Tíminn - 16.09.1987, Blaðsíða 3

Miðvikudagur 16. september 1987
Tíminn 3
jy Hvalveiðimálið loksins leyst:
Afangasigur unninn
í hvalveiðimálinu
Hvalamálið leystist loksins í gærkvöldi. Þá hélt Halldór Ásgrímsson,
sjávarútvegsráðherra blaðamannafund til að tilkynna niðurstöður við-
ræðna íslenskra og bandarískra stjórnvalda, sem síðustu sex daga hafa
farið fram bréf- og símlciðis.
Samkomulag ríkjanna
Samkomulag ríkjanna er þrílið-
að og hljóðar svo:
1. Árið 1988 og þaðan í frá mun
ríkisstjórn fslands leggja rann-
sóknaráætlun sína fyrir vísinda-
nefnd Alþjóðahvalveiðiráðsins til
umsagnar og framfylgja vísindaleg-
um tilmælum nefndarinnar.
2. Bandaríkin munu ekki leggja
fram staðfestingarkæru gegn ríkis-
stjórn íslands eða íslenskum ríkis-
borgurum vegna veiða á 80 lang-
reyðum og 20 sandreyðum árið
1987, né vegna veiddra hvala árið
1988 og síðar í samræmi við vís-
indaáætlun íslendinga, svo fremi
sem ríkisstjórn íslands fari eftir
ákvæðum 1. greinar.
3. Bandaríkin munu vinna með
íslandi og öðrum aðalfulltrúum
Alþjóðahvalveiðiráðsins við
endurskoðun á og tillögugerð um
tilhögun og framkvæmd á rann-
sóknarleyfum vísindanefndar Al-
þjóðahvalveiðiráðsins vegna um-
sagnar þess á þeim, í því skyni að
auka traust á framkvæmd og vís-
indalegu gildi rannsóknanna.
Þetta samkomulag tók gildi í
gær.
Traust vísindanefndar efit
„Við vitum ekki framhaldið.
Hvalveiðiskipin munu halda til
veiða í kvöld og freista þess að ná
þeim dýrum sem ríkisstjórnin ákv-
að með samþykkt sinni nú fyrir
nokkru að veiða. Það kemur hér
fram að við munum vinna áfram
innan Alþjóðahvalveiðiráðsins að
því að efla vísindanefnd ráðsins og
auka traust þess og framkvæmd á
vísindalegu gildi rannsóknanna.
Með þessu er í raun og veru
staðfestur vilji okkar, sem hefur
alltaf verið, að það sé ástæða til
þess að auka mjög starf vísinda-
nefndarinnar. Það sé á þeim vett-
vangi sem eigi að vinna að svona
málum, það sé ekki í ráðinu, sem
taki miklu fremur pólitískar
ákvarðanir og við höfum alltaf lagt
áherslu á að auka beri vísindalegt
starf,“ sagði Halldór á fyrrnefnd-
um blaðamannafundi.
Órlagaríkt ár framundan
í máli Halldórs í gær kom fram
að málið væri ekki enn komið alla
leið í friðsæla og örugga höfn.
„Við höfum gagnrýnt Alþjóða-
hvalveiðiráðið mjög mikið að
undanförnu. Við höfum látið í það
skína að við mundum telja okkur
knúna til að segja okkur úr því, en
við teljum að með þessu samkomu-
Iagi sé skapaður grundvöllur til
þess að halda áfram þessu starfi og
láta á það reyna hvort hægt sé að
byggja þar upp skynsamlegt starf
og taka skynsamlegar ákvarðanir,
en það er núna framundan. Við
munum leggja okkur fram í því, í
þeirri von að það muni takast og
væntum þess að Bandaríkjamenn
muni leggja sig einnig alla fram.
En auðvitað getum við ekki samið
um það milli okkar, þar verða fleiri
þjóðir að koma inn og á það mun
reyna mjög á næsta ári og það er
undir því komið hvernig gengur,"
sagði Halldór.
Taldi úrsögn einu leiðina
„Ég er eftir atvikum persónulega
sáttur við lausnina. Ég var orðin
mjög svartsýnn í þessu máli. Ég
bjóst við því að það væri ekki
lengur vilji til að vinna að endur-
bótum á starfi ráðsins. Ég taldi það
nánast einu lausnina, ef lausn
skyldi kalla, að segja okkur úr
Alþjóðahvalveiðiráðinu og fara frá
þessu starfi. Ég taldi það tilgangs-
laust að halda starfinu áfram eins
og það hefur verið rekið að undan-
förnu. Ég tel hins vegar að hér hafi
komið fram vilji af hálfu Banda-
ríkjamanna, sem hafa ráðið þar
mjög miklu, um að halda þessu
samstarfi áfram og byggja þar upp
traust og ég vil gera þá tilraun enn
á ný. Hins vegar vil ég hvorki vera
bjartsýnn né svartsýnn á hvernig til
tekst, en ég tel að hér sé um líf eða
dauða Alþjóðahvalveiðiráðsins að
ræða og ég vil gjarnan að við
vinnum að því að ráðið haldi lífi,“
sagði Halldór.
Fullur kvóti á næsta ári?
í rannsóknaráætlun ríkisstjórn-
arinnar er gert ráð fyrir að veiddar
séu 80 langreyðar, 40 sandreyðar
og 80 hrefnur. Þessi tala veiddra
dýra hefur verið tekin til endur-
skoðunar á hverju ári og það
verður einnig gert á næsta vetri.
Ekki er því hægt að segja á þessu
stigi hver kvótinn verður á næsta
ári. Áætlunin verður lögð fyrir
vísindanefndina og endanleg
ákvörðun mun byggja á þeirra
umfjöllun.
„Ég tel að hér sé um stefnubreyt-
ingu að ræða af hálfu Bandaríkja-
manna. Það er ekki ráðið scm er
afgcrandi í málinu, heldur vísinda-
nefndin og það er sú stefna sem við
höfum talið æskilega og við höfum
ekki viljað undanskilja okkur vís-
indalegri umfjöllun," sagði Hall-
dór að lokum.
Flotinn farinn á miðin
Hvalveiðiskipin, Hvalur 8 og 9
eru farin á miðin. Veiðar eru að
öllum líkindum hafnar og unninn
er áfangasigur í hvalamálinu.
Japanar munu kaupa hvalkjötið
og mununi við selja 49% kjötsins.
Ut í það munu Bandaríkjamenn
ekki fetta fingur.
- SÓL
Guðjón Garðarsson lögregluþjónn var mættur á vaktina í gærkvöldi klukkan 20 þrátt fyrir kinnbeinsbrotið. Á
myndinni sést nákvæmlega hvar hnefinn hitti Guðjón. Tímamynd Brein
Maður grunaður um ölvun við
akstur sló lögregluþjón föstu hnefa-
höggi í andlitið aðfaranótt mánudags
og kinnbeinsbraut hann.
Lögreglu barst tilkynning rétt eftir
miðnætti á sunnudag um grun um
ölvunarakstur í Breiðholti. Lög-
reglubíll var sendur á staðinn og í
honum þrír lögreglumenn. Þegar að
var komið stóð mannlaus bíll í gangi
fyrir utan húsið með ökuljósin
tendruð. í þann mund sem lögreglan
kom að húsinu gekk út par, greini-
lega á leið í bílinn. Að sögn aðvíf-
andi lögreglumanna urðu nokkrar
stimpingar milli parsins við að ná
lyklunum úr bílnum. Þegar mannin-
um veittist betur gekk Guðjón Garð-
arsson lögreglumaður að manninum
og bað hann unt lyklana. „Ég fékk
fast hnefahögg í andlitið í staðinn
fyrir lyklana. Hnúabeinið lenti á
kinnbeininu á mér og kom sprunga
í kinnbeinið. Það voru engar stimp-
ingar okkar í milli og við vorum ekki
að hefta för mannsins, heldur bað ég
hann í góðu að rétta mér lyklana,"
sagði Guðjón í samtali við Tímann í
gær. Hann lýsti atvikinu sem stund-
arbrjálæði mannsins, sem er hálf
þrítugur, en Guðjón sagði jafnframt
að ekki hefði verið um langvarandi
ofsa að ræða.
Maðurinn var færður í járn, eftir
að kallað hafði verið til aukalið eftir
viðbrögð mannsins. Hann gisti síðan
fangageymslur lögreglunnar um
nóttina. Ekki var hægt að greina um
nóttina áverka þá er Guðjón hlaut,
þar sem röntgentæknar voru farnir
af vakt. Þegar Guðjón var síðan
myndaður daginn eftir kom í ljós
sprunga í kinnbeini. í gær tilkynnti
hann sínum yfirboðurum niðurstöð-
ur læknisrannsóknar og var málið þá
tekið upp að nýju hjá lögreglu-
embættinu í Reykjavík. Guðmund-
ur Hermannsson yfirlögregluþjónn
sagði í samtali við Tímann í gær að
það væri hans skoðun að RLR ætti
að hafa þetta mál til rannsóknar, þar
sem þetta væri einn af þeirra
mönnum.
Um framvindu málsins sagði
Guðjón Garðarsson: „Málið verður
látið fara áfram til lögmanns lög-
reglufélagsins og kært áfram í gegn-
um hann. Fullbúin kæra verður að
öllum h'kindum tilbúin í dag fyrir
hádegi, þar sem að þá mætir til vinnu
sá lögreglumaður sem yfirheyrði
þann sem sló mig.“
Guðjóni varð ekki svefnsamt nótt-
ina eftir atvikið. Hann var með
kvalir í andliti og þrálátan hausverk,
sem hann reyndar var með enn í gær
þegar hann ræddi við Tímann. Guð-
jón hefur starfað í lögregluliðinu í
um átta ár en segist aldrei fyrr hafa
beðið skaða í starfinu.
Mjög alvarlegum augum er litið á
þennan atburð meðal lögreglu-
manna, þar sem þetta fólskulega
hnefahögg telst árás á einkennisbún-
inginn og allt það sem hann stendur
fyrir. - ES