Tíminn - 27.02.1990, Blaðsíða 16
MAR: 680001 — 686300
RÍKISSKIP
NÚTÍMA FLUTNINGAR
Halnorhúsinu v/Tryggvogötu,
S 28822
SAMVINNUBANKINN
í BYGGÐUM LANDSINS
PÓSTFAX
TÍMANS
687691
Múlakaffi
ALLTAF í LEIÐINNI
O 37737 38737
Tíniiiin
ÞRIÐJUDAGUR 27. FEBRÚAR 1990
Hjónin á Hofi í Öræfasveit urðu að láta skipta um símanúmer á bænum eftir
leitina að Bretanum er varð úti á dögunum:
Fengu ekki sveínfrið
fyrir dulspöku fólki
Eins og flesta eflaust rekur minni til varð breskur maður
úti á Öræfum í síðasta mánuði. Seinasti viðkomustaður
mannsins áður en hann lagði til fjalla var bærinn Hof í
Öræfasveit. Eftir að leit hófst að Bretanum, hringdi síminn
á Hofl, jafnt daga sem nætur, en þar var á ferðinni fólk,
sem taldi sig hafa séð í draumi hvar maðurinn væri niður
kominn. Hjónin á bænum urðu fyrir talsverðu ónæði af
þessum sökum og þegar símhringingar héldu áfram eftir að
maðurinn fannst var gripið til þess ráðs að skipta um
númer.
Síminn var þó ekki lokaður
nema í tvo daga og eftir að upp-
runalega númerið var tengt aftur
var ónæðið úr sögunni. Að sögn
Ara Magnússonar, bónda á Hofi,
voru konur í meirihluta þeirra sem
hringdu. Lögreglan á Höfn í
Hornafirði, sem formlega stjórnaði
leitinni að Bretanum, varð ekki
fyrir ónæði af völdum fólks er taldi
sig berdreymið, eða gætt skyggni-
gáfu.
Sérstakur madur í
yfirskilvitlegu deildina
Hér er alls ekki um einsdæmi að
ræða. Tíminn hafði samband við
björgunarsveitina Ingólf í Reykja-
vík og þar fengust þau svör að
algengt væri að fólk, sem teldi sig
hafa dreymt fyrir þvt hvar týndir
einstaklingar væru niður komnir,
hefði samband við björgunarsveit-
irnar, eða lögregluna. Og það sem
meira er í all nokkrum tilfellum
hafa menn getað gengið beint að
þeim sem leitað hefur verið að eftir
slíkri leiðsögn. Mest er um að fólk,
sem telur sig gætt, eða er gætt
dulrænum hæfileikum, hafi sam-
band þegar sjóslys verða. í þeim
tilfellum sem vísað er rétt á týnt
fólk, er oftast um að ræða skyld-
menni þess, sem segja að viðkom-
andi hafi vitjað sín í draumi og sagt
til um hvar það er niður komið, lífs
eða liðið.
Vísbendingar sem þessar hafa
verið það marktækar að menn telja
sig ekki komast hjá því að hlusta á
þær. Þannig er komið inn á þessi
mál á námskeiðum björgunarsveit-
anna og stuttur kafli um þau í
lesefni sem þátttakendur fá í
hendur. Dragist leit á langinn er
vanalega settur einn maður hjá
svæðisstjórn björgunarsveitanna í
að taka við símtölum frá ber-
dreymnu fólki. Þetta á sérstaklega
við þegar um landleit er að ræða,
en þegar á líður geta borist þetta
25 til 30 símtöl frá fólki sem telur
sig hafa fengið vitneskju um þá
sem leitað er að á yfirskilvitlegan
hátt.
Var Bretinn berklaveikur?
Enn eru atriði sem ekki eru
komin á hreint í sambandi við
Bretann sem varð úti á Öræfum.
Lyf við berklaveiki fundust á
manninum, en Tímanum er ekki
að fullu kunnugt um hvort maður-
inn var haldinn berklaveiki eða
ekki. Þá fannst viðlegudýna er
hafði verið í fórum mannsins í gili
þar sem snjóflóð hafði fallið. Ekki
er ljóst hvort maðurinn hefur lent
í snjóflóðinu sjálfur, eða misst
dýnuna á þessum slóðum áður en
það féll. Þó er seinni kosturinn
talinn líklegri, en eflaust fæst aldrei
að fullu úr því skorið. -ÁG
Á myndinni að ofan frá vinstri Rúna Kristinsdóttir, Elísa Arnardóttir og Helga Björg Hermannsdóttir.
Tímamynd Pjetur.
Kauptilboð í Risið, húseign Alb.
Á fundi Félags eldri borgara í
Reykjavík, sem haldinn var s.l.
sunnudag, kom fram að Reykja-
víkurborg hefur gert tilboð í Risið
á Hverfisgötu með það fy rir augum
að Risið verði í framtíðinni nýtt
undir starfsemi félagsins. Tilboðið
var gert á föstudag, en því hefur
ekki enn verið svarað.
Það er Alþýðubandalagið sem á
húseignina Risið, ekki hefur feng-
ist upp gefið upp á hvað tilboðið
hljóðaði. Það er á hinn bóginn ljóst
að Alþýðubandalagið mun hafa
fullan hug á að selja þetta húsnæði.
Þó svo að Reykjavíkurborg leggi
formlega fram þetta tilboð, er það
gert í samráði við Félag cldri
borgara í Reykjavík og kveður á
um að borgin greiði 40% kaup-
verðs, en eldri borgarar 60%. Gert
er ráð fyrir að borgin sjái alfarið
um útborgun, ef af kaupunum
verður, en félagði greiði síðan
afgang kaupverðsins með skulda-
bréfi.
Hugmyndir voru uppi um að
leggja niður félagsmiðstöðina
Tónabæ og koma starfsemi eldri
borgara fyrir í því húsnæði, en frá
því hefur verið horfið. { staðinn er
nú gert tilboð í Risið. Samkvæmt
heimildum Tímans eru ekki allir
sammála um að húsnæðið við
Hverfisgötu henti undir starfsemi
Félags eldri borgara í Reykjavík,
en Risið er staðsett á fimmtu hæð
hússins númer 105 við Hverfis-
götuna. - ÁG
Handknattleikur:
Þrír drengir bætast
í „landsliðshópinn"
Það hefur heldur betur fjölgað í
landsliðsfjölskyldunni að undan-
förnu, því eiginkonur þriggja lands-
liðsmanna hafa orðið léttari nú á
síðustu vikum. Það eru þær Rúna
Kristinsdóttir eiginkona Einars Þor-
varðarsonar sem ól 52 sm og 15
marka sveinbarn 30. janúar. Elísa
Arnardóttir eiginkona Bjarka Sig-
urðssonar sem ól 53 sm og 16 marka
sveinbarn 19. febrúar og Helga
Björg Hermannsdóttir eiginkona
Guðmundar Guðmundssonar, en
hún ól 52 sm og 16 marka sveinbarn
9. janúar.
Blaðamaður Tímans átti stutt
spjall við hinar nýorðnu mæður og
spurði fyrst hvernig undirbúningur
landsliðsins og meðganga og fæðing
sveinanna hefði farið saman?
„Ég var mest hrædd um að ná
þessu ekki áður en þeir fóru út, það
munaði svo litlu,“ sagði Elísa eigin-
kona Bjarka, sem fæddi þeirra fyrsta
barn fyrir aðeins 9 dögum.
„Þetta var nú hálfgerð kómedía
hjá mér, Einar lá á Landspítalanum
með nýrnasteinakast og ég lá á
fæðingadeildinni," sagði Rúna eigin-
kona Einars.
Hún gekk ekki alveg þrautalaust
fæðingin hjá Helgu eiginkonu Guð-
mundar, það fóru hátt í 3 dagar í það
að koma drengnum, sem er þeirra
fyrsta barn í heiminn.
Hinar nýorðnu mæður voru sam-
mála um það að feðurnir misstu af
mikilvægum tíma í uppeldi barna
sinna, sem fyrstu vikurnar eru.
Eiginkonurnar kippa sér þó ekk-
ert upp við að missa karlana burtu
um tíma, þær eru orðnar vanar því
eftir óteljandi keppnisferðir. Þær
voru þó á því að þeir fengju bara
þeim mun meira að taka til hendinni
við uppeldið og uppvaskið þegar
þeir væru heima við. „Þegar hann
sleppir handboltanum fær hann að
halda á barninu í staðinn," sagði
Helga Björg eiginkona Guðmundar.
Aðspurðar um hugsanlega úrslit
keppninnar í Tékkóslóvakíu vildu
þær engu spá og sögðu að allt gæti
gerst, allt frá fyrsta sæti og niður í að
falla úr A-keppninni. Enda sögðust
þær hafa upplifað hvoru tveggja,
eftir ÓL í Seoul og eftir B-keppnina
í Frakklandi. Varðandi undirbúning
liðsins töldu þær að andlegt álag á
leikmennina væri mun minna nú en
oft áður. Þær voru sammála um það
að eiginmenn þeirra væru miklir
keppnismenn sem ekki gætu spilað á
spil öðruvísi en um harða keppni
væri að ræða.
Mæðurnar sögðu að búið væri að
mæla hendur og fætur drengjanna
ungu og allt benti til þess að synir
þeirra Guðmundar og Bjarka væru
fæddir hornamenn og sonur Einars
hefði alla burði til þess að verja
mark þegar fram liðu stundir.
Að lokum sögðu mæðurnar ný-
orðnu aðspurðar, að vel gæti farið
svo að hægt yrði að slá skírnarveisl-
unum saman við sigurveislu að
keppninni lokinni, færi allt að óskum
þar ytra. - BL