Tíminn - 08.11.1989, Blaðsíða 3

Miðvikudagur 8. nóvember 1989
Tíminn 3
Sjávarútvegsráðherra gefur tóninn um aflaheimildir næsta árs:
Þorskaflinn verður
um 300 þúsund tonn
Halldór Ásgrímsson sjávarútvegsráðherra gaf tóninn,
við setningu 34. þings Farmanna- og fiskimannasambands
íslands í gær, um hver yrði áætlaður heildarþorskafli
landsmanna á næsta ári. Hann sagði að aflaheimildir yrðu
við það miðaðar að heildarþorskaflinn verði nálægt 300
þúsund lestum. Búist er við að þorskaflinn á þessu ári fari
yfir 330 þúsund tonn. Þetta þýðir að 1990 verður því þriðja
árið í röð sem dregið verður úr þorskveiði.
Frá 34. þingi FFSÍ í gær. Guðjón A. Kristjánsson forseti er í ræðustól.
Tíraamynd: Ámi Bjitma
„Með þessari ákvörðun að miða
þorskaflann við 300 þúsund lestir
er eflaust teflt á tæpasta vað,“
sagði Halldór. Þess ber að geta að
Hafrannsóknastofnun lagði til að
heildarþorskaflinn færi ekki yfir
250 þúsund lestri árin 1990 og 1991.
Sem kunnugt er hafa aðilar í
útgerð og vinnslu verið óánægðir
með skerðingu botnfiskkvóta
undangenginna ára. Líta má því á
þessa ákvörðun um 300 þúsund
lesta þorskafla sem málamiðlun.
Ráðherra sagði að með þessari
ákvörðun um 300 þúsund lesta
þorskafla, þá verði menn að hafa í
huga að í ákvörðuninni felst 10%
samdráttur þeirra aflaheimilda frá
yfirstandandi ári og með tilliti til
stöðu efnahagsmála væri vart
mögulegt að skerða þorskveiði-
heimildir í þeim mæli sem Haf-
rannsóknarstofnun lagði til.
Jakob Magnússon aðstoðarfor-
stjóri Hafrannsóknarstofnunar
sagði í samtali við Tímann að það
eina sem hann gæti sagt um þetta
væri að stofnunin hefði lagt til að
þorskveiðin færi ekki upp fyrir 250
þúsund tonn. Hann sagði að þetta
sýndi að þorskstofninum yrði ekki
haldið í horfinu eða byggður upp,
eins og stofnunin legði til og rétt
hjá ráðherra að teflt væri á tæpasta
vað. „Það er því miður ekki í fyrsta
sinn, sem slíkt er á döfinni hjá
okkur og lítið fyrir okkur að segja
um það,“ sagði Jakob.
Þá kom Halldór inn á aðrar
tegundir. Hann sagði að því miður
hafi verulegar takmarkanir á hei-
mildir sóknarmarkstogara til veiða
á grálúðu ekki borið tilætlaðan
árangur. Grálúðuaflinn er nú orð-
inn rúmlega 56 þúsund tonn, en
það er langt umfram það sem
Hafrannsóknastofnun ráðleggur.
„Á næsta ári sýnist því óhjákvæmi-
legt að takmarka enn frekar grá-
lúðuveiði sóknarmarkstogara.
Jafnframt þarf að setja aflamark á
grálúðuveiðar báta sem velja sókn-
armark,“ sagði ráðherra. Með
þessum ráðstöfunum er stefnt að
því að heildarafli grálúðu fari ekki
fram úr 40 tii 45 þúsund lestum á
árinu 1990. Ýsuaflamark verður
óbreytt frá yfirstandandi ári, eða
65 þúsund lestir. Heildaraflamark
af ufsa hækkar hins vegar úr 80
þúsund lestum í 90 þúsund lestir í
samræmi við tillögur Hafrann-
sóknastofnunar. Þá verður karfinn
miðaður við 80 þúsund lestir sem
er smávægileg aukning frá yfir-
standandi ári.
Halldór sagði að sá aflasamdrátt-
ur sem óhjákvæmilegur væri á
næsta ári hefði að sjálfsögðu mikil
áhrif á efnahagssviðinu. „Hann
mun að óbreyttu leiða til 6 til 7%
samdráttar aflaverðmætis milli ára.
Samdrátturinn mun koma beint
niður á kjörum sjómanna og hafa
mikil áhrif á afkomu allra lands-
manna með einu eða örðum hætti,“
sagði sjávarútvegsráðherra.
Þá kom ráðherra inn á drög að
frumvarpi um stjórnun fiskveiða
sem nú liggur fyrir til umræðu og
einnig aflanýtingu og gæðamál.
Guðjón A. Kristjánsson forseti
Farmanna- og fiskimannasam-
bands íslands sagði við setningu
þingsins að fyrir lægi að afli muni
minnka á næsta ári. „Ef þorskafl-
inn verður 10% minni á næsta ári
gæti það leitt til um 15% tekju-
skerðingar sjómanna á botnfisk-
veiðiflotanum. Líklegt er að þær
skerðingar sem sjávarútvegsráð-
herra vill beita við útflutning á
ferskum fiski komi í veg fyrir það
að sjómenn og útgerðarmenn geti
mætt þessum tekjumissi með því
að nýta þau háu verð sem í boði
eru fyrir ferskan fisk erlendis,“
sagðiGuðjón. Hannsagði aðvissu-
lega þyrfti að tryggja að atvinna
dragist ekki of mikiðsaman í landi.
Við því ætti að bregðast á þann
hátt að koma á fót aflamiðlun sem
sjómenn, útgerðarmenn og fisk-
vinnsla stæðu sameiginlega að.
„Með því móti yrði vinnslunni
ævinlega gefinn kostur á að kaupa
þann fisk sem ef til vill stæði til að
flytja út, til sölu á erlendum
mörkuðum," sagði Guðjón.
- ABÓ
Leitað að þremur rjúpnaskyttum í fyrrinótt:
FESTU BÍLINN
UTAN VEGAR
Leitað var að þremur rjúpnaskyttum í fyrrinótt, fundust
mennirnir heilir á húfí um tíuleytið í gærmorgun. Bifreið
þremenninganna hafði fests utan vegar skammt frá Leirvog-
svatni, vestast við Bláfjallaveginn ofan Hafnarfjarðar.
Hlutafjársjóður:
Freyju veittur
lengri frestur
Stjórn Hlutafjársjóðs Byggða-
stofnunar hefur ákveðið að fram-
lengja frest Fiskiðjunnar Freyju hf.
á Suðureyri til að uppfylla skilyrði
sjóðsins fyrir aðstoð. Frestur for-
ráðamanna Freyju rann út á mánu-
daginn en eftir fund þeirra með
stjórn Hlutafjársjóðs var ákveðið að
framlengja frestinn til 20. þessa
mánaðar.
Fyrir um viku síðan ákvað stjórn
Hlutafjársjóðs að beita sér fyrir
fjárhagslegri endurskipulagningu
fiskiðjunnar í kjölfar jákvæðari
undirtekta stærstu lánadrottna
hlutafélagsins. Stjórnin féllst á að
bjóða fram nýtt hlutafé til félagsins
að upphæð 96.5 milljónir króna sem
greiðist með því að sjóðurinn tekur
við skuldum hjá lánadrottnum fyrir-
tækisins og hefur sala hlutdeildar-
skírteina í þessu skyni verið tryggð.
Aðstoð sjóðsins var bundin þeim
skilyrðum að viðunandi samningar
næðust við ýmsa smærri kröfuhafa
og að til komi nýtt hlutafé að
upphæð 55 milljónir króna frá öðr-
um en Hlutafjársjóði. Þessi skilyrði
gátu forráðamenn fyrirtækisins ekki
uppfyllt á tilsettum tíma. Enn mun
vanta nýtt hlutafé sem svarar 20
milljónum króna.
Innsigli sýslumanns vegna van-
goldinna staðgreiðsluskatta er enn á
fyrirtækinu. SSH
Frumvarp um breytingar á eftirlaunum
forseta íslands á leiöinni:
FORSETINN STRAX
Á EFTIRLAUN
Mennimir þrír, tveir unglingar og
fatlaður maður, lögðu af stað til
rjúpnaveiða í nágrenni Reykjavíkur
um þrjúleytið á mánudaginn og
ætluðu að koma til baka um kvöld-
matarleytið. Þegar ekkert hafði
heyrst til þeirra er líða tók á nótt fór
eiginkona mannsins á lögreglustöð-
ina í Reykjavík og bað um aðstoð.
Lögreglan í Reykjavík, í Hafnar-
firði, Keflavík og Selfossi leitaði á
götuslóðum utan alfaraleiða um
nóttina. Björgunarsveitir voru einn-
ig reiðubúnar til leitar í gærmorgun.
Þyrla Landhelgisgæslunnar fór til
leitar um leið og birta tók og fann
bílinn á fyrrnefndum stað þar sem
hann hafði fests. Þá var fatlaði
maðurinn einn í bílnum en piltarnir
tveir komu fram í Hafnarfirði á
svipuðum tíma.
Bíllinn, sem er framhjóladrifinn
Lancer, hafði fests í götuslóða rúm-
lega fjögur í gærdag. Piltarnir urðu
blautir og kaldir við að reyna að ná
bílnum upp og vildi bílstjórinn ekki
að þeir héldu fótgangandi til byggða
enda var kólnandi veður. Létu því
þremenningarnir fyrirberast í bíln-
um um nóttina. f birtingu yfirgáfu
piltarnir bílinn og héldu fótgangandi
til byggða til að leita aðstoðar. Á
leiðinni hittu þeir malarflutningabíl-
stjóra sem keyrði þá í bæinn og
komu þeir fram á svipuðum tíma og
flugmenn Landhelgisgæsluþyrlunn-
ar fundu bifreiðina.
Þess má geta að um tuttugu mín-
útna gangur er til byggða frá þeim
stað er bíllinn festist. Piltarnir gerðu
eina tilraun til að leggja af stað
fótgangandi en villtust.
Farsíminn
sjálfsagt öryggistæki
Bílstjóri bifreiðarinnar, sem ekki
vildi láta nafns síns getið, sagði í
samtali við Tímann síðdegis í gær að
þeir þremenningarnir væru allir við
hestaheilsu en vissulega væri leiðin-
legt að hafa valdið þessu umstangi.
Aðspurður um hvort ekki væri rétt
að hafa með sér farsíma í ferðir að
þessu tagi sagði hann að það væri
vissulega rétt, ekki hvað síst þegar
fólk væri í þessu ásigkomulagi, eins
og hann orðaði það. Bílstjórinn er
bundinn við hjólastól. Hann sagði
jafnframt að farsímarnir væru dýrir
og ekki niðurgreiddir fyrir fatlaða
um sem næmi nema fimmtungi af
verðinu og afgangurinn samsvaraði
þriggja mánaða örorkubótum sem
fæstir hefðu efni á að greiða. Lagði
hann til að Tryggingastofnun tæki
upp þá nýjung að leigja fötluðum
farsíma til að nota í tilvikum sem
þessum þar sem svo lítið þyrfti út af
að bera til að fatlaðir yrðu bjargar-
lausir ef þeir eru einir síns liðs.
Umræddur bílstjóri var mikil
rjúpnaskytta áður en hann fatlaðist.
„Maður reynir auðvitað að halda
sínu striki þó að maður hálsbrotni.
Maður reynir að lifa því lífi sem
maður lifði áður en það getur verið
að maður gangi stundum full langt í
viðleitninni við það, en lífið ér stutt
og það er um að gera að halda sínu
striki." SSH
Póstkortið sem Flugleiðir létu
gera í vegna myndbandstækjanna
á Saga Class. I baksýn er líkan af
Boeing 757-200 sem Flugleiðir
taka í notkun næsta vor.
Flugleiðir
fá viður-
kenningu
Sony fyrirtækið hefur veitt
Flugleiðum sérstaka viðurkenn-
ingu fyrir þjónustu um borð í
flugvélum. Er um að ræða viður-
kenningu fyrir vel heppnaða
notkun á Sony GV 8 myndbands-
tækjum, ráðgert er að véita þessi
verðlaun árlega.
Flugleiðir voru eitt þriggja
flugfélaga sem fyrst tóku í notkun
þessi myndbandstæki á Saga
Class. Hver farþegi fær tæki til
notkunar meðan á fluginu stend-
ur og getur valið úr safni kvik-
mynda, tónlistarmyndbanda og
annars efnis. SSH
Innan skamms verður lagt fram á
þingi frumvarp til laga um breytingar
á eftirlaunagreiðslum til forseta
íslands. Megin breytingin sem í
frumvarpinu felst er sú að forseti
komist strax á eftirlaun þegar hann
lætur af starfi, fái hann ekki annað
starf.
Taki forseti við öðru starfi á
vegum ríkisins er hann lætur af
embætti, sem er lægra launað en sú
upphæð sem hann hefði annars feng-
ið í eftirlaun, gerir frumvarpið ráð
fyrir að mismunur verði greiddur.
Þá er lögð til sú breyting í frumvarp-
inu að eftirlifandi maki fái í lífeyri
60% af launum forseta.
Samkvæmt núgildandi lögum
vinnur forseti íslands sér inn réttindi
til eftirlauna sem nema 60% af
launum eftir eitt kjörtímabil, 70%
eftir tvö kjörtímabil og 80% eftir
þrjú kjörtímabil, eða 12 ára emb-
ættisþjónustu. Ekki eru lagðar til
beytingar á þessu fyrirkomulagi í
frumvarpinu. - ÁG