Tíminn - 28.02.1990, Blaðsíða 16

AUGLÝSINGASÍMAR: 680001 —686300
RÍKISSKIP
NÚTÍMA FLUTNINGAR
Halnarhúslnu v/Tryggvagölu,
S 28822
SAMVINNUBANKINN
í BYGGÐUM LANDSINS
PÓSTFAX
TÍMANS
687691
Mulakaffi
ALLTAF í LEIÐINNI
37737 36737
Tíminn
MIÐVIKUDAGUR 28. FEBRÚAR 1990
Páll Pétursson, nýkjörinn forseti Norðurlandaráðs, segir að þróunin í Evrópu
geti haft í för með sér breytingar á starfsemi Norðurlandaráðs:
Óvíst hvert Norðurlanda-
ráð stefnir á næstu árum
„Það er erfitt að sjá hver þróunin verður innan
Norðurlandaráðs á næstu árum. Eg held að það sé vilji
manna að halda þessu samstarfi áfram og augljósir
hagsmunir af því að gera það. Það hefur hins vegar alla tíð
verið ákveðin andstaða við þessi norrænu samskipti. Menn
hafa sumir hverjir verið uppteknir af Bandaríkjunum og
samskiptum hinna vestrænu ríkja og því fremur viljað
leggja áherslu á þá hlið málanna,“ sagði Páll Pétursson
nýkjörinn forseti Norðurlandaráðs í samtali við Tímann.
í ræðu sem Páll flutti á þingi samskipti Norðurlandanna við
Norðurlandaráðs í gær ræddi hann
nokkuð um framtíð norrænnar
samvinnu nú þegar flest bendir til
þess að Evrópa muni sameinast í
eitt efnahagssvæði á næstu árum.
„Maður rennir dálítið blint í
sjóinn með þetta. Ég held að það
væri mikill skaði ef menn afskrifa
þessi norrænu samskipti og gefist
upp á að halda fram norrænum
viðhorfum. Ég held að við þurfum
að standa vörð um þá þjóðfélags-
gerð og þau lífsviðhorf sem tíðkast
hjá Norðurlandaþjóðum.“
Er ekki orðið erfitt að halda
umræðum um utanríkismál fyrir
utan Norðurlandaráð?
„Jú, það er auðvitað útilokað
því að við erum ekki ein í heimin-
um. Stjórnmálamenn á Norður-
löndunum geta ekki talað um póli-
tík án þess að alþjóðamál komi þar
eitthvað inn í.
Á þingum ráðsins er búið að tala
óskaplega mikið um Evrópubanda-
lagið á undanförnum árum og
meira að segja búið að efna til
sérstaks aukaþings til þess að ræða
Evrópubandalagið. Þetta er að
sjálfsögðu ekkert nema utanrík-
ismálaumræða.
f Austur-Evrópu er að gerast
mjög merkilegir hlutir og það þýðir
ekkert annað en að fylgjast með
hvað þar er að gerast. Það er mjög
eðlilegt að menn skiptist á skoðun-
um um þessi mál.“
Nú voru menn lengi að koma sér
saman um hvort Norðurlandaráð
ætti að þiggja boð um að heim-
sækjaSovétríkin. Hafakomiðfram
einhverjar óánægjuraddir með
fyrirhugaða ferð þangað?
„Nei, ég hef ekki heyrt neina
gagnrýni á þá ákvörðun forsætis-
nefndarinnar að senda nefnd til
Sovétríkjanna og Eystrasaltsland-
anna. Það hafa að vísu komið fram
hjá hægrimönnum viss andstaða
við að Norðurlandaráð sé að ræða
varnarmál. Þessi ferð verður ekki
samningaferð heldur fyrst og
fremst ferð til að koma á samskipt-
um milli þjóða."
Hvaða mál heldur þú að verði
mál þessa þings?
„Ég held að megi segja að um-
hverfismál verði mál þessa þings.
Það er eðlilegt að þau séu mönnum
hugstæð nú. Með tilliti til þessa
málaflokks er mjög mikilvægt að
'koma á samskiptum austur á
bóginn. Ef að menn ætla t.d. að
reyna að stemma stigu við mengun
Eystrasalts, sem er komin á mjög
hættulegt stig, þýðir lítið þó að
Svíar séu að basla við að gera
eitthvað við henni ef að mengun
heldur áfram að koma austan og
sunnan að. Það næst ekki nein
árangur nema að menn hafi sam-
starf við Sovétríkin, Pólland og
fleiri lönd.“
Er ^>að ekki einmitt í svona
málaflokki sem norræn samvinna
sannar gildi sitt?
„Það er mjög mikilvægt að hafa
samvinnu á þessu sviði. Norður-
landaráð hefur tvisvar sinnum boð-
að til fjölþjóða ráðstefnu um meng-
unarmál, þ.e. 1986 um loftmengun
og í fyrra um mengun hafsins. Á
báðum þessum ráðstefnum voru
fulltrúar frá Sovétríkjunum og
tóku á mjög jákvæðan hátt þátt í
störfum ráðstefnanna. Þjóðirnar í
Austur-Evrópu hafa í mörgum til-
fellum farið afar glannalega að ráði
stnu hvað varðar mengunarmál.
Það er mikið áhyggjuefni. Á hinn
bóginn hafa þær ekki efnahagslegt
bolmagn til að bæta úr þessu hjálp-
arlaust. Verksmiðjur þeirra eru
frumstæðari en okkar og mengun-
arvarnir á miklu lægra stigi en eru
á Vesturlöndum. Því fer þó fjarri
Páll Pétursson, nýkjörínn forseti Norðurlandaráðs, flutti í gær ræðu á
þingi Norðurlandaráðs. Tímamynd Pjctur
að hjá okkur sé allt til fyrirmynd-
ar,“ sagði Páll að lokum.
í gær lauk almennum umræðum.
Þær þóttu rólegri nú en oft áður.
í dag verða efnahagsmál og
lagamál til umræðu og þá verða
tillögur í þessum málaflokki af-
greiddar. -EÓ
Davíð Oddsson segist njóta svipaðra kjara og forsætisráðherra. Vitnar í borgarendurskoðanda um skattamál:
Borgar ekki skatt af bíl
Gera má ráð fyrir því að heildar-
laun Davíðs Oddssonar borgarstjóra
séu rúmlega 420 þúsund krónur á
mánuði. Þetta má ráða af svari
borgarstjóra við fyrirspurn frá Ai-
freð Þorsteinssyni um hver væru
launakjör og fríðindi borgarstjórans
í Reykjavík. Svaríð var lagt fram á
fundi borgarráðs í gær og er eftirfar-
andi:
„Föst laun borgarstjóra eru hin
sömu og forsætisráðherra á hverjum
tíma eins og marg oft hefur komið
fram opinberlega.
Hann fær ekki greidda yfirvinnu.
Samkvæmt áralangri venju fær borg-
arstjóri greidd nefndarlaun hafnar-
stjómarmanns. Borgarstjóri situr í
stjórn Landsvirkjunar og fær greidd
stjómarlaun sem slíkur. Borgar-
stjóri situr ekki í öðmm launuðum
stjómum eða ráðum.
Borgarstjóri fær ekki greidd laun
sem kjörinn fulltrúi í borgarstjórn,
borgarráði né sem formaður borgar-
ráðs. Slíkt mun hins vegar tíðkast í
mörgum hinna minni kaupstaða og
mun vera skýring á því hvers vegna
bæjarstjórar þeirra hafa margir mun
hærri heildarlaun en borgarstjóri
höfuðborgarinnar.
Borgarstjóri hefur embættisbif-
reið til afnota. Vélamiðstöð leggur
skrifstofu embættisins til þrjár bif-
reiðar sem eru allar í almennri
notkun á skrifstofunni.
Fólksbifreið þeirri, R 612 sem
borgarstjóri hefur einkum til afnota
er lagt um hríð að vetrarlagi til að
hlífa henni. Hefur hún þannig til að
mynda ekki verið í notkun frá því í
október s.l.
Engar sérstakar hömlur hafa verið
lagðar á not borgarstjóra af embætt-
isbifreið þar sem borgarstjóri á og
rekur á eigin kostnað tvo fólksbíla.
Er ljóst að not embættisbifreiðar í
einkaþágu em mjög óveruleg. Því
ber ekki að greiða skatt af þeim
notum að mati borgarendurskoð-
anda.
Reglur um dagpeninga ráðherra
gilda um borgarstjóra samkvæmt
svari við fyrstu spumingu. Heildar
dagpeningagreiðslur á s.l. ári voru
649.692 kr. Ekki var gerður reikn-
ingur vegna hótelkostnaðar.
Borgarstjóri hefur ekki sérstakt
risnufé en ef samkvæmi á vegum
embættisins eru haldin á heimili
borgarstjóra em þau greidd. Slíkt er
afar fátítt (innan við eitt á ári) þar
sem borgarstjórahjónin hafa leitast
við að halda heimili sínu utan við
þann samkvæmiseril sem embættinu
óhjákvæmilega fylgir.“
Samkvæmt þessu svari em föst
laun borgarstjóra tæplega 300 þús-
und kr. Fyrir setu í stjóm Lands-
virkjunar em greidd 34 þúsund á
mánuði, í hafnarstjóm 15 þúsund.
Hlunnindi vegna bifreiðar sam-
kvæmt vinnureglum ríkisskattstjóra
em af R 612 um 65 þúsund á mánuði
og tekjur af ferðadagpeningum um-
fram venjulega ferðadagpeninga
ríkisstarfsmanna (20% ráðherra-
álag; innsk. blm.) er um 11 þúsund
á mánuði. Heiidarlaun borgarstjóra
nema því rúmum 420 þúsund kr. á
mánuði.
Alfreð Þorsteinsson sagði að það
væri athygli vert sem fram kæmi í
svari borgarstjóra að hann virtist
ekki hafa talið fram bifreiðahlunn-
' indi sín til skatts. Þó kæmi fram í
svarinu að engar sérstakar hömlur
hafi verið lagðar á einkanot hans af
embættisbílnum.
Þá væri það sérkennilegt að hann
bæri fyrir sig álit borgarendurskoð-
anda að honum bæri ekki að telja
fram bifreiðahlunnindi. Það væri að
sjálfsögðu ekki á valdi borgarendur-
skoðanda að úrskurða í skattamál-
um heldur ríkisskattstjóra sam-
kvæmtjögum frá Alþingi.
„Að öðru leyti er athyglisvert að
borgarstjóri hefur nú í fyrsta sinn
fengist til að svara spurningum um
sín launakjör og það er út af fyrir sig
ágætt. Mér sýnist þó af þessu svari
einhlítt að borgarstjóri sitji við sama
borð og ráðherrar hvað varðar skatt-
skyldu hlunninda. Hann verði því að
hlíta sömu reglum og ráðherrar
enda eru laun hans miðuð við laun
forsætisráðherra.
- sá