Tíminn - 24.07.1987, Síða 2

2 Tíminn
Föstudagur 24. júlí 1987
Ágreiningurinn um hvort mál Jóns hafi fengið réttláta meðferð:
Sammála um adgreiningu
dóms- og framkvæmdavalds
ÁgreiningurEiríksTómassonar,
lögmanns Jóns Kristinssonar í máli
hans fyrir Mannréttindanefnd Evr-
ópuráðsins, og dómsmálaráðu-
neytisins stendur um hvort mál
Jóns hafi fengið réttláta dómsmcð-
ferð eður ei. Báðir aðilar eru
sammála um að aðgreining dóms-
og framkvæmdavalds sé mjög þörf.
Eiríki Tómassyni hefurnú borist
bréf frá nefndinni þar sem óskað er
eftir því að íslenskir aðilar láti vita
um tiltekinn dag fyrir munnlegan
málflutning í aðsetri hennar í
Strassburg í Þýskalandi. Mannrétt-
indanefndin hefur farið fram á að
málið verði tekið fyrir í október nk.
„Ég verð að segja eins og er að
mér finnst Eiríkur taka talsvert
stórt upp í sig þegar hann mótmælir
því í Tímanum að Jón Kristinsson
hafi fengið réttláta meðferð," sagði
Þorsteinn Geirsson, ráðuneytis-
stjóri í dómsmálaráðuneytinu, í
gær. Eiríkur telur það máli sínu til
stuðnings, að Hæstiréttur hafi
sýknað Jón af annarri ákæru af
tveimur og því hafi ekki verið
staðið rétt að málum í undirrétti.
„Það er einmitt það sem ég tel
að sýni fram á að Hæstiréttur, sem
cr óháður og ekki með tengsl við
lögreglu landsins, hafi tryggt að
Jón fengi réttláta meðferð. Hæsti-
Þorsteinn Geirssun ráðuneytis
stjóri dómsmálaráðuncytinu.
réttur fjallar bæði um form- og
efnishlið málsins," sagði ráðuneyt-
isstjóri og lagði áherslu á að hafi
verið hallað á umbjóðanda Eiríks
Tómassonar í héraði hafi Hæsti-
réttur leiðrétt það. Jón Kristinsson
var ákærður fyrir hraðakstursbrot
annars vegar og dæmdur fyrir það,
enda aldrei mótmælt því broti, að
sögn ráðuneytisstjórans, og hins
vegar ákærður fyrir að virða ekki
reglur um stöðvunarskyldu, en því
hafi Jón staðfastlega mótmælt.
Hann var sýknaöur í Hæstarétti af
meintu stöðvunarskyldubroti
vegna þess að bæjarfógeti hafði
ekki samprófað vitni, svo sem
margoft hefur komið fram í frétt-
um Tímans.
„Hugsanlega hefði það getað
orðið til þess að hann hefði verið
sýknaður þegar í undirrétti, en
hann átti þó málsskotsrétt, eins og
allir eiga,“ sagði Þorsteinn. „Þetta
mál sem þeir hreyfa, Jón Kristins-
son og Eiríkur Tómasson í hans
umboði, um aðskilnað lögreglu-
stjórnar og dómsvalds er engu að
síður mjög þarft mál, en þrátt fyrir
það fékk Jón óháðan dómara við
dómstól sem enginn efast um að sé
óháður, þ.e. Hæstiréttur íslands.“
þj
Geita- og
kanínurækt
í Vorsabæ
á Skeiðum
Kiðin eru mannelsk nijög og hér hefur eitt
þeirra hug á að reka Karenu rembingskóss.

í Vorsabæ eru um 20 geitur en nytjar af þeim eru ekki miklar.
Þær eru aðallega hafðar til gamans. Geitamjólkina væri hins
vegar hægt að nytja til ostagerðar og hefur geitaostur m.a.
verið mjög vinsæll í Noregi. Geitaull cr auðvitað hægt að nýta
líka og sumir eru hrifnir af geitakjötinu. Talið er að geitur á
íslandi séu á milli 250 til 300 en víðast hvar eru þær einungis
hafðar til gamans en ckki til nytja eins og í Vorsabæ.
Á myndinni eru Emilía Eiríksdóttir sem er í sveit hjá afa sínum
og ömmu og Karen, frænka Emilíu einnig, en hún er frá
Selfossi.
Jón Eiríksson bóndi í Vorsabæ er einn af þeim sem byrjuðu
á kanínurækt á íslandi sem búgrein. Hann sagði að fólki líkaði
kanínukjötið vel enda væri það fitulítið og ákaflega hollt þar
sem kanínur væri hægt að ala á grænfóðri og öðru hormóna-
lausu fóðri. Jón elur kanínurnar sínar mest á grasi á sumrín
sem hann slær með orfi og Ijá á hverjum degi handa þeiin, en
á vetrum gefur hann þeini hey og annað innlent fóður, jafnvel
kartöflur.
Kanínuungarnir sem Jón heldur á á myndinni cru aðeins
dagsgamlir, en kanínur ná fullri stærð nokkurra mánaða og
eru klipptar fjórum sinnum á ári. Kanínufiðan er flokkuð í 5
gæðaflokka sem Fínull hf. kaupir og framleiðir m.a. heilsu-
fatnað úr. Tímumyndir: Brcin.
Hagstofa (slands:
Ný lög um vísi-
tölu bygging-
arkostnaðar
Hinn 1. júlí 1987 tóku gildi ný lög
um vísitölu byggingarkostnaðar.
Hagstofan hefur jafnframt, að
undangenginni endurskoðun eldri
grundvallar, sett vísitölu byggingar-
kostnaðar nýjan grunn. Hinn nýi
grunnur er miðaöur við verðlag um
miðjan júnímánuð 1987, og hefur þá
gildið 100,0. Þetta kemur fram í
fréttatilkynningu sem Hagstofa ís-
lands hefur sent frá sér og segir þar
jafnframt að vísitalan samkvæmt
síðastgildandi grunni (desember
1982=100) mældist við verðlag í
júní 1987 320 stig en samsvarandi
vísitala miðuð við þann grunn er gilti
þar næst á undan (oktober
1975=100) er 4.739 stig.
Hagstofan hefur nú reiknað vísi-
tölu byggingarkostnaðar miðað við
verðlag um miðjan júlímánuð 1987.
Reyndist hún vera 100,3 stig eða
0,3% hærri en í júní. Þessi vísitala
gildir fyrir ágúst 1987.
Síðastliðna tólf mánuði hefur vísi-
tala byggingarkostnaðar hækkað um
17,6%. Undanfarna þrjá mánuði
hefur vísitalan hækkað um 4,5% og
jafngildir sú hækkun 19,3% verð-
bólgu á heilu ári. Af hækkun vísi-
tölunnar frá júní til júlí stafa tæplega
0,2% af hækkun gatnagerðargjalda,
en rúmlega 0,1% af hækkun ýmissa
efnisliða.
Samkvæmt hinum nýju lögum
mun Hagstofan reikna vísitölu bygg-
ingarkostnaðar mánaðarlega og skal
hver vísitala gilda í einn mánuð í
senn frá 1. næsta mánaðar. Eftir
fyrri lögum skyldi vísitalan hins
vegar reiknuð á þriggja mánaða
fresti og gilda í þrjá mánuði í senn.
í ákvæðum til bráðabirgða í hinum
nýju lögurn segir þó að ákvæðin um
mánaðarlegan útreikning og gildist-
íma vísitölu byggingarkostnaðar
breyti ckki gildi ákvæða um verðbæt-
ur í skuldabréfum, verksamningum
o.þ.h. sem sett eru í samræmi við
fyrri lög um vísitöluna. Sé ekki um
annað samið skulu þær verðbætur
sem hér um ræðir því miðast við
vísitölur, sem gilda í janúar, apríl,
júlí og október, og skal hver vísitala
gilda í þrjá mánuði í senn.
Sé vikið að launaliðum vísitölunn-
ar voru helstu breytingar þær, að
nýjar taxtaviðmiðanir tóku gildi.
Þetta átti fyrst og fremst við um þá
launataxta, sem miðaðir voru við
fast tímavinnukaup. Hvað viðvíkur
uppmælingatöxtum iðnaðarmanna
koma til breytingar sem orðið hafa á
undanförnum árum vegna grunn-
eða aðferðabreytinga, sem í flestum
tilvikum leiddu til aukins mæliein-
ingafjölda í viðkomandi byggingar-
iðngrein. Þá var einnig reynt ef unnt
var að breyta viðmiðun ýmissa
launaliða þannig að upp yrði tekinn
mælieiningataxti í stað tímavinnu-
kaups.
Endurskoðun byggingarvísitöl-
unnar nú byggist á sömu gerð íbúð-
arhúsnæðis og í fyrra grundvelli.
„Vísitöluhúsið" er fjölbýlishús í
Reykjavík, nánar tiltekið eitt
stigahús af þrent í fjögurra hæða
íbúðarblokk. Neðsta hæðin er á
mörkum þess að teljast jarðhæð eða
kjallari. í stigahúsi þessu eru 10
íbúðir. þrjár 2ja herbergja og fjórar
4ra herbergja íbúðir. Á jarðhæð er
ein íbúð, geymslur, þvottahús o.fl.
Enginn bílskúr fylgir húsinu. Flat-
armál hússins er 240 m2 og rúmmálið
2.844 m’. Það er byggt í samræmi við
núgildandi byggingarreglugerð, sem
gildir fyrir allt landið, en áður var
sérstök byggingarsamþykkt fyrir
Reykjavík.
Vísitölunni er skipt í kostnaðar-
þætti á tvennan hátt, annars vegar
eftir gildandi starfsgreiningu í bygg-
ingarstarfsemi og eftir byggingará-
fanga, hins vegar eftir kostnaðar-
kerfi Rannsóknastofnunar bygging-
ariðnaðarins.
Endurskoðun byggingarvísitöl-
unnar var unnin í samráði við Rann-
sóknastofnun byggingariðnaðarins,
en auk þess var leitað til ýmissa
sérfróðra aðila á sviði byggingarmála
um upplýsingar og ráðgjöf.