16
atkvæði í 1. sæti og 386 atkvæði í 2.
sæti.
Þrjú síðast nefndu náðu ekki 40%
atkvæða af heildaratkvæðum þannig
að öll atkvæði greidd í 2. sætið falla
dauð og eru ekki talin með.
Framkvæmd prófkjörsins
skal vera samkvæmt
neðanskráðu:
1. Kjördæmisstjórn samþykkir að kjörstjórnir sem störfuðu við
framkvæmd skoðanakönnunar starfi áfram við framkvæmd prófkjörs á
viðkomandi svæðum. Kjördæmisstjórnarmenn skipi yfirkjörstjórn með
aðsetur á Sauðárkróki og fer talning þar fram strax að kosningu lokinni.
2. Þeir sem ekki mæta á kjörstað en fá send kjörgögn, skulu skrá nafn
sitt og heimilisfang á ytra umslag sem síðan verður borið saman við
fyrirliggjandi þátttökuskrá úr skoðanakönnuninni. Aldrei skulu færri en
tveir fara með kjörgögn til kjósanda. Þeir kjósendur sem ekki tóku þátt
í skoðanakönnuninni geta tekið þátt í prófkjörinu með því að undirrita
þar til gerða stuðningsyfirlýsingu við flokkinn og þannig öðlast þátttöku-
rétt.
3. Kjósandi skal merkja númer 1 við þann frambjóðanda sem hann vill
hafa númer 1 og númer 2 við þann sem hann vill hafa númer 2. Hvorki
má merkja við fleiri eða færri nöfn á kjörseðlinum.
4. Úrslit prófkjörsins eru bindandi hvað varðar 3 efstu sæti listans.
5. Kjörstöðum skal loka eigi síðar en kl. 21:00, sunnudaginn 23.
nóvember.
Illlllllll MINNING lllllllllllllllllllllllllllllllllllllllllllllllllllllllllllllllllllllllllllll llllllllllllllllllllllllllllllllllllllllll
Lucy Winston
Hannesson
/------------\
Afmælis- og
minningargreinar
Þeim, sem óska birtingar á afmælis- og
eða minningargreinum í blaðinu, er
bent á, að þær þurfa að berast a.m.k.
tveim dögum fyrir birtingardag. Þær
þurfa að vera vélritaðar.
ÁRNAÐ HEILLA
ililíllllillilll
ii[iiiiiiii[[«i»iiiin[iiiii»niiiiiiBi»iii
Afmæliskveðja
Petrína Pálsdóttir
Miðvikudaginn 14. janúar varð
sextug gæðakonan Petrína Pálsdótt-
ir, Grundargötu 16, Grundarfirði.
Petrína er borinn og barnfæddur
Grundfirðingur, dóttir Þórkötlu
Bjarnadóttur, sem heima á í Grund-
arfirði og Páls Runólfssonar en hann
lést þegar hún var í frumbernsku.
Petrfna ólst upp hjá móður sinni og
stjúpföður, Jónasi Ólafssyni, fyrst á
Kvíabryggju og síðan í Grafarnesi.
Hún eignaðist 8 hálfsystkini og eru
sjö þeirra á lífi. Það má nærri geta
að snemma þurfti hún að byrja að
vinna fyrir sér, því ekki voru efnin
mikil en hópurinn stór og var hún
vinnukona eins og þá tíðkaðist. Hún
gekk í Húsmæðraskólann á Staðar-
felli og lauk þaðan prófi. Petrína
giftist Elíasi Finnbogasyni frá Bol-:
ungarvík og eignuðust þau átta börn
sem öll eru á lífi. Steinbjörg og
Guðný búa í Grindavík, Páll, Mar-
grét og Elín Katla búa á Reykjavík-
ursvæðinu og Finnbogi, Sigmundur ;
og Kjartan búa í Grundarfirði. Þau'
hjónin eiga átta barnabörn. Það má
nærri geta að hjá sjómannskonu
hefur verið ærið nóg að starfa, ekki
síst þegar veikindi herjuðu á. En
þau hjónin hafa aldrei látið deigan
síga, heldur horft fram á veginn
staðráðin í því að sigra. Þau Elías og.
Petrína geta nú á þessum tímamót-
um litið um öxl og verið ánægð með
það hvernig til hefur tekist og horft
til rólegri og betri tíma. Ég kynntist
þessum gæðahjónum árið 1951 þegar
ég giftist hálfsystur Petu, Sigríði
Jónasdóttur, og hafa ávallt verið
sterk vináttubönd á milli okkar síðan
og alltaf er gott að koma í Grundar-
fjörðinn og heilsa upp á þau ágætu
hjón.
Ég vil að endingu óska Petrínu til
hamingju með þessi merku tímamót
og henni og Elíasi óska ég alls hins
besta á komandi árum með bestu
kveðjum frá mér og minni fjöl-
skyldu.
Ámi Markússon.
f dag fer fram frá Dómkirkjunni í
Reykjavík útför Lucy Winston
Hannesson. Lucy Winston Hill
fæddist 23. júní 1920 í Richmond í
Virginíuríki í Bandaríkjunum þar
sem faðir hennarvarlögfræðinguren
móðirin sölustjóri hjá bókaforlagi.
Hún lagði stund á ensku og heim-
speki við Kaliforníuháskóla, lauk
þaðan Associate of Arts-prófi árið
1940 en hélt áfram námi um sinn.
Hausið 1941 kom þangað ungur
íslenskur námsmaður, Jóhann S.
Hannesson. Með þeim Winston tók-
ust brátt kynni og í janúar 1942
gengu þau í hjónaband. Árið 1947
fluttust þau til íslands, þar sem
Jóhann sinnti stopulli vinnu við
kennslu. Leiðin lá að nýju til Banda-
ríkjanna árið 1950 og Jóhann réðst
bókavörður við Fiskesafnið í Com-
ellháskóla í íþöku í New-York ríki.
Árið 1959 fluttist fjölskyldan aftur
til íslands og Jóhann tók við starfi
skólameistara Menntaskólans á
Laugarvatni. Þar kenndi Winston
ensku á árunum 1961-67. Þau Jó-
hann fluttust svo til Reykjavíkur, og
skömmu síðar, árið 1981, réðst Win-
ston sem enskukennari að Mennta-
BÍLALEIGA
Útibú í kringum landið
REYKJAVIK:. 91-31815/686915
nu i v ir\ AKUREYRI: JI JIUI JIUUUJ 1 .. 96-21715/23515
BORGARNES: 93-7618
BLÖNDUÓS: 95-4350/4568
SAUÐÁRKRÓKUR: . 95-5913/5969
SIGLUFJÖRÐUR: .... 96-71489
HÚSAVÍK: .. 96-41940/41594
EGILSSTAÐIR: 97-1550
VOPNAFJÖRÐUR: .. 97-3145/3121
FÁSKRÚÐSFJÖRÐUR: . 97-5366/5166
| HÖFN HORNAFIRÐI: 97-8303 |
interl L^ui
skólanum við Hamrahlíð, þar sem
Jóhann var einnig kennari. Dóttir
þeirra, Wincie, kom einnig að
skólanum sem enskukennari og
starfar þar enn.
Mörgum hefur reynst erfitt að
flytjast með maka til framandi lands,
temja sér nýja tungu og aðlagast
nýjum háttum, en allt frá því ég
kynntist Winston Hannesson hef ég
nánast litið á hana sem íslending,
þótt henni væri vissulega tamt að
grípa til móðurmáls síns í löngum
orðræðum.
Það duldist engum, sem kynntist
þeim Winston og Jóhanni, hve náið
og innilegt samband þeirra var. Frá-
fall hans 9. nóvember 1983 var henni
mikið áfall.
Winston Hannesson var kennari
við Menntaskólann við Hamrahlíð
til dauðadags. Hún var afbragðs-
kennari og að sama skapi góður
skipuleggjandi. Skólinn mun lengi
búa að starfi hennar. Henni var s.l.
haust veitt eins árs orlof til
framhaldsnáms, en entist ekki heilsa
til að nýta orlofið. Baráttu við erfið-
an sjúkdóm lauk að morgni mánu-
dagsins 12. janúar.
Að leiðarlokum votta ég börnum
Winston, Wincie og Sigurði, barna-
börnum og öðrum ástvinum innilega
samúð mína, og ég veit að ég má
flytja þær kveðjur frá nemendum,
kennurum og öðru starfsfólki
Menntaskólans við Hamrahlíð.
Omólfur Thorlacius.