Tíminn - 17.01.1989, Blaðsíða 14
1 r
14 Tíminn
Þriöjudagur 17. janúar 1989
AÐ UTAN
llllllllllllll
j
\
r
5
Barbara Bush forsetafrú
er ánægð í eiginkonu-
og ömmuhlutverkinu
í 43 ár hefur Barbara Bush stutt
dyggilega metnað manns síns hvert
sem hann hefur leitt þau. En nú er
komið að því að fremsta kona
Bandaríkjanna setji sitt eigið mark
á Hvíta húsið. 20. janúar stendur
þessi yfirlætislausa kona við hlið
Georges Bush þegar hann sver
embættiseið sem 41. forseti Banda-
ríkjanna.
Vildi ekki skyggja
á Nancy Reagan
Fyrir átta árum, í upphafi stjórn-
attíðar Reagans, átti Barbara Bush
fund með hópi ráðgjafa sem lögðu
fast að henni að hafa sig meira í
frammi með því að berjast fyrir
málefnum sem væru líkleg til að
koma henni í fréttirnar. Hún hlust-
aði af athygli meðan þeir lýstu
skoðunum sfnum, en tók svo
ákveðin sína ákvörðun. „Ég ætla
mér ekki að skyggja á Nancy
Reagan," sagði hún með áherslu.
.,Ég er seinni konan. Minn tími
kemur síðar.“
Eftir sigur George Bush í for-
setakosningunum í nóvember sl.
er tími Barböru Bush í sjónmáli.
20. janúar 1989, þegar maður
hennar sver embættiseiðinn sem
41. forseti Bandaríkjanna með
konu sína sér við hlið, gengur
Barbara Pierce Bush inn í hlutverk
sem hún hefur eytt allri sinni ævi í
undirbúning að - hlutverk sem hún
kann að vera betur undir búin en
nokkur forsetafrú önnur.
Reyndar rætist framtíðarsýn
Barböru, sem hún hefur stefnt að
af engu minni krafti en maður
hennar, þegar þau setjast að í
Hvíta húsinu að 1600 Pennsylvania
Avenue í Washington. Barbara
hefur fylgt manni sínum eftir án
þess að mögla, frá Wyandotte í
Michigan-ríki, til Houston, til Pek-
ing - allt í allt til 17 borga - meðan
hann vann sig upp úr því að vera
efnilegur kaupsýslumaður í að
verða þingmaður fyrir Texas, til að
verða yfirmaður bandarísku sendi-
sveitarinnar í Kína og yfirmaður
CIA. Hún hefur ferðast margar
milljónir mílna um borð í Air
Force Two, einkaflugvél varafor-
setans, til allra 50 ríkja Bandaríkj-
anna og 68 annarra landa. Henni
hafa verið útdeildar endalausar
opinberar skyldur, allt frá því að
vera viðstödd virðulegar athafnir
til þeirra sem nánast mega teljast
hlægilegar. Allt hefur henni farið
jafnvel úr hendi. Og framkoma
hennar í kosningabaráttunni 1988
var jafnlýtalaus þegar hún varð
m.a. að fást við langlífan orðróm
um meint framhjáhald manns
hennar og að láta sér lynda ill-
kvittnar athugasemdir um hvíta
hárið og matrónulegt holdafar.
Hún sló vopnin úr höndum árás-
armanna með því að gera góðlát-
legt grín að sjálfri sér - og allan
tímann stóð hún vörð um mannorð
manns síns.
„Hún verður
algerlega óumdeild“
Barbara, sem nú er orðin 63 ára,
er fljót að viðurkenna að hún sé
hin fullkomna eiginkona stjórn-
málamanns. Hún er látlaus, hóg-
vær og ber hag fjölskyldu sinnar
meira fyrir brjósti en nokkuð
annað. Hún hyggst ekki breyta
þessum lifnaðarháttum hið
minnsta þegar hún sest að í Hvíta
húsinu. „Hún verður algerlega
óumdeild," spáir einn starfsmanna
Bush. „Pað verður ekki mikill
fyrirgangur í Hvíta húsinu. Þar
verður minna um sjónarspil og
glans, þar verður fjölbreyttara úr-
tak af fólki og stjórnmálamönnum
í opinberum matarboðum, og það
sem er allra best, nú hlaupa 10
barnabörn aftur um ganga Hvíta
hússins."
Þegar talið berst að afskiptum
Barböru af stefnumarkandi
ákvörðunum forsetans er fullyrt að
hún komi hvorki til með að telja
mann sinn á sínar skoðanir bak við
tjöldin, eins og Nancy Reagan, né
sýni hún sömu ágengu árásargirn-
ina og Rosalynn Carter. „Ég geri
engan öldugang," segir Barbara og
heldur því fram að hún eigi allan
rétt á því að láta í ljós sínar
skoðanir í hópi kunningja og vina
en hafi ekki í hyggju að beita
áhrifum sínum þegar George tekur
ákvarðanir.
Barátta gegn ólæsi
er mikið áhugamál
Hún hefur um langa hríð tekið
mikinn þátt í baráttu gegn ólæsi,
sem hún segir „mikilvægasta mál-
efnið sem við þurfum að berjast
fyrir“ og fastlega er reiknað með
Barbara Bush fær oft að heyra að
hún sé ekki nógu ungleg, hún ætti
að lita á sér hárið og léttast um
mörg kíló. En hún hefur sýnt að
hún á auðvelt með að vinna hug og
hjarta kjósenda.
að það málefni hafi áfram forgang
hjá henni. „Ef við getum fengið
fólk til að lesa,“ segir hún, „getum
við náð því út úr fangetsunum og
skýlunum og af götunum og það
getur aftur fengið sér atvinnu."
Það göfuga verkefni og óhaggan-
leg hollusta hennar við mann henn-
ar eiga að hluta rætur að rekja til
þess gildismats sem hún tileinkaði
sér í æsku en hún var alin upp við
dekur í Rye, útborg efnaðri borg-
ara frá New York. Faðir hennar
Marvin gaf út tímaritið McCall og
móðir hennar Pauline var dóttir
hæstaréttardómara í Ohio. Þau
gerðu strangar kröfur til Barböru
og þriggja systkina hennar um að
þau sýndu öllum fulla tillitssemi.
Barbara naut dvalarinnar í Kína
þar sem hún hafði George út af
fyrir sig!
„Okkur var kennt að taka tillit til
tilfinninga annarra," segir hún.
Hún kynntist George Bush á jóla-
dansleik árið 1942 - hún var ekki
nema 16 ára og gekk enn í skóla en
hann var 17 ára og skaraði fram úr
í öllu sem hann tók sér fyrir
hendur. Barbara gerði sér óðara
Ijóst að hún vildi giftast þessum
manni og ári síðar opinberuðu þau
trúlofun sína. Skömmu síðar var
George kominn í stríðið en hann
var flugmaður í sjóhernum. Þegar
hann kom heim í leyfi 1945 hætti
Barbara í skólanum og þau héldu
veglegt brúðkaup í heimaborg
hennar. „Ég giftist fyrsta mannin-
um sem ég kyssti," segir hún.
„Þegar ég segi börnunum mínum
frá þessu liggur við að þau kasti
upp.“
Alltaf langað mest til að
byggja upp heimili
og skjóta rótum
Barbara Bush segir sig alltaf
hafa langað til að byggja upp
heimili og sig hafi alltaf langað til
að skjóta rótum einhvers staðar.
Hún gerði ráð fyrir því að þau
George myndu setjast að í Nýja
Englandi og senda börn sín í sömu
skóla og klúbbböll sem þau hefðu
sjálf stundað í æsku. En þegar
George hafði útskrifast frá Yale-
háskóla 1948 flutti hann Barböru