Tíminn - 18.10.1988, Blaðsíða 20

RIKISSKIP
NÚTÍMA FLUTNINGAR
Hafnarhúsinu v/Trvggvogötu,
S 28822
Átján mán. binding
§ 7,5%
SAMVINNUBANKINN
STRUMPARNIR
1
HRESSA
KÆTA
Tíminn
Landsamband fiskeldis og hafbeitarstöðva telur að stjórn Atvinnutryggingasjóðs hafi ekki
heimild til að setja sér þær vinnureglur sem hún hefur gert:
Stjórnin hefur gefið
sér rangar forsendur
Atvinnutryggingasjóður útflutningsgreina auglýsti um
helgina eftir lánsumsóknum og var sérstaklega tekið fram
í auglýsingunni að þar sem málefni fiskeldis og loðdýra
bænda væru nú til athugunnar, þá kæmu þessar greinar
ekki til álita með lánveitingu á þessu ári. Auglýsingin birtist
á laugardag, en þann dag var almennur félagsfundur hjá
Landsambandi fiskeldis og hafbeitarstöðva þar sem ræða
átti m.a. stöðu fiskcldisins, en hins vegar varð auglýsing
atvinnutryggingasjóðs aðalumræðuefni fundarins.
,Við teljum að stjórn Atvinnu- LFH í samtali við Tímann í gær.
tryggingasjóðs hafi gefið sér rangar
forsendur þegar þeir telja að það
sé verið að koma á einhverjum sér
björgunaraðgerðum fyrir fiskeldi
og loðdýrarækt núna,“ sagði Frið-
rik Sigurðsson framkvæmdastjóri
„Auk þess er það okkur mjög til
efs,“ sagði Friðrik, „og við getum
ekki fundið það, að þeir hafi heim-
ild í reglugcrðinni til að setja sér
svona vinnureglur, og með einu
pennastriki undirskilið heilar at-
vinnugreinar."
Friðrik sagði að ályktun fundar-
ins hefði verið send Gunnari Hilm-
arssyni formanni stjórnar sjóðsins,
auk þess sem afrit var sent forsætis-
ráðherra. „Við teljum að sam-
kvæmt yfirlýsingum forsætisráð-
herra sé sú athugun á okkar málum
sem nú fer fram, í þá veru að
fiskeldi fái starfskilyrði hér til jafns
við aðrar útflutningsgreinar. I því
felst tvennt," sagði Friðrik, „ann-
ars vegar að fiskeldisstöðvar fái
aðfurðalán til jafns við aðrar út-
flutningsgreinar, þ.e.a.s. um 75%
af birgðum, en í dag eru afurðalán
undir 40% hjá vel flestum fyrir-
tækjum í fiskeldi." Parna er því
verið að tala um hækkun upp í
75% út tæplega 40%. „í öðru lagi
þá erum við að tala um að fiskeldi
og loðdýrarækt fái endurgreiddan
söluskatt, sem er nokkuð sem fisk-
vinnsla hefur búið við í nokkur ár.“
Landbúnaðarráðuneytið hefur í
samráði við forsætisráðuneytið
skipað starfshóp, sem er ætlað að
fara ofan í saumana á rekstrarlán-
unum og á hvaða hátt megi leysa
vandamál þessarar greinar. „Við
sjáum ekki aðra leið færa en að til
komi einhvers konar greiðslutrygg-
ing frá ríkinu. Við erum þá að tala
um ríkisábyrgð, hvort sem menn
vilja kalla það einhverju örðu nafni
eða ekki. Þetta er þó ekki eins
víðtæk ríkisábyrgð eins og kannski
menn vilja halda í fyrstu þar sem
hún kemur á eftir hefðbundnum
afurðarlánum bankanna. Þannig
að ef fiskeldistrygging fiskeldisfyr-
irtækis hrekkur ekki til greiðslu á
afurðalánum og fyrirtækið getur
ekki útvegað greiðslu með öðrum
hætti, þá verður ríkið að greiða.
Áhættan er afar lítil. Þetta kerfi
hefur verið ríkjandi í Noregi og
fleiri löndum til fjölda ára. Þar
hefur þessi leið verið farin, þar sem
engin önnur leið er til,“ sagði
Friðrik. -ABÓ
Ekkert varö af 6 milljón dollara viöbótarsamningi við Sovétmenn:
Hætta við kaup á
frystum flökum
Sunnanáttin
gengur niður
Það kom sér vel fyrir útivinnandi,
á höfuðborgarsvæðinu í gær að vera
í regngalla. Þegar mest gekk á var
semhelltværi úrfötu. Umhleypingar
síðustu daga hafa haft í för með sér
slagveður, sérstaklega á Suð-Vestur-
horninu.
Nú virðist þó sem breytinga sé að
vænta og spáin í gær gerði ráð fyrir
norð-austan golu á höfuðborgar-
svæðinu og víðar um land í dag.
Þrátt fyrir að spáð sé þurrviðri í dag
er vissara að leggja ekki frá sér
regngallann, því lægðir eiga ábyggi-
lega eftir að leggja leið sína upp að
landinu á næstu dögum.
Smiðurinn á meðfylgjandi mynd
grettir sig mót suð-austan áttinni,
sem skall á honum og flengdi í andlit
hans regndropum. Það var þó ekkert
að gera nema bíta á jaxlinn, vitandi
að veðrið gat ekki versnað úr þessu.
Tímamynd: Gunnar
Sovétmenn hafa hætt við kaup á
frystum fiskflökum af íslendingum,
að verðmæti um 6 milljónir dala,
sem samsvarar um 282 milljónum
íslenskra króna, en hafa þess í stað
keypt ódýrari fisk af öðrum þjóðum
m.a. Argentínumönnum. Samning-
ur þessi, sem var viðbótarsamning-
ur, var álitinn borðleggjandi og talið
að aðeins ætti eftir að ganga frá
formsatriðum þegar ákvörðun Sov-
étmanna barst síðla á föstudag, enda
höfðu þeir áður tilkynnt að heimild
væri fyrir kaupum á frystum fiskflök-
um að upphæð 6 milljónum dala frá
fslandi.
„Það var á föstudaginn sem til-
kynning kom frá Sovétmönnum þar
sem fram konTað þeir væru búnir að
ráðstafa þessu peningum til kaupa á
fiski annarstaðar frá og því yrði ekki
um að ræða viðbótarkaup frá ís-
landi,“ sagði Gylfi Þór Magnússon
framkvæmdastjóri Sölumiðstöðvar
hraðfrystihúsanna í samtali við
Tímann. Gylfi sagði að frá því í
septemberbyrjun hefðu þeir verið
búnir að óska eftir viðræðum, um
frágang á þessum samningi. „Þeir
höfðu tilkynnt okkur að þeir hefðu
6 milljónir dollara til ráðstöfunar til
að kaupa fisk frá íslandi. Þetta var
staðfest í opinberum viðskiptavið-
ræðum milli landanna, og það var
nánast bara formsatriði að ganga frá
verðum. Þeir hafa ýtt því á undan
sér að tala við okkur, þar til svarið
barst á föstudag,“ sagði Gylfi.
Það að Sovétmenn hætti við þessi
kaup kemur ekki til með að hafa
mikil áhrif, þar sem ekki var búið að
vinna upp í þe^si 3000 tonn nema að
óverulegu leyti. Þarna var um að
ræða nýja framleiðslu fyrir frystiiðn-
aðinn á fjórða ársfjórðungi. Að-
spurður hvort þetta hefði þá ekki
áhrif á frystiiðnaðinn, sagði Gylfi að
svo yrði ekki þar sem framleiðslunni
yrði núna stýrt inn á aðra markaði,
eftir því sem hægt væri að koma því
við. -ABÓ
Jóhann sigraði
Jóhann Hjartarson rúllaði and-
stæðingi sínum, Hollenska stór-
meistaranum Jan Timman upp í 25
leikjum, í tólftu umferð Heimsbikar-
mótsins í gær. Jóhann hafði svart.
Með þessum þriðja sigri sínum í
fjórum síðustu skákum, hefur Jó-
hann styrkt stöðu sína og er nú í
sjötta til áttunda sæti ásamt þeim
Yusupov og Nunn.
Önnur úrslit urðu þau að Nunn og
Tal, Spassky og Kasparov, Alexand-
er Belyavsky og Sokolov, Ehlvest og
Ribli, Nikolic og Spielman, og Yus-
upov og Anderson gerðu jafntefli.
Hins vegar vann Portisch skák sína
við Sax, þ.e. Sax féll á tíma. Að sögn
skákskýrenda var Sax með mun
verri stöðu allan tímann.
Margeir og Kortsnoj tefldu enn er
Tíminn fór í prentun. -ABÓ
Stolið f rá lögmönnum
Brotist var inn í Lögmannsstofuna
sf. Skipholti 50b í Reykjavík á
tímabilinu, frá klukkan 19.00 á
sunnudag til kiukkan 9.00 í gærm-
orgun og þaðan stolið ýmsum
skjölum.
Starfsmenn lögmannsstofunnar
tilkynntu um innbrotið þegar þeir
komu til vinnu í gærmorgun og hafði
ýmsum skjölum verið stolið, en
síðdegis í gær lá ekki fyrir hvaða
skjöl það voru og þá hvort þau
tengdust ákveðnu máli. -ABÓ