Tíminn - 09.12.1989, Blaðsíða 18

Tíminn - 09.12.1989, Blaðsíða 18
18 Tíminn Laugardagur 9. desember 1989 MINNING Sveinn Sigurjón Stefánsson frá Vatnsenda í Ólafsfirði Fæddur 25. aprfl 1940 Dáimi 29. nóvember 1989 Dáinn, horfinn - Harmafregn. Hvílíkt orð mig dynur yfír. En ég veit að látinn lifír. Það er huggun harmi gegn. Mér komu í hug þessar ljóðlínur Jónasar Hallgrímssonar er mér var tílkynnt andlát uppeldisbróður míns og frænda, Sveins Stefánssonar, vöruflutningabílstjóra frá Ólafsfirði. Við sem byggjum þetta land verðum oft að kljást við óblíða náttúru og taka áhættu til að sjá okkur farborða í lífinu. Lítið samfélag norður við ysta haf þarf ekki síður en önnur samfélög, sem betur eru í sveit sett, á sínum nauðþurftum að halda. Sveinn var einmitt í þiónustu þess samfélags er byggir Olafsfjörð er kallið kom. Fyrir nokkrum árum stofnaði hann fyrirtæki með fjöl- skyldu sinni sem sá um vöruflutninga milli Ólafsfjarðar og Reykjavíkur og hafði afgreiðslu í Reykjavík hjá Landflutningum hf. Kona hans og i * Torf« t«h Torfl Torf» Torfal Torfæra Grindayí': M.*98S 1 ¦r*"')é/é i^^-á' Frábær myndbönd f rá torf ærukeppnum sumarsins: Hella. Jósepsdalur 1. Josepsdalur 2. Josepsdalur 3. Egilsstaðir Grindavík - Akureyri Frábært skemmtiefni í skammdeginu fyrir yngri sem eldri Verð; hver spóla kr. 1.600,- 4eðafleiri kr. 1.440,- Dreifing \^SHÍff£ póstverslun Pöntunarsími 64 22 30 SJAUMST tfæ FERÐAR ENDURSKINS- MERKI fást i apotekum og viðar. t Innilegar þakkir fyrir auðsýnda samúð og vináttu við andlát og jarðarför Oddgeirs Péturssonar Grýtubakka 28, Reykjavfk Anna Árnadóttir Gígja Friðgeirsdóttir Árni Hraf n Arnason örlygur Oddgeirsson Þorbjörg Á. Oddgeirsdóttir Audur Oddgeirsdóttir Petur Oddgeirsson Sigurgeir Oddgeirsson örn Erlendsson HlínP.Wium Jóhanna Kr. Hauksdóttir OttarGeirsson ÁmiV.Árnason Kristrún Tómasdóttir barnabörn og barnabarnaböm. dætur tóku af alhug virkan þátt í fyrirtækinu. Til marks um þann samhug fjölskyldunnar er það að elsta dóttir hans, Arna, aflaði sér réttinda til að aka svo stóru farartæki sem vöruflutningabifreið er. Hún fór stundum með föður sínum í þessar ferðir til að létta undir með honum við aksturinn á langri leið. Sveinn Sigurjón Stefánsson fædd- ist á sumardaginn fyrsta, 25. apríl 1940, á Vatnsenda í Ólafsfirði. For- eldrar hans voru Anna Sveinsdóttir, en hennar foreldrar voru Guðlaug B jarnadóttir og Sveinn Sigmundsson á Grundarlandi í Unadal í Skaga- firði, og Stefán Stefánsson, en for- eldrar Stefáns voru Stefanía Stefáns- dóttir og Stefán Björnsson er bjuggu í Vík í Héðinsfirði. Anna dvelur nú á Elli- og hiúkrunarheimilinu Horn- brekku í Olafsfirði, en Stefán lést 1974. Varla er hægt að hugsa sér betri sumargjöf en lítinn son sem auk þess er frumburður ungra hjóna. Brátt stækkaði systkinahópurinn og auk mín og systur minnar Emelíu, barna Oddnýjar, föðursystur Sveins, og Báru Sæmundsdóttur, uppeldis- dóttur ömmu okkar, var það fjöl- mennur barnahópur sem ólst upp við leiki og störf á Vatnsenda. Systk- ini Sveins eru sex: Stefanía, sem býr í Reykjavík, gift Jóhannesi Bjarna- syni, Anna Lilja, býr á Akureyri, gift Guðmundi Ólafssyni, Páll Gísli er dvelur á Reykjalundi, Guðlaug Sigríður, býr á Akureyri, gift Gunn- laugi Guðmundssyni, Jóhanna Lov- ísa, býr í Kópavogi, gift Eyvindi Jóhannssyni, og Sigurrós Þórleif, býr á Sauðárkróki, gift Birni Sigur- björnssyni. Þegar Sveinn var aðeins 10 ára gamall missti Anna móðir hans heils- una og hefur dvalið langtímum sam- an á sjúkrahúsum síðan. Stefán faðir hans hélt áfram búskap með öll börnin ásamt aldraðri móður sinni og systrum. Það lá því beint við að Sveinn hjálpaði til við búskapinn, enda var hann ekki nema um í'erm- ingu þegar hann var farinn að vinna að ölluin búskaparstörfum eins og fullorðinn maður. Þá var vélvæðing- in, sem síðar átti eftir að breyta búskaparháttum til sveita, lítið sem ekkert komin í Ólafsfjörð og öll sveitastörf unnin með hestum. Hon- um fórst sú vinna svo vel úr hendi að fljótt var farið að leita til hans af öðrum sem höfðu túnbletti og vant- aði að fá þá slegna. Kappið og dugnaðurinn komu snemma fram í fari Sveins, bæði við leik og nám. Ólafsfjörður er snjó- þung sveit, svo að sjaldan verður þar snjóavant á veturna. í Ólafsfirði hafa löngum verið skíðamenn í fremstu röð. Það lá því í hlutarins eðh að Sveinn fór mjög ungur að stunda skíði. Oft og tíðum þurfti að grípa til þeirra til að koma sér á milli staða. Sveinn fór margar ferðirnar á skíðum að liciman og í skólann, leið sem er rúmlega einnar stundar gangur. Hann lét sér ekki nægja þessar gönguferðir, því fór hann að æfa skíðaíþróttina og náði að komast í fremstu raðir á skiðamótum íslands. Sveinn var ágætlega vel gefinn og fljótur að átta sig á hlutunum. Hann nýtti sér þá námsmöguleika sem buðust í Ólafsfirði á þeim tíma þegar hann var að vaxa ur grasi. Þá var starfandi á Ólafsfirði iðnskóli sem nokkrir áhugasamir menn höfðu komið á fót til að gera æskufólki staðarins kleift að afla sér þeirrar bóklegu menntunar sem þá fylgdi iðnnámi. Sveinn stundaði þar nám og lauk þaðan prófi án þess að ætla sér frekar í iðnnám. Sjálfsbjargarviðleitnin var honum í blóð borin. Hann lærði fljótt að bjargast á eigin spýtur og vildi síst af öllu vera upp á aðra kominn. Greið- vikni og ósérhlífni voru svo stór þáttur í lífi Sveins að oft og tfðum frestaði hann sfnum cigin störfum til að liðsinna öðrum. Hann vildi láta hlutina ganga, kunni ekki að hlífa sjálfum sér og var lítt hrifinn af seinagangi hjá öðrum. Hann var skilningsríkur faðir því alltaf var hann tilbúinn til að hlusta á dætur sínar og stóð með þeim i blfðu og stríðu. Þá kom oft glettnin fram með góðlátlegum athugasemdum. Sveinn var mjög barngóður og böm hænd- ust að honum. Hann kunni svo vel að skilja og tala þeirra mál að óðar en varði voru þau komin upp í fang hans. Hann kom oft á mitt hcimili og gat gcngið hér inn og út á nóttu sem dcgi. Þá var oft slegið á létta strengi með börnum mínum og vin- um þeirra með góðlátlegu grfni og var það oft svo að þegar bíllinn var kominn að húsinu þá komu vinir bamanna í heimsókn til að hitta Svein. Hann unni byggðarlagi sínu mjög og vildi að hagur þess væri sem bestur og taldi mikilvægt að íbúun- um fækkaði ekki því svo lítið byggð- arlag mætti engan mann missa. Hann sagði stundum við mig að í hvert sinn sem hann flytti eina fjölskyldu í burtu frá Ólafsfirði þá þyrfti hann helst að flytja þangað tvær í staðinn. Þann 28. maí 1966 kvæntist Sveinn eftirlifandi konu sinni Björk Arn- grímsdóttur, ættaðri frá Hólmavík. Hún er dóttir hjónanna Guðnýjar Bergsveinsdóttur og Arngríms Guð- björnssonar. Arngrímur lést 1983 en Guðný býr í Ólafsfirði. Sveinn og Björk hófu búskap fyrst á Vatnsenda til ársins 1969 en þá seldu þau jörðina og fluttu sig um set til kaupstaðarins. Sveinn var virkur þátttakandi í ýmsum félögum í Ólafsfirði. Fyrir utan félagsstörfin sem fylgdu skíða- íþróttinni tók hann þátt í leikstarf- semi Leikfélags Ólafsfjarðar, var um skeið formaður þess félags og sté stundum upp á fjalirnar og tók þátt í leiksýningum. Hann söng um tíma með Karlakór Ólafsfjarðar og var einnig í stjórn hans. Kiwanisklúbbur Ólafsfjarðar var stofnaður í mars 1976. Sveinn var fyrsti forseti þess félagsskapar og gegndi því starfi í hálft annað ár. Eftir að akfært varð fyrir Ólafsfjarðarmúlann var fengin sjúkrabifreið til Ólafsfjarðar og nokkrir ungir menn tóku að sér að annast sjúkraflutninga í sjálfboða- vinnu milli Ólafsfjarðar og Akureyr- ar. Sveinn var einn af þeim sem tóku þátt í því ábyrgðarmikla starfi og var alltaf reiðubúinn til þeirra ferða. Einnig var hann formaður í vömbíl- stjórafélaginu Múla á Dalvík. Skömmu eftir að hann fluttist til kaupstaðarins fór hann að vinna með vömbíl og þungavinnuvélar. Þessi atvinna var fremur ótrygg og átti það illa við Svein að sitja aðgerð- arlaus þegar lítið var að gera, enda var honum mjög umhugað um að sjá vel fyrir fjölskyldu sinni. Til að tryggja sér ömggari atvinnu keypti hann vömflutningabifreið til flutn- inga á vömm niilli Ólafsfjarðar og Reykjavíkur. Starfsemi þessi var ekki stór í sniðum í fyrstu en jókst brátt og var hann nú hin síðustu ár með tvo bíla í fömm. Sveinn var ömggur bílstjóri og kunni að bregð- ast rétt við ef eittnvað bar út af í akstrinum. En örlögin höguðu því svo að hann náði ekki heim úr sinni síðustu ferð. Það er sár söknuður hjá eigin- konu, dætrom, dótturdóttur, móður og systkinum er sjá nú á bak hraust- um og góðum dreng á miðjum aldri sem búinn var að afkasta miklu en átti þó svo margt ógert. Sveinn og Björk eignuðust fjórar dætur en þær ero: Guðný Arna, fædd 9. febrúar 1966, stundar nám í viðskiptafræði við Háskóla Islands, dóttir hennar er Sveindís ösp, fædd 2. nóvember 1986. Anna, fædd 8. desember 1967, stundar nám við Fósturskóla lslands. Sigríður Guðrún, fædd 5. september 1971, hún er við nám í Mennta- skólanum á Akureyri og Soffía Snædís, fædd 24. september 1984. Útför Sveins fer fram frá Ólafs- fjarðarkirkju í dag. Kæra Björk og dætur, ég og fjölskylda mín vottum ykkur dýpstu samúð. Minningin um góðan dreng mun fylgja okkur um aldur og ævi. Sveinbjörn Sigurðsson frá Vatnsenda Guðmundur Bernharðsson frá Ástúni Fæddur 10. nóvember 1899 Dáinn 18. nóvember 1989 Með örfáum ljóðlínum Davíðs Stefánssonar um bóndann langar okkur, bamabörnum Önnu Sig- mundsdóttur, að minnast Guð- mundar Bemharðssonar frá Ástúni, Ingjaldssandi, með kærri þökk fyrir alla hans gæsku og hlýhug okkur til handa. Meðstátiplógsinsreistþúþína rún, þú ræktaðirþitt land, þín föðurtún. Til verka þinna viljans máttur kn úði þá vinarhónd, sem ungum gróðri hlúði. Frá ystu nöfað efstu hh'ðarbrún, bjóst óðal hjartans grasnu sumar- skrúði. Þú fannst að það var gæfa lýðs og lands, að leita guðs og rækta akra hans. íauðmýkt naustþú anda þeirra laga, sem óllum vilja skapa góða daga. í dagsverki og þókk hins þreytta manns. býr þjóðarinnar heill - og ævisaga. Hvíl í friði. Magnús, Jón Ómar, Hilmar, Ingvar, Skorri og Anna.

x

Tíminn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Tíminn
https://timarit.is/publication/50

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.