Tíminn - 22.12.1989, Síða 16

AUGLYSINGASIMAR: 680001 —686300
RÍKISSKIP
NUTIMA FLUTNINGAR
Hatnarhúsinu v/Tryggvagötu,
________« 28822
PÓSTFAX
TÍMANS
687691
Utandagskrárumræða á Alþingi um blaðaviðtal við bandaríska
sendiherrann á íslandi. Forsætisráðherra segir:
Sendiherranum
urðu á mistðk
„Sendiherranum urðu á mistök. Því verður ekki neitað að
þetta gengur gegn ákvæðum Vínarsáttmálans, en þar segir:
„... á þeim hvílir einnig sú skylda að skipta sér ekki af
innanlandsmálum þess ríkis.“ Sendiherrann má að sjálfsögðu
ræða við ráðherra og hvern sem hann vill um þau ýmsu mál
sem varða samskipti hans þjóðar og þessa ríkis, en honum er
ekki leýfilegt að reyna að hafa áhrif opinberlega í umdeildum
málum.“
Þetta sagði Steingrímur Her-
mannsson forsætisráðherra f utan-
dagskrárumræðu á Alþingi í gær.
Hjörleifur Guttormsson alþingis-
maður hóf umræðuna og tilefnið var
viðtal sem birtist við Charles Cobb
sendiherra Bandaríkjanna á íslandi
í Morgunblaðinu 17. desember síð-
ast liðinn. Par segir sendiherrann
m.a. að hann vilji reyna að stuðla að
því að bandaríska álfyrirtækið Alu-
max komi inn í viðræðurnar um
byggingu nýs álvers á íslandi. Einnig
segir hann að mjög mikilvægt sé að
æ*s**c:
Nýbygging löggæslunnar við Gránugötuna á Siglufírði
Siglufjörður:
Bæjarfógetinn í nýtt hús
Fyrir skömmu var tekið í notkun
nýtt hús sem hýsa mun í framtíðinni
bæjarfógetaembættið á Siglufirði.
Nýja húsið er um 500 fermetrar að
stærð á tveimur hæðum. Húsið
stendur neðst við Gránugötuna og
er tilkoma þess mikil bylting fyrir
lögregluna í Siglufirði sem í mörg ár
hefur haft aðsetur í ónothæfu húsi
en fær nú alla neðri hæð nýja hússins
til afnota. Að sögn Erlings Óskars-
sonar bæjarfógeta á Siglufirði stóð-
ust allar tímaáætlanir varðandi bygg-
inguna. Húsið var afhent 1. nóv. sl.
og hafði þá verið 14 mánuði í
byggingu. Bæði húsi og lóð var
skilað algerlega full frágengnu og er
allur frágangur til fyrirmyndar af
hálfu verktaka sem var Byggingafé-
lagið Berg. Að sögn Erlings breytist
öll vinnuaðstaða starfsfólks emb-
ættisins með flutningi í þetta nýja
aðsetur. Hjá embættinu starfa að 5
fastráðnum lögreglumönnum með-
töldum 10 manns um þessar mundir
en mun fjölga um einn eftir áramótin
þegar sjúkratryggingarnar flytjast
yfir til þess opinbera. -Ö.Þ.
tekin verði ákvörðun um byggingu
alþjóðlegs varaflugvallar á íslandi.
Forsætisráðherra sagði að vara-
flugvallarmálið væri viðkvæmt deilu-
mál hér á landi og því væri fullkom-
lega óeðlilegt af sendiherranum að
tjá sig um það á opinberum vett-
vangi.
Steingrímur sagðist mundu ræða
þetta mál við utanríkisráðherra þeg-
ar hann kemur til landsins og sér
fyndist sjálfsagt að ræða þetta við
sendiherrann og benda honum á að
þarna hefði hann gengið of langt.
-EÓ
DAGAR TIL JOLA
ríminn
FÖSTUDAGUR 22. DESEMBER 1989

Ólafur G. Einarsson.
Guðrún Helgadóttir.
Guðrún kveðst ekki munu erfa við
sjálfstæðismenn þung orð þeirra:
Örlaði á iðrun
Ólafur G. Einarsson, formaður
þingflokks sjálfstæðismanna, sagði
í gær að í ávarpi forseta sameinaðs
Alþingis við upphaf þingfundar í
gær hafi örlað á iðrun af hennar
hálfu og þó sjálfstæðismenn væru
ekki sáttir við að hún hafi ekki
beðist afsökunar myndu þeir láta
við það sitja.
Þannig mun úr sögunni deila
sjálfstæðismanna við Guðrúnu
vegna ummæla Guðrúnar í út-
varpsfréttum í vikunni þess efnis
að sjálfstæðismenn væru að tefja
þinghald, en fyrir þau hefur hún
verið krafin um afsökunarbeiðni.
Það sem Gurún Helgadóttir
sagði við upphaf þingfundar í gær
var að forseti ætti að vera talsmað-
ur þingsins og til þeirra væri leitað
varðandi verkstjórn og framvindu
mála á Alþingi. Benti hún á að hún
hafi áður gagnrýnt ríkisstjómina
fyrir að leggja mál sín seint fyrir og
ummæli hennar um Sjálfstæðis-
flokkinn hafi ekki af ásetningi
verið sögð til að valda flokknum
sárindum. Guðrún sagði að um-
ræðan sem fram fór á Alþingi um
málið haft hins vegar verið „langt
umfram tilefni“ og þung orð hafi
fallið. „Forseti mun ekki erfa það
og vonar að hið sama gildi um
umrætt viðtal,“ sagði Guðrún
Helgadóttir. -BG
Þyrlan vill
ekki í gang
Sex menn hafa verið strandaglóp-
ar við Eiríksnípu, við Blautakvíslar-
eyrar suðvestur af Hofsjökli síðan á
miðvikudagsmorgun, en þangað
fóru þeir með þyrlu til rjúpnaveiða.
Þegar mennirnir hugðust snúa til
byggða fór þyrlan ekki í gang. Þyrla
frá Landhelgisgæslunni fór með nýj-
an rafgeymi til mannanna í fyrradag
en þyrlan fór samt ekki í gang. í gær
fóru menn á tveimur sérútbúnum
bílum inn að Eiríksnípu með stærri
geymi. Við fyrstu tilraun fór þyrlan
ekki í gang, en hætt var við frekari
tilraunir til að gangsetja hana vegna
þess að vindur var orðinn það hvass
Borgarstjóm samþykkir nýja gjalddaga fasteignaskatta:
Gjalddagar verða þrír
Borgarstjórn samþykkti í gær að
tillögu borgarráðs að gefa greið-
endum fasteignagjalda í Reykjavík
kost á að gera skil á fasteignagjöld-
um á árinu 1990 með þrem jöfnum
greiðslum á gjalddögum 15. janú-
ar, 1. mars og 15. apríl.
Sigrún Magnúsdóttir borgarfull-
trúi Framsóknarflokksins lagði
fram breytingartillögu þarsem gert
var ráð fyrir að greiðendur ættu
þess kost að inna gjöldin af hendi
með sjö jöfnum greiðslum. Fyrstu
þrír gjalddagarnir skyldu vera þeir
sömu og í tillögu borgarráðs en
auk þess yrðu gjalddagar 1. júní,
15. júlí, 1. sept., og 15. október.
Breytingartillaga Sigrúnar var
felld.
Auk gjalddaga fasteignagjalda
samþykkti borgarstjórn í gær hlut-
fall lóðaleigu eftir íbúðarhúsalóðir
af fasteignamatsverði. Verður það
0,145%. -sá
að varla var stætt. f gærkvöldi var
unnið að því að binda þyrluna fasta
við jörðina.
Ekki væsir um mennina sem enn
eru hjá þyrlunni því þeir eru í góðu
yfirlæti í skála Ferðaklúbbsins 4x4
suðvestan við Eiríksnípu. - EÓ
Blvsför
Næst komandi laugardag, Þor-
láksmessu, gengst Samstarfshópur
friðarsamtaka fyrir blysför niður
Laugaveg í Reykjavík. Gangan hefst
við Hlemm kl 18.00 og endar í
Lækjargötu fyrir framan Torfuna.
í fréttatilkynningu frá friðarhreyf-
ingunum segir:
„Friðarganga hefur verið farin á
Þorláksmessu á hverju ári nú um
árabil. Um þessi jól eru horfur í
heiminum friðvænlegri en mörg
undanfarin ár. Dregið hefur úr vær-
ingum milli austurs og vesturs og
góðar horfur eru á að dregið verði
úr herafla og vopnasmíði stórveld-
anna. Þó má ekki gleyma því að enn
er víða barist og þjóðir og kynþættir
í mörgum löndum búa við kúgun og
harðrétti. - EO