Tíminn - 01.03.1989, Page 4

4 Tíminn
Miðvikudagur 1. mars 1989
FLUGMÁLASTJÓRN
Bóklegt
atvinnuflugnám
Kennsla á seinni önn hefst 15. mars n.k. og lýkur
þeirri önn með bóklegu prófi fyrir 1. flokks atvinnu-
flugmannsskírteini.
Rétt til þátttöku eiga:
Þeir sem lokið hafa prófi á fyrri önn með fullnægj-
andi árangri.
Þeir sem hafa atvinnuflugmannsskírteini III. flokks
með blindflugsréttindum og fullnægja skilyrðum
um almenna menntun til að öðlast skírteini at-
vinnuflugmanns 1. fl. Sbr. Reglugerð um skírteini
gefin út af Flugmálastjórn.
Skráning nemenda fer fram í Loftferðaeftirliti
Flugmálastjórnar. Þeir sem luku prófi á fyrri önn
þurfa ekki að skrá sig.
Flugmálastjórn
Söluskattur
Viðurlög falla á söluskatt fyrir janúarmánuð 1989,
hafi hann ekki verið greiddur í síðasta lagi 2. mars
’89.
Viðurlög eru 4% af vangreiddum söluskatti fyrir
hvern byrjaðan virkan dag eftir eindaga uns þau eru
orðin 20%, ensíðan reiknastdráttarvextirtil viðbótar
fyrir hvern byrjaðan mánuð, talið frá og með 16.
mars.
Fjármálaráðuneytið.
Kvikmynd um sögu
bílsins á íslandi
Undirritaðir eru að vinna að heimildakvikmynd um
sögu bílsins í íslensku þjóðlífi.
Þeir sem kynnu að luma á forvitnilegu efni er
tengist þessu, s.s. kvikmyndum og Ijósmyndum og
vilja leggja okkur lið eru vinsamlega beðnir að hafa
samband við okkur.
Hjálmtýr Heiðdal, sími: 91-75033/622070
Ásgeir Sigurgestsson, sími 91-651161
Finnbogi Hermannsson, sími 94-4057.
Laus staða fangavarðar
við fangelsin í Reykjavík
Staða fangavarðar við fangelsin í Reykjavík er
laus til umsóknar.
Umsækjendur þurfa að vera á aldrinum 20-40 ára.
Umsóknir sendist Fangelsismálastofnun ríkisins,
Sölvhólsgötu 4,150 Reykjavík, fyrir 15. mars n.k.
Fangelsismálastofnun ríkisins,
24. febrúar 1989
TÖLVUNOTENDUR
Víð í Prentsmíðjunni Eddu
hönnum, setjum og prentum
allar gerðir eyðublaða fyrir tölvuvínnslu.
PRENTSMIÐIAN
Smiðjuvegi 3, 200 Kópavogur. Sími 45000
Erum aö kveöja málmiðnað á íslandi,
segir Júlíus Sólnes stjórnarformaður Stálvíkur:
Samningar að
falla á tíma
Hjá Stálvík hefur starfsfólki nú verið sagt upp og það hætt vinnu.
Tímamynd: Árni Bjama
Forsvarsmenn skipasmíða-
stöðvarinnar Stálvíkur voru í
liðinni viku í London til að
reyna að ná samningum við
banka til að ganga í ábyrgðir
fyrir samninga stöðvarinnar
um að smíða 14 togara fyrir
aðila í Sameinuðu fursta-
dæmunum.
Niðurstaða hefur ekki fengist í
málinu og segir Júlíus Sólnes stjórn-
arformaður Stálvíkur að málið sé að
falla á tíma. Unnið er áfram við að
ná samningum við banka í London
og má búast við niðurstöðu í Iok
næstu viku. Þá hefur öllum starfs-
mönnum skipasmíðastöðvarinnar
verið sagt upp og eru þcir nú hættir
vinnu. Starfsmennirnir hafa ekki
fengið laun sín greidd síðan á ára-
mótum.
„Samningaviðræður við banka í
London um að hjálpa okkur við að
ná þessu verkefni í Sameinuðu
furstadæmunum hafa ekki gengið
sem skyldi. Hvorki íslensk
stjórnvöld, né íslenskir bankar virð-
ast hafa nokkurn áhuga á því að
hægt verði að smíða hér skip áfram.
Svo ekki sé talað um að mönnum
virðist vera alveg sama hvort svona
fyrirtæki fari á hausinn, fjöldi manns
missi atvinnuna og tugir eða hundr-
uð milljóna tapist í vanskilum, frek-
ar en að hjálpast að við að ná mjög
hagstæðum samningi sem skilar fleiri
hundruð milljónum í hagnað fyrir
fyrirtækið. Þetta er fyrir ofan minn
skilning," sagði Júlíus. Hann sagðist
vera farinn að efast um að þessi þjóð
og þessi stjórn væri með öllum
mjalla. „Þetta eru mín fyrstu
viðbrögð."
Júlíus sagði að þeir hefðu lagt á
borðið pottþéttan skipasmíðasamn-
ing upp á 14 skuttogara, á verði sem
væri mjög viðráðanlegt og hægt
hefði verið að smíða þá alla hér á
landi á verði sem væri vel yfir því
sem stöðvarnar þyrftu að fá til að
láta enda ná saman. „Mér er það
óskiljanlegt af hverju menn vilja
þetta ekki. Það vísar hver á annan
og svo röfiað um einhverjar ábyrgð-
ir. Menn búa sér til einhvcr vanda-
mál sem ekki eru til þegar farið er
að skoða málið betur. „Það virðist
bara vera einhver doði og aumingja-
skapur í öllu sem þarna ræður,“
sagði Júlíus.
Hann sagði að þar sem allar
Arabaþjóðirnar væru að fara af stað
með tæknivæddar fiskveiðar gætu
Islendingar átt stóran markað fyrir
íslenska þekkingu í sjávarútvegi og
gætu eflaust átt vísan möguleika á að
smíða fiskiskip fyrir þennan markað
næstu 10 til 15 árin. „Með því að
tapa þessum samningi er ísland búið
að vera í þessum lcik, því enginn
mundi treysta íslendingum oftar fyr-
ir neinu," sagði Júlíus. Hann sagði
að enn væri veik von um að samning-
ar takist og búast mætti við niður-
stöðum í lok næstu viku, en sagði
ennfremur að erfitt væri að sannfæra
banka úti í London, án nokkurs
bakstuðnings að heiman, að
skynsamlegt sé að fara að hjálpa því.
Þar sem engin fyrirgreiðsla fékkst
hér á landi var farið f að gera
samninga um smíði allra skipanna
erlendis. Danskur banki er búinn að
veita ábyrgðir fyrir því sem þar yrði
smíðað og egypskur banki búinn að
veita ábyrgðir fyrir því sem þar yrði
smíðað. Kaupandinn er búinn að
leggja fram ábyrgðir og eins mikið af
peningum í útborgun og frekast
verður á kosið. að sögn Júlíiisar.
„Það sem vantar núna er að bankinn
taki okkur í viðskipti og sjái um
ábyrgðir á mismuninum, vegna þess
að við höfum samið þannig við hinar
stöðvarnar að það skili umtalsverð-
um hagnaði til Stálvíkur og við
þurfum að leggja fram tryggingar og
ábyrgðir fyrir gróðanum, ef svo er
hægt að segja," sagði Júlíus, „þetta
er að springa á tíma. Kaupandinn
bíður ekkert mikið lengur."
Þeir 50 starfsmenn fyrirtækisins
sem sagt hefur verið upp og hafa nú
misst vinnuna, eiga erfitt með að fá
vinnu við sitt hæfi hér á landi þar
sem ekki er séð fyrir önnur verkefni
á næstunni. „Við erum í raun með
þessu að kveðja málmiðnað á íslandi
sennilega til frambúðar. Þetta er
ekkert smá mál. Þetta litla fyrirtæki
Stálvík skiptir ekki nokkru máli í
þessu samhengi, það er bara lítið
peð í myndinni," sagði Júlíus.
Bundnar eru vonir við að hægt
verði að útvega hluta þess starfsfólks
sem nú hefur misst vinnu sína hjá
Stálvík, vinnu erlendis. -ABÓ
Búnaðarþing 1989:
ÚR FÉ í TRÉ
Guttormur V. Þormar hefur fyr-
ir hönd skógræktarbænda á Hér-
aði, lagt fram ályktun á Búnaðar-
þingi 1989, þar sem lagt er til að
þingið feli stjórn Búnaðarfélags
íslands að beita sér fyrir setningu
reglugerðar um ræktun nytjaskóga
á allt að 20 þúsund hekturum lands
á Fljótsdalshéraði á árabilinu 1989-
2009.
í ályktuninni er bent á þann
tnöguleika sem er á búháttabreyt-
ingum frá sauðfjárbúskap í
skógrækt. í greinargerð segir að
reynslan hafi sýnt og sannað, að
skilyrði til skógræktar á Fljótsdals-
héraði séu ein hin bestu hér á
landi, vegna hagstæðs tíðarfars.
Lagt er til að framkvæmdirnar
verði á vegum félags skógræktar-
bænda á Héraði undir stjórn skóg-
fræðings, er annist ráðgjöf og
verkstjórn. Gerð verði áætlun uni
fjármögnun og framkvæmdir, sent
hafist verði handa um eigi síðar en
vorið 1989. Framkvæmdakostnað-
ur verði greiddur af Framleiðni-
sjóði, Byggðasjóði og árlegri fjár-
veitingu á fjárlögum hvers árs úr
ríkissjóði. Gert er ráð fyrir fram-
kvæmdum fyrir allt að 100 m.kr. á
ári.
Þegar komi að nytjum skógarins
til tekjuöflunar verði jarðeiganda
skylt að gróðursetja eina plöntu
fyrir hvert fellt tré. - ág
Búnaðarþing 1989:
Úttektá
beitarþoli
Arnór Karlsson hefur lagt fram
fyrir hönd formannafundar Búnað-
arsambands Suðurlands 1989, að
fulltrúar' á Búnaðarþingi 1989 beiti
sér fyrir því að fram fari raunhæft
mat á beitarþoli landsins. bæði í
byggð og afrétti.
Þessi tillaga er borin upp. vegna sí
endurtekinna árása í fjölmiðlum á
bændastéttina, fyrir að skemma
gróður landsins með ofbeit búfjár.
Væri gerð heildarúttekt á beitarþoli
og eftir því mati farið gætu bændur
betur varið sig gegn óréttmætum
ásökunum af þessu tagi. - ág