Tíminn - 06.07.1989, Blaðsíða 5
rrr i~r .'T*
'h
ir\ •’ ^ iVt r? «-"-7
Fimmtudagur 6. júlí 1989
Tíminn 5
Timamynd: Áml Bjama
Háborðið í kvöldverðarboði forseta íslands í gsrkvöldi.
[ kvöldverðarboði forseta íslands til heiðurs spænsku konungshjónunum sagði Vigdís Finnbogadóttir:
Ættræknin og þjóðarstoltið
sameiginlegt þjóðum okkar
Yigdís Finnbogadóttir, forseti íslands, hélt í gær kvölverð-
arboð, á Hótel Sögu, til heiðurs spænsku konungshjónunum
Juan Carlosi fyrsta og konu hans Sofiu. Fyrir utan erlent
fylgdarlið konungshjónanna, svo sem líflækni þeirra, blaða-
fulltúa, hershöfðingja og fleiri, sátu veisluna fylgdarmaður
Spánarkonungs hér á landi Baltasar Samper og fylgdarkona
drottningar Ágústa Sigfúsdóttir, ríkisstjóm íslands, forsetar
Alþingis og hæstaréttar, formenn stjórnmálaflokkanna, bisk-
upar íslands, sendiherrar, fulltrúarfjölmiðlanna, ráðuneytiss-
tjórar, forstöðumenn ríkisstofnana, ýmsir embættismenn og
fleirí
Gestunum var boðið upp á humar
og villisveppi í smjördeigi, reyktan
lax með hrognkelsisívafi, lamba-
hrygg með íslenskum kryddjurtum
og nýjum garðávöxtum og pönnu-
kökutertu með ís.
Vigdís Finnbogadóttir rakti í ræðu
sinni samskipti þjóðanna gegnum
aldimar í grófum dráttum og ræddi
um það sem þjóðimar eiga sameigin-
legt.
„Ávallt skyldi farið gætilega í
alhæfingum um þjóðareðli, einkum
í heimi sem getur breyst jafnhratt og
heimur vor. Samt þykir mér ljóst að
tvo þætti eiga íslendingar og Spán-
verjar sameiginlega sem auðveldi
aðgreiningu þeirra frá öðrum þjóð-
um veraldar. Annar þátturinn er
bjargföst trú þjóðanna á mikilvægi
fjölskyldunnar og hinum sterku ætt-
arböndum. Bæði á íslandi og á Spáni
leggja menn mikla rækt við fjöl-
skylduböndin, heiður fjölskyldunn-
ar - og börnin,“ sagði Vigdís. Hinn
þáttinn nefndi hún þjóðarstoltið,
„alið af djúpri ást á þeim aðstæðum
og þeirri menningu sem við höfum
vaxið upp við, þó svo ólíku sé saman
að jafna með þessum tveimur
þjóðum".
Vigdís minntist á lýðræðið sem er
stjórnskipulagi landanna sameigin-
legt og mikilvægi þess. „Með því að
berjast fyrir lýðræðinu og rækta það
af atorku geta þjóðir okkar orðið til
fyrirmyndar í fjölskyldu þjóðanna,
hvor með sínum hætti í sínum
heimshluta. Ekkert lóð á þá vogar-
skái getur orðið of smátt né komið
of seint.“
Forsetinn talaði einnig um sam-
skipti þjóða á milli sem nauðsyn til
að rækta og endumýja eigin menn-
ingu. „Auðvitað verðum við að
stunda verslun og viðskipti okkar í
milli. Það er öllum þjóðum heims
nauðsynlegt. Og við munum meta
mikils að fá að halda góðum vöruvið-
skiptum við þjóð yðar hér eftir sem
hingað til. En við megum ekki láta
okkur sjást yfir þá staðreynd að það
eru ekki efnahagsleg heldur menn-
ingarleg og andleg samskipti sem
skapa lifandi og varanleg vináttu-
bönd,“ sagði Vigdís.
Juan Carlos, konungur Spánar
þakkaði kærlega fyrir móttökumar í
sinni fyrstu opinbem heimsókn hér
á landi. Hann ræddi einnig stuttlega
um sögu samskipta þjóðanna og fór
vinsamlegum orðum um ísland,
tungu Islendinga og þjóðlífið.
„Stjómskipulag landanna er í grund-
vallaratriðum hið sama, bæði löndin
eiga sæti í Evrópuráðinu og deila
sameiginlega evrópskri menningar-
arfleifð. Framlag íslendinga til þeirr-
ar arfleifðar, hinar víðfrægu íslend-
ingasögur, hafa veitt okkur ómetan-
lega aðstoð við að skilja betur ákveð-
in tímabil í okkar eigin sögu. Auk
þess sem þær hafa verið ákveðinni
bókmenntagrein, mjög vinsælli á
meginlandinu, mikill innblástur,"
sagði konungurinn.
Hann minntist á opinbera heim-
sókn forseta íslands til Spánar og fór
nokkrum orðum um ferðamanna-
straum íslendinga til þarlendra
stranda, sem væri af hinu góða.
„Okkur er mikil ánægja að dvöl
okkar hér á landi einkum þar sem
hún veitir okkur tækifæri til að
kynnast hvert öðru betur. Heim-
sóknin gefur okkur færi á að skoða
einstaklega fagurt land og hitta gest-
risið fólk sem samtímis eru málsvar-
ar frelsis einstaklinga og hópa,“
sagði konungurinn. Að ræðunni lok-
inni bað hann viðstadda að drekka
skál vináttu og samvinnu landanna,
til heiðurs forseta íslands og ham-
ingju íslensku þjóðarinnar. jkb
Viðræður utanríkisráðherra íslands og Spánar:
Ordonez vill
miðla málum
Jón Baldvin Hannibalsson
utanríkisráöherra og Fernan-
dez Ordonez utanríkisráö-
herra Spánar áttu í gær við-
ræður ásamt embættismönn-
um um ýmis sameiginleg mál-
efni landanna. Á fundinum
bauðst Ordonez til þess að
hafa milligöngu innan stjórn-
ar Evrópubandalagsins um
að leysa þann ágreining sem
ríkir milli íslendinga og
bandalagsins. Sem kunnugt
er hefur Evrópubandalagið
ekki getað sætt sig við frelsi í
fisksölumálum án þess að
íslendingar veiti fiskveiði-
heimildir innan fiskveiðilög-
sögu íslands.
Utanríkisráðherrarnir ræddu
einnig um samvinnu landanna innan
Atlantshafsbandalagsins og könnun-
arviðræður EFTA og Evrópubanda-
lagsins. Einnig tolla Evrópubanda-
lagsins á saltfiskútflutning íslend-
inga, nýafstaðinn ráðherrafund Evr-
ópubandalagsins í Madrid, hug-
myndir íslendinga um afvopnun á
höfunum og traustvekjandi aðgerð-
ir. t*á skýrði Jón Baldvin Hannibals-
son frá því að íslenska ríkisstjórnin
hefði ákveðið að íslendingar muni
taka þátt í heimssýningunni í Sevilla
1992 og undirbúningur væri þegar
hafinn að þátttökunni.
Á undanfömum ámm hefur út-
flutningur til Spánar verið um 3-
3,5% af heildarútflutningi íslend-
inga en innflutningur þaðan numið
um 1% af heildarinnflutningi. Á
síðasta ári var saltfiskur um 90% af
útflutningnum til Spánar. Sama ár
vom fluttar út vömr til Spánar fyrir
um 2113 milljónir króna en inn vom
fluttar vömr fyrir um 650 milljónir
króna. SSH
Fréttamenn sýndu viðræðum utanríkisráðherra íslands og Spánar mikinn
áhuga eins sést á fjölda hljóðnemanna, en yfir 50 spænskir fréttamenn eru
staddir hér á landi vegna heimsóknar spænsku konungshjónanna.
Tímamynd: Ámi Bjamo