Tíminn - 03.10.1989, Page 5
Þriðjudagur 3. október 1989
Tíminn 5
Skoðanakönnun á vinsældum stjórnmálaflokka og stjórnmálamanna:
Halldór Ásarímsson
hlaut fyrsta sætið
Halldór Ásgrímsson sjávarútvegsráðherra nýtur mests
trausts af stjórnmálamönnum á íslandi í dag ef marka má
könnun sem Skáís gerði fyrir Stöð 2 dagana 29. og 30.
september sl. Steingrímur Hermannsson er í öðru sæti en
hann hefur sem kunnugt er verið þaulsetinn í fyrsta sætinu í
fyrri könnunum. 56.9% af þátttakendum gáfu svar við þessari
spurningu.
Þátttakendur voru einnig beðnir
að nefna einn til þrjá stjórnmála-
menn sem þeir telja að hafi sýnt
alvarlega siðferðisbresti í stjórnar-
háttum. Einungis 39.6% gáfu svar
við þessari spurningu. 81.4% nefndu
Jón BaldvinHannibalsson og41.1%
nefndu Steingrím Hermannsson.
í þriðja sæti er Þorsteinn Pálsson,
en síðan koma í eftirfarandi röð eftir
því hversu traustvekjandi þeir eru:
Jón Sigurðsson, Ólafur Ragnar
Grímsson, Davíð Oddsson, Jóhanna
Sigurðardóttir, Steingrímur J. Sig-
fússon, Svavar Gestsson, Guðrún
Agnarsdóttir og Jón Baldvin Hanni-
balsson sem áður var í níunda sæti
en vermir nú það ellefta. Þess má
geta að Friðrik Sophusson féll út af
vinsældalistanum, en Steingrímur J.
Sigfússon er nýr á listanum.
Næstir í röðinni eru:
Ólafur Ragnar Grímsson 22.9%
Stefán Valgeirsson 10.9%
Albert Guðmundsson 9.3%
Halldór Ásgríinsson,
Þorsteinn Pálsson 5.0%
Svavar Gestsson 3.5%
Sverrir Hermannsson 1.9%
Friðrik Sophusson 1.6%
Jón Helgason 1.2%
Halldór Ásgrímsson 1.2%
Þegar þátttakendur voru spurðir
að því hvaða flokk þeir myndu kjósa
núna ef kosið væri til Alþingis svör-
uðu 53.3% að þeir nryndu kjósa
Sjálfstæðisflokkinn. Framsóknar-
flokkurinn fengi samkvæmt könnun-
inni' 14.5% atkvæða, Kvennalisti
10.9%, Alþýðubandalag 10.9%, Al-
þýðuflokkur 7.1% en aðrir flokkar
fengju minna en 1% atkvæða, þar
með talinn Borgaraflokkur sem
fengi 0.9%. Þess ber að geta að
einungis 51.8% þátttakenda tóku
afstöðu til þessarar spurningar.
SSH
Mikið hvassviðri
á Akureyri:
Einn madur
slasaðist
Maður slasaðist þegar veggur
sem hann var að slá upp, féll á
hann, í nýbyggingu við Litluhlíð
á Akureyri um klukkan 14 á
laugardag. Annar rnaður sem
einnig var að vinna við sama vegg
slapp naumlega. Mikið hvassviðri
var á Akureyri á laugardag og allt
fram yfir miðnætti aðfaranótt
sunnudags.
Talsvert tjón varð vegna hvass-
viðrisins, sem mældist 71 hnútur
þegar mest var um og eftir mið-
nætti aðfaranótt sunnudags og á
flugvellinum fór vindhraðinn upp
í 85 hnúta í verstu hryðjunum.
Þess ber að geta að 64 hnútar og
meira eru 12 vindstig. Bílar, hjól-
hýsi, þakplötur og uppsláttur
fuku. Bátar slitu festar auk þess
sem einhverjar skemmdir urðu á
flugvélum. Þá fauk gámur á bif-
reið. Ökumaður sem var að fara
út úr bifreið sinni nánast fauk út
úr honunr þegar vindurinn tók í
hurðina og hélt bíllinn áfram á
grindverk og þaðan á annan bíl.
Þá urðu miklar skemmdir í
Kjarnaskógi, þar sem skógarreit-
ur er og uppeldisstöð fyrir
plöntur. _ABó
, Verkfall rafiðnaðarmanna:
Arangurslaus
samningafundur
Enginn árangur varð af samn-
ingafundi Rafiðnaðarmanna og
ríkisins í gær. Samningsaðilar
dvöldu einungis í um klukkustund
í húsi ríkissáttasemjara og árangur
var enginn. Næsti samningafundur
hefur verið boðaður á miðvikudag-
inn klukkan 14:00.
í framhaldi fundinum ræddi for-
ysta rafiðnaðarmanna um stöðuna
í verkfallinu og var meðal annars
rætt um þann möguleika að draga
til baka þær undanþágur sem gefn-
ar hafaverið. Undanþágurnar voru
gefnar með því fororði að hægt
væri að endurskoða þær með fjög-
urra klukkustunda fyrirvara.
Endanleg ákvörðun um fækkun
undanþága ætti að liggja fyrir í dag.
í gær varð bilun í símakerfi
aðalbanka Landsbankans og var
sambandslaust við flestar deildir
bankans. Landsbankinn sótti unr
undanþágubeiðni til Rafiðnaðar-
sambandsins en þar var ákveðið að
taka ekki afstöðu til umsóknarinn-
ar þar sem viðgerðarmenn ynnu
hjá Pósti og síma en ekki Lands-
bankanum. Þorgeir K. Þorgeirsson
framkvæmdastjóri hjá Pósti og
síma sagði síðdegis í gær að ekki
væri búið að ákveða hvort sótt yrði
um undanþágu vegna bilunarinnar
í bankanum. Hefði stofunin heitið
því að sækja ekki um undanþágur
nema öryggi fólks lægi við og ekki
væri séð að það gilti í þessu tilfelli.
Um helgina sótti Póstur og sími
um undanþágu vegna bilunar í
innanhússtöð sveitarstjórans á
Þorlákshöfn en þeirri beiðni var
hafnað. í gær var einnig hafnað
beiðni vegna bilana í austurhluta
Reykjavíkur þar sem 128 síma-
númer, bæði heimila og fyrirtækja,
voru sambandslaus. SSH
Danska eftirlitsskipið „IngolP' hélt í gær úr íslenskri höfn ■ síðasta sinn. Skipið hefur klofið öldur Norður-
Atlantshafsins og Grænlandshafs í 26 ár og hillir nú undir önnur verkefni hjá því góða fari. „IngolP' hcfur á þessum
tíma vcrið tíður gestur í íslenskum höfnum, einkum síðari árin er umsvif veiðiflotans við Grænland hafa vaxið, og
tekið hér olíu og vistir, auk minni háttar viðgerða. í fyrra renndi skipið sex sinnum inn á íslenska höfn og þessi
síðasta heimsókn „Ingolfs" er hin fimmta á þessu ári. Mun útivist skipsins á þessu ári vara 200 daga .
í tilefni þess að þessi heimsókn var hin síðasta var hún gerð eftirminnileg, íslenska fánanum var heilsað með 21
fallbyssuskoti er „IngolP' sigldi inn höfnina og skipið var almenningi til sýnis yfir helgina.
„IngolP' var nefndur eftir fyrsta íslenska landnámsmanninum, þriðja farið í hinum danska flota er nafngift sína
sækir í höfuð þess dánumanns, og skartar öndvegissúlunum í skjaldarmerki sínu. Nú virðast Danir hins vegar tcknir
að lýjast á nafni víkingsins góða og verða þeir nafnarnir ekki fleiri undir merkjum hennar hátignar. Ingólfs í stað
mun arftaki hans, Thetis að nafni, beina för um Grænlandshaf eftir tæp tvö ár. Þegar hefur kjölur verið lagður að
fjórum nýjum eftirlitsskipum í Svendborg.
Iðnaðarbankinn skuldfærir þjónustugjald af óhreyfðum Alreikningum
Þúsundkall varð að
mínus tólf hundruð
„Ágæti Alreikningshafi. Við vilj-
um vekja athygli þína á að Alreikn-
ingur þinn nr. - í -götuútibúi Iðnað-
arbankans hefur verið óhreyfður í
nokkurn tíma. Við bendum á að
þrátt fyrir að reikningurinn liggi
óhreyfður er þjónustugjald nú kr.
225,- skuldfært af reikningnum mán-
aðarlega.
Nú er svo komið að Alreikningur
þinn er yfirdreginn vegna þessa og
biðjum við þig vinsamlegast um að
hafa samband við -götuútibú Iðnað-
arbankans við fyrstu hentugleika."
Þetta er texti bréfs sem viðmæl-
andi Tímans fékk fyrir skemmstu.
Maðurinn hafði opnað alreikning
hjá Iðnaðarbankanum fyrir tæpum
tveim árum og vissi ekki betur en að
inni á reikningnum væri eitthvað á
annað þúsund krónur auk vaxta.
Svo var hins vegar ekki að því er
maðurinn fékk að vita þegar hann
hringdi í bankann til að fá skýringar
á bréfinu. Starfsmaður í bankanum
tjáði okkar manni að reikningurinn
væri kominn í rúmlega tólfhundruð
króna mínus.
„Ég skil ekkert í hvernig þetta má
vera,“ sagði viðmælandi blaðsins.
„Ég hélt að bankar greiddu vexti af
því sem maður lánar þeim en létu
mann ekki greiða leigu fyrir að nota
bankareikningana. Þetta er greini-
lega eitthvað öðruvísi hjá Iðnaðar-
bankanum."
„Það er tekið þjónustugjald af
alreikningum mánaðarlega. Inni í
þessu mánaðarlega þjónustugjaldi
eru falin tíu tékkhefti á ári, peninga-
veski, lykilkort í tölvubanka og ým-
iskonar önnur þjónusta," sagði
Birna Einarsdóttir markaðsstjóri hjá
Iðnaðarbankanum.
Birna sagði að þjónustugjaldið
væri skuldfært af Alreikningum þótt
þeir lægju óhreyfðir og menn nýttu
sér ekki tékkheftin tíu og haldið væri
áfram að taka gjaldið þótt reikning-
urinn stæði á núlli. Bankinn sendi
síðan reikningseiganda bréf þegar
reikningurinn væri kominn í mínus
til að láta vita að það þurfi að hreyfa
reikninginn til að forðast láta hann
fara svo. -sá
Raunvextir hafa lækkað á öllum verðbréfum:
Mest vaxtalækkun
á „gráa markaði“
Raunvextir hafa lækkað á öllum
verðbréfum á þessu ári, en lang-
mest þó á hlutdeildarbréfum
verðbréfasjóða. Samkvæmt
samanburði í Hagtölum Seðla-
bankans lækkuðu raunvextir (m.v.
lánskjaravísitölu) á hlutdeildar-
bréfum úr að meðaltali um 13,2%
í byrjun ársins niður í um 9,8 upp
úr miðju ári. Munur á raunvöxtum
þessara bréfa og verðtryggðra
skuldabréfa bankanna minnkaði á
tímabilinu úr 5,1% niður í 2,4%.
Seðlabankinn sýnir raunvexti
m.v. lánskjaravísitölu á nokkrum
helstu tegundum verðbréfa, annars
vegar í janúar og hins vegar í ágúst
s.l.
Ávöxtun viðskipta á Verðbréfa-
þingi íslands lækkaði á tímabilinu
úr 7,8% niður í 6,9%. Vextir á
spariskírteinum ríkissjóðs lækk-
uðu um 1-1,3% á tímabilinu niður
í 5,5 til 6%. Vextir á verðtryggðum
skuldabréfum bankanna lækkuðu
úr 8,1 niður í 7,4%. Raunvextir á
bankabréfum Landsbankans voru
mun hærri, eða 9,75% í janúar en
eru nú komnir niður í 7 til 7,25%.
Bankabréfin hafa runnið út það
sem af er þessu ári. Verðbréfaút-
gáfa innlánsstofnana og veðdeilda
þeirra óx um 3,2 milljarða kr. frá
áramótum til ágústloka og var þá
komin í 12,2 milljarða, eða sem
nam 13% af heildarinnlánum inn-
lánsstofnana um þær mundir. Þar
af hafa 10,7 milljarðar kr. myndast
á s.l. tveim árum í samkeppni við
verðbréfasjóði og ríkissjóð um
sparnað einstaklinga og lífeyris-
sjóða. - HEI