Tíminn - 10.01.1990, Blaðsíða 2

2‘Tímihn
Miðvikudagur 'tÖ.'janöar'l'990
Næg verkefni eru fyrir íslensk fiskiskip í S-Ameríku:
Munu íslenskir
togarar veiða
við Kólumbíu?
Mikill áhugi er meðal Kólumbíumanna á að fá íslenska
togara til að hefja fiskveiöar við strendur Kólumbíu. Þar er
góð fiskimið sem hingað til hafa verið nær ekkert nýtt vegna
þess að skort hefur hentug fiskiskip til veiðanna. íslenskir
útgerðarmenn hafa enn sem komið er ekki sýnt mikinn áhuga
á að hefja veiðar þar syðra, en Norðmenn munu vera tilbúnir
til að senda fiskiskip á staðinn.
Það er fyrirtækið Nýdana sem
hefur verið að kanna á hvern hátt
íslendingar geti aðstoðað Kól-
umbíumenn við fiskveiðar og
vinnslu. Forráðamenn fyrirtækisins
fóru til Kólumbíu á síðasta ári og
skoðuðu þar fiskiskip og fiskvinnslu-
hús og ræddu við heimamenn. Áhugi
þarlendra á samstarfi við íslendinga
var mjög mikill, einkum þá á að fá
skip frá íslandi og á að nýta sér
þekkingu íslendinga á fiskveiðum
og fiskvinnslu. Eftir að heim kom
samdi Nýdana skýrslu um möguleika
íslendinga á fiskveiðum og fisk-
vinnslu í samvinnu við Kólumbíu-
búa. Skýrslan hefur m.a. verið send
sjávarútvegsráðuneytinu.
Við strendur Kólumbíu eru auðug
fiskimið sem hingað til hafa verið
vannýtt að verulegu leyti. Kól-
umbíumenn veiða nær eingöngu fisk
á grunnslóð, en þá skortir algerlega
fiskiskip til að veiða á djúpslóð.
Talið er að íslenskir togarar henti
mjög vel til veiða á þeim miðum.
Forráðamenn Nýdana hafa haft uppi
hugmyndir um að fá íslenska togara,
sem sumir hverjir hafa takmörkuð
verkefni hér heima, til að hefja
veiðar við strendur Kólumbíu. Mik-
ill áhugi mun vera hjá Kólumbíu-
mönnum á fá togarana til sín. Enn
sem komið er hefur ekkert útgerðar-
félag á íslandi sýnt áhuga á að leigja
togara til veiðar til Kólumbíu. Áhugi
mun þó vera fyrir hendi hjá Norð-
mönnum og er talið vel hugsanlegt
að norskir togarar muni fara til veiða
við strendur Kólumbíu fyrir milli-
göngu Nýdana. -EÓ
Fundur formanna og framkvæmdastjóra bænda-
samtakanna í EFTA-löndunum. Óánægöirmeö að
hafa ekki þátttökurétt í viðræðum EFTA við EB:
EFTA-bændur
vara við
hrossakaupum
Fundur formanna og fram-
kvæmdastjóra bændasamtakanna í
EFTA-löndunum sem haldinn var
fyrir nokkru, varar við því að
stunduð séu hrossakaup með hags-
muni landbúnaðarins til þess að ná
betri samningum fyrir aðrar at-
vinnugreinar, í samningum á milli
EFTA og EB. í þessu sambandi
gera bændur þá 'kröfu að hafa
þátttökurétt í viðræðum og undir-
búningsvinnu þar að lútandi. Fund-
urinn hafnaði einni landbúnaðar-
stefnu fyrir Evrópu í framtíðinni.
Það voru sænsku bændasamtök-
in LRF sem boðuðu til fundarins,
en hann var haldinn í Stokkhólmi
í byrjun desember s.l., en hann
sátu fulltrúar frá samtökum bænda
í Finnlandi, Austurrxki, Noregi,
íslandi, Sviss og Svíþjóð. Tvö meg-
in efni fundarins voru viðræður um
GATT-samningana, þar sem nið-
urstaðna er að vænta í lok þessa
árs, og gangur mála varðandi sam-
vinnu EFTA og EB.
Lýst var yfir stuðningi við það
markmið GATT-viðræðnanna að
greiða fyrir verslun með matvæli,
jafnframt varað við þeirri stefnu
sem viðræðurnar hafa tekið að
undanförnu, þ.e. hve sjónarmið
verksmiðjubúskapar og afurðafyr-
irtækja virðast vega þungt á móti
sjónarmiðum bænda. Þá var undir-
strikað það viðhorf, að landbúnað-
ur væri ekki eingöngu matvæla-
framleiðsla, heldur væri einnig um
að ræða viðhald byggðar. í ljósi
þessa lýsti fundurinn yfir óánægju
með það að viðræður EFTA og EB
væru að mestu í höndum embættis-
manna. Framtíð byggðar og at-
vinnulífs sé pólitískt mál og því
beri stjómmálamönnum einnig að
annast viðræðurnar axla ábyrgðina
af niðurstöðum þeirra. -ÁG
Stjórn fulltrúaráðs verkalýðsfélaganna í Hafnarfirði sendir frá sér harðorða
yfirlýsingu um byggingu verkamannaíbúða í Hafnarfjarðarbæ:
Neyð í húsnæðismálum
Fulltrúaráð verkalýðsfélaganna í
Hafnarfirði hefur sent frá sér harð-
orða yfirlýsingu, þar sem algert
neyðarástand er sagt ríkja í húsnæð-
ismálum þeirra 200 fjölskyldna sem
eru á biðlista verkamannaíbúða þar
í bæ. Stjórn fulltrúaráðsins fordæmir
vinnubrögð stjórnvalda í þessum
efnum og sakar þau um svik á
gefnum loforðum um fjármagn til
byggingu verkamannaíbúða.
I yfirlýsingunni er m.a. minnt á
loforð er gefin voru af stjórnvöldum
árið 1986, þar sem því var heitið að
200 milljónum yrði veitt aukalega til
Byggingarsjóðs verkamanna og að
raungildi framlaga til sjóðsins
myndu síðan halda sér, svo fremi
sem þörf væri á.
„Aldrei hefur verið staðið við
fyrirheitið um 200 milljónirnar, hvað
þá heldur við raungildið, þó full þörf
hafi verið á allan þann tíma, sem
liðinn er,“ segir í yfirlýsingu fulltrúa-
ráðsins.
Þær kröfur eru settar fram til
úrbóta, að stjórnvöld tryggi nægjan-
legt fjármagn hjá Byggingarsjóði
verkamanna til að útrýma slíku
ástandi sem ríkir nú í Hafnarfirði.
Verði ríkisvaldið ekki við þeirri
kröfu er farið fram á það við Hafn-
arfjarðarbæ, að hann í samráði við
Stjórn verkamannaíbúða í Hafnar-
firði, geri raunhæfa áætlun um að
útrýma þeim húsnæðisvanda sem
fyrir hendi er, á tveimur til þremur
árum. -ÁG
Breiðabólsstaður í Vestur-Húnavatnssýslu
auglýstur á nauðungaruppboði:
Kirkjujörðin Breiðabólsstað-
ur í V-Húnavatnssýslu er auglýst
á nauðungaruppboði í nýjasta
hefti Lögbirtingarblaðsins.
Kröfuhafi er Stofnlánadeild
landbúnaðarins, en Breiðaból-
staður er eign Kirkjugarðasjóðs.
Um er að ræða 2,8 milljón
króna skuld, sem nú er gjaldfall-
in.
Að sögn Þorleifs Pálssonar hjá
dómsmálaráðuneytinu er þetta mál
til komið vegna skulda sem ábúandi
jarðarinnar stofnaði til fyrir all
mörgum árum síðan. Honum var á
sínum tíma veitt heimild af ráðu-
neytinu til þess að láta taka veð í
jörðinni, vegna byggingu gripahúsa,
en ekki er unnt að taka veð í
framkvæmdunum sjálfum í tilfellum
sem þessum. Hér mun ekki vera um
einsdæmi að ræða, því yfirleitt er
ábúendum ríkisjarða slík heimild og
eru þá framkvæmdir viðkomandi
baktrygging ráðuneytisins fyrir veð-
inu. Að sögn Þorleifs hefur þetta
mál ekki verið skoðað sérstaklega
hjá dómsmálaráðuneytinu, en það
verður gert á allra næstu dögum.
Breiðabólsstaður í Vesturhópi er
fornt höfuðból, m.a. þekkt fyrir að
þar voru íslensk landslög fyrst færð
í letur árið 1117. Þá er staðurinn
einnig þekktur fyrir að þangað var
flutt fyrsta prentsmiðja á Islandi, sú
er Jón biskup Arason fékk til Hóla í
Hjaltadal árið 1530, en hún var flutt
að Breiðabólsstað árið 1535, þegar
séra Jóni Matthíassyni prentara var
veittur staðurinn. -ÁG
Frá vinstri, dr. Þorsteinn Helgason, prófessor og forseti verkfræðideildar, Sigurjón Þorvaldur Árnason,
verkfræðinemi, frú Vigdís Finnbogadóttir, forseti íslands og dr. Sigmundur Guðbjarnason, rektor.
Einstakt námsafrek
Forseti íslands, frú Vigdís Finn-
bogadóttir, hefur veitt Sigurjóni
Þorvaldi Árnasyni, verkfræðinema,
námsstyrk að upphæð 60 þúsund kr.
úr Minningarsjóði Þorvalds Finn-
bogasonar stúdents. Afhendingarat-
höfnin átti sér stað í Skólabæ, mót-
tökustað Háskóla íslands, að við-
stöddum föstum kennurum verk-
fræðideildar ásamt mökum þeirra og
öðrum gestum.
Minningarsjóður Þorvalds Finn-
bogasonar stúdents var stofnaður af
Finnboga Rúti Þorvaldssyni, próf-
essor, og konu hans Ástu Sigríði
Eiríksdóttur til minningar um son
þeirra, sem lést á tuttugasta aldurs-
ári. Tilgangur sjóðsins er að styrkja
stúdenta til náms við verkfræðideild
Háskóla íslands eða til framhalds-
náms í verkfræði við annan háskóla.
Á undanförnum árum hefur styrk-
þegi sjóðsins verið sá verkfræðinemi
á fjórða námsári, sem náð hefur
bestum heildarárangri.
Sigurjón Þorvaldur Árnason
stundar nám í vélaverkfræði. Hefur
hann lagt mikla alúð við nám sitt,
enda náð þeim einstaka árangri að
hafa meðaleinkunn 9.41 að loknum
80 námseiningum af þeim 120, sem
þarf til að Ijúka lokaprófi í verk-
fræði. Er þetta betri árangur en
nokkur þeirra 507 verkfræðinga,
sem þegar hafa útskrifast með loka-
próf frá Háskóla íslands, hefur náð
á sama stigi.
Sigurjón hefur tekið mikinn þátt í
félagsmálum stúdenta. Þannig var
hann á síðasta skólaári formaður
félags verkfræðinema og sat sem
slíkur í deildarráði verkfræðideildar.
Nú á hann sæti sem fulltrúi stúdenta
í háskólaráði.
6% aukning
hjá Eimskip
Á síðasta ári voru heildarflutn-
ingar Eimskips 966 þúsund tonn,
sem er 6% aukning frá árinu á
undan. Um 3% samdráttur varð
í innflutningi stykkjavöru, en
nokkur aukning í útflutningi,
stórflutningi, strandflutningi og
flutningi erlendis.
Um vöruafgreiðslu félagsins í
Sundahöfn voru fluttar 102 þús-
und gámaeiningar, sem er 3%
aukning frá árinu á undan og er
það í fyrsta sinn, sem gámafjöld-
inn fer yfir hundrað þúsund ein-
ingar.
Rekstrartekjur á árinu 1989
námu um sex milljörðum króna,
sem er 24% aukning frá árinu á
undan. Hækkun byggingavísitölu
milli áranna 1988 og 1989 var
22% og hafa því tekjur aukist að
raungildi um tæplega 2%.
Eimskip var í árslok með 15
skip í föstum rekstri. Níu skip eru
í eigu félagsins og dótturfyrir-
tækja þess, fimm eru á þurrleigu
með íslenskum áhöfnum og eitt
er í tímaleigu með erlendri áhöfn.
Breytt númer
í Danmörku
Símanúmer í Danmörku
breyttust í maí síðastliðnum en
breytingin gekk endanlega í gildi
í upphafi þessa mánaðar. Hefur
hún það í för með sér að þegar
hringt er til Danmerkur koma á
eftir landsnúmeri átta tölustafa
símanúmer (sfmanúmer án
svæðisnúmers).
í flestum tilvikum hefur einn
tölustafur bæst við fyrir framan
gömlu númerin. Nánari upplýs-
ingar fást í síma 08.
Stofnlánadeild
hyggst bjóða
upp kirkjujörð