Tíminn - 24.01.1990, Blaðsíða 3

Miðvikudagur 24. janúar 1990
Tíminn 3
Steingrímur Hermannsson.
Kjarasamningar
til umræðu á
ríkisstjórnarfundi:
Ekkert
svigrúm
Kjarasamningaviðræður aðila
vinnumarkaðarins komu til umræðu
á fundi ríkisstjómarinnar í gærmorg-
un. Að sögn Steingríms Hermanns-
sonar forsætisráðherra var farið al-
mennt yfir stöðuna og reynt að gera
sér grein fyrir hver hún væri. „Staðan
var rædd með tilliti til þess að í
ríkissjóð er ekkert að sækja að þessu
sinni,“ sagði Steingrímur.
Er talið að ríkisstjómin þurfi
eitthvað að koma inn í samningana,
til að liðka fyrir? „Ríkissjóður hefur
ekkert bolmagn til þess og getur í
raun lítið sem ekkert orðið, nema
menn vilji hækka skatta á móti,“
sagði Steingrímur.
Engin beiðni hefur komið frá
aðilum vinnumarkaðarins um aðild
ríkisstjórnarinnar að samningamál-
um. Steingrímur sagði að ef aðilar
að kjarasamningum óskuðu eftir við-
ræðum við ríkisstjómina, þá yrði
vissulega orðið við því. Ef einhverjar
kröfur væm, þá yrði að ræða þær
sagði forsætisráðherra, en benti á að
staðreyndin væri sú að svigrúmið
væri ekkert. -ABÓ
Skemmtanir og læknisvitjanir aðalerindi landsbyggðarmanna til Reykjavíkur:
Innkaupaferðir til
borgarinnar fátíðar
Skemmtiferð og/eða heimsókn til vina og ættingja er oftast
aðalástæöan fyrir Reykjavíkurferð fólks úti á landi, sam-
kvæmt könnun sem um tugur nemenda í raunvísindadeild
Háskólans gerði í desember s.l. á sex þéttbýlisstöðum á
landinu. Næst algengasta erindi landsbyggðafólks er að leita
læknis/tannlæknaþjónustu. Frá Selfossi og Akranesi er sá
hópur stærstur sem heimsækir höfuðborgina mánaðarlega,
frá Patrcksfirði, Akureyri og Höfn fjórum sinnum á ári, en
algengast er að Seyðfirðingar fari einu sinni á ári til
höfuðborgarinnar.
Lundsmeðaltal miðað við niðurstöðu af könnun á sex stöðum á landinu. Efra
línuritið sýnir svör fólks um hve oft á ári það farí til Reykjavíkur og hið neðra
aðalmarkmið ferðarinnar.
Að Selfyssingum frátöldum var
fremur fátítt að verslun væri aðaltil-
gangur Reykjavíkurferða og þeim
mun síður sem fólk býr lengra frá
borginni. Einna helst er að fólk
kaupi sér fatnað og skó í Reykjavík.
Svipað gilti um jólainnkaupin; fáir
höfðu/hugðust gera þau í Reykjavík,
utan drjúgur hluti fólks á Selfossi og
rúmlega fimmti hver Hornfirðingur.
Af hverju Selfyssingar?
Athygli vekur sá mikli munur sem
fram kom í svörum fólks frá Akra-
nesi annars vegar og Selfossi hins
vegar, þegar haft er í huga hve
Reykjavíkurferðir eru auðveldar frá
báðum þessum stöðum. Af svörum
fólks á Selfossi má ætla að verslanir
á Suðurlandi missi töluverð viðskipti
„suður“. Fólk á Selfossi fer að
jafnaði mánaðarlega eða meira til
Reykjavíkur, þar af í þriðja hvert
skipti fyrst og fremst í verslunarferð.
Jólainnkaup ætluðu sömuleiðis um
40% þeirra að gera í Reykjavík.
Fólk á Akranesi fer hins vegar lang
oftast „suður“ til að skemmta sér.
Aðeins um 10% ferða frá Akranesi
eru verslunarferðir, eða álíka hlut-
fall eins og meðal fólks frá Patreks-
firði, en mun lægra hlutfall en af
ferðum Hornfirðinga (15%).
Engin verslunarferð
frá Seyðisfirði
Frá Seyðisfirði fara menn sjaldn-
ast til Reykjavíkur, um 40% þeirra
einu sinni á ári og álíka stór hópur
tvisvar til fjórum sinnum á ári. Um
6. hver fer hins vegar aðeins 2. eða
3. hvert ár og ennþá sjaldnar. Um
helmingur ferða Seyðfirðinga eru
skemmtiferðir og flestar hinna til
þess að leita læknisþjónustu. Inn-
kaup voru í engu tilfelli aðalástæða
Reykjavíkurferðar og enginn þeirra
sem könnunin náði til hugði á jóla-
innkaup í Reykjavík.
Hvað varðar ferðamátann fóru
um 3 af hverjum 4 Seyðfirðingum
með flugi. Seyðisfjörður var eini
staðurinn þar sem meira en helming-
ur allra Reykjavíkurferða er með
flugvél.
Hverja flytur Selfossrútan?
Hornfirðingar virðast þeir einu
sem nota rútuferðir að einhverju
marki. Um 10% þeirra kváðust síð-
ast hafa farið með rútu. Hins vegar
vekur athygli að á Selfossi hittu
„könnuðir" ekki á nokkurn mann
sem notfærði sér tíðar rútuferðir til
Reykjavíkur. Og hið sama er að
segja um fólk á Akranesi, en þar
hafði Akraborgin hins vegar 40%
hlutfall. Frá Patreksfirði og Akur-
eyri höfðu rúturnar um 3% hlutfall
ferða.
Flestir fjórum sinnum á ári
Þegar myndað er „landsmeðaltal“
úr könnuninni allri verður niðurstað-
an m.a. sú að stærsti hópurinn
(28-29%) fer um 4 sinnum á ári til
Reykjavíkur. Þeir hópar eru svo
álíka stórir (um 20% í hverjum) sem
fara mánaðarlega, tvisvar á ári og
einu sinni á ári.
I um 40% tilvika er skemmtun
aðaltilefni ferðarinnar, um 25% eru
fyrst og fremst ferðir í lækniserind-
um og rúmlega 10% eru verslunar-
ferðir.
Um 60% allra ferðanna voru í
einkabíl, um 30% með flugvél, um
7-8% með skipi (Akraborg) og að-
eins um 2-3% með áætlunarbílum.
f könnun þessari var úrtakið 28
manns á hverjum stað og valið
þannig að hringt var í tíunda hvern
símnotanda í símaskránni. - HEI
Nýtt íslenskt verk
í Borgarleikhúsinu
Næstkomandi föstudag verður
frumsýnt á stóra sviði Borgarleik-
hússins, nýtt íslenskt leikrit eftir
Ólaf Hauk Símonarson. Leikritið
heitir Kjöt og gerist í kjötverslun í
Reykjavík árið 1963 - um þær
mundir sem æskulýðurinn var að
heillast af Bítlunum frá Liverpool
- en gömlu braggahverfin frá
stríðsárunum settu enn svip sinn á
höfuðstað íslands.
Það er Sigrún Valbergsdóttir
sem leikstýrir verkinu, Messíana
Tómasdóttir gerir leikmynd og
búninga og Egill Örn Arnason
hannar lýsingu.
Þröstur Leó Gunnarsson leikur
Aðalstein verslunarstjóra, Hanna
María Karlsdóttir leikur móður
hans. Þær Ragnheiður Elfa Arnar-
dóttir og Elva Ósk Ólafsdóttir fara
með hlutverk afgreiðslustúlkna.
Árni Pétur Guðjónsson og Stefán
Jónsson leika aðstoðarmenn í
versluninni. Þorsteinn Gunnarsson
leikur kaupmanninn Magna. Stef-
án og Elva Ósk stíga nú sín fyrstu
skref á sviði Borgarleikhússins, en
þau útskrifuðust frá leiklistarskól-
um síðastliðið vor. -EÓ
Elva Ósk Ólafsdóttir og Þröstur
Leó Gunnarsson í hlutverkum
Halldór Ásgrímsson sjávarútvegs-
ráðherra um áskorun loðnusjómanna:
Ekki staðið til
að veita leyfi
Áhafnir 40 loðnuskipa sendu
skeyti til sjávarútvegsráðherra í gær,
þar sem skorað er á hann að veita
ekki erlendum skipum leyfi til loðn-
uveiða sunnan þeirra marka sem
áður hafaverið ákveðin, þ.e. sunnan
við 64. gráðu. Halldór Ásgrímsson
sjávarútvegsráðherra sagði í samtali
við Tímann í gær að ef leitað hefði
verið upplýsinga í ráðuneytinu,
hefði skeytið reynst óþarft, enda
ekki staðið til að leyfa erlendum
skipum veiðar sunnan markanna.
Halldór sagði að samkvæmt þeim
samningi sem gerður var um loðnu-
veiðarnar á síðasta ári, var skipum
þessara þjóða óheimilt að veiða
sunnan við 64. gráðu. „Það hefur
aldrei staðið til að breyta því,“ sagði
sjávarútvegsráðherra. Norðmenn
hafa spurst óformlega fyrir um það
hvort hægt væri að fá að veiða
sunnan markanna. Halldór sagði að
svör ráðuneytisins hefðu verið þau
að slíkt kæmi ekki til álita. „Þannig
að ef við hefðum verið spurðir um
þetta mál, þá á ég von á því að skeyti
þetta hafi reynst óþarft,“ sagði
Halldór.
Loðnusjómenn segja í skeytinu
að með því vilji þeir vekja athygli á
því að loðnan gangi í þéttum torfum
vestur með suðurströndinni og er þá
á mjög litlu svæði. „Óttumst við að
það muni skapast algjört öngþveiti á
miðunum sem myndi leiða til
árekstra, tjóns og jafnvel slysa,“
segir í skeytinu. -ABÓ
Borgaraflokkurinn
í Reykjavík:
Ekki fram
með öðrum
Stjórn kjördæmisfélags Borgara-
flokksins í Reykjavík telur ekki
grundvöll fyrir sameiginlegu fram-
boði í Reykjavík með öðrum
flokkum. Ályktun þessa efnis var
samþykkt samhljóða á fundi stjórnar
kj ördæmisfélagsins.
í ályktuninni segir ennfremur að á
næstu vikum og mánuðum verði
haldið áfram þeirri vinnu sem þegar
er hafin og beinist að því að bjóða
fram sér lista í komandi borgar-
stjórnarkosningum undir nafni
Borgaraflokksins. -ABÓ