Tíminn - 22.12.1989, Side 10

10 Tíminn
FRÁ RAFMAGNSVEITU
REYKJAVÍKUR
Rafmagnsveitunni er það kappsmál, að sem fæstir
verði fyrir óþægindum vegna straumleysis nú um
jólin sem endranær. Til þess að tryggja öruggt
rafmagn um hátíðirnar, vill Rafmagnsveitan benda
notendum á eftirfarandi:
IReynið að dreifa elduninni, þ.e. jafna henni
yfir daginn eins og kostur er, einkum á aðfanga-
dag og gamlársdag. Forðist, ef unnt er, að nota
mörg straumfrek tæki samtímis, t.d. rafmagns-
ofna, hraðsuðukatla, þvottavélar og uppþvotta-
vélar - einkum meðan á eldun stendur.
Farið varlega með öll raftæki til að forðast
bruna- og snertihættu. Illa meðfarnar lausar
taugar og jólaljósasamstæður eru hættulegar.
Útiljósasamstæður þurfa að vera vatnsþéttar og
af gerð, sem viðurkennd er af Rafmagnseftirliti
ríkisins.
3
4
5
6
í flestum nýrri húsum eru sjálfvör,.útsláttar-
rofar" en í eldri húsum eru vartappar ,,öryggi“.
Eigið ávallt til nægar birgðir af vartöppum.
Helstu stærðir eru:
10amperljós
20-25 amper eldavél
35 amper aðalvör fyrir íbúð.
Ef straumlaust verður, skuluð þér gera eftir-
farandi ráðstafanir:
- Takið straumfrek tæki úr sambandi.
- Ef straumleysið tekur aðeins til hlutá úr íbúð,
(t.d. eldavélar eða Ijósa) getið þér sjálf skipt
um vör í töflu íbúðarinnar. Ef öll íbúðin er
straumlaus, getið þér einnig sjálf skipt um vör
fyrir íbúðina í aðaltöflu hússins.
Hafi lekastraumsrofa í töflu leyst úr ér rétt að
taka öll tæki úr sambandi og reyna að setja
lekastraumsrofann inn aftur. Leysi rofinn enn út
er nauðsynlegt að kalla til rafvirkja.
Tekið er á móti tilkynningum um bilanir ísíma
686230 hjá Rafmagnsveitu Reykjavíkur allan
sólarhringinn. Á aðfangadag og gamlársdag er
einnig tekið á móti bilanatilkynningum til kl. 19 í
síma 686222.
Við flytjum yður beztu óskir um gleðileg jól og
farsæld á komandi ári, með þökk fyrir samstarfið
á hinu liðna.
RAFMAG NSVEITA
REYKJAVÍKUR

(Geymið auglýsinguna)
SJAUMST
MEÐ
ENDURSKINI!
|| UMFERÐAR
ENDURSKINS-
MERKI fást i
apótekum
og viðar.
Föstudagur 22. desember 1989
Jólaleg jól
Þær mæðgurnar Svanhildur Jak-
obsdóttir (t.h.) og Anna Mjöll Ólafsdóttir
hafa sungið saman inn á jólaplötu sem
nefnd er „Jólaleg jól“. Umsögn um
plötuna birtist í Tímanum miðvikud. 21.
des., - en þar birtist ekki rétt mynd með.
Myndin sem átti að fylgja greininni kemur
því hér með, þar sem sjá má þær mæðgur
jólalega klæddar í jólaskapi.
Laugin verður heitari en venja er með
okkar sundlaugar, þannig að yngsta fólkið
á að geta unað sér vel í lauginni og vanist
sundlaugarferðum.
Fyrir yngri kynslóðina hafa verið settar
upp rennibrautir i Vesturbæjarlaug og
Breiðholtslaug og í Sundhöll eru flotleik-
föng til afnota.
Sundstaðir Reykjavíkur
um hátíðamar:
23. des. Þorláksmessa: Opið frá kl. 07:20-
17:30 (sölu hætt)
24. des. Aðfangadagur: Opið frá kl.
08:00-11:30 (sölu hætt)
25. des. Jóladagur - Lokað
26. des. Annar í jólum - Lokað
27.,28. og 29. des.: Opið frá kl. 07:00-
20:30 (sölu hætt)
30. des.: Opiðfrá 07:20-17:30 (sölu hætt)
31. des. Gamlársdagur: Opið frá kl.
08:00-11:30 (sölu hætt)
1. jan. 1990 Nýársdagur: Lokað.
Sænsk jólamessa
Sænsk jólamessa á vegum Islansk/
Svenskamas Forening verður í fyrsta sinn
haldin í Hallgrímskirkju miðvikudaginn
27. desemberkl. 20:30. Sænskir jólasálm-
ar verða sungnir. Prestur sr. Karl Sigur-
björnsson.
Frá Félagi eldri borgara
Göngu-Hrólfar heimsækja Hana nú-fé-
laga í Kópavogi á Þorláksmessu. Sæta-
ferðir verða frá Hlemmtorgi kl. 09:30.
Drukkið verður kaffi á Digranesvegi 12.
Farin verður blysför um Hamraborg og
fleira gert sér til gamans.
Skrifstofa Félags eldri borgara verður
lokuð vegna jólaleyfis frá og með 22.
desember til 2. janúar.
Tónleikar í Skálholtskirkju
-og Víðistaðakirkju
Kolbeinn Bjamason flautuleikari og
Guðrún Óskarsdóttir semballeikari munu
halda tónleika í Skálholtskirkju föstu-
dagskvöldið 22. desember kl. 21:00 og í
Víðistaðakirkju í Hafnarfirði kl. 20:30 á
Þorláksmessukvöld.
Á efnisskránni verða verk eftir þýsk
barokktónskáld, þá Georg Philip Telem-
ann, Georg Friedrich Hándel og Johann
Sebastian Bach.
Laugardagsganga Hana nú
Laugardagsganga Hana nú í Kópavogi
verður á morgun 16. des. Lagt af stað frá
Digranesvegi 12 kl. 10:00.
f fréttatilkynningu frá Frístundahópn-
um Hana nú segir m.a.: „Nú er svartasta
skammdegi og jólaundirbúningur í há-
marki. Á jólunum eigum við friðarstund
í erli dagsins og þá þarf taugakerfið að
vera í jafnvægi og hugurinn hljóður og
opinn. Ekkert jafnast á við bæjarrölt og
samveru í Laugardagsgöngunni til að ná
þessu markmiði. Við hittumst upp úr
hálftíu til að drekka molakaffi og spjalla.
Setjið vekjaraklukkuna. Ekkert kyn-
slóðabil. Allir velkomnir."
Laug fyrir yngsta
fólkið í Breiðholti
í vetur verður gerð tilraun með að hafa
inni kennslulaugina í Breiðholtslaugopna
fyrir fólk með smábörn á sunnudögum.
Breiðabólsstaðprestakall
Húnavatnsprófastdæmi
Jóladagur: Hátíðarmessa í Víðidals-
tungukirkju kl. 14:00. Hátíðarmessa í
Breiðabólsstaðarkirkju kl. 16:00.
Annan dag jóla:
Hátíðarmessa í Vesturhópshólakirkju kl.
14:00. Hátíðarmessa í Tjarnarkirkju kl.
16:30. sr. Kristján Björnsson
Tónleikar í Norræna
húsinu á annan í jólum
Á annan í jólum kl. 16:00 munu þeir
Sigurður Halldórsson sellóleikari og Dan-
íel Þorsteinsson píanóleikari halda tón-
leika í Norræna húsinu. Þeir flytja Medit-
ation og Mássig schnell, munter eftir Paul
Hindemith, Sicilienne, Sérenade og
Élégie eftir Gabriel Fauré og Sónötu fyrir
Arpeggione eftir Franz Schubert.
Tónleikarnir hefjast kl. 16:00 og standa
yfir í u.þ.b. eina klukkustund.
llllllllllllllllllllllllllll MINNING llllllllllllllllllllllllllllllllllllllllllllllllllllllllllll
Anna Bergljót
Böðvarsdóttir
Fædd 19. júní 1917
Dáin 2. desember 1989
Okkur hættir til að hugsa til lið-
inna daga og rifja upp það sem liðið
er. Frekar situr það eftir sem okkur
þótti skemmtilegt. Einmitt það er
mér nú hugstætt.
Ég staldra við Alþingishátíðarár-
ið, árið 1930. Það er í minningu
minni mikil birta og fegurð því
samfara. Hátíðin á Þingvöllum. Þó
ætla ég ekki lengra en að Laugar-
vatni. Þar var á þeim tíma ný risin
Héraðsskóli Suðurlands. Þetta var
ævintýri líkast. Burstabyggingin stíl-
hreina sem féll svo vel inn í landslag-
ið, eitt af meistaraverkum Guðjóns
Samúelssonar. Ein af ám Lyngdals-
heiðar virkjuð, einnig jarðhitinn.
Húsið nýja baðað birtu og yl þeirra
auðlinda sem staðurinn hafði uppá
að bjóða.
Við, sem í fjarlægð bjuggum, þar
sem aflvæðing á borð við þetta var
fjarlægur draumur. Þarna gerðist
ævintýri.
Hvergi held ég samt að þetta hafi
breytt tilverunni jafn áhrifaríkt og á
þessum bóndabæ. Þá bjó þar hin
stóra fjölskylda Böðvars Magnús-
sonar og Ingunnar Eyjólfsdóttur,
sonurinn einn, dæturnar ellefu.
Flest voru þau enn í föðurgarði,
en ég ætla að minnast hér aðeins
einnar dóttur þeirra hjóna, þeirrar
næst yngstu, Önnu, sem var rétt
innan við fermingu þegar þetta var.
Ég býst við að þetta: Skólahús rís,
sem fyllist um leið af ungu fólki
komnu víðsvegar að, að þetta hafi
haft mótandi áhrif á þessa stelpu-
hnátu, sem virtist alla tíð eygja
aðeins það jákvæða í tilverunni.
Öldin er hálfnuð, margt hefur
breyst. Við litumst um á Laugar-
vatni. Skólum hefur fjölgað, heima-
vistarhúsum og íbúðarhúsum. Gamli
Laugarvatnsbærinn horfinn úr tún-
brekku þau Böðvar og Ingunn flutt
í Bjarkarlund, fyrsta eiginlega íbúð-
arhúsið á staðnum.
Aðeins eitt barna þeirra Böðvars
er búsett hér, það er hún Anna litla
sem var aðeins tólf ára í árdögum
skólahalds hér. Nú er hún gift kona
og á eina dóttur og tvo sonu. Maður
hennar Benjamín Halldórsson
trésmíðameistari frá Skaftholti í
Gnúpverjahreppi. Hann annast hús-
vörslu í hinu nýja menntaskólahúsi
er reis á hinu gamla bæjarstæði
Laugarvatns. Hann sér einnig um
framkvæmdir þar því húsið er í
byggingu. Anna og hennar fjöl-
skylda býr í kjallara Bjarkarlundar,
en fylgdist jafnframt með íbúum
hæðarinnar, foreldra sinna ef þau
þurfa á aðstoð að halda.
Það er svo með hvert byggðarlag
hversu lítið sem það er, að þá er það
heimur út af fyrir sig. Svo var það
með Laugardalinn. Landfræðilega
er sveitin lítil. En þegar skólar
spruttu upp á Laugarvatni fjölgaði
íbúum mjög.
Þá skapaðist um leið sú hætta að
sambandið milli Laugarvatns og
sveitarinnar rofnaði. Sú hætta að hin
ólíku viðhorf íbúanna til lífsviður-
værisins mynduðu hvort sinn farveg,
þar sem ríkið sá öðrum að mestu
fyrir nauðþurftum en gróðurmoldin
hinum.
Ég held ég halli ekki á neinn þótt
mér komi í hug Anna Böðvarsdóttir
sem nokkurskonar samnefnari fyrir
þessa tvo hópa. Hún hafði þann
eiginleikann að geta talað við hvern
sem var. Hún var líka í þeirri
aðstöðu að flestir þurftu á aðstoð
hennar að halda við símavörslu og
póstafgreiðslu. Þó held ég að það
hafi vegið þyngra skaplyndi hennar
og einurð. Það mætti segja um hana
líkt og skáldið á öðrum vettvangi, að
hún væri sjaldnast á báðum áttum.
Mér finnst líka eiga vel við hana
þetta sem Einar Kvaran leggur
Guðnýju á Selfossi í munn þegar
hún og Eysteinn eru í miklum vanda
gagnvart Lénharði. Hún segir: Þú
ert aldrei í vafa, þú veist ævinlega
hvað þú vilt. Svo kom Anna mér og
okkur hjónunum fyrir sjónir. Hvort
heldur var í félagsmálum eða á
öðrum vettvangi, en hún var mjög
virk í því að allir sveitungarnir ynnu
saman. Að kenna okkur þá lexíu að
öll værum við á sama báti, hver við
sitt starf og þörf fyrir alla.
Tíminn líður hann leiðir í ljós ný
og ný andlit, þau eru mis skír og mis
áhrifarík í samfélaginu. Það er svo
mikil fjölbreytni í mannfólkinu. En
Anna var þeirrar gerðar að enginn
kemst til samanburðar. Hún hafði
skopskyn í besta lagi og gat komið
hverjum og einum í gott skap ef þess
þurfti með. Hún hafði til að bera
persónu, sem gleymist ekki svo auð-
veldlega.
Það var í seinasta skiptið sem við
heimsóttum Önnu. Hún var orðin
máttfarin en hress í tali eigi að síður.
Hún rifjaði upp hið liðna, bollalagði
einnig hvað gera þyrfti þegar heim
kæmi, ef svo væri. Já, þetta ef sagði
allt það sem við þrjú hugsuðum.
Nú er hún Anna horfin okkur.
Það finnst þeim er þekktu hana best,
of fljótt. Hún minnti okkur alltaf á
sól og sumar. Á ferskleikann, gró-
andi þjóðlíf, vordaga 1930 þegar
burstirnar sex voru nýrisnar við
skógivaxna brekkurót Laugarvatns-
fjallsins.
Nú er skógurinn dapur. Lauf hans
er fallið og sameinast moldinni á ný.
Brátt kemur snjórinn og hreiðrar
um hin föllnu lauf og gróskuríku.
Umskipti eru mikil frá sumri til
vetrar. Það mætti halda að hinn
kaldi hrammur hafi hrifsað til sín líf
sumarsins. En við vitum betur. Við
vitum að hér er að verki hringrásin
eilífa, að næsta sumar verður
skógurinn okkar grænn á ný. Þetta
vekur okkur til umhugsunar um hið
stóra spursmál, dauðann. Hvað
hann er. Svarið höfum við ekki á
reiðum höndum, en trúin á fram-
haldið er rík í okkur, enda ber það
fyrir augu hvarvetna í tilverunni.
Við hjónin vottum Önnu Böðvars-
dóttur virðingu okkar og þökk og
sendum ykkur aðstandendum henn-
ar samúðarkveðjur.
Guð blessi ykkur, ‘
Ingimundur Einarsson.