Tíminn - 23.12.1988, Blaðsíða 5

rnimiT l
ftpp c •)Ar,<-pcipfin f.r msi-; p S'i
Föstudagur 23. desember 1988
Tíminn 5
Sædýrasafnið sem varð gjald-
þrota fyrir þremur árum skilur
eftir sig Ijót verksummerki. í
kofa þar sem safnið var forðum
daga eru fjórar kengúrur geymd-
ar. Kofinn er lítill og sóðalegur,
stærðin er u.þ.b. 2x5 metrar.
Ekkert er inni í kofanum nema
bert steingólfið og körfur með
mygluðu brauði, salati og ávöxt-
um. Að vísu hefur verið komið
fyrir ofni til að veit einhvern yl.
Þarna verða dýrin að híma því
út geta þau ekki farið vegna
kuldans.
Eftir að Sædýrasafnið varð
gjaldþrota var öllum öðrum dýr-
um lógað, en hið furðulega er að
allan þennan tíma hefur lífinu
veríð haldið í kengúrunum
fjórum, sem eru á bilinu fjögurra
til fimm ára gamlar.
Engar skýringar fást hjá for-
ráðamönnum safnsins á þessari
meðferð og Dýravemdunarfé-
lagið hefur alltaf staðið í þeirri
trú að engin dýr væru eftir á
staðnum, því hafa forráðamenn
safnsins alltaf haldið fram.
Blaðamaður Tímans og ljósmynd-
ari gerðu sér ferð á staðinn til að
kanna hvort upplýsingar um þetta
væru réttar. Húsin á staðnum eru öll
í niðurníðslu og umhverfið er allt
afskaplega kaldranalegt og óvistlegt.
Á staðnum var maður sem sagðist
koma þarna daglega til að líta eftir
háhyrningalauginni. En á undan-
förnum árum hefur safnið fangað
lifandi háhyrninga til að selja á söfn
erlendis. Eftir nokkra stund kom í
ljós að upplýsingarnar eru réttar, á
staðnum eru kengúrur. Leyfi fékkst
til að líta á dýrin, en ekki mátti
mynda þau eða birta frétt í blaðinu.
Tíminn hundsar þetta bann vegna
þess að þetta er dæmi um ómannúð-
lega meðferð á dýrum sem eiga alls
ekki að lifa við jafn slæmar kringum-
stæður og þarna eru, sem eru eins
ólíkar náttúrulegum lífsaðstæðum
þeirra í Ástralíu og hugsast getur.
Starfsmaðurinn sagði að til hefði
staðið að lóga dýrunum í byrjun
desember en það hefði dregist. -
Það er kannski engin furða því með
réttu hefði átt að lóga dýrunum fyrir
þremur árum.
Kengúrurnar eru frekar smáar en
það furðulega er, að dýrin fjögur eru
tannlaus og lítur helst út fyrir að
tennurnar hafi verið dregnar úr
þeim.
Ekkert um málið að segja
Tíminn setti sig í samband við
Helga Jónasson fræðslustjóra, sem
er í forsvari fyrir það sem eftir lifir
af starfsemi safnsins.
Helgi var spurður að því af
hvaða ástæðum dýrin væru látin
lifa við þessar aðstæður. „Þær eru
þarna til bráðabirgða í nokkra
daga.“
- En hafa dýrin ekki verið þarna
frá því að safnið varð gjaldþrota?
„Þær eru búnar að vera þama alla
sína tíð.“
- Afhverju hefur dregist svona
lengi að lóga þeim eða koma þeim
fyrir við mannúðlegri aðstæður?
„Ég get ekki svarað því. Þeir sem
vinna þarna hafa haldið mikið upp
á þessi dýr og hugsað um þau.“
- Eru það þá starfsmenn sem
hafa viljað halda í dýrin? „Ég sé
Tvær af kengúrunum fjórum sem geymdar eru á Hvaleyrarholti, þar sem Sædýrasafnið var forðum daga.
ekki forsendur fyrir því að fara að
ræða þetta.“
- En hefur ekki verið talað við
ykkur af fólki frá Dýraverndunar-
félaginu? „Nei, það hefur ekki
verið neitt að kengúrunum, þær
eru í upphituðu húsi og vel um þær
hirt.“
- Ég sá hvernig er búið að þeim,
þær eru fjórar í litlum kofa. Maður-
inn sem ég hitti sagði að þeim yrði
lógað mjög fljótlega. Veistu hve-
nær það verður gert? „Ég upplýsi
það bara ekkert, ég vil ekki ræða
þetta frekar.“
- Má ég spyrja hvort þið hafið
reynt að koma þeim úr landi í
dýragarða? „Nei, við höfum ekki
reynt það.“
„Hvað ertu að segja!“
Var það fyrsta sem Jórunn Sör-
ensen formaður Sambands dýra-
verndunarfélaga íslands sagði þeg-
ar Tíminn tilkynnti henni um keng-
úrurnar. „Við héldum að það væri
búið að lóga öllum dýrum sem
voru í safninu og vorum ánægð
með það. Sædýrasafnið var alltaf
til vandræða og fjöldi mála sem
kom upp vegna slæmrar meðferðar
á dýrunum. Varðandi þetta til-
tekna mál sagði Jórunn: „Þetta
kemur mér mjög á óvart eins og ég
sagði áðan því okkur hafði verið
Tímamynd: Gunnar
sagt að þarna væri ekkert kvikt
lengur. Ég á heldur alls ekki von á
því að það sé vel um dýrin hugsac
því áralöng vandræði voru meo
safnið á meðan það var og hét. Nú
eru engir áhorfendur til staðar til
að veita aðhald, þannig að ég á
ekki von á góðu.“
Dýraverndunarfélagið mun taka
þetta mál fyrir og sjá til þess að
dýrin losni undan þessari slæmu
meðferð. SSH
m

Ekki hefur öllum dýrum Sædýrasafnsins verið lógað - andstyggileg meðferð*
Kengúrur híma í
kulda og trekki