Tíminn - 02.09.1989, Blaðsíða 12

22
HELGIN
Laugardagur 2. september 1989
Öflugt og dugmikið kvenfélag
Kvenfélagið Framtíðin minntist hálfrar aldar afmælis síns
Laugardaginn 16. júlí sl. minntust
kvenfélagskonur í Fljótum þess með
hátíðlegum hætti að 50 ár eru liðin
frá því kvenfélagið Framtíðin var
stofnað. Félagið var stofnað 26. dag
maímánaðar árið 1939, stofnendur
voru sex húsmæður í Holtshreppi í
Skagafjarðarsýslu. Af ýmsum ástæð-
um þótti ekki henta að halda uppá
þessi tímamót á sjálfan afmælisdag-
inn og öllu tilstandi slegið á frest um
nokkrar vikur. í tilefni af þessum
timamótum bauð kvenfélagið öllum
Fljótamönnum til afmælishófs í fél-
agsheimilinu að Ketilási. Þangað var
einnig burtfluttum kvenfélagskon-
um boðið, stjórn sambands skag-
firskra kvenna, sóknarprestinum
séra Gísla Gunnarssyni og fjölskyldu
og séra Gunnari Gísiasyni og frú.
í afmælishófinu, sem einnig var
fjölskyldusamkoma, var ýmislegt til
skemmtunar, ræðuhöld og söngur,
ásamt kaffidrykkju. Kvenfélaginu
barst fjöldi árnaðaróska í tilefni
dagsins. Þá afhenti Ríkharður
Jónsson, oddviti, félaginu 50 þúsund
krónuraðgjöffráFljótahrepp. Með-
an þeir eldri nutu veitinga innan
dyra og þess sem þar fór fram hélt
Útl fyrir félagsheimilinu fór yngsta
kynslóöip ú hestbak og skemmti sér
konunglega.
yngri kynslóðin sig utandyra þar sem
krökkunum gafst kostur á að fara á
hestbak og einnig var farið í ýmsa
leiki. Eftir að dagskrá lauk í félags-
heimilinu hélt fólk út í góða veðrið
þar sem dvalið var í 2-3 klukkustund-
ir. Átti fólk þar saman indæia stund
og naut veitinga sem matreiddar
voru á útigrilli af kvenfélagskonum.
Svo skemmtilega vill til að tvær af
stofnendum félagsins þær Sigríður
Jóhannesdóttir og Þuríður Þor-
steinsdóttir, eru enn á lífi og voru
þær báðar viðstaddar hátíðarhöldin.
Ennfremur kom fjöldi burtfluttra
félagskvenna til að fagna þessum
áfanga í sögu félagsins og voru sjö
þeirra gerðar að heiðursélögum við
þetta tækifæri. Starfsemi kvenfélags-
ins hefur að sjálfsögðu breyst nokk-
uð á þessu 50 ára tímabili sem það
hefur starfað. Félagið hefur þetta
tímabil verið virkasti félagsskapur
innan sveitarfélaganna í Fljótum og
látið fjölmörg málefni til sín taka og
bryddað uppá margvíslegum þáttum
í starfseminni sem orðið hafa með
einum eða öðrum hætti til að styrkja
og bæta mannlífið í Fljótum. Ekki
verður að þessu sinni farið nánar út
í starfsemi félagsins. Hún er vafalítið
að ýmsu leyti svipuð starfsemi ann-
Sigurlína Kristinsdóttir flutti ágrip af
sögu félagsins.
Tvœr af stofnendum félagslns voru
mættar og var þeim afhentur blóm-
vöndur frá félaginu. Tll vinstri er Þuríð-
ur Þorsteinsdóttlr frá Helgustöðum,
en hægra megin er Sigrfður Jóhannes-
dóttir frá Brúnastöðum.
arra kvenfélaga til sveita. Hinsvegar
eiga lokaorðin úr ágripi af sögu
félagsins, sem Unnur Guðmunds-
dóttir á Berglandi tók saman, vel við
en þar sagði: „Ég tel að störf kven-
félagsins Framtíðarinnar hafi reynst
sveitinni heilladrjúg. Þess vil ég
biðja að Fljótahreppur verði aldrei
svo fátækur að þar starfi ekki öflugt
og dugmikið kvenfélag."
Núverandi stjóm kvenfélagsins
Framtíðarinnar skipa Guðbjörg Sig-
urðardóttir Skeiðsfossvirkjun for-
maður, Heiðrún Alfreðsdóttir Barði
gjaldkeri og Áshildur Öfjörð Sól-
görðum ritari.
ÖÞ Fljótum.
Séra Gfsli Gunnarsson, sóknarprestur
Fljótamanna, flutti félaginu kveðjur og
árnaðaróskir.