Tíminn - 12.04.1989, Síða 3

Miðvikudagur 12. apríl 1989
Tíminn 3
Málverkum fyrir um milljón stoliö:
Listræningi á ferð á
bænum Þúfu í Kjós
Brotist var inn í íbúðarhúsið að bænum Þúfu í Kjós, á
aðfaranótt fimmtudags sl. og þaðan stolið 14 málverkum
og blýantsteikningum, og gamalli forláta peningakistu.
Eigandinn Eiríkur Óskarsson hefur heitið því að veita þeim
sem geta gefið upplýsingar, sem Ieitt gætu til þess að málið
upplýsist leirljóst trippi og fóðrun á því fram að tamningu.
Myndirnar sem hér um ræðir eru
tvær eftir Gunnar Örn, tvær eftir
Magnús Kjartansson, ein eftir
Bjarna Ragnars, ein eftir Sverri
Ólafsson, tvær eftir Hauk Hall-
dórsson og ein eftir Braga Ásgeirs-
son. Um er að ræða málverk,
blýantsteikningar, klippimyndir og
raðmyndir af regnhlífum eftir
Elías.
Engar skemmdir voru unnar
innandyra, fyrir utan það að hurð-
arkarmur á útidyrahurðinni brotn-
aði, þegar þeir sem hér voru að
verki brutu sér leið inn í húsið.
Eiríkur sagði í samtali við Tím-
ann að innbrotið hefði komist upp
um fjögurleitið á fimmtudag, þegar
kunningi hans kom til að gefa
hestum sem þarna eru. „Það var
ekkert annað gert en hurðin brotin
upp og myndirnar teknar af veggj-
unum og bornar út, auk gamallar
peningakistu úr járni. Það var
ekkert í henni nema eldgamlar
gylltar hárrúllur sem lokuðust þar
inni einhverntíman," sagði Eirík-
ur. Hann sagði að þjófarnir hefðu
ekkert skilið eftir sig, en þó hafi
verið för eftir barðabreytt trillitæki
fyrir utan og hann taldi líklegt að
það væri eftir bíl af milligerð,
Scout, Bronco eða einhvern slíkan.
„Stórar myndir sem þarna voru,
höfðu verið teknar niður og líklega
bornar út, en síðan inn aftur þar
sem þær hafa ekki komist inn í
bílinn. Þetta er jafn vitlaust og að
stela kerlingu. Það kemst upp um
leið ef reynt verður að selja mynd-
irnar. Þetta er eitthvað það alvitl-
ausasta sem hægt er að gera,“ sagði
Eiríkur.
Aðspurður sagði hann að sér
væri ekki kunnugt um að einhver
hefði orðið ferða var, þeir hafi
líklega komið unr miðja nótt. Eir-
íkur sagðist álíta að verðmæti
myndanna væri um ein milljón
króna og væru þær tryggðar. Hins
vegar vildi hann hann sem minnst
um verðmæti myndanna segja, þar
sem RLR sæi um þá hlið málanna.
„Ég er náttúrulega eini maðurinn
sem gæti stolið þessu og hagnast á
því, þar sem fyrir alla aðra er þetta
tómt píp, svo að maður botnar
ekkert í þessu,“ sagði Eiríkur.
Eiríkur hefur safnað málverkum
í um 15 ár og á hann um 40 myndir
í dag og sagði hann þetta mikinn
missi. „Ég vil auðvitað helst fá
myndirnar aftur en ekki peninga,
því ég er ekkert að safna þeim til
að græða á þeim, enda græðir
maður ekkert á því að safna
myndum,“ sagði Eiríkur.
Aðspurður sagði Eiríkur það
vera ónotalegt að ekkert væri látið
í friði. Maður þyrfti helst að hafa
allt í geymslu, svo manni geti liðið
vel. „Þetta er svo heimskulegt, það
fer mest í taugarnar á mér. Það er
ekki einu sinni hægt að selja mynd-
ir erlendis, því íslenskir listamenn,
seljast ekki erlendis nema að fjór-
um til fimm gömlum undanskildum
og þá oft fslendingar sem halda
verðinu uppi. Þetta væri ekki einu
sinni fyrir brennivíni og farinu
aðra leiðina," sagði Eiríkur.
Hann sagðist helst óska þess að
sá sem hér var að verki mundi bara
hringja og láta vita hvar ætti að
nálgast myndirnar. „Það væri öll-
um fyrir bestu, en auðvitað finnst
þetta. Ég er einna smeykastur við
að kjáni sem stelur myndverkum
sem þessum, eyðileggi þau líka en
hafi ekki vit á að skila þeim,“ sagði
Eiríkur.
Eiríkur hefur heitið þeim sem
getur gefið upplýsingar og leiða til
þess að uppvíst verði um þjófnað-
inn, leirljóst trippi og fóðrun fram
að tamningu. -ABÓ
Leirljósa trippið, sem Eiríkur heitir þeim er veitt getur upplýsingar sem
leiða til þess að uppvíst verði um þjófnaðinn. Tímamynd i'jctur
Eiríkur Óskarsson eigandi myndanna sem stolið var, stendur fyrir framan tóma veggi. Þjófurinn hreinsaði af
veggnum inn eftir ganginum og í stofunni, en skildi eftir stóru myndirnar, sem líklega komust ekki í bílinn.
Tímamynd Pjctur
W f*
Mesta atvinnuleysi frá því skráning hófst 1975:
Þrefalt fleirián
vinnu en í fyrra
Skráð atvinnuleysi í mars var ekki minna en í febrúar, og
hið mesta sem sést hefur í marsmánuði frá því skráning hófst
árið 1975. Sú breyting varð aftur á móti að atvinnulausum
fjölgaði á höfuðborgarsvæðinu en fækkaði úti á landi,
sérstaklega á Suðurnesjum og Suðuriandi. Skráð atvinnuleysi
í marsmánuði svaraði til þess að 2.500 manns (1.320 konur
og 1.170 karlar) hafi verið án vinnu allan mánuðinn, sem er
um 2% af áætluðum mannafla á vinnumarkaði.
Fyrstu þrjá mánuði þessa árs hafa
verið skráðir 175 þúsund atvinnu-
leysisdagar, eða sem svarar því að
2.700 manns hafi að meðaltali verið
á atvinnuleysisskrá alla þessa þrjá
mánuði. Þetta er um þrefalt meira
atvinnuleysi en sömu mánuði í fyrra
og um tvöfalt meira en sama tímabil
síðustu 3 ár.
Vinnumálaskrifstofan bendir á að
þetta gerist þrátt fyrir að ^jávarafli
er víðast um land meiri heldur en
t.d. á sama tíma í fyrra.
Þetta er talið gefa til kynna að
atvinnuleysi sé nú af öðrum toga
spunnið heldur en venjulega á þess-
um árstíma. Stöðug fjölgun atvinnu-
lausra á höfuðborgarsvæðinu frá ára-
mótum (um 950 manns í mars) sýni
að samdráttur í þjónustugreinum
eigi verulegan hlut að máli. Höfuð-
borgarsvæðið sker sig líka úr að því
leyti að atvinnulausir karlar eru þar
mun fleiri en konur (58%), öfugt við
aðra staði á landinu.
Mesta breytingin hefur orðið á
Suðurnesjum þar sem atvinnulaus-
urn fækkaði úr rúmlega 200 í 90 milli
febrúar og mars. Á Suðurlandi fækk-
aði atvinnulausum úr 310 í 225
manns. Þessi fækkun varð nær öll í
Þorlákshöfn, Stokkseyri og Eyrar-
bakka. Fremur lítil breyting varð á
öðrum svæðum, nema helst á Vest-
fjörðum.
ATVINNULAUSIR í MARS
Karlar: Konur:
Reykjavík 404 249
Nágrannabæir 161 152
Suðurnes 24 66
Vesturland 49 167
Vestfirðir 31 27
Norðurl.vestra 124 146
Norðurl.eystra 190 226
Austurland 107 146
Suðurland 90 135
Samtals: 1.172 1.317
Þar sem langt yfir helmingur ís-
lendinga býr á höfuðborgarsvæðinu
er ljóst að atvinnulausir eru enn
a.m.k. hlutfallslega mun fleiri víðast
hvar úti um land heldur en í höfuð-
borginni. - HEI
SL samdi um
orlofsferðir
Samvinnuferðir Landsýn samdi
í gær við Flugleiðir um orlofsflug
launþegasamtaka til Kaupmanna-
hafnar og sleit þar með viðræðum
sínum við Sterling Airways sem
voru langt komnar. Helgi Jóhanns-
son, forstjóri SL, segir að áfram
verði miðað við þau fargjöld sem
auglýst hafa verið og byrjað er að
selja eftir, en ferðaskrifstofan taki
á sig fjártap ef útkoman verður
óhagstæð þegar upp er staðið.
Samningurinn nær til 1.400 sæta
í áætlunarflugi til Kaupmanna-
hafnar og er eingöngu ætlaður fyrir
orlofsferðir launþegasamtaka.
Samkvæmt upplýsingum Tímans
eru fargjöld fyrir fullorðna nokkru
hærri en gert var ráð fyrir í sam-
komulagsdrögum SL við Sterling,
en á móti kom að barnafargjöld
eru lægri í Flugleiðasamkomulag-
inu. Miðað við hefðbundna sam-
setningu í aldri farþega er talið að
endanleg útkoma verði mjög svip-
uð og fram hafði komið í samnings-
drögum við Sterling.
Að sögn Einars Sigurðssonar,
hjá Flugleiðum, byggði samkomu-
lagið á þeim viðræðum sem upp úr
slitnaði milli þessara aðila í vetur
þegar deila reis vegna ákæru Flug-
leiða á hendur Verslunarmannafé-
lagi Suðurnesja. Þessi deila hefur
nú verið leyst eins og frá var greint
í Tímanum í gær. KB
Prestsstaða laus við Dómkirkjuna
Staða annars dómkirkjuprestsins
í Reykjavík hefur verið auglýst laus
til umsóknar af biskupi Islands,
vegna þess að sr. Þórir Stephensen
hefur fengið lausn frá embætti sínu
frá 15. júní nk. Umsóknarfrestur er
til 3. maí nk., eins og segir í
auglýsingu í Lögbirtingi.
Ekki er vitað til þess að nokkur
hafi sótt um embættið ennþá, en
Tímanum er kunnugt um að a.m.k.
sex prestar hafa verið orðaðir við
stöðuna. Það eru þeir sr. Hjálmar
Jónsson, prófastur á Sauðárkróki,
sr. Karl V. Matthíasson áSuðureyri,
sr. Kristinn Ágúst Friðfinnsson, sett-
ur prestur í Dómkirkjunni, sr. Auð-
ur Eir Vilhjálmsdóttir í Þykkvabæ,
sr. Vigfús Þór Jónsson á Siglufirði og
Sigurður Pálsson, settur prestur við
Hallgrímskirkju.