Tíminn - 10.03.1989, Blaðsíða 13

Föstudagur 10. mars 1989
Tíminn 13
llllllll ÚTLÖND lllllllilllllilllllilllllllllllllllllllllllliliiillllllilllllil
írönsk morðsveit
á leið til Rushdies
Spænska fréttastofan EFE
heldur því fram að sjö íranar,
sem að öllum líkindum séu
meðlimir í morðsveit, sem
send er til höfðuðs breska
rithöfundinum Salman Rush-
die, hafi fyrir tíu dögum ferð-
ast gegnum Spán til
Bretlands. Þar hafi tveim
mannanna verið snúið tii
baka af útlendingaeftirlitinu.
Mennirnir sjö voru ekki hand-
teknir á Spáni vegna skorts á sönn-
unargögnum og héldu þeir því áfram
för sinni gegnum Frakkland og Vest-
ur-Þýskaland.
Innanríkisráðherra Spánar hefur
hvorki neitað né játað þessum
fréttum.
Fréttastofan segir að mennirnir
sjö hafi verið staddir á Spáni þegar
Khomeini erkiklerkur sem dæmdi
Salman Rushdie til dauða á dögun-
um, skýrði frá því að „ör hafi verið
beint að Rushdie“.
Skýrslur lögreglumanna sem fylgst
hafi með sjömenningunum og hlerað
símtöl þeirra segja að hópurinn hafi
ætlað sér að myrða Rushdie.
Tveir mannanna komu til Spánar
með flugi frá Líbanon og par hafi
komið frá Marokkó með bílferju og
fölsk vegabréf og sagst vera útflytj-
endur á ieið til Frakklands. Hópur-
inn hafi síðan hist í Madrid greini-
lega til að útvega sér vopn og þaðan
hafi fólkið skipt sér á leið til
Bretlands.
Parið á að hafa reynt að komast
inn í Bretland með bílferju, en verið
vísað á brott þar sem vegabréf þeirra
hafi ekki staðist.
Spönsk yfirvöld skýrðu stjórn-
völdum í Bretlandi, Frakkandi og
Vestur-Þýskalandi frá ferðalagi
fólksins.
Bandarískir hermenn sendirtil Rómönsku Ameríku:
Skipuleggja
hernað gegn
eiturlyfjum
Bandarískirsérþjálfaðir her-
menn eru nú vfða í löndum
Rómönsku Ameríku í því
skyni að þjálfa og leiðbeina
sérstökum sveitum sem berjast
gegn eiturlyfjasmygli. Hafa
sumir þeirra sjálfir tekið þátt í
lögregiuaðgerðum gegn eitur-
lyfjasmyglurum sem eru all-
nokkuð harkalegri en gengur
og gerist í Bandaríkjunum.
Embættismenn ríkisstjórnar
Bush skýrðu frá þessu á Banda-
ríkjaþingi í gær.
- Það er ljóst að aðgerðir
þær sem við styðjum eru ekki
hefðbundnar, í það minnsta
ekki innan ramma laga er gilda
í Bandaríkjunum, sagði David
Westrate fulltrúi stjórnar að-
gerða gegn eiturlyfjum.
Westrate skýrði utanríkis-
málanefnd fulltrúadeildar
Bandaríkjaþings frá því að
bandarísku hermennirnirþjálfi
sérsveitir ríkja í Rómönsku
Ameríku í hreinum hernaðar-
aðgerðum gegn eiturlyfja-
smyglurum.
- Flugmenn sem taka þátt í
aðgerðum gegn eituriyfja-
smyglurum hafa fengið þjálfun
í hernaðaraðgerðum og sér-
sveitir á jörðu niðri hafa fengið
leiðsögn bandarískra hernað-
arráðgjafa, sagði Westrate.
Vitnaleiðslur þessar fara
fram tveim dögum eftir að
Bush skýrði frá því að hann
hygðist beita sérsveitum úr
Bandaríkjaher í baráttunni
gegn eiturlyfjasmyglurum í
Rómönsku Ameríku.
Bandaríkjamenn hleypa ekki
hverjum sem er inn í landið:
Þrír borg-
arstjórar
fá ekki
áritun
Bandaríska utanríkisráðuneytið
hafnaði þremur borgarstjórum frá
Kúbu, Níkaragva og Panama um
vegabréfaáritun til landsins, en borg-
arstjórarnir hugðust taka þátt í ráð-
stefnu í New York.
Ástæða þess að borgarstjórarnir
þrír fá ekki vegabréfsáritun er sú að
Bandaríkjastjórn telur ríkisstjórnir
landa þeirra ekki taka heils hugar
þátt í baráttunni gegn eiturlyfja-
smygli í samvinnu við Bandarfkin.
Bandaríkjamenn hafa ekki stjórn-
málasamband við Kúbu og viður-
kenna ekki ríkisstjórn Manuel Solis
Palma í Panama. Hins vegar halda
þeir stjórnmálasambandi við ríkis-
stjórn Sandínista í Níkaragva þótt
þeir hafi barist af krafti gegn henni
undanfarin átta ár.
Á miðvikudaginn veitti Banda-
ríkjastjórn þremur meðlimum PLO
vegabréfsáritun til Bandaríkjanna
svo þeir gætu tekið þátt í ráðstefnu
um málefni Miðausturlanda. Fengu
þeir vegabréfsáritun þar sem þeir
hafa sjálfir ekki tekið þátt í hryðju-
verkum.
Níkaragva:
Kontrar kljúfa andstöðuna
Litlar líkur eru á að stjórnarand-
staðan í Níkaragva gangi ssmhent til
kosninganna sem fram fara í landinu
á næsta ári. Ræður þar mestu mis-
munandi afstaða stjórnmálafylkinga
stjórnarandstöðunnar til Kontra-
skæruliða sem njóta dyggs stuðnings
Bandaríkjamanna. Því ættu sandín-
istar að hafa pálmann í höndunum
þrátt fyrir að fylgi þeirra hafi farið
mjög dalandi ef miðað er við nýlega
skoðanakönnun.
-Ég hef miklar efasemdir um að
hægt sé að mynda breiða samfylk-
ingu gegn sandínistum með fjórtán
stjórnarandstöðuflokkum, sagði
Mauricio Diaz leiðtogi Kristilega
alþýðuflokksins á blaðamannafundi
í gær.
Diaz sagði að megin ástæða þessa
sé djúpstæður ágreiningur um það
hvort og þá hvernig tengja eigi
stjórnarandstöðuna við Kontraliða
sem barist hafa gegn ríkisstjórn
Sandínista í átta ár.
Diaz sagðist telja að leiðtogar
Kontra stefni að því að taka yfir
forystuna í stjómarandstöðunni
innanlands í Níkaragva, en þeir hafa
stjómað Kontraliðum frá Hondúras
og Costa Rica.
- Það er hluti stjórnarandstæðinga
innan Níkaragva sem vilja semja við
leiðtoga Kontraliða um að þeir taki
yfir forystuna í kosningabaráttunni
gegn sandínistum. Við erum ekki
fylgjandi slíku samkomulagi. Þetta
gerir það að verkum að stjórnar-
andstaðan getur ekki barist samhent
í kosningunum gegn Sandínistum.
Díaz sagði að Lýðræðislega sam-
fylkingin sem saman stendur af fjór-
um hægriflokkum vilji samstarf við
Kontra.
Vesturiand - Formannafundur
Fundur formanna framsóknarfélaganna á Vesturlandi verður haldinn
í Hótel Borgarnesi laugardaginn 11. mars n.k. kl. 13.00.
Guðmundur Ragnheiður Sigurður
Guðmundur Bjarnason heilbrigðisráðherra, Ragnheiður Sveinbjörns-
dóttir og Sigurður Geirdal koma á fundinn.
Sjá nánar í fundarboði til félaganna.
Kjördæmissambandið.
í umræðunni
Ögmundur Jónasson, formaður BSRB, verö-
ur gestur Félags ungra framsóknarmanna á
hádegisverðarfundinum í umræðunni sem
haldinn verður á Gauki á Stöng mánudaginn
13. mars klukkan 12.00.
Ögmundur mun ræða og svara spurningum
um horfurnar í samningamálunum og fleira
sem ofarlega er á baugi í verkalýðsmálum.
Allir hjartanlega velkomnir.
Ath.! Súpa, fiskréttur og kaffi á aðeins kr.
530,-.
Félag ungra framsóknarmanna í Reykjavík
Ögmundur
Suðurland
FUF í Árnessýslu
og Félag framsóknarkvenna í Árnessýslu áformar að halda félags-
málanámskeið í lok mars og í april. Um er að ræða byrjenda- og
framhaldsnámskeið. Námskeiðin eru öllum opin sem áhuga hafa.
Þátttaka tilkynnist sem fyrst til formanna félaganna.
Sigurðar Eyþórssonar í síma 34691
og Ólafíu Ingólfsdóttur í síma 63388.
FUF og FFÁ.
Norðurland vestra
Stjórn kjördæmasambands framsóknarmanna, stjórnir framsóknar-
félaga, blaðstjórn Einherja og fulltrúar í verkalýðsráði eru boðuð til
fundar í Framsóknarhúsinu á Sauðárkróki laugardaginn 18. mars n.k.
Fundurinn hefst kl. 14.00.
Alþingismennirnir Páll Pétursson og Stefán Guðmundsson mæta á
fundinn.
Stjórn K.F.N.V.
Vestur-Húnvetningar
Árshátíð Framsóknarfélagsins verður í Vertshúsinu, Hvammstanga,
föstudaginn 10. mars og hefst með borðhaidi kl. 21.00.
Stjórnin.
Fjölmiðlanámskeið SUF
Fyrsta fjölmiðlanámskeið SUF og kjördæmissámbandanna hefst
laugardaginn 11. mars kl. 10 I Nóatúni 21, Reykjavík.
Framkvæmdastjórn SUF
SUF í Viðey
Miðstjórnarfundur Sambands ungra framsóknarmanna verður hald-
inn laugardaginn 18. mars í Viðeyjarstofu.
Dagskrá og sérmál fundarins auglýst síðar.
Framkvæmdastjórn SUF
Kópavogur
Skrifstofan í Hamraborg 5 er opin þriðjudaga og miðvikudaga kl. 9-13.
Sími 41590. Heitt á könnunni.
Opið hús alla miðvikudaga kl.17-19. Félagsmenn eru hvattirtil að
líta inn og taka með sér gesti. Eflum flokksstarfið.
Framsóknarfélögin í Kópavogi.