Tíminn - 16.12.1988, Page 6

6 Tíminn
Föstudagur 16. desember 1988
Sveitarstjóri Stöðvarhrepps:
Hvetur til samstillts
átaks í brunavörnum
Sveitarstjóri Stöðvarhrepps,
Björn Hafþór Guðmundsson, hefur
sent stjórnarmönnum í Sambandi
sveitarfélaga í Austurlandskjördæmi
bréf þar sem hann fer fram á við
stjórnina að hún kanni í samráði við
viðkomandi aðila, hvort og hvernig
hægt er að gera sameiginlegt átak í
að auka cldvarnir í fyrirtækjum á
sambandssvæöi n u.
Ingi R. Helgason forstjóri Bruna-
bótafélags íslands hefur með bréfi til
Björns Hafþórs lýst yfir ánægju sinni
með framtak hans og er honum
sammála um að nauðsyn sé á sam-
stilltu átaki viökomandi aðila til
bjargar og úrbóta. Þá segir hann að
BÍ sé tilbúið til að taka þátt í þvílíku
átaki.
Á fundi Sambands íslenskra raf-
veitna og Sambands íslenskra hita-
veitna nú í haust flutti Ingi R. erindi
þar sem hann hvatti til samstillts
átaks til varnar, ekki ósvipað því og
sveitarstjórinn gerir með bréfi sínu.
Ástæða þess að sveitarstjórinn
ritar þetta bréf er vegna verulegs
tjóns sem varð í eldsvoða á Stöðvar-
firði aðfaranótt 22.október sl. þegar
fiskvinnsluhús í eigu Hraðfrystihúss
Stöðvarfjarðar hf. skemmdist mikið
í eldi. Hann bendir á að hefðu
fullkomin reyk- og hitaskynjunar-
tæki verið til staðar, tengd kraftmik-
illi aövörunarbjöllu utan dyra eða
símkerfi tengt slökkviliðinu, væru
miklar líkur á að tekist hefði að
hefta útbreiðslu eldsins fyrr og tjónið
í þessu tilfelli orðið óverulegt eða
mun minna en raun var, bæði hvað
snýr að fyrirtækinu sjálfu, trygginga-
félögum, sveitarfélaginu og íbúum
þess.
Björn Hafþór telur að með sam-
stilltu átaki fyrirtækja, sveitarfélaga
og tryggingarfélaga ætti að vera
mögulciki á að gera róttækar breyt-
ingar í þessum efnum. Sem umræðu-
grundvöll bendir sveitarstjórinn á að
tryggingarfélögin breyti iðgjöldum
af tryggöum eignum og framleiðslu
fyrirtækja í samræmi við áhættur,
þannig að lægri iðgjöld séu innheimt
af þeim sem kaupa og koma fyrir
viðurkenndum búnaði. Hlutverk
sveitarfélaga gæti verið að fylgjast
betur með ástandi húsa og kerfa,
framkvæma prófanir að einhverju
leyti á sinn kostnað, fræða forsvars-
menn og starfsfólk fyrirtækja um
eldvarnir o.s.frv. Fyrirtækin sjálf
verði að þrýsta á um fyrirgreiðslu
hjá lánastofnunum, sem gerði þeim
kleift að ráðast í þann kostnað sem
er af auknum brunavörnum. Þá
bendir sveitarstjórinn einnig á að
opinberir aðilar s.s. Brunamála-
stofnun og Rafmagnseftirlit svo og
þeir sem m.a. hefðu með veitingu
vinnsluleyfa að gera, hefðu mcira
vald eða a.m.k. beittu því frekar en
nú er, ef brunavörnum væri talið
ábótavant.
Afrit af bréfinu sendi sveitarstjór-
inn til hlutaðeigandi aðila, Bruna-
bótafélags íslands, Samvinnutrygg-
inga, Brunamálastofnunar ríkisins,
Rafmagnseftirlits Austurlands,
framkvæmdastjóra Hraðfrystihúss
Stöðvarfjarðar, framkvæmdastjóra
SSA og slökkviliðsstjóra Stöðvar-
hrepps. -ABÓ

Tímamynd Ciunnar
Er vinnuvélarall ný íþrótt á íslandi?
Glóbus hf. hélt upp á tímamót meö vinnuvélaralli:
JCBí25áráíslandi
Það eru ekki nema fjörtíu og þrjú
ár síðan Josep Cyril Bamford hóf
smíðar í gömlum bílskúr í Bretlandi
og notaðist við járn úr aflögðum
loftvarnarskýlum. Fyrst í stað gerði
hann upp dráttarvagna en skömmu
síðar hóf hann smíðar á sturtuvögn-
um fyrir bændur og byggði einnig
hús yfir herjeppa. Nú eru framleidd-
ar um 16.000 vinnuvélar af ýmsum
gerðum undir heitinu JCB og er
traktorsgrafan frá JCB einna kunn-
ust hér á landi.
Það var strax um 1963 að Glóbus
hf. fékk umboð til að selja JCB
vinnuvélar á fslandi og var það
fyrsta landið sem þessar vélar voru
fluttar til frá framleiðslulandinu. Það
er því búið að flytja inn JCB í
tuttugu og fimm ár á íslandi og er
talið að vélarnar séu vel á þriðja
hundrað talsins. Af þessu tilefni
hefur Glóbus staðið fyrir viðamikilli
afmælishátíð með stuðningi fram-
leiðandans. Hingað voru því sendir
nokkrir kunnir vinnuvélarallkappar
til að sýna listir sínar og urðu
nokkrir forráðamenn JCB þeim
samferða. Er vísað til myndanna til
frekari skýringa á því í hverju vinnu-
vélarall er fólgið.
Þó að ekki sé langt um liðið frá því
Bamford hóf framleiðslu sína heima
í bílskúrnum, er Ijóst að fyrirtækið
hefur stækkað mikið. Húsnæði JCB
verksmiðjunnar í Bretlandi er rúm-
lega 110.000 fermetrar að stærð, eða
álíka og 14 fótboltavellir, og starfs-
mannafjöldinn er um 1700 manns.
KB
20 millj.í ull
Ríkisstjórnin hefur að tillögu
iðnaðarráðherra ákveðið að veita
20 milljónum króna til íslensks
ullariðnaðar, og aftur sömu upp-
hæð á næsta ári.
Hluti fjárveitingarinnar eða um
14 milljónir, verður greiddur beint
til fyrirtækjanna í hlutfalli við verð-
mæti útfluttra ullarvara frá þeim.
Þær 6 milljónir sem eftir eru, verða
notaðar til að kosta sérstakt mark-
aðsátak fyrir ullarvöruframleið-
sluna á mörkuðum erlendis.
Þessi fjárveiting er til viðbótar
við þær greiðslur, sem greiddar eru
úr ríkissjóði til þess að gera verð
íslenskrar ullar samkeppnisfært við
heimsmarkaðsverð.
Haukur Morthens tekur við gullplötu frá Ólafi Haraldssyni forstjóra Takts.
Gunnar Þórðarson sem einnig fékk gullplötu er með þeim á myndinni.
Tímamynd BG
Heildarútgáfur tólistarmanna
setja svip sinn á útgáfur Takts hf:
María Markan og
Haukur Morthens
Hljómplötufyrirtækið Taktur hf. kynnti nýlega jólaútgáfu sína við
hátíðlega athöfn. Er óhætt að segja að ■ þeim tólf titlum sem kynntir voru
kenni ýmissa grasa, sumt eru endurútgáfur á eldri upptökum, m.a. úr
tónbandasafni Fálkans, en Taktur hf er arftaki hljómplötudeildar Fálkans og
virðist ætla að halda uppi þeirri hefð Fálkans að hljóðrita og gefa út dýrgripi
íslenskrar tólistarsögu jafnt á sviði dægurtólistar sem sígildari tónlistar.
Á dægurtónlistarsviðinu, í nokk-
uð víðri merkingu, á eflaust eftir að
vekja mesta athygli ný útgáfuröð
sem útgefandinn kallar „Gullnar
glæður“. í þessum flokki koma nú út
á geisladiski safn laga með Hauki
Morthens og Hljómum. Hljómar, sú
kunna hljómsveit og brautryðjandi
íslenskra popphljómsveita er 25 ára
um þessar mundir og eru á þessum
diski 25 af kunnustu Iögum hljóm-
sveitarinnar.
Haukur Morthens hefur í áratugi
sungið sig inn í hjörtu landsmanna
og margar af þeim hljóðritunum sem
gerðar hafa verið af söng hans hafa
um árabil verið ófáanlegar á plötum.
Úr þessu er að nokkru bætt með
safni 26 þekktra laga sem Haukur
söng á árunum frá 1954-1962.
Annað hefur verið gefið út í
dægurlagadeildinni og má þar nefna
„Þjóðlegan fróðleik" þar sem Guð-
mundur Ingólfsson leikur íslensk
þjóðlög í jazz útfærslu með aðstoð
þeirra Þórðar Högnasonar og Guð-
mundar Steingrímssonar. Þá má
nefna nýjan geisladisk þar sem Björn
Thoroddsen gítarleikari er í aðal-
hlutverki með aðstoð kunnra er-
lendra hljóðfæraleikara. Plata
hljómsveitarinnar Grafík, „Get ég
tekið sjens" er einnig gefin út á
geisladiski fyrir þessi jól. Síðast en
ekki síst kemur út á geisladiski safn
24 laga með Ríó tríóinu og heitir
þessi útgáfa „Best af öllu“.
Eflaust mun þó mörgum finnast
mest koma til útgáfu fyrirtækisins á
safnplötum með Stefáni íslandi og
Maríu Markan, en þetta eru endur-
útgáfur unnar í samvinnu við Ríkis-
útvarpið á hljóðritunum með þekkt-
um íslenskum einsöngvurum.
„Áfram veginn" heitir heildarútgáf-
an með Stefáni Islandi og er hún
jafnframt sú fyrsta í þessari útgáfu-
röð alls á 4 hljómplötum og margar
þessara hljóðritana hafa ekki heyrst
áður á plötu. „María Markan -
hljóðritanir 1929-1970“ heitir útgáf-
an með Maríu Markan og er hún
önnur útgáfan í þessari röð og er á
þrernur hljómplötum. En ásamt
endurútgáfu gömlu meistaranna
kemur nú út ný upptaka þar sem
margir af okkar þekktustu einsöngv-
urum syngja lög dr. Gylfa Þ. Gísla-
sonar. Heitir þessi hljómplata „Ljós-
ið loftin fyllir" og á henni syngja
Garðar Cortez, Kristinn Sigmunds-
son, Ólöf Kolbrún Harðardóttir og
Sigríður Ella Magnúsdóttir við
undirleik Ólafs Vignis Albertssonar.
Jólin fá sitt pláss í útgáfunni svo
sem við er að búast og á geisladiski
hafa verið gefin út 33 jólalög í
flutningi ýmissa listamanna, s.s. Sig-
rúnar Hjálmtýsdóttur og Gunnars
Þórðarsonar o.fl. Og fyrir börnin er
hugsuð platan „Á sjóræningjaslóð-
um“ þar sem Örn Árnason leikari
bregður sér í gervi afa gamla en það
er gervi sem hann notar í barnatím-
um á Stöð 2.
Loks ber að nefna útgáfu sem með
sanni má kalla rúsínu í pylsuendan-
um en það er safn af upplestri
íslenskra skálda úr verkum sínum.
Safn þetta ber heitið „8 þjóðskáld
lesa úr verkum sínum“. Þeir sem
þarna koma við sögu eru: Gunnar
Gunnarsson, Tómas Guðmundsson,.
Halldór Laxness, Jón Helgason,
Þórbergur Þórðarson, Davíð Stef-
ánsson, Sigurður Nordal, og Steinn
Steinarr. Þessi skáld lesa mis mikið
hver, Þórbergur einna mest en þeir
Gunnar Gunnarsson, Sigurður
Nordal og Steinn Steinarr minnst.
Samtals er hér á ferðinni í einum
pakka um 5 klukkustunda lesning á
fjórum hljóðsnældum í mjög hagan-
lega útbúnu hulstri, sem er af sömu
stærð og myndbandshulstur að um-
fangi. Þetta eru endurútgáfur úr
tónbandasafni Takts og hinn mesti
menningarauki - ekki aðeins unn-
endum þessara skálda heldur er hér
komið fram ákjósanlegt og hand- „
hægt kennslugagn fyrir skóla og
skólabókasöfn í landinu. - BG