Tíminn - 11.10.1987, Síða 5
Sunnudagur 11. október 1987
Tíminn 5
550 til 600 hross
komu af fjalli
Laugardaginn 30. október sl. var
hin hefðbundna hrossarétt að
Laufskálum í Hjaltadal, en þar er
réttað stóði úr Viðvíkur og
Hólahreppum í Skagafirði.
Smalamenn komu með stóðið úr
Kolbeinsdal um kl. 12.30, en þar er
afréttur þessara tveggja hreppa, og
skömmu síðar var fyrsti hópurinn
rekinn í réttina.
í samtali við Harald Þór
Jóhannsson, réttarstjóra, kom fram
að 550-600 hross hefðu komið úr
afrétt að þessu sinni og þá að
folöldum meðtöldum.
Hrossarétt að Laufskálum hefur
undanfarin ár dregið að sér
sívaxandi fjölda fólks sem kemur
nánast hvaðanæva að af landinu.
Meðal annars hafa nokkrir
áætlunarbílar komið frá Suðurlandi
um árabil, fullir af fólki.
Það er ekki gott að segja um hvað
dregur fólk í svo miklum mæli að
stóðréttinni. í fyrra var t.d. talið að
þar væri á annað þúsund manns og
því ljóst að aðeins brot af þeim fjölda
kcmur með það fyrir augum að
skoða og kaupa hross, en á nokkrum
bæjum í þessum hreppum hafa hross
verið ræktuð og kynbætt um árabil,
en komið þaðan margir af kunnustu
gæðingum landsins.
Réttardagurinn sl. laugardag var
þó frábrugðinn flestum öðrum í því
að veður var erfitt, sunnan
hvassviðri og ausandi rigning og fólk
því færra en oft áður, enda tæpast
aðstaða til útiveru.
Upprekstrar og hrossaræktarfélög
Viðvíkur og Hólahreppa höfðu
komið fyrir stóru tjaldi á svæðinu,
þar sem seldar voru veitingar og
notfærði réttarfólk sér óspart þá
þjónustu.
Mikill mannfjöldi safnaðist saman
í tjaldinu. Þar var leikið á harmoniku
og gítar og mikið sungið eftir að fólk
hafði vætt kverkarnar lítið eitt. Mátti
þá segja að í tjaldinu ríkti ósvikin
réttarstemmning! ÖÞ
Notum ljós,
í auknum mæli
— í ryki, regni,þoku
og sól.
UMFERÐAR
RÁÐ>
Qstóru sölutjaldi hafði verið
komið fyrir við réttina þar sem
seldar voru veitingar.
0Bíiafloti við Laufskálarétt.
[c]Dregið í dilka í réttinni.
QGamlir kunningjar hittast oft á
réttardaginn.
0Það er nauðsynlegt að skoða
markið vel.
DRÁTTARVÉLAKEÐJUR
frá Ovako Finnlandi
Eigum til á lager eftirtaldar stærðir:
12.4/11-28 9mm Kr. 23.181.- settið
13.6/12-28 9mm Kr. 25.974.- settið
14.9/13-24 9mm Kr. 23.842.- settið
14.9/13-28 9mm Kr. 25.273.- settið
16.9/14-28 11 mm Kr. 36.747.- settið
16.9/14-30 11 mm Kr. 37.282.- settið
Einnig þverbönd og hlekki
BUNADARDEILD
HR0SS ARETTIRIREGNI
0G VINDBELGINGI
ÁRMÚLA3 REYKJAVÍK SÍMI 38900