Tíminn - 11.10.1987, Blaðsíða 11

Sunnudagur 11. október 1987
Tíminn 11
\MÁL SAKAMÁL SAKAMÁL SAKAMÁL
í
*
■
Brazos í Texas, en flutt burt fyrir
löngu. Gat hún verið ástkona
Blacks?
Konan reyndist hafa komið í
heimsókn á æskustöðvarnar vorið
1984 og að sögn vina Söndru, hafði
deilan, sem varð til að Sandra sótti
um skilnaðinn, orðið skömmu eftir
brottför vinkonunnar. Nú var lög-
reglan í heimabæ konunnar fengin
til að athuga hana og ekki leið á
löngu þar til konan viðurkenndi
ástarsamband við Black. Hún hafði
þó ákveðið að gefa hjónabandi sínu
annað tækifæri, en þá hótaði Black
að fyrirfara sér. Erindi hennar til
Brazos hafði verið að fá hann ofan
af því.
Ennfremur sagði konan að Sandra
hefði vitað um sambandið og verið
mjög skilningsrík, sagt sem svo, að
hefði það ekki verið hún, hefði það
bara orðið einhver önnur.
Þá var komin upp sú spurning,
hvort Robert Black hefði myrt konu
sína til að eiga hægara um vik að
nálgast ástkonuna? í ljós kom, að
hann átti töluverða peninga í banka
og hafði auk þess nýlega látið hækka
líftryggingu Söndru ríflega. Sá, sem
seldi honum líftrygginguna, gaf sig
strax fram og kvaðst hafa verið
góður vinur beggja Black-hjónanna.
Svo vildi til, að hann hafði afhent
Black nýja líftryggingarskírteinið
sama daginn og það tók gildi, einmitt
morðdaginn. I skírteininu var sérá-
kvæði um dauðsfall af slysförum,
sem hækkaði upphæðina enn, svo
hún varð þá um 7 milljónir ísl.
króna.
Nú, þegar ljóst var að Black átti
ástkonu og peninga, varð hann efst-
ur á lista yfir grunaða. Það eina sem
kom í veg fyrir handtöku hans, var
skotheld fjarvistarsönnun. Ferðir
hans reyndust nákvæmlega eins og
hann hafði sagt. Hann hefði ekki
getað myrt konu sína, af þeirri ein-
földu ástæðu, að hann var augljós-
lega staddur annars staðar á sama
tíma.
Einhver annar hlaut því að hafa
tekið að sér óþverraverkið fyrir
hann - en hver? Leigumorðingi?
Hvernig var hægt að gera slíkt í
smábæ, þar sem allir þekkja alla
meira og minna?
Svarið fannst í næsta söluturni.
Við athugun á vettvangi hafði Kirk
fundið eintak af Lukkuriddaranum,
tímariti, sem höfðar til áhugamanna
um skotfæri og hernaðarbrölt. Þar
hafði verið dreginn hringur um aug-
lýsingu frá Öryggissamtökum í Atl-
anta, sem voru milliliður um að
útvega hvers kyns sérfræðilega þjón-
ustu á hernaðar- og skotfærasviði,
svo og áhættuverkefni utanlands og
innan, gegn þóknun.
Vissulega hafði Robert Black
áhuga á svona löguðu og átti nóg af
vopnum til að ráðast á smávirki.
Hann gæti svo sem verið að leita sér
að aukastarfi eða nýjum grip í safnið
hjá þessum aðilurn. Hins vegar hafði
Kirk áhuga á „áhættuverkefnum“ í
auglýsingunni. Gæti slíkt ekki átt
við um leigumorð?
Bankareikningurinn sýndi, að
Black hafði leyst út 80 þúsund krón-
ur daginn áður en Sandra var myrt,
en ekki varð ljóst fyrr en 6. mars
hvert peningamar höfðu farið. Þá
var það starfsbróðir Kirks í Flórída,
sem hringdi og nefndi nafnið Wayne
Hearn. Þarna var verið að rannsaka
tvö morð og talið að Hearn þessi
hefði framið þau. Hann var þó
horfinn, en ættingi hans hafði til-
kynnt lögreglunni um peningasend-
ingu til hans frá einhverjum Black í
Texas. Með fylgdi bréfmiði, þar sem
Black gaf upp símanúmer, sem hægt
yrði að ná til sín. f>ar var fjarvistar-
sönnun Blacks komin.
Hearn þessi reyndist yfirmaður
öryggissamtakanna í Georgíu, en
var nú farinn í felur. Nokkru síðar
hringdi hann til ættingja síns, sagðist
vera orðinn þreyttur á þessu og vildi
gefa sig fram. En hvar og hvenær
vissi enginn.
Þann 10. mars hringdi Miller lög-
reglustjóri til Blacks og sagði honum
að búið væri að rannsaka byssurnar
hans og hann gæti fengið þær aftur.
Miller stakk upp á að hann kæmi og
sækti þær sjálfur.
Black samþykkti, en þegar hann
kom á stöðina, var honum sagt, að
eftir væri að ganga frá smáatriðum,
áður en hann fengi kassann. Það ætti
til dæmis að handtaka hann, því
lögreglan vissi allt um morðsamsær-
ið.
Hvaða samsæri? spurði Black og
heimtaði lögfræðing. Hann var
formlega ákærður fyrir morðið á
konu sinni og stungið inn, en leitinni
að Hearn var haldið áfram með
auknu mikilvægi. Loks hafðist upp á
honum í Denver í Colorado, þar
sem hann hélt til, auralaus og mædd-
ur og vildi gefa sig fram áður en
einhver dræpi sig.
Hann sagði að sér hefðu verið
boðnir milljón dollarar fyrir að ræna
sovéskri þyrlu í Nicaragua, en þó
það væri freistandi, hefði hann held-
ur viljað koma þessu Blackmáli á
hreint. Þann 16. mars kom Hearn
svo til móts við lögregluna á bíla-
stæði við stórverslun í Huntsville í
Texas, þar sem hann var handtek-
inn.
Hearn sagðist svo frá, að hann
hefði frétt af Blackmorðinu, er hann
var á ferð í Boulder í' Colorado og
tók puttaferðalang upp í hjá sér.
Náunginn hét Doug og sagðist hafa
drepið konu einhvers fyrir peninga.
Kirk trúði þessu mátulega, en Hearn
fékk nú á sig morðákærur frá Flór-
ída, sem jafngiltu tveimur dauða-
dómum.
Líklega hefur honum ekki litist á
blikuna því hann baust til að játa, ef
hann fengi ekki dauðadóm. Eftir
flóknar viðræður yfirvalda í Texas
og Flórída, var það samþykkt að
Hearn afplánar nú lífstíðarfangelsi
fyrir tvö morð í Flórída og morðið á
Söndru Black í Texas. Hann bauðst
líka til að vitna gegn Robert Black.
Black hafði alltaf haldið fram að
hann væri saklaus af morði konu
sinnar, en nú þurfti hann að sanna,
fyrir hvað hann hefði greitt Hearn 80
þúsund. Þar við bættist, að ástkona
hans í Kaliforníu samþykkti að
koma og bera vitni gegn honurn.
Hún sagði fyrir réttinum, að hún
hefði bundið enda á sambandið og
síðan komið til Texas í því skyni að
fá Black ofan af sjálfsmorði. Þar
hefði hún hringt til Söndru, sagt
henni allt og beðið hana afsökunar.
Sjálf hefði hún átt að fá lögskilnað
23. febrúar, en verið búin að ákveða
að hætta við. Tveimur dögum áður,
þann 21. frétti hún svo, að Sandra
Black hefði verið myrt.
Mikilvægasta vitnið var Wayne
Hearn. Hann sagði að Black hefði
fyrst haft samband við sig vegna
auglýsingarinnar, þeir hefðu hist í
janúar heima hjá Black. Ég bauð
honum 5000 dollara fyrir byssurnar
hans, sagði Heam. Hann samþykkti,
en dró það seinna til baka.
Black hefði sagt honum, að hann
ætlaði að fyrirkoma konu sinni með
því að rota hana og láta líta svo út
að hún hefði ekið á brúarstólpa og
hafnað neðan við háa hamra við
brúna. Þremur vikum seinna hefði
hann svo hringt og beðið sig að
hjálpa sér að losna við konuna.
Ég skal gera það, ef þú sendir mér
80 þúsund, svaraði Hearn. Þrjú
hundruð þúsund skyldu greiðast
seinna. Hann flaug til Texas, fór
heim til Blacks, þar sem hann um-
turnaði svefnherberginu og tók
nokkra gripi í viðurvist hans. Síðan
fór Black, en Hearn varð eftir.
Sandra kom klukkustundu síðar.
Ég beið, þangað til hún kom inn,
þá skaut ég hana í höfuðið, því ég
vildi ekki að hún kveldist.
Verjandi Hearns lagði til að He-
arn hefði komið á staðinn í því skyni
að stela byssusafninu, en skotið
Söndru, þegar hún stóð hann að
verki. Ákærandinn sagði þessa
kenningu hlægilega sem seinasta
hálmstrá varnarinnar. Lokaorð hans
til kviðdómsins voru: Ég veit, að
meira að segja áður en Hearn bar
vitni, voruð þið viss um, að Robert
Black keypti hann til að myrða konu
sína.
Kviðdómur var sammála og að-
eins tók tvær klukkustundir að úr-
skurða Black sekan. Þremur dögum
síðar var hann dæmdur til dauða
með eitursprautu. Samkvæmt lögum
var dómnum áfrýjað til hæstaréttar
og þar til úrskurður hans er fenginn,
er Black á dauðadeild í Huntsville-
fangelsinu.
Þess má geta, að Lukkuriddarinn
hætti upp frá því að birta auglýsingar
á borð við þá frá Öryggissamtökun-
um í Georgíu.
Of mikið ofbeldi
Framhaldsþættirnir um Lögg-
urnar í Miami hafa leitt til aukning-
ar á ofbeldi, einmitt í Miami.
Leikararnir Don Johnson og Philip
Michael Thomas draga fjölmarga
áhorfendur að tækjunum, en þvf
miður eru meðal þeirra einstakl-
ingar, sem vilja endilega vera í
sporum manna á skjánum og reyna
að láta þá drauma rætast.
Þetta hefur leitt til aukins ofbeld-
is og í einu lögsagnarumdæmi hefur
fjöldi morða, rána og líkamsárása
aukist um hvorki meira né minna
en 20% síðan sýning þáttanna
hófst.
Þá er hin raunverulega fíkni-
efnalögregla í Miami lítt hrifin, og
meðal starfsmanna þar er almenn
skoðun, að skothríðin og ofbeldið]
í þáttunum hafi augljóslega smitað
út frá sér í glæpamannaklíkum
borgarinnar.
Þess má geta í leiðinni, að eftir
voðaatburðinn, sem nýlega varð í
bænum Hungerford í Englandi,
hafa yfirvöld farið þess á leit við
sjónvarpsstöðvar, að þær dragi
stórlega úr sýnigu ofbeldismynda
og nú er byrj að að fara að tilmælun-
um. Miami Vice var það fyrstga
sem fékk að fjúka.
Don Johnson og Philip Michael Thomas. Þeir hafa aðdráttarafl, en
einnig miður góð áhrif.
KALKDREIFARAR
KAUPFÉLÖGIN OG
TYPE B 50 • 4.0
Komnir
aftur
• ] • 1 KM:
Lry. iTTTnT I n 1: U1-!
ÁRMÚLA3 REYKJAVÍK SÍMI 38900
Úrval drykkjarkerja
Fyrir:
Kýr
hesta
og
sauðfé
Sex gerðir - Hagstætt verð
BÚNADARDEILD
SAMBANDSINS
ÁHMÚLA3 REYKJAVÍK SÍMI 38900