Tíminn - 05.08.1988, Side 5

Föstudagur 5. ágúst 1988
Tíminn 5
Alfreð Þorsteinsson, fulltrúi Framsóknarfiokksins í Skipulagsnefnd:
Er þörf á stærra slysi
svo borgarstióri vakni?
Á kortinu má sjá slysstað, merktan x, flugbrautina, Hríngbraut eins og hún liggur í dag og Hríngbraut eins og hún kemur tii með að liggja, samkvæmt
aðalskipulagi Reykjavíkurborgar. Inn á kortið er einnig búið að teikna aðrar framkvæmdir í gatnagerð sem skipulagið gerir ráð fyrir.
Innanlandsflugið
til Keflavíkur
Flugslysið við Reykjavíkurflug-
völl fyrr í vikunni, þar sem þrír
Kanadabúar fórust er flugvél þeirra
hrapaði aðeins 100 metrum frá
Hringbrautinni, hefur endurvakið
umræðuna um framtiðarskipan
innanlandsflugsins. Alfreð Þor-
steinsson, fulltrúi Framsóknar-
flokksins í Skipulagsnefnd Reykja-
víkurborgar, hefur harðlega gagn-
rýnt afstöðu sjálfstæðismanna í
borgarstjórn til þeirrar slysahættu
sem staðsetning vallaríns hefur í för
með sér.
í samtali sem Tíminn átti við
Alfreð í gær, kom fram að sam-
kvæmt nýsamþykktu aðalskipulagi
Reykjavíkurborgar, sem gilda á til
ársins 2004, stendur til að færa
Hringbrautina enn nær flugvellin-
um. Alfreð sagði slysahættuna auk-
ast verulega verði þessar hugmyndir
sjálfstæðismanna að veruleika.
„Það eru engin áform uppi um að
minnka þá slysahættu sem stafar af
vellinum, sérstaklega norður-suður
brautinni. Þvert á móti á að auka
slysahættuna þar sem það á að færa
Hringbrautina alveg ofan í enda
brautarinnar," sagði Alfreð. „Áætl-
að er að flutningur Hringbrautar
kosti á bilinu 400-500 milljónirþegar
allt er talið. Sú upphæð virðist vera
smámunir í augum meirihluta sjálf-
stæðismanna,“ sagði Alfreð.
Bíður Davíð
eftir næsta slysi?
„Ég hef margsinnis varað við flug-
slysahættu, sem stafar af Reykjavík-
urflugvelli, nú síðast við afgreiðslu
aðalskipulagsins fyrr á þessu ári,“
sagði Álfreð í samtali við Tímann.
„Sjálfstæðismenn með Davíð
Oddsson, borgarstjóra, í broddi
fylkingar, hafa lokað bæði augum og
eyrum fyrir þessu. Af ummælum
borgarstjóra eftir flugslysið sl.
þriðjudag er ljóst, að hann ætlar
ekkert að aðhafast. Það þarf greini-
lega enn stærra flugslys til að hann
vakni af dvalanum.
Svo er að sjá, að það vaxi borgar-
stjóra í augum að taka á þessu máli.
Allur hans röskleiki virðist bundinn
við stórframkvæmdir við byggingu í
Tjörninni og Öskjuhlíðinni, en þeg-
ar kemur að stórum málum, sem
varða öryggi Reykvíkinga, og fram-
tíðaráform um skynsamlega upp-
byggingu borgarinnar, er eins og
allur vindur sé úr honum,“ sagði
Alfreð.
Framsóknarmenn í borgarstjórn
hafa haft sérstöðu varðandi Reykja-
víkurflugvöll og ítrekað varað við
flugslysahættu í þéttbýli, sem af
honum stafar og flutt tillögur þess
efnis að flytja ætti núverandi starf-
semi á Reykjavíkurflugvelli til
Keflavíkurvallar.
„Menn verða að gera skýran
greinarmun á flugslysahættu al-
mennt við flugvelli og flugslysahættu
við flugvöll í þéttbýli, eins og á við
um Reykjavíkurflugvöll, þar sem
fólki á jörðu niðri stafar mikil hætta
af, verði flugslys," sagði Alfreð.
Hann benti á fjórar röksemdir
fyrir því að Reykjavíkurflugvöllur
verði lagður niður. í fyrsta lagi yrði
þannig minnkuð slysahætta.
í öðru lagi fengist dýrmætt íbúða-
byggingarland fyrir Reykjavíkur-
borg, sem stöðvaði frekari útþenslu
byggðar, sem er dýrt bæði fyrir
borgaryfirvöld og íbúa.
í þriðja lagi myndi gamli miðbær-
inn aftur styrkjast með aukinni
byggð.
I fjórða lagi yrði kostnaður
Reykjavíkurborgar vegna flutnings
á flugstarfseminni í lágmarki ef flug-
ið yrði flutt til Keflavíkurflugvallar,
þar sem flest öll aðstaða er þegar
fyrir hendi þar. Einnig myndi sparast
nú flugstöð á Reykjavíkurflugvelli,
sem er í bígerð fyrir hundruð mill-
jóna króna.
Bæta þarf samgöngur
til Keflavíkur
„Hins vegar er forsenda fyrir
flutningi innanlandsflugs til Kefla-
víkurflugvallar sú, að samgöngur
milli Reykjavíkur og Keflavíkur
verði bættar. Framsóknarmenn í
borgarstjórn hafa bent á að eðlileg-
ast væri að byggð yrði flugmiðstöð í
Suður-Mjódd Breiðholts, sem liggur
vel við umferð frá Keflavíkurflug-
velli.
í framtíðinni mætti hugsa sér að
ný tækni yrði notuð til fólksflutninga
milli Reykjavíkur og Keflavíkur,
t.d. einteiningar eða aðrar tegundir
hraðlesta, sem færu þarna á milli á
miklu skemmri tíma en nú þekkist.
Að öðrum kosti yrði að flýta
breikkun Keflavíkurvegar, en það
er framkvæmd, sem er mjög nauð-
synleg hvort sem er vegna þess hve
Stór-Reykjavíkursvæðið er orðið
samtvinnað atvinnulega,“ sagði
Alfreð. JIH
Glæsivagnar
á ferðalagi
Félagar í Fornbílaklúbbnum
lögðu land undir fót nýverið og
heimsóttu Norðurland.
Hópurinn lagði upp frá Reykjavík
fimmtudaginn 28. júlí og endaði
ferðin með sýningu á Akureyri, og
voru þá um 40 bifreiðar í hópnum.
Að sögn Kristins Snæland, farar-
stjóra, var tilgangur ferðarinnar sá
að sýna almenningi hina ágætu far-
kosti sem í hópnum voru, auk þess
sem ferðin var skemmtiferð klúbb-
félaga. Með í ferðinni var einnig
fulltrúi frá íþróttafélagi fatlaðra og
safnaði hann fé í þágu sinna samtaka
meðan á ferðinni stóð.
Að sögn Kristins var staðnæmst á
flestum þéttbýlisstöðum á leið hóps-
ins og vakti flotinn mikla athygli,
enda samanstóð hann af ýmsum
glæsivögnum.
Aldursforsetinn, Ford árgerð
1929, var allajafna í fararbroddi,
einnig voru í hópnum allmargir far-
kostir sem þjónað höfðu atvinnulífi
landsmanna fyrir og um stríð.
Allir bílarnir í hópnum áttu það
sameiginlegt að líta mjög vel út og
voru margir hverjir hreinasta augna-
yndi.
Upplýsingar um bílana voru til
fyrirmyndar, en á hverjum og einum
kom fram tegund, árgerð, nafn eig-
anda og fleira. ÖÞ Fljótum/-gs
Frá ferð Fombflaklúbbsins um landið. Hér em bflamir staðsettir á Ketilási í Fljótum.
T(mamynd:ÖÞ