Tíminn - 01.07.1988, Blaðsíða 3
Föstudagur 1. júlí 1988
■Trminn ' 3
Bílslysabæturtryggingafélaganna 1987 hefðu meiraendugaðfyrirjarðgangagerð undir Hvalfjörð:
VERÐUR ÞORFAFREKARI
HÆKKUNIDGJALDA ’89?
Haldi umferðarslysum áfram að fjölga, eins og ýmislegt þykir
benda tii miðað við reynsluna á fyrri helmingi ársins, geta
bíleigendur allt eins reiknað með að 60% iðgjaldahækkun ábyrgðar-
trygginga í ár dugi ekki til, þannig að aftur þurfi að hækka þau
umfrain verðbólgu á næsta ári. Hreint tap þykir fyrirsjáanlegt á
kaskótryggingum, miðað við þau tjón sem þar hafa hrannast upp að
undanförnu, svo enn meiri likur eru á drjúgum hækkunum iðgjalda
af þeim á næsta tryggingartímabili. Tjónakostnaður tryggingafélag-
anna vegna bílslysa, aðeins á árinu 1987 hefði t.d. meira en nægt til
að fullgera jarðgöng undir Hvalfjörð.
Framangreint mátti ráða af orðum
Benedikts Jóhannessonar, stærð-
fræðings, á fundi með forstöðu-
mönnum tryggingarfélaganna, þar
sem hann fór yfir útkomu tryggingar-
félaganna á síðasta ári og nokkrum
orðum um útlitið á þessu ári, miðað
við reynsluna frá áramótum.
í viðtali við Tímann sagði Bene-
dikt vitað að þó nokkuð mikil hækk-
un hafi orðið á tjónum fyrri hluta
þessa árs miðað við árið í fyrra, enda
tíðar fréttir af stórslysum að undan-
förnu. Dæmi séu um upp í 100%
milli mánaða á þessu ári qg sömu
mánaða í fyrra hjá a.m.k. einu
tryggingafélaganna. Þótt nákvæmar
skýrslur liggi ekki fyrir sýnist Bene-
dikt standa í járnum að 60% ið-
gjaidahækkunin í ár muni duga.
Fyrirsjáanlegt tap
á kaskótryggingum
Sú 60% hækkun var miðuð við
tjónareynslu síðasta árs, þ.e. að
tjónin í ár yrðu hlutfallslega svipuð
og þá. Fjölgi þeim hlutfallslega
áfram í ár, komast bíleigendur ekki
hjá því að það kalli á enn frekari
iðgjaldahækkanir. Varðandi kaskó-
tryggingaiðgjöldin sagðist Benedikt
nær sannfærður um að þau hafi
hækkað of lítið í ár, þannig að sú
grein komi út með tapi í ár.
Sett af stað leit að báti á Faxaflóa:
Gleymdi að
tilkynna
Slysavarnafélag íslands kallaði
út þyrlu Landhelgisgæslunnar til
leitar að níu tonna báti, Val
Jónssyni RE-90, með tveimur
mönnum innanborðs. Þyrlan fór
í loftið um kl. 12:00 á hádegi, en
var ekki búin að fljúga langt
þegar báturinn kallaði í þyrluna
og tilkynnti að allt væri í lagi. Þeir
höfðu þá gleymt að tilkynna sig
til Tilkynningarskyldunnar þá um
morguninn, er þeir voru við veið-
ar undir Malarrifi á Faxaflóa.
Að sögn Hálfdáns Henrýsson-
ar deildarstjóra hjá Slysavarna-
félaginu hefur það komið fyrir
nokkrum sinnum áður að bátar
gleymi að tilkynna sig, og gerist
það þá aðallega hjá þeim sem eru
að byrja veiðar eftir veturinn.
Kostar það mikinn viðbúnað og
læti þegar slíkt gerist og er það
heilmikið sem þarf að fram-
kvæma áður en þyrlan er kölluð
út.
Hálfdán sagði einnig að óvenju
mikil sjósókn væri nú á miðunum,
um 1800 bátar tilkynna sig á dag
núna en mest hefur það orðið
rúmlega 2000 bátar. Skip og stórir
bátar þurfa að tilkynna sig einu
sinni á dag en minni bátar til-
kynna sig tvisvar á dag. Slysa-
varnafélagið hefur nú tekið í
notkun nýtt tölvuforrit sem m.a.
skráir allar tilkynningar sem
berast, og eykur það öryggið til
muna að sögn Hálfdánar. -gs
Um 5. til 6. hverbíll
í árekstri
Ökumenn 14.000 bíla urðu tjón-
valdar í umferðinni í fyrra. Það er
um 8. hver ökumaður sé miðað við
um 120.000 bíla í landinu. Hafi þó
ekki væri nema í helmingi þeirra
tilvika orðið tjón á tveim bílum í
sama árekstrinum svarar það til þess
að 21.000 bílar hafi skemmst eða
eyðilagst á þessu eina ári, eða 5. til
6. hluti allra bíla í landinu.
Þótt vitað sé að yngstu öku-
mennirnir lendi hlutfallslega oftar í
umferðarslysum en aðrir, vill Bene-
dikt meina að góður meirihluti allra
ökumanna eigi sinn þátt í árekstra-
farganinu ef litið væri til nokkurra
ára tímabils. T.d. séu það ekki nema
30-40% ökumanna sem nái 10 tjón-
lausum árum í röð.
Dugað fyrir 4.000
nýjum bílum
Tjón sem tryggingafélögin þurfa
að greiða út vegna bílslysa árið 1987
námu samtals um 1.600 milljónum
króna. Það er hærri upphæð en
áætlað er að það kosti að gera
jarðgöng undir Hvalfjörð. Sýnist
kannski rökréttara að álykta að
íslendingar hafi ekki efni á öllum
þessum bílslysum frekar en að þeir
hafi ekki efni á jarðgangagerð? Þá
er þó ótalinn allur sá kostnaður
vegna þessara slysa sem bíleigendur
verða að borga beint, allur kostnað-
ur sjúkrahúsanna og almannatrygg-
inga vegna mannskaða og örorku og
kostnaður af vinnutapi, sem gæti
numið öðru jarðgangaverði.
Ef þessar 1.600 milljónir hefðu
aftur á móti farið til bílakaupa hefðu
þær nægt kaupa á 4.000 nýjum bílum
miðað við 400 þús. króna meðal-
verð.
Til að sýna enn betur hversu
gífurlegur kostnaður hlýst af bílslys-
unum má geta þess að samanlagður
eigin tjónakostnaður tryggingafélag-
anna af öllum öðrum tjónum -
eldsvoðum og öðrum eignatjónum,
sjó-, flug- og farmtjónum, slysa- og
sjúkrabótum og öðru - var 1.200
milljónir kr., eða mun minni upphæð
en vegna bílatjónanna einna.
Fram kom í samtalinu við Bene-
dikt að tryggingafélögin hafi leitað
tilboða í endurtryggingar ökutækja-
trygginga (eins og ýmissa annarra
trygginga) erlendis, en niðurstaðan
orðið sú að erlend tryggingafélög
vildu ekki líta við þeim.
Tölur sem Benedikt hefur séð um
bílatjónakostnað frá hinum Norður-
löndunum sagði hann benda til þess
að íslendingar séu öðrum þjóðum
verri ökumenn. „Enda verður að
segja að það er ekki einleikið að geta
ekki farið á milli húsa í Reykjavík
án þess að sjá einn eða fleiri
árekstra," sagði Benedikt. í þrem
ferðum úr Múlahverfi „vestur í bæ“
skömmu fyrir fundinn, sagðist hann
hafa séð samtals 5 árekstra. „Þau ár
sem ég bjó erlendis sá ég aldrei neitt
þessu líkt.“
Spurður um líkleg úrræði benti
Benedikt á umfangsmiklar áróðurs-
herferðir í fyrra og í ár og samt sé
ástandið ekki betra en raun ber
vitni. “Óneitanlega finnst manni
þetta oft svo vonlaust - og fara
versnandi ár frá ári hvað sem gert er.
Égefast um, þótt öll blöðin, útvarps-
og sjónvarpsstöðvar einbeittu sér að
umferðarmálunum, að það mundi
breyta nokkru. Ég veit ekki hvað
meira en hægt að gera.“ - HEI
Fullursaluraf fallegum bílum.
- Verið velkomin í sýningarsal okkar
að Rauðagerði. Alltaf heitt á könnunni.
Einnig sýnum við, um helgar á sama
tíma, í nýja sýningarsalnum hjá BSV.
að Óseyri 5, Akureyri.
| Helgason hf.
” Sýningarsalurinn,
Rauðagerði
Sími: 91 -33560