Tíminn - 16.09.1989, Page 3

Layg^rdagnr 16. .seRtpmber ;1989
■ Tíminn 3
„Flassari“
Að undanförnu hafa íbúar og
vegfarendur í nágrenni Breiðagerðis
orðið varir við mann sem flettir sig
klæðum. Síðast í gærmorgun var
maðurinn á ferð við Breiðagerðis-
skóla og fletti hann sig klæðum fyrir
framan 10 ára gamalt barn. Síðdegis
í gær hafði lögreglan ekki haft hend-
ur í hári mannsins, en eftir því sem
næst verður komist er talið að mað-
urinn sé á milli tvítugs og þrítugs,
lágvaxinn með yfirvaraskegg og lík-
lega með hárkollu. Hann hefurýmist
verið í svörtum frakka, rauðum
jakka eða blárri úlpu með rauðum
kraga. - ABÓ
Rannsókn á blýmengun
á barnaheimilum:
Börnum ekki
hætta búin
Heilbrigðiseftirlitið hefur látið
greina blý í sýnum af sandi úr
sandkössum og jarðvegi á þremur
barnaheimilum f borginni. Niður-
stöður benda til þess að bömum sé
ekki hætta búin af völdum blýmeng-
unar af dvöl sinni á þeim barnaheim-
ilum sem búið er að athuga.
Niðurstöðumar benda þó til þess
að um uppsöfnun blýs geti verið að
ræða í jarðvegi í Reykjavík.
Rannsókn sem gerð var í Kaup-
mannahöfn nýlega leiddi í ljós mikið
magn af blýi í jarðvegi barnaheimila
og þessvegna beindu Foreldrasam-
tökin í Reykjavík því til Heilbrigðis-
eftirlitsins að það gerði slíka
rannsókn. Þau þrjú barnaheimili
sem um er að ræða eru Valhöll við
Suðurgötu, Barónsborg við Baróns-
stíg og Grænaborg við Eiríksgötu.
Urðu þau fyrir valinu því þar var
talin einna mest hætta á blýmengun
vegna nálægðar við umferðargötur.
í samráði við Heilbrigðisráð Reykja-
víkur hefur Heilbrigðiseftirlitið í
Reykjavík ákveðið að framkvæmdar
verði frekari rannsóknir á hugsan-
legri dreifingu blýmengunar í borg-
inni. SSH
Mannslát
rannsakað
Ein kona og þrír karlmenn vom í
haldi lögreglu í fyrradag meðan
rannsókn fór fram á láti manns um
fertugt, sem fannst látinn í íbúð í
austurbæ Reykjavíkur.
Lítilsháttar áverkar vom á líkinu,
en eftir að það hafði verið kmfið
þótti ekki ástæða til að halda fólkinu
lengur, þar sem sannað þótti að
maðurinn hafði ekki látist af völdum
áverkanna. - ABÓ
Réttarkaffi í tengslum
við Lögbergsréttir:
Fötluðum
boðið í
sumarbúðir
Lionsklúbbur Kópavogs hefur um
langt árabil boðið upp á veitingar á
réttardaginn í Kópaseli, skammt frá
Lögbergsréttum. Að þessu sinni
verður réttað sunnudaginn 17. sept-
ember. Tekjur af veitingasölunni
hafa gert klúbbnum fært að styrkja
böm til sumardvalar ár hvert og
hefur myndast sú hefð að bjóða
fötluðum unglingi til Noregs, þar
sem dvalist hefur verið í sumarbúð-
um.
Yfirlýsing frá löggiltum endurskoðanda Sambands íslenskra samvinnufélaga:
Misskilningur hjá
bankaráðsmanninum
Vegna ummæla eins af banka-
ráðsmönnum Landsbanka íslands
í Qöbniðlum um skuldir Sambands
ísl. samvinnufélaga við Lands-
bankann vill undirritaður löggiltur
endurskoðandi Sambandsins hér
með staðfesta að raunverulegar
skuldir Sambandsins við bankann
námu verulega lægri Ijárhæðum en
komið hafa fram í fullyrðingum
bankaráðsmannsins.
Það sem á milli ber nemur rösk-
lega einum milljarði króna og virð-
ist þetta misræmi stafa af orðalagi
í yfirliti því sem bankaráðsmaður-
inn hefur haft undir höndum um
fyrirgreiðslu Landsbankans til
Sambandsins, ellegar misskilningi
hans á einstökum liðum þar í.
Sem dæmi um fyrirgreiðslu sem
hvorki er eðlilegt né venjulegt að
telja til skulda hjá Sambandinu eru
víxlar og viðskiptaskuldabréf sem
gefin eru út af þriðja aðila í
venjulegum viðskiptum og Sam-
bandið framselur bankanum. í
slíkum tilfellum er útgefandinn að
sjálfsögðu aðalskuldari en ekki
framseljandinn.
Þá virðist bankaráðsmaðurinn
innifela í meintri skuld Sambands-
ins framleiðslulán til hlutafélags
sem er að hálfu leyti í eigu sam-
vinnuhreyfingarinnar og að hálfu í
eigu stjórnvalda en Sambandið
hefur ítrekað við bankann að það
telji sér þessa skuld óviðkomandi.
Loks skal nefna fyrirgreiðslu
vegna flýtigreiðslulána til frysti-
húsa. Andvirði þessara lána rennur
til fiskvinnslustöðvanna til þess að
flýta greiðsiu seldra afurða en
trygging bankans liggur í ógreidd-
um útflutningsreikningum vegna
þessara sömu aðila. Hliðstæður við
þessa sérstöku fyrirgreiðslu eru til
staðar í bankakerfinu.
Reykjavík, 15. sept. 1989,
Geir Geirsson,
löggiltur endurskoðandi.
Geir Geirsson
Við höfum ávallt uppfyllt
hinar ströngu kröfur íslenskra
Við getum í dag afgreitt með stuttum fyrirvara
togvindur með átaki frá 2 til 30 tonn.
Við getum útvegað hagstæð lán
til allt að 5 ára.
Afgreiðum allar vindur okkar með
vökvabúnaði.
VÉLAVERKSTÆÐI
SIG. SVEINB JÖRNSSON HE
SKEIÐARÁSI, 210 GARÐABÆ - SÍMI 52850 - FAX 652860

I