Tíminn - 27.10.1989, Qupperneq 14

14 Tíminn
Föstudagur 27. október 1989
ÚTLÖND
FRETTAYFIRLIT
DRESDEN - Leiötogar
kommúnista í Austur-Berlín og
Dresden hitti leiðtoga stjórnar-
andstöðunnar að máli og eru
það fyrstu viðræður sem þessir
aðilar halda um leiðir til að
binda enda á þá pólitísku ólgu
sem ríkir í landinu. Helmut
Kohl kanslari Vestur-Þýska-
lands ræddi í síma við Egon
Krenz hinn nýja leiðtoga Aust-
ur-Þýskalands. Er það í fyrsta
sinn sem þeir félagarnir ræðast
við.
JABAYLA — israelskir her-
menn og lögregla skaut tvo
Palestínumenn til bana á her-
numdu svæðunum í Gaza og
á Vesturbakkanum. Þá hafa
700 Palestínumenn fallið í
uppreisn þeirra gegn hernámi
Israela, en uppreisnin hófst
fyrir 22 mánuðum.
Yitzhak Shamir forsætisráð-
herra ísrael hyggst halda til
Washington eftir mánaðarmót-
in og hitta George Bush forseta
Bandaríkjanna um friðaráætl-
anir í miðausturlöndum.
JERÚSALEM - ísraelar
vísuðu á bug ásökunum
bandarískrar sjónvarpsstöðv-
ar um að Suður-Afríkumenn
væru að smíða langdrægar
kjarnaflaugar með hjálp ísra-
ela.
MANILA — Fjölskylda Ferd-
inands Marcos fyrrum forseta
Filipseyja ættu að játa glæpi
sína áður en henni yrði leyft að
koma til Filipseyja að nýju. Lik
Marcosar ligaur enn í kæli á
Hawai við hlið móður hans, en
Marcos fjölskyldan rembist
eins og rjupan við staur að fá
að grafa Ííkin á Filipseyjum.
JÓHANNESARBORG-
F.W. de Klerk forseti Suður-
Afríku sagði að stjórnvöld þar
yrðu að breyta aðskilnaðar-
stefnunni til að trygcjja efna-
hagslegar framfarir T landinu
og binda enda á þá einangrun
sem Suður-Afríka hefur orðið
að þola á alþjóðavettvangi.
HELSINKI - Mikhaíl Gor-
batsjof forseti Sovétríkjanna
hældi Finnum á hvert reipi fyrir
hlutleysisstefnu þeirra og
sagði Finna fyrirmyndaþjóð.
Námamenn í Síberíu
hætta við verkfali
Námamenn í heimskauta-
bænum Yorkuta í Sovétríkj-
unum héldu til vinnu sinnar
að nýju í gær eftir rúmlega
sólarhrings langt ólöglegt
verkfall. Námamennirnir
létu undan gífurlegum þrýst-
ingi stjórnvalda, fjölmiðla á
svæðinu og síðast en ekki síst
verkalýðsfélagi járnbrauta-
starfsmanna sem hótaði að
stöðva allar birgðasendingar
til bæjarins héldu náma-
mennirnir áfram verkfalli
sínu.
Með þeirri ákvörðun sinni að
hverfa aftur til vinnu létta náma-
mennirnir á mikilli spennu sem
myndaðist milli þeirra og stjórnvalda
sem sáu fram á erfiðar ákvarðanir til
að framfylgja verkfallsbanninu sem
samþykkt var í Æðsta ráðinu í
síðasta mánuði. Reyndar voru yfir-
völd byrjuð að undirbúa lögsókn á
námamennina er þeir sáu sig um
hönd.
Verkföll námamannanna í Síberíu
komu af stað svipuðum titringi á
stærsta kolanámusvæði Sovétríkj-
anna í Donbass í Úkraínu. Þar voru
verkamenn farnir að hugsa sér til
hreyfings. Leiðtogar námaverka-
manna þar höfðu hafnað kröfum
umbjóðenda sinna um tafarlaust
verkfall, en þess í stað fóru þeir fram
á allsherjaratkvæðagreiðslu félaga í
verkalýðsfélögunum um það hvort
halda skyldi í verkfall eður ei.
Verkfallsbann það sem Æðsta
ráðið samþykkti í síðasta mánuði
var einmitt sett til að koma í veg fyrir
að kolauppgröftur í Sovétríkjunum
stöðvaðist líkt og hann gerði síðast-
liðið sumar í allsherjarverkfalli kola-
námumanna. Það verkfall skaðaði
illa statt þjóðarbú Sovétríkjanna
gífurlega.

Kolanámumenn í Vorkuta í Síberíu ákváðu að hefja vinnu að nýju eftir sólarhrings verkfall.
Frækinn pólskur fjallgöngu
maður hrapar til bana
Einn frægasti fjallaklifurmaður
heims, Pólverjinn Jerzy Kukuczka,
fórst í fjallgöngu á Lhotse fjall í
Nepal í vikunni þegar vaður hans
slitnaði. Kukucza sem klifið hefur
öll helstu erfiðu fjöll heims var
ásamt félaga sínum Ryszard Pawl-
owski eð reyna viði suðurhlíð Lhotse
fjalls, en hún hefur aldrei verið
klifin, enda erfið mjög.
Kukucza, sem var 41 árs rafvirki
hrapaði 140 metra niður þverhnípta
hlíðina ásamt félaga sínum Pawlow-
ski, sem er 39 ára. Pawlowski lifði
fallið af og komst við illan leik til
búða sinna neðar í hlíðunum þar
sem aðrir pólskir fjallgöngumenn
biðu þeirra félaga. Ekki er vitað
hversu alvarleg meiðsl hans eru.
Kukucza og Pawlowski átti aðeins
eftir síðasta áfangann upp á hið 8516
metra háa Lhotse-fjall þegar slysið
varð. Hyggjast pólsku fjallgöngu-
mennirnir sem voru með í förinni að
freista þess að finna lík hins frækna
Pólverja.
Kukucza var einn af fáum fjall-
göngumönnum heims sem klifið
hafði öll fjórtán fjöll heims sem eru
yfir 8000 metrar á hæð.
Búlgaría:
Lögreglan lemur umhverf-
isverndarsinna í Sofíu
Eitthvað virðast Búlgarar ætla að hiksta á „Nýrri leið hvað varðar
lýðræðisleg réttindi" almcnnings í Búlgaríu eins og sendiherra Búlgaríu á
Islandi orðaði það í samtalið við Tímann um síðustu helgi. Þá hafði Tíminn
samband við scndiherrann vegna funda stjórnarandstæðinga sem lögreglan
hafði látið óáreitta og spurt hvort um varanlega stefnubreytingu værí að ræða.
f gær kom í ljós að lögreglan, sem
hingað til hefur barið alla andstöðu
gegn stjórnvöldum niður af mikilli
hörku, hefur ekki náð að tileinka sér
„hinni nýju leið“. Nokkrir óeinkenn-
isklæddir lögreglumenn gripu níu
meðlimi óopinberra umhverfissam-
taka í Búlgaríu á götu í Sofíu í gær,
drógu þá inn í langferðabíl þar sem
tjöld voru dregin fyrir glugga og
lömdu þá hressilega. Á meðal þeirra
er fengu að finna fyrir lögreglu-
mönnunum voru þeir Alexander
Karakachanov ritari Eco-Glasnost
umhverfisverndarsamtakanna, Dey-
an Kiuranov og Krassimir Kanev
sem eru einnig í forystu þessara
samtaka.
Nokkrum klukkustundum síðar
var Petar Slabokov leiðtogi Eco-
Glasnost og nokkrir félagar hans
handteknir þar sem þeir voru í
skemmtigarði í miðborg Sofíu.
Andófsmennirnir höfðu unnið sér
það til saka að safna undirskriftum
undir áskörun til stjórnvalda um að
leyfa opinbera umræðu um mengun
frá nokkrum búlgörskum verksmiðj-
um.
Það voru einmitt Eco-Glasnost
umhverfisverndarsamtökin sem
héldu opna fundi um síðustu helgi
þar sem stefna stjórnvalda var
gagnrýnd. Þá voru leiðtogar samtak-
anna látnir afskiptalausir og var það
túlkað sem svo að búlgörsk stjórn-
völd væru að lina tökin. Annað
kemur nú upp á daginn.
Sofía hefur verið í sviðsljósinu
undanfarna daga vegna alþjóðlegrar
umhverfismálaráðstefnu sem þar
stendur nú yfir.
Tævönsk
þota
ferst
Tævönsk farþegaþota af gerð-
inni Boeing 737 fórst í fjöllum
Taiwan í gær og er talið að þeir
56 menn sem innanborðs voru
hafi allir farist. Eldtungur sáust í
hlíðum fjallsins sem þotan rakst
utan í. Hermenn og björgunar-
sveitir héldu strax á staðin, en
þegar þetta var ritað höfðu nánari
fréttir ekki borist.
Talsmaður flugfélagsins China
Airlines sem átti þotuna sagði
fréttamönnum að þotan sem var
í innanlandsflugi hafi farist
skömmu eftir flugtak. Af ein-
hverjum sökum flaug þotan ekki
rétta leið, en hún hefði átt að
halda út yfir hafið í norðri, en
þess í stað flaug hún í vesturátt
þar sem hún rakst utan í fjallgarð-
irin.
Aðför gegn Bhutto á þingi Pakistana
Benazir Bhutto forsætisráðherra
Pakistan glímir nú við harðari and-
stöðu en nokkru sinni í stjórnartíð
sinni þar sem stjórnarandstaðan
virðist vera að ná saman í aðför gegn
henni og minnihlutastjórn hennar.
Nú hefur verið lögð fram vantrausts-
tillaga á Bhutto í neðri deild pakist-
anska þingsins. Þar þarf stjórnar-
andstaðan að skrapa saman 119
atkvæðum til að felia stjórn Bhutto.
Flokkur hennar hefur yfir að ráða
114 þingsætum, en stjórnin er talinn
hafa 135 þingmenn á bak við sig.
Þrátt fyrir að Bhutto standi nú
frammi fyrir alvarlegustu ógnun við
ríkisstjórnina hingað til, þá er talið
að hún standi þessa aðför af sér. Þó
að stjómarandstaðan hafi nú að
mestu leyti náð saman í andstöðunni
gegn Bhutto, þá er talið að hún muni
ekki ná stuðningi nægilega margra
þingmanna til að fella stjórnina.
Benazir Bhutto sem er fyrsta kon-
an sem gegnir embætti forsætisráð-
herra í ríki múslíma komst til valda
í desembermánuði síðastliðnum eft-
ir glæsilegan kosningasigur í þing-
kosningum sem haldnar voru eftir
að Mohammad Zia-ul-Hag hers-
höfðingi fórst í flugslysi.