Tíminn - 01.07.1988, Blaðsíða 2
2 Tíminn
FöstudagbKl. júlf 1988
Hér má sjá hvernig mótorhjólið lenti á milli afturdekkjanna á vörubifreiðinni eftir að ökumaður hafði ekið á milli hússins á vörubflnum og tengivagns.
Tímamynd Pjetur
Undir
átján
hjóla
trukk
„Hann var að prófa mótorhjólið,
þegar vörubifreið kom keyrandi og
það vildi ekki betur til en svo að
hann lenti á vörubifreiðinni, á milli
hússins á bifreiðinni og tengivagns
með þeim afleiðingum að ökumað-
urinn og hjólið lentu á milli aftur-
dekkjanna.“ Þetta sagði lögreglan í
Kópavogi eftir að piltur á mótorhjóli
ók á vörubifreið í Fífuhvammi í
Kópavogi kl. 12:45 í gær.
Pilturinn var fluttur á slysadeild
með rispur á höfði en fékk að fara
heim samdægurs eftir að gert hafði
verið að sárum hans.
Mótorhjólið, sem var í eigu vinar,
varð fyrir töluverðum skemmdum.
Að sögn lögreglu var hvorugur
ökumannanna á mikilli ferð þegar
slysið átti sér stað. En svo virðist
sem eitthvert fát hafi komið á piltinn
þegar hann kom auga á bifreiðina.
Að sögn móður piltsins er líðan
hans ágæt og svaf hann værum
síðdegisblundi þegar blaðamaður
Tímans ætlaði að ná tali af honum.
-gs
Stjórn Prestafélagsins um óheillavænlega þróun innan Fríkirkjunnar í Reykjavík:
Lög Fríkirkjunnar
í algerum ólestri
Stjórn Prestafélags fslands hefur nú birt drög að því samkomulagi
sem þeir hugðust vinna að gagnvart safnaðarstjórn Fríkirkjunnar í
Reykjavík. Frekari sættir eru þó ekki útilokaðar af hálfu Prestafé-
lagsins, en safnaðarstjórnin vill losna við frekari afskipti stéttarfé-
lagsins af málinu. Safnaðarstjórnin hefur ekki komið fram með nein
haldbær rök fyrir uppsögninni og telur stjórn P.í. að ástæður
vandans megi frekast rekja til þess að lög og reglugerðir séu í
algerum ólestri hjá Fríkirkjunni í Reykjavík. Stéttarfélagið vill að
skipaður verði sérstakur úrskurðaraðili varðandi málefni safnaðar-
ins, safnaðarráð verði virkjað að nýju og að lög safnaðarins verði
endurskoðuð. Stjóm P.í. fullyrðir að safnaðarstjórnin hafi brotið
fyrra samkomulag við sr. Gunnar.
„Lögin eru í ólestri hjá söfnuðin-
um og vandinn felst í því að engar
skýrar reglur eru til að vinna eftir,“
sagði formaður P.f. Sigurður Sigurð-
arson, sóknarprestur á Selfossi.
Sagði hann að til dæmis væru allar
reglur miklu flóknari og óskýrari en
tíðkaðist í nokkrum evangelískum-
lútherskum söfnuði öðrum. Regl-
urnar væru miklu einfaldari í þjóð-
kirkjunni til dæmis.
Telur stjórn P.f. að öll þau atriði
sem borin eru á sr. Gunnar komi
mjög til álita og séu byggð að stórum
hluta á óstaðfestum fullyrðingum
sem ekki séu studdar fullnægjandi
gögnum. „Eins og safnaðarstjórnin
setur málið fram er það fyrst og
fremst á sviði mannlegra samskipta
og tilfinningalegs mats á þeim.“ Um
leið og stjórn P.í. fullyrðir að prest-
urinn hafi ekki brotið það af sér að
réttlætanlegt sé að segja honum upp
störfum, bendir hún á að safnaðar-
stjórnin hafi sjálf greinilega brotið
þá grein fyrri samkomulags, frá
1985, sem kveður á um að presti
skuli ekki sagt upp fyrirvaralaust.
„Við áttum von á að ná sáttum í
brottreksturmáli sr. Gunnars
Björnssonar, en höfum mætt óbil-
girni stjórnar safnaðarins og erum
ósáttir við vinnubrögð stjórnarinn-
ar,“ sagði sr. Valgeir Ástráðsson,
varaformaður P.í.
í yfirlýsingu um málið segir stjórn
P.í. m.a. að enginn hafi fjallað um
brottrekstursmálið nema safnaðar-
stjórnin. „Safnaðarstjórnin lítur
greinilega svo á að hún hafi sjálf-
dæmi í máli þessu á grundveili laga
Fríkirkjusafnaðarins, án þess að þau
lög tryggi prestinum nokkurn rétt til
áfrýjunar. Slíkt er með eindæmum
þar sem safnaðarstjórnin ræður ekki
prestinn, heldur er hann kosinn af
söfnuðinum í almennri kosningu."
Fjallað hefur verið um viðhalds-
kostnað á embættisbústað prestsins
sem eina af ástæðum uppsagnarinn-
ar. Pegar þetta atriði var borið undir
stjórn P.í. sögðust þeir hafa kannað
það mál að nokkru marki. Þeim
virðist hér vera nokkuð málum
blandið þar sem það hafi verið
ákvörðun síðustu stjórnar að ráðast
í endurbætur á bústað prestsins.
Mun hér vera um að ræða um 550
þúsund krónur í viðhald og hefur
stjórn P.í. það frá gjaldkera og
öðrum aðilum að ekki hafi verið um
neitt bruðl að ræða þar sem húsið sé
í raun talsvert illa farið vegna lang-
varandi viðhaldsleysis.
Sigurður Sigurðarson formaður
P.f. harmaði mjög að viðleitni
stjórnar sinnar til að ná sáttum í
málinu, hafi mætt óbilgirni ákveð-
inna einstaklinga innan safnaðar-
stjómarinnar. „Þau vinnubrögð sem
þar eru viðhöfð, eru að mati stjórnar
P.f. óheillavænleg."
Sagði Sigurður að Prestafélagið
væri stéttarfélag sr. Gunnars Björns-
Fríkirkjan við Fríkirkjuveg.
sonar og muni það leitast við að ná
fram rétti hans í hvívetna.
KB
ÁFRÝJUN EDA FANGELSI?
Hermann Björgvinsson hefur ekki enn ákveöið hvort hann
áfrýjar dómi þeim sem hann hlaut í héraði og Tíminn greindi frá
í gær. Hann vill að öðru leyti ekkert um málið ræða opinberlega
og segir að tíminn leiði í Ijós hvað hann geri. Hins vegar er nokkuð
Ijóst að Hermann hefur færri kosti en iegið geta í augum uppi.
Hann hefur verið dæmdur í háa fésekt miðað við dómsorðin og
verður að reiða fram sektargjaldið innan fjögurra vikna.
Erfitt getur reynst fyrir venjulegt
fólk að snara fram 1.250 þúsund
krónum á jafn skömmum tíma,
hvað þá ef sama fólk hefur verið
tekið til gjaldþrotaskipta eins og
hann. Ljóst er að Hermann getur
átt í verulegum erfiðleikum með
að greiða sektina þar sem hann
hefur ekki haft möguleika á að
koma sér upp neinum eignum allt
frá haustinu 1986 er búið var lýst
gjaldþrota. Það eina sem hann
getur átt í handraðanum eru vinnu-
launin á tímabilinu eða öllu heldur
það sem hann hefur getað haldið
eftir af þeim.
Samkvæmt heimildum Tímans
eru kröfurnar í þrotabúið um 135
milljónir og standa eignir alls ekki
undir þeim. Þessar eignir minnk-
uðu reyndar um fjórar milljónir á
síðasta búfundi kröfuhafanna þann
30. maí s.l. Þá var það samþykkt af
meirihluta fundarmanna að fara
ekki í mál við þekktan lögfræðing
í Reykjavík vegna skuldar við
Hermann. Var talið ólíklegt að
málið ynnist og því ekki talið borga
sig að hefja kostnaðarsaman mála-
rekstur. Einn kröfuhafinn lýsti sig
mótfallinn þessu á fundinum, en
lenti í minnihluta eins og að framan
greinir. Hverjum kröfuhafa fyrir
sig er þó heimilt að fara í mál við
lögfræðinginn þótt þrotabúið telji
það ekki borga sig.
Ef svo ilia vildi til að Hermanni
reynist ókleift að greiða sekt sína
er ekki nema um tvo kosti að ræða.
Annar er sá að grípa til vararefsing-
arinnar og hinn að áfrýja. Áfrýjun
til Hæstaréttar getur hins vegar
þýtt margra ára umfjöllun opinber-
lega og þá líka í fjölmiðlum, en á
því er Hermann, fjölskylda hans
og vinir orðin langþreytt af skiljan-
legum ástæðum. Vararefsingin er
rúmlega ellefu mánaða varðhald
að frádregnu því gæsluvarðhaldi
sem hann hefur þegar setið í. Það
er því fyrirsjáanlegt að geti hann
ekki náð því að safna saman 1,2
milljónum króna á næstu vikum,
neyðist hann til að áfrýja til Hæsta-
réttar í von um skilorðsbundinn
dóm eða jafnvei sýknu, en sitja
inni ella. KB