Tíminn - 22.10.1987, Blaðsíða 2

2 Tíminn
Fimmtudagur 22. október 1987
Þorvaldur Garðar Kristjánsson, forseti Sameinaðs Alþingis:
250 flöskur af vodka:
Menn tala oft um
maf íu á götum úti
-Ég tjái mig ekkert um þetta
mál. Þetta orð er nú oft notað.
Menn nota þetta nokkuð frjálslega
og menn tala oft um mafíu, að mér
finnst í daglegu tali, án þess að þeir
meini að verið sé að beita sömu
illræmdu aðferðunum cins og hin
eina sanna mafía,“ sagði Þorvaldur
Garðar Kristjánsson, forseti sam-
einaðs Alþingis, er Tíminn bar
undir hann mikla notkun orðsins á
þingfundi í fyrradag. Orðið var þar
óspart notað í samhenginu „Dýra-
læknismafían, landbúnaðarmafían
og SÍS-mafían“, af þingmönnunum
Mattíasi Bjarnasyni og Eyjólfi
Konráð Jónssyni í umræðum er
áttu sér stað um sláturhúsmálefni
Arnfiröinga.
Þorvaldur Garðar Kristjánsson.
„Menn segja í daglegu tali oft:
„Þetta er bara mafía“. Þess vegna
er dálítið erfitt að segja til um
þetta. Merkingin er orðin að því er
mér virðist, almenn. Þetta er bara
eitthvað sem menn eru að hall-
mæla, en það er ekki sagt að
viðkomandi hópur sé orðinn eins
og hin eina sanna mafía. Þetta eru
bara einhverjir sem halda fast
saman. Þetta er dálítið í þeirri
merkingu. Þannig er erfitt að
henda reiður á þessu."
Sagði hann varðandi umræðurn-
ar í fyrradag að þarna hafi verið
maður, ekki af minna taginu, sjálf-
ur landbúnaðarráðherra, Jón
Helgason, sem ekki hafi tekið
þessa orðnotkun óstinnt upp.
Hann hafi verið þarna fyrir þá
aðila sem sneitt hafi verið að í
umræðunni.
„Forseti þarf stundum að slá í
bjölluna,“ sagði Þorvaldur, en að-
spurður sagðist hann ekki hafa
verið að því kominn í tilteknum
umræðum. Það væri alls ekki óeðli-
legt að menn velti því fyrir sér
hvort slík orðnotkun væri viðeig-
andi. Hins vegar væri það mikið
matsatriði hvenær forseti gripi
þannig inn í varðandi orðnotkun
háttvirtra alþingismanna. Kvaðst
hann frekar vera hlynntur því að
það gerðist of sjaldan, heldur en of
oft. ^ KB
Umtalsverðu
smyglað með
Urriðafossi
Um 250 flöskur af vodka, 39
kassar af bjór og lítilræði af vindling-
um fannst við Ieit tollvarða um borð
í langferðaskipinu Urriðafossi. Eftir
að tollmenn höfðu rekist á bjórinn
og 9 flöskur af vodka í tönkum í lest
og vélarrúmi var hafin gaumgæfilegri
leit.
Við það fundust 168 lítrar af
vodka, sem komið hafði verið fyrir í
holrúmi á skipinu. Skipverjar höfðu
borað göt og hellt áfenginu inn um
þau í holrúmið. Því næst var fyllt í
götin.
Sjö meðlimir áhafnarinnar hafa
viðurkennt að eiga smyglið. Mest af
því er í eigu fjögurra þeirra. þj
Samningur íslands og Kína:
Þróa við-
skipti milli
ríkjanna
Viðskiptasamningur milli íslands
og Alþýðulýðveldisins Kína var
undirritaður í Peking hinn 17. okt-
óber sl. Samninginn undirrituðu Pét-
ur Thorsteinsson, sendiherra, og frú
Zhu Youlan, aðstoðarráðherra í
utanríkisviðskiptaráðuneytinu.
í samingnum er gert ráð fyrir að
stjórnvöld geri viðeigandi ráðstafan-
ir til eflingar áframhaldandi og
stöðugri þróun viðskipta milli land-
anna, auk þess að sköpuð verði eins
hagstæð skilyrði og hægt er fyrir þá
þróun.
Samkvæmt samningnum verður
skipuð sameiginleg nefnd, sem fjall-
ar um viðskipti landanna.
Samningurinn tók gildi þegar við
undirritun. þj
Húsið í Þrastanesi 6 sem reyndist of hátt.
Tímamynd: Pjeíur
Húsbyggingarmáliö í Arnarnesi:
Semja kröfugerd
á hendur Garðabæ
Húseigendur að Þrastanesi 6 í
Arnarnesi, sem urðu fyrir töfum við
framkvæmdir á byggingu húss síns í
sumar vegna stöðvunar Skipulags-
stjórnar ríkisins, telja sökina að
hluta hjá Garðabæ og vilja skaða-
bætur. Hjónin vinna nú ásamt lög-
manni sínum að kröfugerð á hendur
bænum. Þau hyggjast halda húsinu
eftir, nú þegar bærinn hefur tilkynnt
sig ekki knúinn til að leysa það inn,
svo sem húseigendur fóru fram á, og
ráðgera að flytja inn í það á miðju
næsta ári.
Þess ber að geta, sem ekki kom
fram í grein Tímans í gær, að hjónin
áttu frumkvæði að því að lækka hús
sitt um 45 cm þegar vakin var athygli
á því að það væri of hátt miðað við
skilmála.
Gunnar Friðbjörnsson, arkitekt,
að Þrastanesi 5, sem upphaflega
gerði athugasemdir við hæð hússins
nr. 6. er nú að semja greinargerð urn
málið til birtingar í Tímanum á
morgun. þj
Ólafur Bekkur kominn úr endurbyggingu:
Óskiljanlega ódýrt
í pólskum stöðvum
Konur í sókn?:
Ekki samræmi
milli fulltrúa
og nefnda
Jafnréttisráð hefur nýlokið at-
hugun á hlutfalli kynja í borgar/
bæjarstjórnum og í nefndum,
stjórnum og ráðum á vegum borg-
ar/kaupstaða eftir sveitarstjórnar-
kosningarnar 1986.
Niðurstöðurnar voru þær að
hlutur kvenna í borgar/bæjarráð-
um hefur aukist úr 10% i' 13% frá
árinu 1982 til 1986. Þessi aukning
er þó ekki í samræmi við hlut
kvenna í borgarog bæjarstjórnum.
Engin kona er bæjarstjóri eða
borgarstjóri, en tæp 22% kvenna
eru forsetar borgar/bæjarstjórna
og tæp 39% eru varforsetar. Þegar
litið er til stærstu bæjarfélaganna
kemur f Ijós að fylgni er ekki milli
fjölda þeirra kvenna sem kjörnar
eru borgar/bæjarfulltrúa og fjölda
þeirra kvenna sem sitja í hinum
ýmsu nefndum, stjórnum og ráðum
í sama bæjarfélagi.
Það er einnig áhugavert að at-
huga hvaða ráð, stjórnir og nefndir
það eru sem konur vinna í. Sem
dæmi þá eru konur í meirihluta í
17 af 23 félagsmálaráðum eða
nefndum og í 18 af 23 grunnskóla-
nefndum. Þær hafa oft meirihluta í
nefndum sem tengjast heilbrigðis-
málum, stjórnun elliheimila,
sjúkrasamlaga, umhverfis- og nátt-
úruverndarmála, málefnum barna,
unglinga og menningarmála.
Eina undantekningin frá regl-
unni er í Neskaupstað, en þar eru
konur í meirihluta kosinna fulltrúa
í bæjarstjórn og 41,9% fulltrúa í
nefndum. Annars mætti draga þá
ályktun að konum sé auðveldara
að komast í borgar/bæjarstjórnir í
gegnum „örugg sæti“ á listum
flokkanna. heldur en að komast í
ráð, stjórnir og nefndir
-SÓL
„Það væri nú frekar að ég gæti
talið upp hvað ekki hefði verið gert
við Ólaf Bekk,“ sagði Þorstcinn
Ásgeirsson, framkvæmdastjóri
Hraðfrystihúss Ólafsfjarðar þegar
Tíminn spurði um helstu breytingar
sem gerðar voru á togaranum Ólafi
Bekki, en hann er nýkominn frá
Póllandi þar sem hann var í endur-
byggingu sl. átta mánuði.
„Ef við byrjum að telja upp, þá
var hann lengdur um 6,6 metra, sett
var á mikið perustefni, hliðarskrúfa.
skipt var um aðalvél, gír- og skrúfu-
búnað, stýrisvél, skipt um stýrishús
og tæki þar endurnýjuð, skipt um
hjálparspil, togspilið gert upp, allur
aðgerðarbúnaður á millidekki var
endurnýjaður, öll einangrun var tek-
in og skipið klætt aftur. Síðan var
skrokkurinn lagaður, þannig að
hann er ekki undanskilinn," sagði
Þorsteinn ennfremur.
Kostnaðurinn við viðgerðirnar var
120 milljónir, en endurbyggingin fór
fram í Nauta skipasmíðastöðinni í
Gdynia.
„Þetta er 60 milljón krónurn ódýr-
ara heldur en gerist og gengur annars
staðar. Pólverjarnir bjóða svo vel,
því þá vantar gjaldeyri. En þetta er
óskiljanlegt hvernig þeir geta staðið
undir þessu. Þetta er hreinlega ótrú-
lega ódýrt,“ sagði Þorsteinn að
lokum.
Ólafur Bekkur heldur á miðin í
vikulok, en hann á enn talsvert eftir
að kvótanum.
-SÓL
Lánskjaravísitalan:
HÆKKAÐIUM 2,45%
Með tilvísun til 39. greinar laga númer 13 frá 1979 hefur Seðlabankinn
reiknað út lánskjaravísitölu fyrir nóvember 1987. Lánskjaravísitala 1841
gildir fyrir nóvember 1987.
Hækkun lánskjaravísitölu frá mánuðinum á undan varð 2,45%. Umreikn-
uð til árshækkunar hefur breytingin verið sem hér segir:
1. síðasta mánuð 33,7%
2. síðustu 3 mánuði 24,5%
3. síðustu 6 mánuði 22,7%
4. síðustu 12 mánuði 21,4.